လံာ်ယံးရမံယၤ 34:9 - Sgaw Karen Common Bible

⁹ အဝဲသ့ၣ်အပှၤဧ့ၤဘြံၤဖိ အကုၢ်တဖၣ် မုၣ်မုၣ်ခွါခွါ, ဒ်သိးပှၤသုတမၢကဲကုၢ် အဒီပုၢ်ဝဲၢ်ပှၤအံၣ်စရ့လးဖိ ကဒဲကဲဒ် ကုၢ်တဂၤအသိးတဂ့ၤအဂီၢ်န့ၣ်လီၤ.

လံာ်ယံးရမံယၤ 34:9 Iomraidhean Croise

လံာ်တၢ်ကဲထီၣ်အခီၣ်ထံး 14:13

ဘၣ်ဆၣ်ပှၤလၢအထူၣ်ဖျဲးတဂၤတဲဘၣ်တၢ်မၤအသးခဲလၢာ်လၢပှၤဧ့ၤ ဘြံၤဖိစီၤအၤဘြၣ် လၢအအိၣ်ဝဲဆိးဝဲဘူးဒီးသ့ၣ်စီဆှံ တဖၣ်လၢအဘၣ်ဃးဒီးပှၤအမိၢ်ဖိစီၤမးမရ့န့ၣ်လီၤ. စီၤမးမရ့ဒီးအဒီပုၢ်ဝဲၢ်စီၤအ့ၡကိၤလး, စီၤဧၤန့ၢ်တဖၣ်န့ၣ်မ့ၢ်စီၤအၤဘြၣ်အဒီသိၣ်ဒီမှံၤန့ၣ်လီၤ.

လံာ်တၢ်ကဲထီၣ်အခီၣ်ထံး 40:15

နီၢ်နီၢ်တခီန့ၣ်, ယဘၣ်တၢ်ဟုၣ်စိာ်ထီၣ်ယၤလၢပှၤဧ့ၤဘြံၤဖိတဖၣ် အကီၢ်ပူၤ, ဒီးဖဲအံၤ, လၢကီၢ်အဲၤကူပတူးအပူၤဒၣ်လဲာ်န့ၣ်, ယတမၤတၢ်နီတမံၤဒ်သိးကကြၢးဘၣ်တၢ်ဒၢနုာ်ဆူဃိာ်ပူၤဘၣ်.”

လံာ်တၢ်ဟးထီၣ်ကွံာ် 2:6

ဒီးအိးထီၣ်ဝဲ, ဒီးထံၣ်ဘၣ်ဖိသၣ်ပိာ်ခွါတဂၤလီၤ. ဒီးဖိသၣ်န့ၣ်ဟီၣ်ဝဲ, ဒီးသးကညီၤဘၣ်အီၤ, ဒီးစံးဝဲဒၣ်, “အဝဲအံၤမ့ၢ်ပှၤဧ့ၤဘြံၤ ဖိသၣ်ပိာ်ခွါဖိတဂၤလီၤ.”

လံာ်တၢ်ဟးထီၣ်ကွံာ် 3:18

ယပှၤဂီၢ်မုၢ်အသူၣ်က့သးပှၢ်တဖၣ်ကဒိကနၣ်တၢ်လၢနစံးဘၣ်အဝဲသ့ၣ် န့ၣ်လီၤ. ဒီးနကဘၣ်လဲၤဃုာ်တၢ်ဒီးပှၤအံၣ်စရ့လးအသူၣ်က့သးပှၢ်တဖၣ်ဆူ ကီၢ်အဲၤကူပတူးအစီၤပၤအအိၣ်ဒီးစံးဘၣ်အီၤ, ‘ယွၤ, ပှၤဧ့ၤဘြံၤဖိတဖၣ်အကစၢ်ယွၤလီၣ်ဖျါထီၣ်တ့ၢ်လံအသးလၢပှၤလီၤ. ခဲကနံၣ်အံၤပျဲလၢ်ပှၤဒ်သိးပကလဲၤတၢ်သၢသီကျဲဆူပှၢ်မုၢ်ကနၢ အပူၤဒ်သိးပကလုၢ်ထီၣ်တၢ်လုၢ်တၢ်ပာ်တဖၣ်ဆူယွၤ, ပကစၢ်ယွၤအအိၣ်န့ၣ်တက့ၢ်.’

လံာ်ယံးရမံယၤ 25:14

ယကမၤဘၣ်က့ၤပှၤဘၤဘူၤလိၣ်ဖိတဖၣ်လၢ တၢ်လၢအဝဲသ့ၣ်မၤတ့ၢ်ဝဲ အဃိ, ဒီးပှၤကလုာ်အါကလုာ် ဒီးစီၤပၤဖးဒိၣ်တဖၣ် ကဒုးကဲထီၣ်အဝဲသ့ၣ်လၢကုၢ်တဖၣ် န့ၣ်လီၤ.”

လံာ်ယံးရမံယၤ 27:7

ပှၤကလုာ်ခဲလၢာ် ကမၤအဝဲအတၢ်, ဒီးအဝဲသ့ၣ် ကမၤအဝဲအဖိခွါဒီး အဝဲအလံၤအတၢ်တုၤလီၤလၢ တၢ်ဆၢကတီၢ် ဟဲတုၤဝဲလၢ အဝဲအပှၤကလုာ်ဒၣ်ဝဲ ကလီၤပှီၢ်န့ၣ်လီၤ. ဝံၤဒီး အဝဲအပှၤကလုာ်ကမၤ ပှၤကလုာ်ဒိၣ်စိဒိၣ်ကမီၤတဖၣ် ဒီး စီၤပၤဖးဒိၣ်တဖၣ် အတၢ်န့ၣ်လီၤ.

လံာ်ယံးရမံယၤ 30:8

ယွၤသ့တၢ်လၢာ်စံးဝဲဒၣ်, “ဖဲမုၢ်နံၤအဝဲန့ၣ်ဟဲဝဲဒီး, ယကမၤကၢ်ကွံာ်နီၣ်ယိးဘိလၢ အအိၣ်လၢ အဝဲ သ့ၣ်အကိာ်လိၤဒီး သုးကွံာ် အဝဲသ့ၣ်အထးသွဲတဖၣ် ဒီး အဝဲသ့ၣ်တကဲဘၣ်လၢၤပှၤတခီဘီမုၢ် ဖိတဖၣ် အကုၢ်တဖၣ်န့ၣ်ဘၣ်.

လံာ်ယံးရမံယၤ 34:10

ပှၤဂီၢ်မုၢ်ခဲလၢာ်ဒီး အခိၣ်အနၢ်တဖၣ်အသးလီၤပလိာ်ဝဲလၢ ကပျၢ်ပူၤဖျဲး အကုၢ်တဖၣ်ဒီး တမၢကဲကုၢ်ကဒီးအဝဲသ့ၣ် နီတစုလၢၤဘၣ်န့ၣ်လီၤ. ဒီးအဝဲသ့ၣ်ပျၢ်ဖျဲးကွံာ်အကုၢ်တဖၣ် န့ၣ်လီၤ.

1 ကရံၣ်သူး 6:8

ဘၣ်ဆၣ်ဒီးတမ့ၢ်ဒ်န့ၣ်ဘၣ်. မ့မ့ၢ်, သုနီၢ်ကစၢ်ဒၣ်သုဝဲသုမၤကမၣ်လိာ်သုသးတဂၤဒီးတဂၤ, ဒီးတမျာ်လိာ်သုသးတဂၤဒီးတဂၤ, သုဒီပုၢ်ဝဲၢ်ဒၣ်ဝဲတဖၣ်ဒၣ်လဲာ်န့ၣ်လီၤ.

၂ ကရံၣ်သူး 11:22

အဝဲသ့ၣ်မ့ၢ်ပှၤဧ့ၤဘြံၤဖိတဖၣ်ဧါ. ယဲစ့ၢ်ကီးယမ့ၢ်လီၤ. အဝဲသ့ၣ်မ့ၢ်ပှၤအံၣ်စရ့လးဖိတဖၣ်ဧါ. ယဲစ့ၢ်ကီးယမ့ၢ်လီၤ. အဝဲသ့ၣ်မ့ၢ်စီၤအၤဘြၤဟၣ်အစၢၤအသွဲၣ်ဧါ. ယဲစ့ၢ်ကီးယမ့ၢ်လီၤ.

လံာ်သိၣ်လီၤသီလီၤတၢ် 15:12

ပှၤအံၣ်စရ့လးဖိကဒဲကဒဲတဂၤလၢအမ့ၢ်ပိာ်ခွါမ့ၢ်ဂ့ၤ, ပိာ်မုၣ်မ့ၢ်ဂ့ၤ, မ့ၢ်ဆါလီၤကွံာ်အသးဆူသုအိၣ်ဒ်ကုၢ်တဂၤအသိးန့ၣ်, သုကဘၣ်ပျၢ်ဖျဲးကွံာ်အီၤဖဲအမၤတၢ်မၤလၢသုဂီၢ်ပှဲၤထီၣ်ဃု နံၣ်ဝံၤအလီၢ်ခံန့ၣ်လီၤ. ဖဲနွံနံၣ်တနံၣ်တုၤဃီၤန့ၣ်, သုကဘၣ်ပျၢ်ဖျဲးကွံာ်အီၤန့ၣ်လီၤ.

ဖံလံးပံၤ 3:5

ယဘၣ်တၢ်ကူးတရံးယၤဖဲယသးအိၣ်တနွံအဆၢကတီၢ် န့ၣ်လီၤ. ယမ့ၢ်ပှၤအံၣ်စရ့လးဖိတဂၤလၢယအိၣ်ဖျဲၣ်ထီၣ်လံၤလံၤ, ယဘၣ်ဃးဒီးစီၤဘံၣ်ယၤမံၣ်အဒူၣ်, ဒီးမ့ၢ်ပှၤဧ့ၤဘြံၤဖိအသွံၣ် ဆှံဆှံတဂၤန့ၣ်လီၤ. ဖဲလၢအဘၣ်ဃးဒီးတၢ်အိၣ်မူပိာ်ထွဲပှၤယူဒၤဖိအတၢ်သိၣ် တၢ်သီန့ၣ်, ယမ့ၢ်ပှၤဖၤရံၤၡဲဖိတဂၤ,

လံာ်စီၤၡမူၤအ့လးအခီၣ်ထံးတဘ့ၣ် 14:11

မၤသးဒ်န့ၣ်ဒီး, အဝဲသ့ၣ်ပျဲပှၤဖလ့ၡသးဖိတဖၣ်ထံၣ်အဝဲသ့ၣ် ဒီးပှၤဖလ့ၡသးဖိတဖၣ်စံး, “ကွၢ်လၢန့ၣ်တက့ၢ်. ပှၤဧ့ၤဘြံၤ ဖိတနီၤဟဲထွးထီၣ်လၢတၢ် ပူၤဖဲအအိၣ်ခူသူၣ်ဝဲဒၣ်လီၤ.”

လံာ်စီၤၡမူၤအ့လးအခီၣ်ထံးတဘ့ၣ် 4:6

ပှၤဖလ့ၡသးဖိတဖၣ်နၢ်ဟူတၢ်ကိးပသူထီၣ်ဒီးစံး, “ကနၣ်ကယဲၢ်တၢ်ကိးပသူထီၣ်အသီၣ်လၢပှၤဧ့ၤဘြံၤဖိတဖၣ် အသူၣ်ဒဲ အလီၢ်အပူၤန့ၣ်တက့ၢ်. အခီပညီမ့ၢ်တၢ်မနုၤလဲၣ်.” ဖဲအဝဲသ့ၣ်, သ့ၣ်ညါဝဲလၢယွၤအတၢ်အၢၣ်လီၤအီလီၤအတလါစီဆှံ ဟဲတုၤဆူပှၤဧ့ၤဘြံၤဖိအသူၣ်ဒဲအလီၢ်န့ၣ်,

လံာ်စီၤၡမူၤအ့လးအခီၣ်ထံးတဘ့ၣ် 4:9

ဒီးပှၤဖလ့ၡသးဖိသ့ၣ်ဧၢ, အိၣ်ဒီးသးဒူတက့ၢ်. ဒုးတၢ်ဒ်ပှၤပိာ်ခွါတဖၣ်အသိးတက့ၢ်. မ့တမ့ၢ်ဘၣ်ဒီးပကကဲထီၣ်ပှၤဧ့ၤဘြံၤဖိတဖၣ်အကုၢ်, ဒ်အမ့ၢ်တ့ၢ်ပကုၢ်တဖၣ်အသိးလီၤ. မၤသးဒ်န့ၣ်ဒီးဒုးတၢ်ဒ်ပှၤပိာ်ခွါတဖၣ်အသိးတက့ၢ်.