လံာ်ယံးရမံယၤ 34:14 - Sgaw Karen Common Bible

¹⁴ နွံနံၣ်တဘျီ, နွံနံၣ်တဘျီန့ၣ်, အဝဲသ့ၣ်ကဘၣ်ပျၢ်ဖျဲး ပှၤဧ့ၤဘြံၤဖိ ကုၢ်တဂၤဂ့ၤတဂၤဂ့ၤလၢ အကဲတ့ၢ်အကုၢ်ဃုနံၣ် န့ၣ်လီၤ. ဘၣ်ဆၣ်ဒီး သုမိၢ်ပၢ်ဖံဖုလၢပျၢၤတဖၣ် တကနၣ်ဃုာ်ယၤဒီး ဒိကနၣ်တၢ်လၢ ယစံးဘၣ်တ့ၢ်အဝဲသ့ၣ်န့ၣ်ဘၣ်.

လံာ်ယံးရမံယၤ 34:14 Iomraidhean Croise

လံာ်စီၤပၤအခီၣ်ထံးတဘ့ၣ် 21:25

(ပှၤဒ်စီၤအၤဃာ်အသိးန့ၣ်တအိၣ်ဘၣ်နီတဂၤဂၤဘၣ်. အဝဲဟ့ၣ်လီၤအးလီၤအသးလၢာ်လၢာ်ဆ့ဆ့လၢကမၤတၢ်ကမၣ်လၢယွၤ အမဲာ်ညါ, ကယဲၢ်တၢ်လၢအမါနီၢ်အံၤစ့ဘ့ၤလးမၢဆူၣ်အီၤလၢကမၤဝဲန့ၣ်လီၤ.

လံာ်စီၤပၤအခီၣ်ထံးတဘ့ၣ် 9:22

စီၤၡလိၤမိၤတမၢကဲကုၢ်ဘၣ်ပှၤအံၣ်စရ့လးဖိတဖၣ်န့ၣ်ဘၣ်. အဝဲသ့ၣ်မၤအတၢ်ဒ်အဝဲပှၤသုးဖိသံၣ်ဖိတဖၣ်အသိး, ဒ်ပဒိၣ်ပပှၢ်တဖၣ်အသိး, ဒ်သုးခိၣ်သုးနၢ်တဖၣ်အသိး, ဒ်လ့ၣ်ကဟၣ်သုးအခိၣ်တဖၣ်အသိး, ဒီးဒ်ပှၤဒိးကသ့ၣ်သုးဖိတဖၣ် အသိးန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 28:10

ခဲကနံၣ်အံၤ, ပှၤပိာ်ခွါတဖၣ်ဒီးပှၤပိာ်မုၣ်တဖၣ်လၢဝ့ၢ်ယရူၤ ၡလ့ၣ်ဒီးကီၢ်ယူဒၤန့ၣ်, သုပာ်လီၤသုသးလၢသုကဒုးကဲထီၣ်အီၤလၢသုကုၢ်တဖၣ်န့ၣ်လီၤ. မ့ၢ်သုတသ့ၣ်ညါလၢသုဝဲစ့ၢ်ကီးသုမၤတ့ၢ်တၢ်ဒဲးဘးတဖၣ်ထီ ဒါယွၤ, သုကစၢ်ယွၤန့ၣ်ဘၣ်ဧါ.

လံာ်ကွဲးနီၣ်တၢ်ခံဘ့ၣ်တဘ့ၣ် 36:16

ဘၣ်ဆၣ်အဝဲသ့ၣ်မၤကလိာ်ကလာ်ကစၢ်ယွၤအပှၤစိာ်တၢ်ကစီၣ်တဖၣ်, တပာ်လ့ၣ်ပာ်ကါအဝဲသ့ၣ်အတၢ်ကတိၤတဖၣ်ဒီးနံၤဘၣ်ကစၢ်ယွၤအဝံတ ဖၣ်, တုၤလၢလၢခံကတၢၢ်ယွၤအတၢ်သးထီၣ်ထီဒါအပှၤဂီၢ်မုၢ်န့ၣ်ဒိၣ် ဝဲတုၤဒၣ်လဲာ်တၢ်ထူၣ်ဖျဲးတအိၣ်ဝဲလၢၤဘၣ်.

လံာ်စီၤနဃ့မယၤ 9:30

လၢတၢ်သူၣ်စူၤသးစူၤအပူၤနဟ့ၣ်ပလီၢ်အဝဲသ့ၣ် တနံၣ်ဝံၤတနံၣ်န့ၣ်လီၤ. နထိၣ်ဂဲၤထီၣ်နဝံတဖၣ်အသးလၢကစံးကတိၤတၢ်, ဘၣ်ဆၣ်နပှၤဂီၢ်မုၢ်တဖၣ်အနၢ်တအၢဝဲဒၣ်န့ၣ်လီၤ. လၢတၢ်န့ၣ်အဃိနပျဲအဝဲသ့ၣ်ဘၣ်တၢ်မၤနၢၤကွံာ်အီၤလၢပှၤကလုာ် အဂၤတဖၣ်န့ၣ်လီၤ.

လံာ်ယၡါယၤ 50:1

ယွၤစံးဝဲ, “မ့ၢ်သုဆိကမိၣ်လၢယဆှၢယံၤကွံာ်ယပှၤဂီၢ်မုၢ် ဒ်ပှၤတဂၤလၢအပာ်မၢ်ကွံာ်အမါအသိးန့ၣ်ဧါ. မ့မ့ၢ်ဒ်န့ၣ်ဒီး, လံာ်လီၤဖှၣ်တဖၣ်အိၣ်ဖဲလဲၣ်. မ့ၢ်သုဆိကမိၣ်လၢယဆါလီၤကွံာ်သုဆူ တၢ်မၢကဲကုၢ်အပူၤ ဒ်ပှၤတဂၤလၢအဆါလီၤကွံာ်အဖိတဖၣ် ဒ်ကုၢ်တဖၣ်အသိးန့ၣ်ဧါ. တမ့ၢ်ဘၣ်, တၢ်စိာ်မၢကဲကုၢ်သုမ့ၢ်ဒၣ်လၢသုတၢ်ဒဲးဘးတဖၣ်အဃိလီၤ. တၢ်ဆှၢယံၤကွံာ်သုမ့ၢ်ဒၣ်လၢသုတၢ်မၤကမၣ်တဖၣ်အဃိလီၤ.

လံာ်ယၡါယၤ 58:6

တၢ်ဒုၣ်တၢ်အီၣ်တၢ်အီတကလုာ်လၢအဘၣ်ယသးန့ၣ်မ့ၢ်တၢ်အံၤလီၤ. မ့ၢ်တၢ်ထုးကွံာ်သုးကွံာ်တၢ်မၤအၢမၤနးအထးကွီၤတဖၣ်, ဒီးတၢ်စံၣ်ညီၣ်တတီအနီၣ်ယိးဘိ, ဒီးပျဲထူၣ်ဖျဲးကွံာ်ပှၤလၢအဘၣ်တၢ် မၤအၢမၤနးအီၤန့ၣ်လီၤ.

လံာ်ယံးရမံယၤ 11:7

ဖဲယဒုးဟးထီၣ်ကွံာ်အဝဲသ့ၣ်အမိၢ်ပၢ်ဖံဖု လၢပျၢၤတဖၣ်လၢကီၢ်အဲၤကူပတူးအပူၤအခါန့ၣ်, ယဟ့ၣ်ပလီၢ်အဝဲသ့ၣ်လၢတၢ်သမှံၤသပှၢ်အပူၤလၢကစူၢ်ယၤအဂီၢ်, ဒီးတုၤလီၤလၢမုၢ်မဆါတနံၤအံၤဒၣ်လဲာ်န့ၣ် ယဟ့ၣ်ပလီၢ်ဒံးဒၣ်ပှၤဂီၢ်မုၢ်အဖၢမုၢ်န့ၣ်လီၤ.

လံာ်ယံးရမံယၤ 32:30

လၢအဝဲသ့ၣ် အတၢ်စံၣ်စိၤတဲစိၤ အခီၣ်ထံးလံၤလံၤန့ၣ်, ကီၢ်အံၣ်စရ့လး အပှၤဂီၢ်မုၢ်ဒီး ကီၢ်ယူဒၤအပှၤဂီၢ်မုၢ်တဖၣ် မၤသးတမုာ်တ့ၢ်ယၤဒီး မၤသးဒိၣ်ထီၣ်တ့ၢ်ယၤ ခီဖျိတၢ်လၢ အဝဲသ့ၣ်မၤတ့ၢ်ဝဲအဃိန့ၣ်လီၤ.

လံာ်ယံးရမံယၤ 35:15

ယဆှၢလီၤန့ၢ်သုလၢယခ့ယပှၤဝံတဖၣ် တပယူာ်ဃီ, ဒီးအဝဲသ့ၣ်တဲဘၣ်တ့ၢ်သုလၢ သုကညိကွံာ်သုကျဲ အအၢအသီတဖၣ်, ဒီးကမၤတၢ်လၢ အဘၣ်န့ၣ်လီၤ. အဝဲသ့ၣ်ဟ့ၣ်ပလီၢ်တ့ၢ်သုလၢ သုတဘၣ်ဘူၣ်ထီၣ် ဘါထီၣ်ဒီး မၤကစၢ်အဂၤတဖၣ် အတၢ်မၤဘၣ်, ဒ်သိးသုကအိၣ်ဆိးဘၣ်ဒံးလၢကီၢ်ပူၤ, ကီၢ်လၢယဟ့ၣ်လီၤတ့ၢ် သုဒီးသုမိၢ်ပၢ်ဖံဖုလၢပျၢၤတဖၣ်န့ၣ်လီၤ. ဘၣ်ဆၣ်ဒီး သုတဒိကနၣ် ယၤဘၣ်ဒီးတကနၣ်ဃုာ်တၢ်လၢ ယစံးန့ၣ်ဘၣ်.

လံာ်ယဃ့းစက့လး 20:4

ပှၤကညီလၢအသံသ့ဧၢ, မ့ၢ်နအိၣ်ကတဲာ်ကတီၤလံနသးလၢနကစံၣ်ညီၣ်အဝဲသ့ၣ်လံဧါ. မ့မ့ၢ်ဒ်န့ၣ်ဒီးမၤတက့ၢ်. ဒုးသ့ၣ်နီၣ်ထီၣ်အဝဲသ့ၣ်လၢတၢ်လီၤ သးဘၣ်အၢတဖၣ်လၢအဝဲသ့ၣ်အပၢ်တဖၣ်မၤတ့ၢ်ဝဲန့ၣ်တက့ၢ်.

လံာ်ယဃ့းစက့လး 20:8

ဘၣ်ဆၣ်အဝဲသ့ၣ်ခီၣ်ဆၢယၤဒီးဂ့ၢ်လိာ်ဝဲလၢကဒိကနၣ်တၢ်အဂီၢ် လီၤ. အဝဲသ့ၣ်တစူးကွံာ်ဘၣ်အတၢ်ဂီၤတၢ်ဖီၣ်တဖၣ်လၢအလီၤသးဘၣ် အၢမ့ၢ်ဂ့ၤတပာ်တ့ၢ်ကွံာ်ကီၢ်အဲၤကူပတူးအကစၢ်တဖၣ်မ့ၢ်ဂ့ၤန့ၣ်ဘၣ်. ယအိၣ်ကတဲာ်ကတီၤယသးလၢယကဒုးကလၢၢ်ဘၣ်အဝဲသ့ၣ်လၢ ယတၢ်သးဒိၣ်ထီၣ်အသဟီၣ်လၢအဆူၣ်ဝဲဖဲန့ၣ်, လၢကီၢ်အဲၤကူပတူးအပူၤန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 25:10

လၢကျဲဒ်အံၤန့ၣ်သုကဘၣ်ပာ်စီဆှံနံၣ်ယဲၢ်ဆံအနံၣ် န့ၣ်ဒီးဘိးဘၣ်သ့ၣ်ညါတၢ်သဘျ့ဆူပှၤကိးဂၤဒဲးလၢအအိၣ် လၢကီၢ်ပူၤဒီကီၢ်ညါန့ၣ်လီၤ. လၢနံၣ်အံၤအကတီၢ်ပူၤန့ၣ်ကယဲၢ်တၢ်ဖိတၢ်လံၤ, တၢ်စုလီၢ်ခီၣ်ခိၣ်လၢအဘၣ်တၢ်ဆါလီၤကွံာ်တ့ၢ်လံအီၤတဖၣ်ကဘၣ် တၢ်ဟ့ၣ်က့ၤဆူအကစၢ်ဒၣ်ဝဲအအိၣ်မ့ၢ်ဂ့ၤ, ဆူအစၢၤအသွဲၣ်တဖၣ်အအိၣ်မ့ၢ်ဂ့ၤ, ဒီးပှၤတဂၤလၢ်လၢ်လၢအဘၣ်တၢ် ဆါလီၤကွံာ်အီၤဒ်ကုၢ်အသိးန့ၣ်ကဘၣ်တၢ်ဆှၢက ဒါက့ၤအီၤဆူအဒူၣ်ဖိထၢဖိဒၣ်ဝဲအအိၣ်န့ၣ်လီၤ.

လံာ်ဧၤမိၣ် 2:6

ဒီးယွၤစံးဝဲဒၣ်, “ပှၤကီၢ်အံၣ်စရ့လးဖိတဖၣ်မၤတ့ၢ်လံတၢ်ဒဲးဘးတဘျီဝံၤ တဘျီလံ. ဒီးလၢတၢ်အံၤအဃိယကစံၣ်ညီၣ်အီၤသပှၢ်ကတၢၢ်လီၤ. အဝဲသ့ၣ်ဆါလီၤကွံာ်ပှၤတီပှၤလိၤလၢအလိးက့ၤအကမၣ်တန့ၢ်တဖၣ် ဆူကုၢ်အလီၢ်, ဒီးပှၤဖှီၣ်ဖိယာ်ဖိလၢအလိးက့ၤအကမၣ်တန့ၢ်တ ဖၣ်န့ၣ်လၢခီၣ်ဖံးတဆိအပှ့ၤဒၣ်လဲာ်လီၤ.

လံာ်ဧၤမိၣ် 8:6

ဒီးပဆါဘုကၠူၣ်လၢတဂီာ်တသီၣ်ဘၣ်လၢအပှ့ၤအါအါကသ့ဝဲ, ပကဃုထံၣ်ပှၤဖှီၣ်ဖိယာ်ဖိလၢအလိးက့ၤအကမၢ်ထဲကဟ့ၣ်ဝဲ အခီၣ်ဖံးတစူၣ်အပှ့ၤဒၣ်လဲာ်တန့ၢ်ဘၣ်, ဒီးပကပှ့ၤအီၤဒ်ကုၢ်တဂၤအသိးန့ၣ်လီၤ.

ရိမ့ၤ 7:24

ပှၤအဖှီၣ်ယၤအံၤဧၢ, မ့ၢ်မတၤကမၤထူၣ်ဖျဲးကွံာ်ယၤလၢနီၢ်ခိလၢ အဆှၢယၤဆူတၢ်သံအံၤန့ၣ်လဲၣ်.

လံာ်သိၣ်လီၤသီလီၤတၢ် 15:1

လၢနွံနံၣ်တနံၣ်အကတၢၢ်ကိးနံၣ်ဒဲးန့ၣ်သုကဘၣ်တြူာ်ကွံာ်ပှၤ တဖၣ်လၢကဘၣ်ဟ့ၣ်သုစ့, အကမၢ်တဖၣ်န့ၣ်လီၤ.

လံာ်သိၣ်လီၤသီလီၤတၢ် 15:12

ပှၤအံၣ်စရ့လးဖိကဒဲကဒဲတဂၤလၢအမ့ၢ်ပိာ်ခွါမ့ၢ်ဂ့ၤ, ပိာ်မုၣ်မ့ၢ်ဂ့ၤ, မ့ၢ်ဆါလီၤကွံာ်အသးဆူသုအိၣ်ဒ်ကုၢ်တဂၤအသိးန့ၣ်, သုကဘၣ်ပျၢ်ဖျဲးကွံာ်အီၤဖဲအမၤတၢ်မၤလၢသုဂီၢ်ပှဲၤထီၣ်ဃု နံၣ်ဝံၤအလီၢ်ခံန့ၣ်လီၤ. ဖဲနွံနံၣ်တနံၣ်တုၤဃီၤန့ၣ်, သုကဘၣ်ပျၢ်ဖျဲးကွံာ်အီၤန့ၣ်လီၤ.

လံာ်သိၣ်လီၤသီလီၤတၢ် 15:9

မ့ၢ်လၢနံၣ်လၢဒ့ၣ်ကမၢ်တဖၣ်ကဘၣ်တၢ်တြူာ်ကွံာ်အီၤန့ၣ်ဘူးထီၣ် လံအဃိ, ဂ့ၢ်လိာ်လၢသုကဒုးလိၢ်အီၤလၢတၢ်တမံၤမံၤန့ၣ်တဂ့ၤ. ပျဲတၢ်ဆိကမိၣ်အအၢအသီဒ်န့ၣ်အသိးတမံၤအိၣ်လၢသုသးပူၤတဂ့ၤ. သုမ့ၢ်ဂ့ၢ်လိာ်လၢသုကဟ့ၣ်ဒုးလိၢ်တၢ်န့ၣ်, အဝဲကကိးထီၣ်တၢ်ဆူယွၤအအိၣ်ထီဒါသုဒီးသုကဘၣ်တၢ်ပာ်တၢ်ကမၣ် လၢသုလိၤန့ၣ်လီၤ.