လံာ်ယံးရမံယၤ 34:18 - Sgaw Karen Common Bible

¹⁸ ကီၢ်ယူဒၤဒီး ဝ့ၢ်ယရူၤၡလ့ၣ်အပဒိၣ်ပပှၢ်တဖၣ်, ပှၤလုၢ်တၢ်အခိၣ်တဖၣ်, ဒီးပှၤခိၣ်ပှၤနၢ်ခဲလၢာ်, မၤတ့ၢ်တၢ်အၢၣ်လီၤအီလီၤ တမံၤဒီးယၤ, ခီဖျိအလဲၤတၢ်လၢကျီၢ်ဖါလၢအဒီၣ်တဲာ်ကွံာ် တ့ၢ်ဝဲ ခံခီအဘၣ်စၢၤန့ၣ်လီၤ.

လံာ်ယံးရမံယၤ 34:18 Iomraidhean Croise

လံာ်တၢ်ကဲထီၣ်အခီၣ်ထံး 15:10

ဒီးစီၤအၤဘြၣ်ဟဲစိာ်ဆၣ်ဖိကီၢ်ဖိသ့ၣ်တဖၣ်အံၤဆူယွၤအအိၣ်, ဒီးဒီၣ်တဲာ်ဝဲခံခီပှဲၤသိးသိးန့ၣ်လီၤ. ဒီးပာ်လီၤဝဲတၢ်အခီတဖၣ်တခီပၤသဃီၤလိာ်အသးခံကျိၤန့ၣ် လီၤ. မ့မ့ၢ်ထိၣ်တဖၣ်န့ၣ်တကူးတဲာ်ဝဲဒၣ်ဘၣ်.

လံာ်တၢ်ကဲထီၣ်အခီၣ်ထံး 15:8

ဘၣ်ဆၣ်ဒီး, စီၤအၤဘြၣ်သံကွၢ်ထီၣ်ဝဲဒၣ်, “ယွၤပၢဘၣ်တၢ်ခဲလၢာ် ကစၢ်ဧၢ, တၢ်အံၤကမ့ၢ်ယတၢ်န့ၣ်ယသ့ၣ်ညါကသ့ဒ်လဲၣ်.”

စံးထီၣ်ပတြၢၤ 50:1

ယွၤ, တၢ်အစိဒိၣ်ကမီၤထီကစၢ်ယွၤကတိၤတၢ်လီၤ. ကိးပှၤဟီၣ်ခိၣ်ဖိလၢမုၢ်ထီၣ်ပၢၢ်လၢမုၢ်နုာ်လီၤ.

လံာ်ဟိၤၡ့ 6:7

ဘၣ်ဆၣ်ဒီးဒ်စီၤအၤဒၣ်အသိးန့ၣ်, အဝဲသ့ၣ်မၤဟးဂီၤကွံာ်တၢ် အၢၣ်လီၤအီလီၤလၢယမၤဒီးအဝဲသ့ၣ်တဖၣ်န့ၣ်လီၤ.

လံာ်ဟိၤၡ့ 8:1

ယွၤစံးဝဲဒၣ် အူထီၣ်ကွဲၤလၢတၢ်မၤဖုးမၤပျီၢ်အဂီၢ်တက့ၢ်. ဒုၣ်ဒါတဖၣ်နုာ်လီၤချ့သဒံးဆူယကီၢ်ပူၤဒ် လံာ်ကြီကြာ်တဖၣ်ယူၤလီၤဝဲလၢကဖီၣ်န့ၢ်တၢ်အဂီၢ်အသိးန့ၣ်လီၤ. ယပှၤဂီၢ်မုၢ်မၤဟးဂီၤကွံာ်တၢ်အၢၣ်လီၤအီလီၤ လၢယမၤတ့ၢ်ဒီးအဝဲသ့ၣ်ဒီးပူထီၣ်ထီဒါယတၢ်သိၣ်လိန့ၣ်လီၤ.

ရိမ့ၤ 2:8

ပှၤအဂၤတနီၤမ့ၢ်ပှၤလၢအအဲၣ်လီၤအသးဒီးတတူၢ်လိာ် တၢ်လၢအဘၣ်မ့ၢ်ဒ်သိးအကလူၤပိာ်ထွဲတၢ်လၢအကမၣ် န့ၣ်လီၤ. ယွၤကလူလီၤအတၢ်သးဒိၣ်ဒီးအတၢ်သးကဲၤထီၣ်လၢ အဝဲသ့ၣ်အလိၤန့ၣ်လီၤ.

လံာ်သိၣ်လီၤသီလီၤတၢ် 17:2

ပစံးဒၣ်ကလိာ်, သုနၢ်ဟူလၢဝ့ၢ်တဖျၢၣ်လၢသုဝ့ၢ်တဖၣ်အကျါအပူၤ န့ၣ်, ပှၤပိာ်ခွါတနီၤမ့ၢ်ဂ့ၤ, ပှၤပိာ်မုၣ်တနီၤမ့ၢ်ဂ့ၤ, မၤတၢ်ဒဲးဘးထီဒါယွၤဒီးမၤဟးဂီၤအတၢ်အၢၣ်လီအီၤလီၤ,

လံာ်စီၤယိၤၡူ 23:16

သုမ့ၢ်လုၣ်သ့ၣ်ခါပတာ်ယွၤသုကစၢ်ယွၤအတၢ် အၢၣ်လီၤအီလီၤလၢအမၤလိာ်တ့ၢ်သုဒီးလဲၤ ဘူၣ်ထီၣ်ဘါထီၣ်ဒီးမၤကစၢ်အဂၤတဖၣ်အတၢ်န့ၣ်, လၢအတၢ်သးဒိၣ်အပူၤကစံၣ်ညီၣ်သု, ဒီးတယံာ်ဘၣ်ဒီးလၢကီၢ်အဂ့ၤလၢအဟ့ၣ်လီၤ တ့ၢ်သုတဘ့ၣ်အံၤအပူၤန့ၣ်, သုကဟးဂီၤကွံာ်ကိးဂၤန့ၣ်လီၤ.

လံာ်စီၤယိၤၡူ 7:11

အံၣ်စရ့လးမၤတၢ်ဒဲးဘးလံ. အဝဲသ့ၣ်လုၢ်သ့ၣ်ခါပတာ်တၢ်အၢၣ်လီၤအီလီၤဒီးယၤလၢယမၤလိာ် တ့ၢ်အီၤလံ. အဝဲသ့ၣ်ဟံးန့ၢ်တၢ်လၢအဘၣ်တၢ်လုၢ်ထီၣ်ပာ်ထီၣ်တ့ၢ်အီၤလၢတၢ်ကမၤဟးဂီၤအီၤတဖၣ်, အဝဲသ့ၣ်ဟုၣ်တၢ်, ဒီးလီတၢ်ဒီးပာ်ဝဲလၢအတၢ်ဖိတၢ်လံၤအကျါလီၤ.