လံာ်ယံးရမံယၤ 34:1 - Sgaw Karen Common Bible

¹ ယွၤကတိၤတ့ၢ်တၢ်ဒီးယၤ, ဖဲကီၢ်ဘၤဘူၤလိၣ် အစီၤပၤနဘူၤကးန့စၢ်ဒီး အသုးမုၢ်, လၢအဘၣ် တၢ်မၤစၢၤအီၤလၢ ထံကီၢ်တဖၣ်ဒီး ပှၤကလုာ်ခဲ လၢာ်လၢ အဝဲပၢဘၣ်ဝဲ အသုးဖိတဖၣ်, လဲၤထီၣ် ဒုးဝ့ၢ်ယရူၤၡလ့ၣ်ဒီး အဝ့ၢ်အိၣ်ဘူးအိၣ်တံၢ်တဖၣ် အခါန့ၣ်လီၤ.

လံာ်ယံးရမံယၤ 34:1 Iomraidhean Croise

လံာ်ယံးရမံယၤ 1:15

အဂ့ၢ်ဒ်အံၤ, ယကိးထီၣ်ပှၤကလုာ်တဖၣ်ခဲလၢာ်လၢကလံၤစိးတခီ ဒ်သိးကဟဲဝဲအဂီၢ်လီၤ. အဝဲသ့ၣ်အစီၤပၤတဖၣ်ကပာ်ထီၣ် အလီၢ်ပစိာ်တဖၣ်ဖဲဝ့ၢ်ယရူၤရှလ့ၣ်အတြဲၤတဖၣ်, ဒီးဝးတရံးအဒူၣ် တဖၣ်, ဒီးဝးတရံးကီၢ်ယူဒၤအဝ့ၢ်တဖၣ်စ့ၢ်ကီးန့ၣ်လီၤ.

လံာ်ယံးရမံယၤ 21:2

“ဝံသးစူၤကတိၤတၢ်ဒီးယွၤလၢပဂီၢ်တက့ၢ်. အဂ့ၢ်ဒ်အံၤ, ကီၢ်ဘၤဘူၤလိၣ်အစီၤပၤနဘူၤကးန့စၢ်ဒီးအဝဲအသုးမုၢ် ကဝီၤဃာ်ဝ့ၢ်လံ. ဘၣ်တဘၣ်ယွၤကမၤတၢ်လီၤလးအါမံၤ အကျါတမံၤလၢပဂီၢ်ဒီးမၢဆူၣ်စီၤနဘူၤကးန့စၢ်လၢအဂုၤ က့ၤဆူအလီၢ်ခံန့ၣ်လီၤ.”

လံာ်ယံးရမံယၤ 32:1

ဖဲစီၤစံးဒကံယၤ ကဲကီၢ်ယူဒၤအစီၤပၤ ဆံဆဲၣ်နံၣ်တနံၣ်, လၢအမ့ၢ် စ့ၢ်ကီး ကီၢ်ဘၤဘူၤလိၣ်အစီၤပၤ နဘူၤကးန့ စၢ်အနံၣ်ပှဲၤထီၣ် တဆံဃိးနံၣ်တနံၣ်န့ၣ်, ယွၤကတိၤတ့ၢ်တၢ်ဒီး ယၤလီၤ.

လံာ်ယံးရမံယၤ 32:2

အကတီၢ်ဖဲန့ၣ်, ကီၢ်ဘၤဘူၤလိၣ် အစီၤပၤ အသုးမုၢ်လဲၤထီၣ်ဒုး ဝ့ၢ်ယရူၤရှလ့ၣ်ဒီး ယဘၣ်တၢ်စၢဃာ်ယၤလၢဃိာ်အဂၢၤ ပူၤလၢ အအိၣ်ဖဲ စီၤပၤအနူၢ်ပူၤန့ၣ်လီၤ.

လံာ်ယံးရမံယၤ 34:7

ဖဲကီၢ်ဘၤဘူၤလိၣ်အစီၤပၤ အသုးမုၢ်ထီၣ်ဒုးဝ့ၢ်အံၤအခါန့ၣ်လီၤ. သုးမုၢ်အံၤထီၣ်ဒုးစ့ၢ်ကီးကီၢ်ယူဒၤအဝ့ၢ်အဂၤတဖၣ် လၢ အမ့ၢ်ဝ့ၢ်လၤကံၣ်ဒီး ဝ့ၢ်ဧစ့ကၤန့ၣ်လီၤ. လၢကီၢ်ယူဒၤအပူၤန့ၣ်, ဝ့ၢ်လၢအအိၣ်ဒီး အတိာ်ဧိၤတာ်ဧိၤန့ၣ် အိၣ်တ့ၢ်ထဲအဝဲသ့ၣ် ခံဖျၢၣ်ဧိၤန့ၣ်လီၤ.

လံာ်ဒၤနံးယ့လး 4:1

စီၤပၤနဘူၤကးန့စၢ်ဘိးဘၣ်သ့ၣ်ညါလီၤတၢ်ဆူကယဲၢ်ပှၤဂီၢ် မုၢ်လၢထံကီၢ်ခဲလၢာ်, ပှၤကိးကလုာ်ဒဲး, ဒီးပှၤကတိၤကျိာ် အကလုာ်ကလုာ်လၢအအိၣ်လၢဟီၣ်ခိၣ်ဒီဘ့ၣ်, “မ်တၢ်ဃူတၢ်မုာ်ဂံၢ်အါထီၣ်အသးလၢသုဂီၢ်တက့ၢ်.

လံာ်ဒၤနံးယ့လး 4:22

မ့ၢ်ဒၣ်နၤလီၤစီၤပၤဧၢ. နဒိၣ်ထီၣ်နထီထီၣ်နဂံၢ်နဘါဆူၣ်ထီၣ်လီၤ. နတၢ်ဒိၣ်တၢ်မုၢ်, ထီၣ်ဘးဝဲတုၤလၢမူခိၣ်ဒီးနတၢ်ပၢတၢ်ပြး န့ၣ်လဲၤတုၤပၢၢ်တုၤလၢဟီၣ်ခိၣ်အကတၢၢ်လီၤ.

လံာ်ဒၤနံးယ့လး 5:19

အဝဲဒၣ်အစိကမီၤဒိၣ်တုၤဒၣ်လဲာ်လၢပှၤဂီၢ်မုၢ်လၢထံကီၢ်ခဲလၢာ်, ပှၤကိးကလုာ်ဒဲးဒီး, ပှၤကတိၤကျိာ်အကလုာ်ကလုာ်ခဲလၢာ်, ပျံၤဘၣ်အီၤဒီးကနိးကစုာ်တ့ၢ်မးလီၤ. မ့ၢ်အဲၣ်ဒိးမၤသံပှၤ တဂၤဂၤ, မ့ၢ်အဲၣ်ဒိးပာ်မူပှၤတဂၤဂၤ, ဒီးမၤဝဲဒၣ်လီၤ. တၢ်မၤလၤကပီၤပှၤတဂၤဂၤမ့ၢ်ဂ့ၤ, တၢ်မၤမဲာ်ဆှးပှၤတဂၤဂၤ မ့ၢ်ဂ့ၤ, ဖဲဒၣ်အသးန့ၣ်မၤဝဲဒၣ်လီၤ.