လံာ်ယံးရမံယၤ 34:2 - Sgaw Karen Common Bible

² ယွၤ, အံၣ်စရ့လးအကစၢ်ယွၤ, တဲဘၣ်တ့ၢ်ယၤ လၢ ယကလဲၤဒီးစံးဘၣ်ကီၢ်ယူဒၤအစီၤပၤ စီၤ စံးဒကံယၤဒ်အံၤ, “ယၤ, ယွၤအံၤ, ယကဟ့ၣ်လီၤကွံာ် ဝ့ၢ်အံၤဆူကီၢ်ဘၤဘူၤလိၣ်အစီၤပၤအစုပူၤ, ဒီးအဝဲဒၣ် ကဒွဲၣ်အူကွံာ်အီၤလီၤ.

လံာ်ယံးရမံယၤ 34:2 Iomraidhean Croise

လံာ်စီၤပၤခံဘ့ၣ်တဘ့ၣ် 25:1

စီၤစံးဒကံယၤပူထီၣ်တၢ်ထီဒါကီၢ်ဘၤဘူၤလိၣ်အစီၤပၤနဘူး ကးန့စၢ်, ဒီးလၢတၢ်န့ၣ်အဃိစီၤနဘူၤကးန့စၢ်ဟဲဝဲဒီးကယဲၢ်အသုးမုၢ် ခဲလၢာ်ဒီးဒုးဝ့ၢ်ယရူၤၡလ့ၣ်ဖဲစီၤစံးဒကံယၤပၢတၢ်ခွံနံၣ်တနံၣ်အပူၤ, လါဆံဆဲၣ်လါတလါထီၣ်ဆံဆဲၣ်သီအနံၤန့ၣ်လီၤ. အဝဲသ့ၣ်သူၣ်ဒဲဖဲဝ့ၢ်အချၢ, မၤထီၣ်တၢ်ဒူၣ်ဝးတရံးအီၤ,

လံာ်စီၤပၤခံဘ့ၣ်တဘ့ၣ် 25:9

အဝဲဒွဲၣ်အူထီၣ်ကွံာ်ယွၤအတၢ်လုၢ်ဟံၣ်, နူၢ်ဧိၤစီၤဧိၤဒီး ကယဲၢ်ပှၤအကါဒိၣ်လၢဝ့ၢ်ယရူၤရှလ့ၣ်ပူၤတဖၣ်အဟံၣ်ခဲလၢာ်,

လံာ်ယံးရမံယၤ 21:10

ယပာ်လီၤတ့ၢ်ယသးလၢယတပျၢ်ဖျဲးဝ့ၢ်အံၤဘၣ်. မ့မ့ၢ်ယကမၤဟးဂီၤကွံာ်အီၤန့ၣ်လီၤ. ဝ့ၢ်အံၤကဘၣ်တၢ်ဟ့ၣ်လီၤ အီၤဆူကီၢ်ဘၤဘူၤလိၣ်အစီၤပၤအစုပူၤဒီးအဝဲဒၣ်ကဒွဲၣ် အူကွံာ်အီၤခဲလၢာ်န့ၣ်လီၤ. ယၤ, ယွၤအံၤ, ကတိၤလံတၢ်လံ.”

လံာ်ယံးရမံယၤ 21:4

ကက့ၤတဲဘၣ်စီၤစံးဒကံယၤလၢယွၤ, အံၣ်စရ့လးအကစၢ်ယွၤ စံးတ့ၢ်ဝဲဒ်အံၤ, “စီၤစံးဒကံယၤဧၢ, နသုးမုၢ်လၢအဒုးတၢ်ထီဒါ ကီၢ်ဘၤဘူၤလိၣ်အစီၤပၤဒီးအသုးမုၢ်န့ၣ်ယကဒုးတၢ်ဒီးအီၤ ဒီးမၤနၢၤကွံာ်အီၤလီၤ. ယကပူၣ်ထီၣ်နသုးမုၢ်သံၣ်ဘိအစုက ဝဲၤတဖၣ်လၢဝ့ၢ်အခၢၣ်သးန့ၣ်လီၤ.

လံာ်ယံးရမံယၤ 27:22

တၢ်သ့ၣ်တဖၣ်အံၤ ကဘၣ်တၢ်စိာ်ထီၣ်ကွံာ်အီၤဆူ ကီၢ်ဘၤဘူၤလိၣ် ဒီးကအိၣ်ဖဲန့ၣ် တုၤယဆိကမိၣ်ဒီး သ့ၣ်နီၣ်ထီၣ်က့ၤ အဝဲသ့ၣ်တစုန့ၣ်လီၤ. အန့ၣ်ဝံၤဒီး, ယကဟဲစိာ်ကဒါက့ၤအီၤဒီး ပာ်ကဒါက့ၤအဝဲသ့ၣ်လၢတၢ်လီၢ်အံၤန့ၣ်လီၤ. ယၤ, ယွၤအံၤ, ကတိၤလံတၢ်လံ.

လံာ်ယံးရမံယၤ 32:3

စီၤပၤစံးဒကံယၤဒုးဃာ်ယၤဖဲန့ၣ်ဒီး လိာ်ဘၢ လိာ်ကွီၢ်ယၤမ့ၢ်လၢ ယစံးတၢ်လၢယွၤစံးတ့ၢ်ဝဲ လၢ လာ်တဖၣ်အံၤအဃိန့ၣ်လီၤ. “ယကပျဲကီၢ် ဘၤဘူၤလိၣ်အစီၤပၤ ဒုးန့ၢ်ဝ့ၢ်အံၤ,

လံာ်ယံးရမံယၤ 34:22

ယကဟ့ၣ်လီၤတၢ်ကလုၢ်ဒီး အဝဲသ့ၣ်ကဟဲက့ၤကဒါက့ၤဆူ ဝ့ၢ်အံၤလီၤ. အဝဲသ့ၣ်ကထီၣ်ဒုးအီၤ, ဒီးမၤန့ၢ်အီၤ, ဒီးဒွဲၣ် အူထီၣ်ကွံာ်အီၤန့ၣ်လီၤ. ယကဒုးကဲထီၣ်ကီၢ် ယူဒၤအဝ့ၢ်တဖၣ် လၢမဲးမုၢ်ခိၣ်တတီၤဖဲ ပှၤ တအိၣ်နီတဂၤဘၣ်န့ၣ်လီၤ. ယၤ, ယွၤအံၤ, ကတိၤလံတၢ်လံ.”

လံာ်ယံးရမံယၤ 38:23

အန့ၣ်ဒီး ယတဲအါထီၣ်အီၤ, “ကယဲၢ်နပှၤပိာ်မုၣ်ခဲလၢာ်ဒီး နဖိနလံၤတဖၣ် ကဘၣ်တၢ်စိာ်ကွံာ်အီၤဆူ ပှၤဘၤဘူၤလိၣ်ဖိတဖၣ် အအိၣ်, ဒီးနဲနကစၢ်ဒၣ်နဲ နတထူၣ်ဖျဲးလၢအဝဲသ့ၣ်အစုပူၤဘၣ်. ကီၢ်ဘၤဘူၤလိၣ် အစီၤပၤ ကစိာ်ထီၣ်ကွံာ်နၤဒ် ပှၤဃိာ်ဖိအသိး, ဒီၤဝ့ၢ်အံၤကဘၣ်တၢ်ဒွဲၣ်အူထီၣ်ကွံာ်အီၤလၢာ် လၢာ်ဆ့ဆ့န့ၣ်လီၤ.”

လံာ်ယံးရမံယၤ 39:8

ဖဲန့ၣ်အခါ, ပှၤဘၤဘူၤလိၣ်ဖိတဖၣ် ဒွဲၣ်အူထီၣ်ကွံာ် စီၤပၤအနူၢ်ဒီၤ အပှၤဂီၢ်မုၢ်အဟံၣ်တဖၣ်, ဒီးမၤလီၤပှီၢ် ကွံာ်ဝ့ၢ်ယရူၤရှလ့ၣ်အခိၣ်ဒူတဖၣ်န့ၣ်လီၤ.