လံာ်ယံးရမံယၤ 34:3 - Sgaw Karen Common Bible

³ နတပူၤဖျဲးလၢ အစုပူၤဘၣ်. နကဘၣ်တၢ်ဖီၣ်န့ၢ်နၤဒီး ဟ့ၣ်လီၤကွံာ် နၤဆူအဝဲအစုပူၤန့ၣ်လီၤ. နကထံၣ်ဘၣ်အီၤလၢ မဲာ်သကိးမဲာ်ဒီး ကတိၤတၢ်ဒီးအီၤလၢ နနီၢ်ကစၢ်ဒၣ်နဲ, ဝံၤဒီးနကလဲၤဆူ ကီၢ်ဘၤဘူၤလိၣ်လီၤ.

လံာ်ယံးရမံယၤ 34:3 Iomraidhean Croise

လံာ်ယံးရမံယၤ 21:7

ဘၣ်ဆၣ်ဒီးမ့မ့ၢ်နဲဒၣ်, နပဒိၣ်ပပှၢ်တဖၣ်ဒီးပှၤဂီၢ်မုၢ်လၢအ အိၣ်လီၤတဲာ်ဒံးလၢတၢ်ဒုးတၢ်ယၤ, တၢ်သၣ်ဝံၤလီၤဒိဒီးတၢ်ဆူးတၢ်ဆါခဲလၢာ်န့ၣ်, ယကပျဲသုဝဲခဲလၢာ်ဘၣ်တၢ်ဖီၣ်န့ၢ်အီၤလၢစီၤပၤနဘူးကးန့စၢ်, ဒီးသုဒုၣ်သုဒါတဖၣ်လၢသးအိၣ်မၤသံသုန့ၣ်လီၤ. စီၤနဘူးကးန့စၢ်ကမၤသံသုန့ၣ်လီၤ. အဝဲတပျၢ်ဖျဲးသုနီတဂၤမ့ၢ်ဂ့ၤ, တဒုးနဲၣ်အတၢ်သးကညီၤလၢသုနီတဂၤမ့ၢ်ဂ့ၤ န့ၣ်ဘၣ်. ယၤ, ယွၤအံၤ, ကတိၤလံတၢ်လံ.”

လံာ်ယံးရမံယၤ 27:22

တၢ်သ့ၣ်တဖၣ်အံၤ ကဘၣ်တၢ်စိာ်ထီၣ်ကွံာ်အီၤဆူ ကီၢ်ဘၤဘူၤလိၣ် ဒီးကအိၣ်ဖဲန့ၣ် တုၤယဆိကမိၣ်ဒီး သ့ၣ်နီၣ်ထီၣ်က့ၤ အဝဲသ့ၣ်တစုန့ၣ်လီၤ. အန့ၣ်ဝံၤဒီး, ယကဟဲစိာ်ကဒါက့ၤအီၤဒီး ပာ်ကဒါက့ၤအဝဲသ့ၣ်လၢတၢ်လီၢ်အံၤန့ၣ်လီၤ. ယၤ, ယွၤအံၤ, ကတိၤလံတၢ်လံ.

လံာ်ယံးရမံယၤ 32:28

ယကဟ့ၣ်လီၤဝ့ၢ်အံၤဆူ ကီၢ်ဘၤဘူၤလိၣ်အစီၤပၤနဘူၤကးန့ စၢ် ဒီးအသုးမုၢ်အစုပူၤလီၤ. အဝဲသ့ၣ်ကမၤန့ၢ်အီၤ,

လံာ်ယံးရမံယၤ 32:3

စီၤပၤစံးဒကံယၤဒုးဃာ်ယၤဖဲန့ၣ်ဒီး လိာ်ဘၢ လိာ်ကွီၢ်ယၤမ့ၢ်လၢ ယစံးတၢ်လၢယွၤစံးတ့ၢ်ဝဲ လၢ လာ်တဖၣ်အံၤအဃိန့ၣ်လီၤ. “ယကပျဲကီၢ် ဘၤဘူၤလိၣ်အစီၤပၤ ဒုးန့ၢ်ဝ့ၢ်အံၤ,

လံာ်ယံးရမံယၤ 32:4

ဒီးစီၤပၤစံးဒကံယၤတပူၤဖျဲး ဝဲဒၣ်ဘၣ်, အဝဲကဘၣ် တၢ်ဟ့ၣ်လီၤကွံာ်အီၤဆူ ကီၢ်ဘၤဘူၤလိၣ် အစီၤပၤ အစုပူၤလီၤ. အဝဲကထံၣ်ဘၣ်အီၤလၢ မဲာ်သကိးမဲာ်ဒီး ကကတိၤဘၣ်တၢ်ဒီးအီၤ ခီဂၤဂၤန့ၣ်လီၤ.

လံာ်ယံးရမံယၤ 34:21

ယကဟ့ၣ်လီၤစ့ၢ်ကီး ကီၢ်ယူဒၤအစီၤပၤ စံးဒကံယၤဒီး အပဒိၣ်ပပှၢ် တဖၣ်ဆူပှၤတဖၣ်လၢ အသးအိၣ်မၤသံအဝဲသ့ၣ် အစုပူၤန့ၣ်လီၤ. ယကဟ့ၣ်လီၤအဝဲသ့ၣ်ဆူ ကီၢ်ဘၤ ဘူၤလိၣ်အသုးမုၢ်ပှၤလၢ အဆိကတီၢ်ဒုးတၢ်ထီဒါသု, အစုပူၤန့ၣ်လီၤ.

လံာ်ယံးရမံယၤ 34:4

ဘၣ်ဆၣ်ဒီး, စီၤစံးဒကံယၤဧၢ, ဒိကနၣ်တၢ် လၢ ယစံးတၢ်ဘၣ်ဃးဒီး နဂ့ၢ်တက့ၢ်. နတဘၣ်တၢ်မၤသံနၤလၢ တၢ်ဒုးသုးအပူၤဘၣ်.

လံာ်ယံးရမံယၤ 37:17

လၢခံဒီး, စီၤပၤစံးဒကံယၤမၢပှၤလဲၤကိးယၤ, ဒီးဖဲန့ၣ်လၢနူၢ်အပူၤန့ၣ်, အဝဲသံကွၢ်ခူသူၣ်ယၤ, “မ့ၢ်တၢ်ကစီၣ်အိၣ်တမံၤမံၤလၢ ယွၤအအိၣ်ဧါ.” ယစံးဆၢအီၤ, “အိၣ်လီၤ.” ဒီးယစံးအါထီၣ်အီၤ, “နကဘၣ်တၢ်ဟ့ၣ်လီၤကွံာ်နၤဆူ ကီၢ်ဘၤဘူၤလိၣ်အစီၤပၤအစုပူၤန့ၣ်လီၤ.”

လံာ်ယံးရမံယၤ 38:18

မ့မ့ၢ်နမ့ၢ်တဟ့ၣ်လီၤကွံာ်နသးဘၣ်ဒီး, ဝ့ၢ်အံၤကဘၣ်တၢ်ဟ့ၣ်လီၤကွံာ်အီၤဆူပှၤဘၤဘူၤလိၣ်ဖိတဖၣ်လၢ အကဒွဲၣ်အူကွံာ်အီၤ အစုပူၤဒီး နတထူၣ်ဖျဲးလၢ အဝဲ သ့ၣ်အစုပူၤဘၣ်လီၤ.”

လံာ်ယံးရမံယၤ 38:23

အန့ၣ်ဒီး ယတဲအါထီၣ်အီၤ, “ကယဲၢ်နပှၤပိာ်မုၣ်ခဲလၢာ်ဒီး နဖိနလံၤတဖၣ် ကဘၣ်တၢ်စိာ်ကွံာ်အီၤဆူ ပှၤဘၤဘူၤလိၣ်ဖိတဖၣ် အအိၣ်, ဒီးနဲနကစၢ်ဒၣ်နဲ နတထူၣ်ဖျဲးလၢအဝဲသ့ၣ်အစုပူၤဘၣ်. ကီၢ်ဘၤဘူၤလိၣ် အစီၤပၤ ကစိာ်ထီၣ်ကွံာ်နၤဒ် ပှၤဃိာ်ဖိအသိး, ဒီၤဝ့ၢ်အံၤကဘၣ်တၢ်ဒွဲၣ်အူထီၣ်ကွံာ်အီၤလၢာ် လၢာ်ဆ့ဆ့န့ၣ်လီၤ.”

လံာ်ယဃ့းစက့လး 12:13

ဘၣ်ဆၣ်ဒီး, ယကသလၣ်ထီၣ်ယစၤဒီးဖီၣ်န့ၢ်အီၤလၢအပူၤန့ၣ်လီၤ. ဝံၤဒီး, ယကလဲၤစိာ်အီၤဆူဝ့ၢ်ဘၤဘူၤလိၣ်, တၢ်လီၢ်ဖဲအဝဲကသံဝဲ လၢတၢ်တထံၣ်ဘၣ်ဝ့ၢ်အံၤဘၣ်န့ၢ်လီၤ.

လံာ်ယဃ့းစက့လး 17:15

ဘၣ်ဆၣ်ဒီးကီၢ်ယူဒၤအစီၤပၤပူထီၣ်တၢ်ဒီးဆှၢလီၤခၢၣ်စးတဖၣ် ဆူကီၢ်အဲၤကူပတူး, လၢကမၤန့ၢ်ကသ့ၣ်တဖၣ်ဒီးသုးမုၢ်ဖးဒိၣ်တဖု အဂီၢ်န့ၣ်လီၤ. မ့ၢ်အဝဲကမၤနၢၤတၢ်ကစီဒီဧါ. မ့ၢ်အဝဲပူၤဖျဲးထီၣ်လၢတၢ်အံၤကသ့ကစီဒီဧါ. အဝဲမ့ၢ်မၤဟးဂီၤကွံာ်အတၢ်ဆိၣ်လီၤအသးလၢလံာ်ဃံၤဃာ်အပူၤ ဒီးတၢ်တစံၣ်ညီၣ်အီၤဘၣ်န့ၣ်ကသ့ဒ်လဲၣ်.

လံာ်ယဃ့းစက့လး 17:16

ယွၤပၢဘၣ်တၢ်ခဲလၢာ်ကစၢ်စံးဝဲ, ဒ်ယမ့ၢ်ကစၢ်ယွၤလၢအမူဝဲ နီၢ်နီၢ်တဂၤအသိးန့ၣ်, ယစံးယဲလၢစီၤပၤအံၤကသံလၢကီၢ်ဘၤဘူၤလိၣ်အပူၤ မ့ၢ်လၢအဝဲမၤဟးဂီၤကွံာ်အတၢ်ဆိၣ်ဒီးအတၢ်အၢၣ်လီၤလၢအမၤတ့ၢ်ဝဲဒီးကီၢ်ဘၤဘူၤလိၣ်အစီၤပၤ, ပှၤတဂၤလၢအပာ်ထီၣ်အီၤလၢစီၤပၤအလီၢ်ပစိာ်အဃိန့ၣ်လီၤ.

လံာ်ယဃ့းစက့လး 21:25

နဲဒၣ်ကီၢ်အံၣ်စရ့လးအပှၤပၢတၢ်လၢအအၢအသီဒီးတစီတဆှံ တဂၤဧၢ, နမုၢ်တနံၤ, မုၢ်တနံၤလၢနတၢ်စံၣ်ညီၣ်လၢခံကတၢၢ်အဂီၢ် န့ၣ်ဟဲတုၤဃီၤဝဲလံ.