လံာ်ယံးရမံယၤ 34:13 - Sgaw Karen Common Bible

¹³ “ယမၤတ့ၢ်တၢ်အၢၣ်လီၤအီလီၤတမံၤဒီး သုမိၢ်ပၢ်ဖံဖုလၢပျၢၤ တဖၣ်ဖဲယမၤပူၤဖျဲး အဝဲသ့ၣ်လၢ ကီၢ်အဲၤကူပတူးဒီး ဒုးထူၣ်ဖျဲးထီၣ် အဝဲသ့ၣ်လၢ ကုၢ်အလီၢ်အဆၢကတီၢ်န့ၣ်လီၤ. ယတဲဘၣ်တ့ၢ် အဝဲသ့ၣ်လၢ,

လံာ်ယံးရမံယၤ 34:13 Iomraidhean Croise

လံာ်တၢ်ဟးထီၣ်ကွံာ် 13:14

ဒီးခါဆူညါန့ၣ်တုၤသုဖိခွါတဖၣ်သံကွၢ်သုလၢတၢ်အလုၢ်အလၢ် အံၤအခီပညီမ့ၢ်တၢ်မနုၤလဲၣ်န့ၣ်ဒီးသုကဘၣ်စံးဆၢအီၤ, ယွၤသူအစိကမီၤဖးဒိၣ်ဒီးထုးထီၣ်ကွံာ်ပှၤလၢကီၢ်အဲၤကူပတူး, ဖဲတၢ်လီၢ်လၢပကဲတ့ၢ်ကုၢ်န့ၣ်လီၤ.

လံာ်တၢ်ဟးထီၣ်ကွံာ် 13:3

ဒီးစီၤမိၤၡ့စံးဘၣ်ပှၤဂီၢ်မုၢ်, “သ့ၣ်နီၣ်ထီၣ်မုၢ်တနံၤအံၤ, မုၢ်တနံၤလၢသုဟးထီၣ်လၢကီၢ်အဲၤကူပတူး, တၢ်လီၢ်လၢသုကဲတ့ၢ်ကုၢ်န့ၣ်တက့ၢ်. တၢ်အံၤမ့ၢ်မုၢ်တနံၤလၢယွၤထုးထီၣ်ကွံာ်သုလၢအစိကမီၤဖးဒိၣ်န့ၣ်လီၤ. ကိၣ်လၢတၢ်မၤအီၤလၢကိၣ်မံၣ်န့ၣ်အီၣ်အီၤတဂ့ၤ.

လံာ်တၢ်ဟးထီၣ်ကွံာ် 24:3

စီၤမိၤၡ့လဲၤတၢ်ဒီးတဲဘၣ်ပှၤဂီၢ်မုၢ်လၢကယဲၢ်တၢ်လၢယွၤမၤ လိာ်တ့ၢ်ဝဲတဖၣ်ဒီးကယဲၢ်လုၢ်လၢ်တၢ်စီဆှံတဖၣ်န့ၣ်လီၤ. ဒီးပှၤဂီၢ်မုၢ်ခဲလၢာ်စံးဆၢသကိးဝဲ, “ပကမၤကယဲၢ်တၢ်ကိးမံၤလၢယွၤစံးဘၣ်တဲဘၣ်တ့ၢ်ဝဲန့ၣ်လီၤ.”

လံာ်ယံးရမံယၤ 11:4

တၢ်န့ၣ်မ့ၢ်တၢ်အၢၣ်လီၤအီလီၤလၢယမၤ တ့ၢ်ဒီးအဝဲသ့ၣ်အမိၢ်ပၢ်ဖံဖုလၢပျၢၤတဖၣ်ဖဲယဒုးဟးထီၣ်ကွံာ်အဝဲ သ့ၣ်လၢကီၢ်အဲၤကူပတူးအပူၤ, ကီၢ်တဘ့ၣ်လၢအလီၤဂာ်ဒီးမ့ၣ် အူကဲၤအဖၣ်ကပူၤလၢအဝဲသ့ၣ်အဂီၢ်အခါန့ၣ်လီၤ. ယတဲဘၣ်အဝဲသ့ၣ်လၢကစူၢ်ယၤဒီး ကမၤကယဲၢ်တၢ်လၢယမၤလိာ်တ့ၢ်အီၤန့ၣ်လီၤ. ယတဲဘၣ်အဝဲသ့ၣ်လၢ အဝဲသ့ၣ်မ့ၢ်စူၢ်ယၤဒီး, အဝဲသ့ၣ်ကမ့ၢ်ယပှၤဂီၢ်မုၢ်ဒီးယကမ့ၢ် အဝဲသ့ၣ်အကစၢ်န့ၣ်လီၤ.

လံာ်ယံးရမံယၤ 11:7

ဖဲယဒုးဟးထီၣ်ကွံာ်အဝဲသ့ၣ်အမိၢ်ပၢ်ဖံဖု လၢပျၢၤတဖၣ်လၢကီၢ်အဲၤကူပတူးအပူၤအခါန့ၣ်, ယဟ့ၣ်ပလီၢ်အဝဲသ့ၣ်လၢတၢ်သမှံၤသပှၢ်အပူၤလၢကစူၢ်ယၤအဂီၢ်, ဒီးတုၤလီၤလၢမုၢ်မဆါတနံၤအံၤဒၣ်လဲာ်န့ၣ် ယဟ့ၣ်ပလီၢ်ဒံးဒၣ်ပှၤဂီၢ်မုၢ်အဖၢမုၢ်န့ၣ်လီၤ.

လံာ်ယံးရမံယၤ 31:32

တမ့ၢ်ဘၣ်ဒ်သိး ဘၣ်တၢ်အၢၣ်လီၤအီလီၤ အလီၢ်လံၤ လၢယမၤတ့ၢ်ဒီး အဝဲသ့ၣ် အမိၢ်ပၢ်ဖံဖု လၢပျၢၤတဖၣ်ဖဲ ယဟံးဃီၤအဝဲသ့ၣ် လၢယစုဒီး ဆှၢထီၣ်အဝဲသ့ၣ်လၢ ကီၢ်အဲၤကူပတူးအပူၤအခါန့ၣ်ဘၣ်. ယလီၤဂာ်ဒီး ဝၤတဂၤလၢ အဝဲသ့ၣ် အဂီၢ်သနာ်က့, အဝဲသ့ၣ်တတိၢ်န့ၢ်ဘၣ်ယတၢ်အၢၣ်လီၤအီလီၤဒီး အဝဲန့ၣ်ဘၣ်.

လံာ်ယံးရမံယၤ 34:12

ဝံၤဒီးယွၤ, အံၣ်စရ့လးအကစၢ်ယွၤတဲဘၣ်ယၤလၢ ယကစံးဘၣ်ပှၤဂီၢ်မုၢ်ဒ်အံၤ,

လံာ်ယံးရမံယၤ 7:22

တၢ်မၤလိာ်တဖၣ်လၢအဘၣ်ဃးဒီးတၢ်လုၢ်မ့ၣ်အူတဖၣ်မ့ၢ်ဂ့ၤ, တၢ်လုၢ်တၢ်ပာ်အဂၤတမံၤမံၤမ့ၢ်ဂ့ၤန့ၣ်, ယတဟ့ၣ်တ့ၢ်ဘၣ်သု မိၢ်ပၢ်ဖံဖုလၢပျၢၤတဖၣ်နီတမံၤ, ဖဲယထုးထီၣ်ကွံာ်အဝဲသ့ၣ် လၢကီၢ်အဲၤကူပတူးအပူၤအဆၢကတီၢ်, န့ၣ်ဘၣ်.

လံာ်သိၣ်လီၤသီလီၤတၢ် 13:10

ကွံာ်သံအီၤလၢလၢၢ်တက့ၢ်. အဝဲကျဲးစၢးဆှၢယံၤကွံာ်သု လၢယွၤသုကစၢ်ယွၤအအိၣ်, ယွၤတဂၤလၢအမၤပူၤဖျဲးသု လၢကီၢ်အဲၤကူပတူး, ဖဲသုမ့ၢ်တ့ၢ်ကုၢ်တဖၣ်န့ၣ်လီၤ.

လံာ်သိၣ်လီၤသီလီၤတၢ် 15:15

သ့ၣ်နီၣ်ထီၣ်က့ၤလၢသုမ့ၢ်တ့ၢ်ကုၢ်တဖၣ်လၢကီၢ်အဲၤကူပတူး အပူၤဒီးယွၤသုကစၢ်ယွၤမၤထူၣ်ဖျဲးထီၣ်သုန့ၣ်တက့ၢ်. လၢတၢ်န့ၣ်အဃိ, ခဲကနံၣ်အံၤယဟ့ၣ်လီၤသုလၢတၢ်မၤလိာ်အံၤန့ၣ်လီၤ.

လံာ်သိၣ်လီၤသီလီၤတၢ် 16:12

မၤလီၤတံၢ်လၢသုစူၢ်တၢ်မၤလိာ်တဖၣ်အံၤတက့ၢ်. သးပ့ၤနီၣ်လၢသုမ့ၢ်တ့ၢ်ကုၢ်တဖၣ်လၢကီၢ်အဲၤကူပတူးအပူၤန့ၣ် တဂ့ၤ.

လံာ်သိၣ်လီၤသီလီၤတၢ် 24:18

သ့ၣ်နီၣ်ထီၣ်က့ၤလၢသုမ့ၢ်တ့ၢ်ကုၢ်တဖၣ်လၢကီၢ်အဲၤကူပတူး အပူၤဒီးလၢယွၤသုကစၢ်ယွၤမၤထူၣ်ဖျဲးထီၣ်သုန့ၣ်တက့ၢ်. လၢတၢ်န့ၣ်အဃိယဟ့ၣ်လီၤသုလၢတၢ်မၤလိာ်အံၤန့ၣ်လီၤ.

လံာ်သိၣ်လီၤသီလီၤတၢ် 29:1

အအံၤမ့ၢ်တၢ်အၢၣ်လီၤအီလီၤအတၢ်ကတိၤတဖၣ်လၢယွၤမၤလိာ်စီၤ မိၤၡ့ဒ်သိးကမၤဝဲဒီးကီၢ်အံၣ်စရ့လးအပှၤဂီၢ်မုၢ်လၢကီၢ်မိၤ အးအပူၤန့ၣ်လီၤ. ကယဲၢ်တၢ်ခဲလၢာ်အံၤမ့ၢ်တၢ်ပာ်ဖှိၣ်အါထီၣ်ဆူတၢ်အၢၣ်လီၤအီ လီၤလၢယွၤမၤတ့ၢ်ဒီးအဝဲသ့ၣ်ဖဲ ကစၢၢ်စံၤနါအလိၤန့ၣ်လီၤ.

လံာ်သိၣ်လီၤသီလီၤတၢ် 5:27

စီၤမိၤၡ့ဧၢ, က့ၤကဒါက့ၤ, ဒီးဒိကနၣ်တၢ်လၢယွၤ, ပကစၢ်ယွၤစံးဝဲခဲလၢာ်တက့ၢ်. အန့ၣ်ဝံၤဒီးဟဲကဒါက့ၤဒီး တဲဘၣ်ပှၤတၢ်လၢအဝဲဒၣ်စံးဘၣ်တ့ၢ်နၤတက့ၢ်. ပကဒိကနၣ်ဒီးစူၢ်အီၤန့ၣ်လီၤ.

လံာ်သိၣ်လီၤသီလီၤတၢ် 5:6

ယမ့ၢ်ယွၤ, သုကစၢ်ယွၤ, ပှၤတဂၤလၢအအုၣ်က့ၤခီၣ်က့ၤသုလၢ ကီၢ်အဲၤကူပတူးဖဲသုမ့ၢ်တ့ၢ်ကုၢ်တဖၣ်န့ၣ်လီၤ.

လံာ်သိၣ်လီၤသီလီၤတၢ် 6:12

ပာ်သူၣ်ပာ်သးသပှၢ်ပှၢ်လၢသုတသးပ့ၤနီၣ်ဘၣ်ယွၤလၢအအုၣ်က့ၤခီၣ် က့ၤသုလၢကီၢ်အဲၤကူပတူးအပူၤ, ဖဲသုမ့ၢ်တ့ၢ်ကုၢ်တဖၣ်ဘၣ်န့ၣ်တဂ့ၤ.

လံာ်သိၣ်လီၤသီလီၤတၢ် 7:8

မ့မ့ၢ်ယွၤအဲၣ်သုဒီးသးအိၣ်ဟံးဃာ်တၢ်အၢၣ်လီၤအီလီၤလၢအဝဲ မၤတ့ၢ်ဝဲဒီးသုမိၢ်ပၢ်ဖံဖုလၢပျၢၤတဖၣ်န့ၣ်လီၤ. လၢတၢ်န့ၣ်အဃိအဝဲအုၣ်က့ၤခီၣ်က့ၤသုခီဖျိအတၢ်ဒိၣ်တၢ်မုၢ် ဒီးမၤထူၣ်ဖျဲးသုလၢကုၢ်အလီၢ်လၢကီၢ်အဲၤကူပတူးအစီၤပၤ အစုပူၤန့ၣ်လီၤ.

လံာ်သိၣ်လီၤသီလီၤတၢ် 8:14

ဒ်သိးသုသုတပာ်ထီၣ်ထီသုသးတဂ့ၤ, ဒီးသုတသးပ့ၤနီၣ်ကွံာ် ယွၤသုကစၢ်ယွၤလၢအမၤပူၤမၤဖျဲးသုလၢကီၢ်အဲၤကူပတူးဖဲ သုမ့ၢ်ကုၢ်တဖၣ်တဂ့ၤအဂီၢ်န့ၣ်မၤလီၤတံၢ်သုသးတက့ၢ်.

လံာ်စီၤယိၤၡူ 24:17

ယွၤပကစၢ်ယွၤမ့ၢ်ပှၤလၢအဒုးဟဲထီၣ်ပှၤလၢတၢ်ကဲကုၢ်လၢကီၢ်အဲၤကူပတူးအပူၤ, ဒီးပထံၣ်ဘၣ်တၢ်လီၤလးတဖၣ်လၢအမၤဝဲန့ၣ်လီၤ. အဝဲကဟုဘံၣ်ကယာ်ဘၢပှၤဖဲပလဲၤခီဖျိတၢ်လၢပှၤကလုာ်ခဲ လၢာ်အကျါန့ၣ်လီၤ.

လံာ်ပှၤစံၣ်ညီၣ်ကွီၢ် 6:8

ဒီးယွၤဆှၢလီၤန့ၢ်အဝဲသ့ၣ်လၢဝံတဂၤလၢအဟဲစိာ်န့ၢ်အီၤတၢ်ကစီၣ်ဒ်လာ်အံၤလၢယွၤ, အံၣ်စရ့လးအကစၢ်ယွၤအအိၣ်န့ၣ်လီၤ. “ယထုးထီၣ်သုလၢတၢ်မၢကဲကုၢ်အလီၢ်လၢကီၢ်အဲၤကူပတူးအပူၤန့ၣ်လီၤ.