လံာ်ယံးရမံယၤ 35:6 - Sgaw Karen Common Bible

⁶ ဘၣ်ဆၣ်ဒီး, အဝဲသ့ၣ်စံးဆၢဝဲ, ပတအီစပံးထံဘၣ်. အဂ့ၢ်ဒ်အံၤ, စီၤရ့ကးအဖိခွါ ပပၢ်ဖးဒိၣ်လၢပျၢၤ စီၤယိၤနဒာ်စံးဘၣ်တ့ၢ်ပှၤလၢ ပဝဲမ့ၢ်ဂ့ၤ, ပစၢၤပသွဲၣ်တဖၣ်မ့ၢ်ဂ့ၤပတဘၣ်အီစပံးထံတမံၤဂ့ၤတမံၤဂ့ၤ နီတဘျီဘၣ်.

လံာ်ယံးရမံယၤ 35:6 Iomraidhean Croise

လံာ်တၢ်ကဲထီၣ်အခီၣ်ထံး 25:27

ဒီးဖိသၣ်ပိာ်ခွါတဖၣ်ဒိၣ်ထီၣ်ဝဲ, ဒီးစီၤဧ့ၡီၤကဲထီၣ်ပှၤ ခးတၢ်သ့ ဂ့ၤဂ့ၤ, ပှၤတဂၤလၢအအိၣ်မုာ်လၢခိခိၣ်ပှၢ်လၢ်ကျါလီၤ.

လံာ်တၢ်ကဲထီၣ်အခီၣ်ထံး 36:7

အဝဲဟးထီၣ်ကွံာ်မ့ၢ်လၢထံကီၢ်လၢအဝဲဒီးစီၤယၤကိာ်အိၣ်ဆိး ဝဲခဲအံၤလုၢ်အီၣ်လုၢ်အီအဝဲသ့ၣ်တန့ၢ်လၢၤဘၣ်အဃိန့ၣ်လီၤ. အဂ့ၢ်ဒ်အံၤ, အဝဲသ့ၣ်အိၣ်ဒီးအဆၣ်ဖိကီၢ်ဖိအါကဲာ်ဆိးဒီးအိၣ် သကိးတပူၤဃီတသ့လၢၤဘၣ်.

လံာ်စီၤပၤခံဘ့ၣ်တဘ့ၣ် 10:15

စီၤယ့ၤဟူစးထီၣ်လဲၤကဒီးတၢ်, ဒီးလၢကျဲန့ၣ်အဝဲဘၣ်တၢ်ဟဲ သဂၢၢ်အီၤလၢစီၤရ့ကာ်အဖိခွါစီၤယိၤနဒာ်န့ၣ်လီၤ. စီၤယ့ၤဟူဆၢဂ့ၤဆၢဝါအီၤဒီးစံးဘၣ်ဝဲ, “နၤဒီးယၤပဆိကမိၣ်တၢ်ဒ်သိးသိးလီၤ. မ့ၢ်နကဆီၣ်ထွဲ မၤစၢၤယၤဧါ.” စီၤယိၤနဒာ်စံးဆၢအီၤ, “မ့ၢ်, ယကမၤလီၤ.” စီၤယ့ၤဟူစံးဆၢဝဲ, “မ့မ့ၢ်ဒ်န့ၣ်ဒီး, ဟ့ၣ်ယၤနစုတက့ၢ်. အဝဲသ့ၣ်စှီၤတံၢ်လိာ်အစု, ဒီးစီၤယ့ၤဟူမၤစၢၤအီၤလၢကထီၣ်ဆူလ့ၣ်ကဟၣ်အပူၤ,

လံာ်စီၤပၤခံဘ့ၣ်တဘ့ၣ် 10:23

အန့ၣ်ဝံၤဒီး, စီၤယ့ၤဟူအနီၢ်ကစၢ်ဒၣ်ဝဲလဲၤနုာ်ဆူတၢ်လုၢ် ဟံၣ်အပူၤဃုာ်ဒီးစီၤရ့ကာ်အဖိခွါစီၤယိၤနဒာ်, ဒီးစံးဘၣ်ပှၤဂီၢ်မုၢ်ဖဲန့ၣ်, “မၤလီၤတံၢ်လၢထဲဒၣ်ပှၤဘူၣ်ထီၣ်ဘါထီၣ်ဘဧၤလးဧိၤ, ကအိၣ်ဖဲအံၤတက့ၢ်. ဒီးပှၤဘူၣ်ထီၣ်ဘါထီၣ်ယွၤအသုတဟဲနုာ်နီ တဂၤတဂ့ၤ.”

လံာ်ကွဲးနီၣ်တၢ်အခီၣ်ထံးတဘ့ၣ် 16:19

ကစၢ်ယွၤအပှၤဂီၢ်မုၢ်အနီၣ်ဂံၢ်စှၤဝဲဒီးမ့ၢ်ပှၤအိၣ်တမှံၤတဖၣ် လၢကီၢ်ကနၤဧၣ်အပူၤန့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 2:55

(ပှၤတံရသးဖိ, ပှၤၡံမဧးဖိဒီးပှၤစူးကိၤသးဖိလၢအအိၣ်လၢ ဝ့ၢ်ယၤဘး, မ့ၢ်ဒူၣ်ထၢတဖၣ်လၢအအိၣ်ဒီးတၢ်သ့တၢ်ဘၣ်လၢတၢ်ကွဲးလံာ်ကွဲး လဲၢ်ဒီးတၢ်ကွဲးဆဲတၢ်ဂ့ၢ်တၢ်ကျိၤတဖၣ်န့ၣ်လီၤ.) အဝဲသ့ၣ်မ့ၢ်ပှၤက့ၣ်ဖိတဖၣ်လၢအဒိးတ့ဒိးဖျီဃုာ်တ့ၢ်အသးဒီး ပှၤဃၤမးရ့ကးဖိတဖၣ်န့ၣ်လီၤ.

စံးထီၣ်ပတြၢၤ 105:12

ကစၢ်ယွၤအပှၤဂီၢ်မုၢ်အနီၣ်ဂံၢ်စှၤဝဲ, မ့ၢ်ပှၤတမှံၤလၢကီၢ်ကနၤဧၣ်အပူၤလီၤ.

လံာ်တၢ်ဟးထီၣ်ကွံာ် 20:12

ယူးယီၣ်ပာ်ကဲသုပၢ်ဒီးသုမိၢ်, ဒ်သိးသုကအိၣ်ကၢအိၣ်ခိးလၢ ကီၢ်တဘ့ၣ်လၢကယဟ့ၣ်လီၤသုအပူၤန့ၣ်တက့ၢ်.

လံာ်ယံးရမံယၤ 35:10

ပစူၢ်တၢ်ခဲလၢာ်ခဲဆ့လၢ ပပၢ်ဖးဒိၣ်လၢ ပျၢၤစီၤယိၤနဒာ်မၤလိာ် တ့ၢ်ပှၤလၢလၢပှဲၤပှဲၤန့ၣ်လီၤ.

လံာ်ယံးရမံယၤ 35:14

စီၤယိၤနဒာ်အစၢၤတဖၣ် စူၢ်တ့ၢ်အဝဲအတၢ်မၤလိာ် ဒ်သိးအသုတအီစပံးအထံတဂ့ၤဒီး တုၤလီၤလၢ မုၢ်တနံၤအံၤဒၣ်လဲာ်, အဝဲသ့ၣ်တအီဝဲနီတဂၤဘၣ်. ဘၣ်ဆၣ်ဒီး ယကတိၤဒံးတၢ်ဒီး သုဒီးသုတစူၢ် ဘၣ်ယကလုၢ်ဘၣ်.

လံာ်လူၤကၣ် 1:15

အဝဲဒၣ်ကမ့ၢ်ပှၤဖးဒိၣ်တဂၤလၢကစၢ်အမဲာ်ညါလီၤ. စပံးထံမ့ၢ်ဂ့ၤ, တၢ်လၢအကဒုးမူၤဒုးဘှီးပှၤမ့ၢ်ဂ့ၤ, အဝဲတဘၣ်အီဝဲနီတမံၤဘၣ်. အဝဲဒၣ်ကလၢပှဲၤဒီးသးစီဆှံဖဲအအိၣ်ဒံးလၢအမိၢ်အဟၢဖၢပူၤလံၤလံၤ,

၁ ပ့းတရူး 2:11

ယတံၤသကိးသ့ၣ်ဧၢ, ယဃ့ကညးသုဒ်ပှၤသမှံၤဒီးပှၤလီၤပြံလီၤပြါတဖၣ်လၢဟီၣ်ခိၣ် အံၤအပူၤအသိးန့ၣ်လီၤ. တဘၣ်ပျဲနီၢ်ခိဖံးညၣ်အတၢ်သးကွံတဖၣ်လၢအဒုးလိာ်ယၤလိာ် အသးဒီးသုသးသမူန့ၣ်, မၤနၢၤသုတဂ့ၤ.

လံာ်ပှၤစံၣ်ညီၣ်ကွီၢ် 13:14

အဝဲတဘၣ်အီၣ်တၢ်ဟဲလၢစပံးထူၣ်မ့ၢ်ဂ့ၤ, အဝဲတဘၣ်အီသံးမ့ၢ်ဂ့ၤ, စပံးထံမ့ၢ်ဂ့ၤ, တဘၣ်အီၣ်တၢ်အီၣ်လၢဘၣ်တၢ်တြီအီၤမ့ၢ်ဂ့ၤနီတမံၤဘၣ်. အဝဲကဘၣ်မၤတၢ်ကိးမံၤဒဲးလၢယတဲဘၣ်အီၤတဖၣ်န့ၣ်လီၤ.”

လံာ်ပှၤစံၣ်ညီၣ်ကွီၢ် 13:7

ဘၣ်ဆၣ်ဒီးအဝဲဒၣ်စံးဘၣ်ယၤလၢယကဒၢထီၣ်ဒီးန့ၢ်ဘၣ်ဖိခွါတဂၤလီၤ. စံးဘၣ်ယၤလၢယတဘၣ်အီသံးမ့ၢ်ဂ့ၤ, စပံးထံမ့ၢ်ဂ့ၤ, တၢ်အီၣ်လၢဘၣ်တၢ်တြီအီၤမ့ၢ်ဂ့ၤနီတမံၤဘၣ်. အဂ့ၢ်ဒ်အံၤဖိသၣ်န့ၣ်ကဘၣ်တၢ်ပာ်စီဆှံထီၣ်အီၤဆူယွၤအအိၣ်ဒ် ပှၤနစၤရံဖိတဂၤအသိးတစိၤသးလီၤ.”