လံာ်ယံးရမံယၤ 34:5 - Sgaw Karen Common Bible

⁵ နကသံဘၣ် မုာ်မုာ်ခုၣ်ခုၣ်ဒီး ဒ်ပှၤဂီၢ်မုၢ်ဆိၣ်ကဲၤ တၢ်နၢမူဖဲ အဝဲသ့ၣ် ခူၣ်လီၤကွံာ်ပၢ်ဖးဒိၣ်လၢပျၢၤ တဖၣ်ပှၤတဖၣ်လၢ အမ့ၢ်တ့ၢ်စီၤပၤ တဖၣ်လၢနမဲာ် ညါအသိးန့ၣ်, အဝဲသ့ၣ်ကဆိၣ်ကဲၤတၢ်နၢမူလၢ နဂီၢ် လၢကျဲဒ်န့ၣ်အသိးစ့ၢ်ကီးလီၤ. အဝဲသ့ၣ်ကဟီၣ်တၢ်ယၢၤ တၢ်လၢနဃိဒီး စံးဝဲလၢ ပစီၤပၤအံၤသံလံ, န့ၣ်လီၤ. ယၤ, ယွၤအံၤ, ကတိၤလံတၢ်လံ.”

လံာ်ယံးရမံယၤ 34:5 Iomraidhean Croise

လံာ်စီၤပၤခံဘ့ၣ်တဘ့ၣ် 22:20

ဒီးတၢ်စံၣ်ညီၣ်လၢယကဒုးလီၤဘၣ်အီၤလၢဝ့ၢ်ယရူၤၡလ့ၣ်အ လိၤန့ၣ်, တချုးလၢနသံဝံၤဒံးဘၣ်န့ၣ်, တလီၤဘၣ်ဝဲဘၣ်. ယကပျဲနသံနဲမုာ်မုာ်န့ၣ်လီၤ.” ပှၤတဖၣ်န့ၣ်က့ၤကဒါက့ၤဆူစီၤပၤယိၤၡံယၤအအိၣ်, အိၣ်ဃုာ်ဒီးတၢ်ကစီၣ်အံၤန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 16:14

ဒီးဘၣ်တၢ်ခူၣ်လီၤကွံာ်အီၤလၢတၢ်သွၣ်ခိၣ်လၢၢ်အပူၤလၢစိးပျၤ ဝဲလၢအဂီၢ်ဒၣ်ဝဲလၢစီၤဒၤဝံးအဝ့ၢ်ပူၤန့ၣ်လီၤ. အဝဲသ့ၣ်သူဝဲတၢ်နၢမူတဖၣ်ဒီးသိနၢမူတဖၣ်လၢကကတဲာ်ကတီၤ အစိၣ်လၢတၢ်ကခူၣ်လီၤကွံာ်အီၤအဂီၢ်, ဒီးအဝဲသ့ၣ်မၤထီၣ်တၢ်ဆူးကဲၤမ့ၣ်အူဖးဒိၣ်တခါဒ်သိးကသူၣ် အုးသးအုးလၢအဝဲအတၢ်သံအဃိန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 34:28

ဒီးတၢ်စံၣ်ညီၣ်လၢယကဒုးလီၤဘၣ်အီၤလၢဝ့ၢ်ယရူၤၡလ့ၣ်အလိၤန့ၣ် ကဟဲတုၤဒၣ်လၢနသံဝံၤအလီၢ်ခံလီၤ. ယကပျဲနသံမုာ်မုာ်န့ၣ်လီၤ.” ပှၤတဖၣ်န့ၣ်က့ၤကဒါက့ၤဆူစီၤပၤယိၤၡံယၤအအိၣ်, အိၣ်ဒီးတၢ်ကစီၣ်အံၤလီၤ.

လံာ်ယံးရမံယၤ 22:18

လၢတၢ်န့ၣ်အဃိ, ယွၤကတိၤတၢ်ဘၣ်ဃးစီၤယိၤၡံယၤအဖိခွါ, ကီၢ်ယူဒၤအစီၤပၤစီၤယဟိၤယါကံၣ်အဂ့ၢ်ဒီးစံးဝဲ, “ပှၤတသူၣ်အုးသးအုးလၢအဝဲ အတၢ်သံအဃိဒီးစံး, တၢ်နးဒိၣ်မးလဲၣ် ယတံၤသကိးဧၢ, တၢ်နးဒိၣ်မးလဲၣ်, နီတဂၤဘၣ်. ပှၤတဟီၣ်တယၢၤလၢအဃိဒီးကိးထီၣ်, ယကစၢ်ဧၢ, ယစီၤပၤဧၢ, နီတဂၤဘၣ်.

လံာ်ယံးရမံယၤ 34:4

ဘၣ်ဆၣ်ဒီး, စီၤစံးဒကံယၤဧၢ, ဒိကနၣ်တၢ် လၢ ယစံးတၢ်ဘၣ်ဃးဒီး နဂ့ၢ်တက့ၢ်. နတဘၣ်တၢ်မၤသံနၤလၢ တၢ်ဒုးသုးအပူၤဘၣ်.

လံာ်သးသယုၢ်တၢ် 4:20

အဝဲသ့ၣ်ဖီၣ်န့ၢ်ပတၢ်အိၣ်မူအဂံၢ်ထံး, စီၤပၤလၢယွၤဃုထၢ တ့ၢ်, ပှၤတဂၤလၢပနာ်တ့ၢ်အီၤလၢကကဟုဘံၣ်ကယာ်ဘၢပှၤလၢပှၤဂုာ်ဆူၣ် ပျီဆူၣ်တၢ်ကိးဖုဒဲးအစုပူၤန့ၣ်လီၤ.

လံာ်ယဃ့းစက့လး 17:16

ယွၤပၢဘၣ်တၢ်ခဲလၢာ်ကစၢ်စံးဝဲ, ဒ်ယမ့ၢ်ကစၢ်ယွၤလၢအမူဝဲ နီၢ်နီၢ်တဂၤအသိးန့ၣ်, ယစံးယဲလၢစီၤပၤအံၤကသံလၢကီၢ်ဘၤဘူၤလိၣ်အပူၤ မ့ၢ်လၢအဝဲမၤဟးဂီၤကွံာ်အတၢ်ဆိၣ်ဒီးအတၢ်အၢၣ်လီၤလၢအမၤတ့ၢ်ဝဲဒီးကီၢ်ဘၤဘူၤလိၣ်အစီၤပၤ, ပှၤတဂၤလၢအပာ်ထီၣ်အီၤလၢစီၤပၤအလီၢ်ပစိာ်အဃိန့ၣ်လီၤ.

လံာ်ဒၤနံးယ့လး 2:46

တုၤနုၤတစုစီၤပၤနဘူၤကးန့စၢ်ချံးခီၣ်တီၤလီၤဒီးဟ့ၣ်တၢ်ယူး ယီၣ်ဆူစီၤဒၤနံးယ့လးအအိၣ်, ဒီးဟ့ၣ်လီၤအကလုၢ်လၢ ပှၤကမၤဘူၣ်တၢ်လုၢ်မၤဘူၣ်ဒီးတၢ်လုၢ်နၢမူတဖၣ်ဆူစီၤဒၤနံးယ့လး အအိၣ်န့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 31:12

ပှၤအဒူအဃိၤကတၢၢ်တဖၣ်ဟးထီၣ်ဒီးလဲၤထီၣ်သီတနၤကျၢၤဆူဝ့ၢ်ဘ့ၤသၡၣ်လီၤ. အဝဲသ့ၣ်စိာ်လီၤစီၤစီလူးအစိၣ်ဒီးအဖိခွါတဖၣ်အစိၣ် လၢဝ့ၢ်ခိၣ်ဒူဒီးဟဲက့ၤစိာ်ဝဲဆူဝ့ၢ်ယၤဘ့ၣ်ဒီးဆူးကဲၤကွံာ်အီၤ ဖဲန့ၣ်လီၤ.