လံာ်ယံးရမံယၤ 35:11 - Sgaw Karen Common Bible

¹¹ ဘၣ်ဆၣ်ဒီး, ဖဲစီၤပၤနဘူၤကးန့စၢ်ဟဲထီၣ်ဒုးထံကီၢ်အံၤန့ၣ်, ပစံၣ်ညီၣ်တဲာ်လၢပကဟဲဆူ ဝ့ၢ်ယရူၤၡလ့ၣ် ဒ်သိး ပကယံၤထီၣ်ကွံာ်ဒီး ကီၢ်ဘၤဘူၤလိၣ်ဒီး ကီၢ်စူၤရံ အသုးမုၢ်တဖၣ်အဂီၢ်န့ၣ်လီၤ. လၢတၢ်န့ၣ်အဃိ ပအိၣ်ပဆိးလၢဝ့ၢ်ယရူၤၡလ့ၣ်အပူၤန့ၣ်လီၤ.”

လံာ်ယံးရမံယၤ 35:11 Iomraidhean Croise

လံာ်ယံးရမံယၤ 25:9

“ယကမၤလိာ်ကယဲၢ်ပှၤဂီၢ်မုၢ်လၢ ကလံၤစိးတခီ, ဒီးယခ့ယပှၤ ကီၢ် ဘၤဘူၤလိၣ်အစီၤပၤနဘူၤကးန့စၢ်န့ၣ်လီၤ. ယကမၢအဝဲသ့ၣ် ဟဲထီၣ်ဒီးဒုးတၢ်ထီဒါကီၢ်ယူဒၤဒီး ပှၤအိၣ်ဆိးလၢအပူၤတဖၣ်, ဒီးထီဒါစ့ၢ်ကီးပှၤကလုာ်ခဲလၢာ်လၢ အအိၣ်ဘူးအိၣ်တံၢ်ဒီးအီၤန့ၣ်လီၤ. ယကမၤဟးဂီၤကွံာ်ပှၤတကလုာ်အံၤဒီး ပှၤအိၣ်လၢ အဃၢၤတဖၣ် ဒီးပာ်တ့ၢ်အဝဲသ့ၣ်လၢတၢ်ဟးဂီၤအပူၤအစိၤစိၤ အဃၣ်ဃၣ်, ဒီးကကဲထီၣ်တၢ်ထံၣ်ဘၣ်တမံၤဘၣ်တမံၤလၢ အလီၤပျံၤလီၤဖုးဒီး လီၤကမၢကမၣ်န့ၣ်လီၤ. ယၤ, ယွၤအံၤ, ကတိၤလံတၢ်လံ.

လံာ်ယံးရမံယၤ 35:12

အန့ၣ်ဝံၤဒီး ယွၤသ့တၢ်လၢာ်, အံၣ်စရ့လးအကစၢ်ယွၤ, တဲဘၣ်ယၤလၢ,

လံာ်ယံးရမံယၤ 8:14

ယွၤအပှၤဂီၢ်မုၢ်သံကွၢ်တၢ်, “ဘၣ်မနုၤအဃိပဆ့ၣ်နီၤအိၣ်ဃိက လာ်န့ၣ်လဲၣ်. ဟဲမီၤ, ပကလဲၤဃ့ၢ်ဆူဝ့ၢ်တဖၣ်လၢအအိၣ်ဒီးတိာ်ဧိၤ တာ်ဧိၤ, ဒီးသံဖဲန့ၣ်လီၤ. ယွၤ, ပကစၢ်ယွၤ, စံၣ်ညီၣ်ဃၣ်တ့ၢ်ပှၤလၢပကသံအဂီၢ်လံ. အဝဲဟ့ၣ်လီၤပှၤစုၣ်လၢ ပကအီအဂီၢ်, မ့ၢ်လၢပမၤတၢ်ဒဲးဘးထီဒါအီၤအဃိန့ၣ်လီၤ.

လံာ်မၢ်ကူး 13:14

သုဝဲသ့ၣ်သုကထံၣ်ဘၣ်တၢ်မၤလီၤပျံၤလီၤဖုးတၢ်လၢအလီၤ သးဘၣ်အၢဒိၣ်ဒိၣ်ကလဲာ်န့ၣ်အိၣ်ဝဲလၢတၢ်လီၢ်လၢအတကြၢး အိၣ်ဝဲဘၣ်န့ၣ်လီၤ. (ပှၤဖးတၢ်ဖိတဂၤကဘၣ်နၢ်ပၢၢ်တၢ်တမံၤအံၤ အခီပညီသပှၢ်ကတၢၢ်လီၤ.) အန့ၣ်တစုပှၤအိၣ်လၢကီၢ်ယူဒၤပူၤ တဖၣ်ကဘၣ်ဃ့ၢ်ပူၤဖျဲးအသးဆူကစၢၢ်ကလိတဖၣ်အကျါလီၤ.