လံာ်ယံးရမံယၤ 34:8 - Sgaw Karen Common Bible

⁸ စီၤပၤစံးဒကံယၤဒီး ဝ့ၢ်ရူၤၡလ့ၣ်အပှၤဂီၢ် မုၢ်မၤတ့ၢ်တၢ်အၢၣ်လီၤအီလီၤတမံၤလၢ ကပျၢ်ပူၤဖျဲး

လံာ်ယံးရမံယၤ 34:8 Iomraidhean Croise

လံာ်စီၤပၤခံဘ့ၣ်တဘ့ၣ် 11:17

ပှၤလုၢ်တၢ်အခိၣ်စီၤယဟိယဒါဒုးမၤစီၤပၤယိၤအၣ်ဒီးပှၤဂီၢ် မုၢ်လၢတၢ်အၢၣ်လီၤဒီးယွၤတမံၤလၢအဝဲသ့ၣ်ကမ့ၢ်ယွၤအပှၤဂီၢ် မုၢ်န့ၣ်လီၤ. အဝဲမၤစ့ၢ်ကီးတၢ်အၢၣ်လီၤတမံၤလၢစီၤပၤဒီးပှၤဂီၢ်မုၢ်အဘၢၣ် စၢၤန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 23:16

ပှၤလုၢ်တၢ်အခိၣ်စီၤယဟိယဒါမၢစီၤပၤစီၤယိၤအၣ်ဒီးပှၤဂီၢ် မုၢ်ပာ်ဖှိၣ်ဃုာ်အသးဒီးအီၤလၢကမၤတၢ်အၢၣ်လီၤအီလီၤတမံၤလၢ, အဝဲသ့ၣ်ကမ့ၢ်ယွၤအပှၤဂီၢ်မုၢ်န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 29:10

ဒီးခဲကနံၣ်အံၤယပာ်လီၤယသးလၢယကမၤတၢ်အၢၣ်လီၤအီလီၤတမံၤ ဒီးယွၤ, အံၣ်စရ့လးအကစၢ်ယွၤ, ဒ်သိးအဝဲသုတသးထီၣ်ဘၣ်ပှၤလၢၤတဂ့ၤန့ၣ်လီၤ.

လံာ်စီၤနဃ့မယၤ 9:38

မ့ၢ်လၢတၢ်မၤအသးခဲလၢာ်သ့ၣ်တဖၣ်အံၤအဃိပဝဲကီၢ်အံၣ်စရ့လး အပှၤဂီၢ်မုၢ်, ပမၤတၢ်အၢၣ်လီၤသမှံၤသပှၢ်တခါလၢအအိၣ်ကွဲးလီၤအသး, ဒီးပခိၣ်ပနၢ်တဖၣ်, ပပှၤလ့ၤဝံဖိတဖၣ်ဒီးပပှၤလုၢ်တၢ်အခိၣ်တဖၣ် စဲဃာ်အီၤဒီးအဝဲသ့ၣ်အတၢ်ပနီၣ်တဖၣ်န့ၣ်လီၤ.

လံာ်ယၡါယၤ 58:6

တၢ်ဒုၣ်တၢ်အီၣ်တၢ်အီတကလုာ်လၢအဘၣ်ယသးန့ၣ်မ့ၢ်တၢ်အံၤလီၤ. မ့ၢ်တၢ်ထုးကွံာ်သုးကွံာ်တၢ်မၤအၢမၤနးအထးကွီၤတဖၣ်, ဒီးတၢ်စံၣ်ညီၣ်တတီအနီၣ်ယိးဘိ, ဒီးပျဲထူၣ်ဖျဲးကွံာ်ပှၤလၢအဘၣ်တၢ် မၤအၢမၤနးအီၤန့ၣ်လီၤ.

လံာ်ယၡါယၤ 61:1

ယွၤပၢဘၣ်တၢ်ခဲလၢာ်ကစၢ် မၤပှဲၤတ့ၢ်ယၤဒီးအသးဒၣ်ဝဲလီၤ. အဝဲဃုထၢတ့ၢ်ယၤဒီးမၢလီၤတ့ၢ်ယၤ ဒ်သိးယကစံၣ်တဲၤတဲလီၤတၢ်သးခုကစီၣ်လၢ ပှၤဖှီၣ်ဖိယာ်ဖိ, ဒ်သိးယကမၤဘျါက့ၤပှၤအသူၣ်ကၢ်သးလီၤ, ဒ်သိးယကဘိးဘၣ်သ့ၣ်ညါတၢ်ပျၢ်ဖျဲးလၢ ပှၤဘၣ်တၢ်မၢကဲကုၢ်အီၤတဖၣ်အဂီၢ် ဒီးတၢ်သဘျ့လၢပှၤအိၣ်လၢဃိာ်ပူၤတဖၣ်အဂီၢ်လီၤ.

လံာ်ယံးရမံယၤ 34:17

လၢတၢ်န့ၣ်အဃိ အခဲအံၤ, ယၤ, ယွၤစံးလၢ သုတစူၢ်ယၤဘၣ်လီၤ. သုတဟ့ၣ်သုပှၤအံၣ်စရ့လး ဖိကဒဲကဒဲအတၢ်သဘျ့န့ၣ်ဘၣ်. ဂ့ၤလံ, မ့မ့ၢ်ဒ်န့ၣ်ဒီး, ယကဟ့ၣ်သုတၢ်သဘျ့လီၤ. တၢ်သဘျ့လၢ သုကသံ လၢတၢ်ဒုးတၢ်ယၤ, တၢ်ဆူးတၢ်ဆါ, ဒီးတၢ်သၣ်ဝံၤလီၤဒိ အပူၤန့ၣ်လီၤ. ဒီးယကဒုးလီၤဘၣ်ပှၤကိးကလုာ်ဒဲးလၢ ဟီၣ်ခိၣ်ချၢအံၤလၢ တၢ်ပျံၤတၢ်ဖုးလၢ တၢ်လၢယမၤဘၣ် သုအဃိန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 25:10

လၢကျဲဒ်အံၤန့ၣ်သုကဘၣ်ပာ်စီဆှံနံၣ်ယဲၢ်ဆံအနံၣ် န့ၣ်ဒီးဘိးဘၣ်သ့ၣ်ညါတၢ်သဘျ့ဆူပှၤကိးဂၤဒဲးလၢအအိၣ် လၢကီၢ်ပူၤဒီကီၢ်ညါန့ၣ်လီၤ. လၢနံၣ်အံၤအကတီၢ်ပူၤန့ၣ်ကယဲၢ်တၢ်ဖိတၢ်လံၤ, တၢ်စုလီၢ်ခီၣ်ခိၣ်လၢအဘၣ်တၢ်ဆါလီၤကွံာ်တ့ၢ်လံအီၤတဖၣ်ကဘၣ် တၢ်ဟ့ၣ်က့ၤဆူအကစၢ်ဒၣ်ဝဲအအိၣ်မ့ၢ်ဂ့ၤ, ဆူအစၢၤအသွဲၣ်တဖၣ်အအိၣ်မ့ၢ်ဂ့ၤ, ဒီးပှၤတဂၤလၢ်လၢ်လၢအဘၣ်တၢ် ဆါလီၤကွံာ်အီၤဒ်ကုၢ်အသိးန့ၣ်ကဘၣ်တၢ်ဆှၢက ဒါက့ၤအီၤဆူအဒူၣ်ဖိထၢဖိဒၣ်ဝဲအအိၣ်န့ၣ်လီၤ.

လံာ်သိၣ်လီၤသီလီၤတၢ် 15:12

ပှၤအံၣ်စရ့လးဖိကဒဲကဒဲတဂၤလၢအမ့ၢ်ပိာ်ခွါမ့ၢ်ဂ့ၤ, ပိာ်မုၣ်မ့ၢ်ဂ့ၤ, မ့ၢ်ဆါလီၤကွံာ်အသးဆူသုအိၣ်ဒ်ကုၢ်တဂၤအသိးန့ၣ်, သုကဘၣ်ပျၢ်ဖျဲးကွံာ်အီၤဖဲအမၤတၢ်မၤလၢသုဂီၢ်ပှဲၤထီၣ်ဃု နံၣ်ဝံၤအလီၢ်ခံန့ၣ်လီၤ. ဖဲနွံနံၣ်တနံၣ်တုၤဃီၤန့ၣ်, သုကဘၣ်ပျၢ်ဖျဲးကွံာ်အီၤန့ၣ်လီၤ.