လံာ်ယံးရမံယၤ 33:9 - Sgaw Karen Common Bible

⁹ ဝ့ၢ်ယရူၤၡလ့ၣ်ကမ့ၢ်တၢ်သးခု, တၢ်လၤကပီၤ, ဒီးတၢ်ပာ်ကဖၢလၢ သးအဂံၢ်ထံးတမံၤလၢ ယဂီၢ်န့ၣ်လီၤ. ဒီးပှၤကိးကလုာ်ဒဲး လၢဟီၣ်ခိၣ်ချၢအံၤ ကပျံၤတၢ်ဒီး ကကနိးကစုာ်ဝဲ ဖဲအဝဲသ့ၣ် နၢ်ဟူတၢ်ဘၣ်ဃးတၢ်အဂ့ၤတဖၣ်လၢ ယမၤလၢ ဝ့ၢ်ယရူၤၡလ့ၣ်အပှၤဂီၢ်မုၢ် အဂီၢ်, ဒီးဘၣ်ဃးတၢ်ဘီၣ် တၢ်ညီလၢ ယဟဲစိာ်န့ၢ် ဝ့ၢ်အံၤ, အဂ့ၢ်န့ၣ်လီၤ.”

လံာ်ယံးရမံယၤ 33:9 Iomraidhean Croise

လံာ်ကွဲးနီၣ်တၢ်ခံဘ့ၣ်တဘ့ၣ် 20:29

ပှၤကလုာ်ခဲလၢာ်လၢအနၢ်ဟူဘၣ်တ့ၢ်ယွၤမၤနၢၤကွံာ်ကီၢ်အံၣ်စရ့ လးအဒုၣ်အဒါတဖၣ်ဒ်လဲၣ်အဂ့ၢ်န့ၣ်, ဒီးပျံၤတၢ်ဖုးတၢ်လီၤ.

လံာ်စီၤနဃ့မယၤ 6:16

ဒီးတုၤပဒုၣ်ပဒါလၢအအိၣ်ဝးတရံးပှၤလၢအမ့ၢ်ပှၤကလုာ်တဖၣ်နၢ် ဟူတၢ်အံၤန့ၣ်အဝဲသ့ၣ်ထံၣ်သ့ၣ်ညါလီၤက့ၤအသးလၢအမဲာ်သၣ် တအိၣ်လၢၤဘၣ်, ဒီးပှၤခဲလၢာ်သ့ၣ်ညါဝဲဒၣ်လၢတၢ်မၤအံၤဝံၤဝဲဒၣ်လၢ ကစၢ်ယွၤအတၢ်မၤစၢၤအဃိန့ၣ်လီၤ.

လံာ်နီၢ်အ့ၤစတၢ် 8:17

ဖဲဒၣ်စီၤပၤအတၢ်ဘိးဘၣ်သ့ၣ်ညါဘၣ်တၢ်ဖးအီၤလၢကီၢ်ဆၣ် တဘ့ၣ်လၢ်လၢ်အပူၤဒီးဝ့ၢ်တဝ့ၢ်လၢ်လၢ်အပူၤန့ၣ်ပှၤယူဒၤဖိ မၤတၢ်သူၣ်ခုသးခုအနံၤသဘျ့လၢအအိၣ်ဒီးတၢ်အီၣ် တၢ်အီဒီးတၢ်သူၣ်ဖှံသးညီန့ၣ်လီၤ. အန့ၣ်ဒီးပှၤဂီၢ်မုၢ်အဂၤအါဂၤကဲထီၣ်ပှၤယူဒၤဖိလီၤ. အဂ့ၢ်ဒ်အံၤ, ခဲအံၤအဝဲသ့ၣ်ပျံၤပှၤယူဒၤဖိန့ၣ်လီၤ.

စံးထီၣ်ပတြၢၤ 130:4

ဘၣ်ဆၣ်တၢ်ပျၢ်တၢ်ကမၣ်အိၣ်ဒီးနၤဒ်သိး ပှၤကပျံၤနၤန့ၣ်လီၤ.

စံးထီၣ်ပတြၢၤ 40:3

အဝဲသိၣ်လိတ့ၢ်ယၤလၢယကသးဝံၣ်တၢ်သးဝံၣ်အသီ, တၢ်သးဝံၣ်စံးထီၣ်ပတြၢၤဆူပကစၢ်ယွၤန့ၣ်လီၤ. ပှၤအါဂၤလၢအထံၣ်တၢ်အံၤ ကအိၣ်ဒီးတၢ်ပျံၤဒီးတၢ်နာ်လၢယွၤအပူၤန့ၣ်လီၤ.

လံာ်ယၡါယၤ 43:21

အဝဲသ့ၣ်မ့ၢ်ပှၤဂီၢ်မုၢ်တဖုလၢယတ့လီၤလၢယဂီၢ်ဒၣ်ယဲ ဒီးအဝဲသ့ၣ်ကသးဝံၣ်ယတၢ်စံးထီၣ်ပတြၢၤ တဖၣ်လီၤ.”

လံာ်ယၡါယၤ 55:13

ဖဲတၤဆှုၣ်တၤမဲအိၣ်ဝဲအလီၢ်ခဲအံၤ, သ့ၣ်ဆှိတဖၣ်ကမဲထီၣ်ဝဲ, ဒီးလၢတၤဆှုၣ်အလီၢ်န့ၣ်သမ့ၤဟဒးကဟဲမဲထီၣ်ဝဲလီၤ. အဝဲအံၤကမ့ၢ်တၢ်ပနီၣ်တမံၤလၢကအိၣ်လီၤထူလီၤယိာ် ဒီးတၢ်ဒုးသ့ၣ်နီၣ်ထီၣ်တမံၤလၢယၤ, ယွၤ, မၤတ့ၢ်ဝဲန့ၣ်လီၤ.”

လံာ်ယၡါယၤ 60:5

နကထံၣ်ဘၣ်တၢ်အံၤဒီးနသးပူၤကပှဲၤဒီးတၢ်သးခု, နကကနိးကစုာ်လၢတၢ်သူၣ်ဟူးသးဂဲၤအပူၤလီၤ. ပှၤကလုာ်တဖၣ်အတၢ်ထူးတၢ်တီၤ ကဘၣ်တၢ်ဟဲစိာ်အီၤဆူနအိၣ်, အတၢ်ထူးတၢ်တီၤတဖၣ်ကဟဲခီဂာ်ပီၣ်လဲၣ်န့ၣ်လီၤ.

လံာ်ယၡါယၤ 62:1

ယကကတိၤထီၣ်ဖျဲးတၢ်လၢတၢ်ဟ့ၣ်ဂံၢ်ဟ့ၣ်ဘါဝ့ၢ် ယရူၤၡလ့ၣ်အဂီၢ်, တုၤလၢအဝဲဘၣ်တၢ်အုၣ်က့ၤခီၣ်က့ၤအီၤတစုန့ၣ်, ယတအိၣ်ဘှီၣ်ကလာ်ဘၣ်, ဒီးအတၢ်မၤနၢၤန့ၣ်ကပီၤထီၣ်ဝဲလီၤဂာ်ဒ်ဆှီတခါ လၢမုၢ်နၤခါအသိးန့ၣ်လီၤ.

လံာ်ယၡါယၤ 62:12

သုကဘၣ်တၢ်ကိးသုလၢ, “ကစၢ်ယွၤအပှၤဂီၢ်မုၢ်စီဆှံ, “ပှၤဂီၢ်မုၢ်လၢယွၤအုၣ်က့ၤခီၣ်က့ၤတ့ၢ်အီၤ” န့ၣ်လီၤ. ဝ့ၢ်ယရူၤရှလ့ၣ်ကဘၣ်တၢ်ကိးအီၤလၢ, “ဝ့ၢ်လၢကစၢ်ယွၤအဲၣ်အီၤ, “ဝ့ၢ်လၢကစၢ်ယွၤတလဲၤသဒၣ်အီၤဘၣ်” န့ၣ်လီၤ.

လံာ်ယၡါယၤ 62:4

တၢ်တကိးလၢၤဘၣ်နၤနီတဘျီလၢ “တၢ်ဘၣ်လဲၤသဒၣ်” မ့ၢ်ဂ့ၤ, နထံနကီၢ်တဘၣ်တၢ်ကိးစ့ၢ်ကီးအီၤလၢ “မါလၢအဘၣ်တၢ်ပာ်လီၤတဲာ်ကွံာ်အီၤ” မ့ၢ်ဂ့ၤဘၣ်. နမံၤအသီကမ့ၢ်ဝဲ, “ကစၢ်ယွၤဘၣ်သူၣ်ဘၣ်သးတ့ၢ်အီၤ” လီၤ. နထံနကီၢ်ကဘၣ်တၢ်ကိးအီၤလၢ, “တၢ်သူၣ်ဖှံသးညီအတၢ်တ့တၢ်ဖျီ” လီၤ. အဂ့ၢ်ဒ်အံၤ, ယွၤဘၣ်သူၣ်ဘၣ်သးလၢနၤဒီးအဝဲကလီၤဂာ်ဒီး ဝၤတဂၤလၢနထံနကီၢ်အဂီၢ်လီၤ.

လံာ်ယၡါယၤ 62:7

တချုးဒံးလၢအဝဲဒုးအိၣ်ဂၢၢ်ကျၢၤက့ၤဝ့ၢ်ယရူၤၡလ့ၣ်, ဒီးဒုးကဲထီၣ်အီၤလၢဝ့ၢ်တဖျၢၣ်လၢဟီၣ်ခိၣ်ဒီဘ့ၣ် စံးထီၣ်ပတြၢၤအီၤဒံးဘၣ်န့ၣ်, အဝဲသ့ၣ်တဘၣ်ဒုးအိၣ်ဘှံးအိၣ်သါအီၤဘၣ်.

လံာ်ယၡါယၤ 64:2

အဝဲသ့ၣ်ဟူးဝးဝဲဒ်ထံကလာ်ထီၣ်ဝဲလၢမ့ၣ်အူကိၢ်အဖီခိၣ် အသိးန့ၣ်လီၤ. ဟဲဒီးလီၣ်ဖျါထီၣ်နစိနကမီၤဆူနဒုၣ်နဒါတဖၣ်, ဒီးဒုးကနိးကစုာ်ပှၤကလုာ်တဖၣ်လၢနမဲာ်ညါန့ၣ်တက့ၢ်.

လံာ်ယံးရမံယၤ 13:11

ဒ်ဖျီၣ်ခံအဖုၣ်တဖၣ်အံၤဘၣ်တၢ်ကူကျၢၤတံၢ်ဃးအီၤလၢပှၤအယီၢ်ဒ့ အလိၤအသိးန့ၣ်, ယပာ်လီၤတ့ၢ်လံယသးလၢပှၤဂီၢ်မုၢ်ခဲလၢာ်လၢ ကီၢ်အံၣ်စရ့လးဒီးကီၢ်ယူဒၤကဖီၣ်ဃံးတံၢ်ယၤန့ၣ်လီၤ. ယမၤတ့ၢ်တၢ်အံၤဒ်သိးအဝဲသ့ၣ်ကမ့ၢ်ယပှၤဂီၢ်မုၢ်ဒီးကဟဲ စိာ်တၢ်စံးထီၣ်ပတြၢၤဒီးတၢ်လၤကပီၤလၢယမံၤအဂီၢ်လီၤ. ဘၣ်ဆၣ်ဒီးအဝဲသ့ၣ်တစူၢ်ယၤဘၣ်.”

လံာ်ယံးရမံယၤ 16:19

ယွၤဧၢ, နမ့ၢ်ပှၤတဂၤလၢအဒီဒၣ်အိၣ်ပှိၤယၤဒီးဟ့ၣ်ယၤတၢ်ဂံၢ် တၢ်ဘါန့ၣ်လီၤ. နမၤစၢၤယၤလၢတၢ်ကီတၢ်ခဲအဆၢကတီၢ် တဖၣ်လီၤ. ပှၤကလုာ်တဖၣ်ကဟဲဆူနအိၣ်လၢဟီၣ်ခိၣ်အကတၢၢ် တဖၣ်ဒီးစံး, “ပမိၢ်ပၢ်ဖံဖုလၢပျၢၤတဖၣ်တအိၣ်ဒီးတၢ်နီတမံၤဘၣ်. မ့မ့ၢ်တၢ်အိၣ်ဒီးအဝဲသ့ၣ်မ့ၢ်ဒၣ်ထဲကစၢ်ကဘျံးကဘျၣ်တဖၣ်ဒီး တၢ်ဂီၤတၢ်ဖီၣ်တဂိာ်တသီၣ်တဖၣ်လၢအတမၤဂ့ၤအဝဲသ့ၣ်နီတမံၤဘၣ် န့ၣ်လီၤ.

လံာ်ယံးရမံယၤ 24:6

ယကအံးက့ၤကွၢ်က့ၤအဝဲသ့ၣ်ဒီးဟဲက့ၤစိာ်က့ၤအဝဲသ့ၣ်ဆူကီၢ် အံၤန့ၣ်လီၤ. ယကမၤထီၣ်မၤထီအဝဲသ့ၣ်ဒီးတမၤလီၤပှီၢ်ကွံာ်အီၤဘၣ်. ယကသူၣ်လီၤဖျးလီၤအဝဲသ့ၣ်ဒီးတထဲးထီၣ်ကွံာ်ဘၣ်အဝဲသ့ၣ်ဘၣ်.

လံာ်ယံးရမံယၤ 26:6

သုမ့ၢ်တစူၢ်ဒံးဒၣ်တၢ်ဆူညါန့ၣ်, ယကမၤယွၤအတၢ်လုၢ်ဟံၣ် အံၤ ဒ်ယမၤတ့ၢ်ဝ့ၢ်ၡံလိၣ်အသိး, ဒီးပှၤကလုာ်လၢဟီၣ်ခိၣ်ချၢခဲလၢာ် ကသူဝ့ၢ်အံၤ အမံၤဒ်တၢ်ဆိၣ်အၢတမံၤအသိးန့ၣ်လီၤ.”

လံာ်ယံးရမံယၤ 29:1

ယကွဲးဃီၤလံာ်ပရၢတဘ့ၣ်ဆူ ပှၤလုၢ်တၢ်အခိၣ်တဖၣ်, ဝံတဖၣ်, ပှၤဂီၢ်မုၢ်အခိၣ်အနၢ်တဖၣ်, ဒီးဆူပှၤအဂုၤအဂၤတဖၣ်လၢ စီၤနဘူၤကးန့စၢ်က့ၤကိးအီၤဒ်ပှၤဘၣ်တၢ်စိာ်မၢကဲကုၢ်အီၤအသိး တဖၣ်, လၢဝ့ၢ်ယရူၤရှလ့ၣ်ဆူ ကီၢ်ဘၤဘူၤလိၣ်အအိၣ်န့ၣ်လီၤ.

လံာ်ယံးရမံယၤ 3:17

ဖဲတၢ်ဆၢကတီၢ်အဝဲန့ၣ်တုၤဃီၤဝဲဒီး, ဝ့ၢ်ယရူၤၡလ့ၣ်ကဘၣ် တၢ်ကိးအီၤလၢ, ‘ယွၤအလီၢ်ပစိာ်’, ဒီးကယဲၢ်ပှၤကလုာ်ခဲလၢာ် ကပာ်ဖှိၣ်အသးဖဲန့ၣ်လၢကဘူၣ်ထီၣ်ဘါထီၣ်ယၤအဂီၢ်လီၤ. တၢ်လၢအဝဲသ့ၣ်အသးလၢအကိၤဒီးအအၢတဖၣ်တဲဘၣ်အီၤန့ၣ်, အဝဲသ့ၣ်တမၤဝဲလၢၤဘၣ်.

လံာ်ယံးရမံယၤ 3:19

ယွၤစံးဝဲဒၣ်, “ကီၢ်အံၣ်စရ့လးဧၢ, ယသးအိၣ်တူၢ်လိာ်နၤဒ် ယဖိခွါဒၣ်ယဲအသိး ဒီးဟ့ၣ်လီၤနၤလၢထံကီၢ်အမုာ်တဘ့ၣ်, ထံကီၢ်လၢအဃံလၤကတၢၢ်လၢ ဟီၣ်ခိၣ်ချၢဒီဘ့ၣ်ညါန့ၣ်လီၤ. ယသးအိၣ်လၢနကကိးယၤလၢပၢ် ဒီးနသုတဃၣ်ယံၤကွံာ်ကဒီးနသးလၢယၤ နီတစုတဂ့ၤန့ၣ်လီၤ.

လံာ်ယံးရမံယၤ 31:14

ယကဒုးအီၣ်ကုးအီၤပှဲၤပှၤလုၢ်တၢ် အခိၣ်တဖၣ်လၢတၢ်အီၣ်ဝံၣ်အီဆၢ, ဒီးမၤသးမံယပှၤဂီၢ်မုၢ် အတၢ်လိၣ်ခဲလၢာ်န့ၣ်လီၤ. ယၤ, ယွၤအံၤ, ကတိၤလံတၢ်လံ.”

လံာ်ယံးရမံယၤ 31:4

ယကမၤထီၣ်က့ၤ ကဒီး သုတဘျီန့ၣ်လီၤ. သုကဟံးထီၣ်ကဒီး ဒၢတဖၣ်ဒီး ဂဲၤကလံာ်လၢတၢ် သးခုအပူၤန့ၣ်လီၤ.

လံာ်ယံးရမံယၤ 32:42

ဒ် ယဒုးလီၤဘၣ်တ့ၢ်တၢ်တတၢးတနါအံၤလၢ ပှၤဂီၢ်မုၢ်အလိၤအသိးန့ၣ်, ယကဟ့ၣ်အဝဲသ့ၣ်လၢ တၢ်ဂ့ၤခဲလၢာ်လၢယအၢၣ်လီၤတ့ၢ်န့ၣ်လီၤ.

လံာ်ယံးရမံယၤ 33:14

ယွၤစံးဝဲဒၣ်, “တၢ်ဆၢကတီၢ်ဟဲလံဝဲလၢ ယကမၤလၢပှဲၤ တၢ်အၢၣ်လီၤလၢ ယမၤတ့ၢ်ဒီး ကီၢ်အံၣ်စရ့လးဒီး ကီၢ်ယူဒၤ အပှၤဂီၢ်မုၢ်န့ၣ်လီၤ.

လံာ်ယံးရမံယၤ 4:2

ကမ့ၢ်တၢ်အတီအဘၣ်လၢသုဂီၢ်လၢသုကဆိၣ်တၢ်လၢယမံၤအပူၤ န့ၣ်လီၤ. အန့ၣ်ဒီး, ပှၤကလုာ်တဖၣ်ခဲလၢာ်ကမၢယဆိၣ်ဂ့ၤ အဝဲသ့ၣ်ဒီးအဝဲသ့ၣ်ကစံးထီၣ်ပတြၢၤယၤလီၤ.”

လံာ်ယံးရမံယၤ 44:8

ဘၣ်မနုၤအဃိ သုမၤသးဒိၣ်ထီၣ်ယၤ ခီဖျိသုဘူၣ်ထီၣ်ဘါထီၣ် တၢ်ဂီၤတၢ်ဖီၣ်တဖၣ်ဒီး ခီဖျိသုလုၢ်ထီၣ်တၢ်ဆူကစၢ်အဂၤတဖၣ် ဖဲ ကီၢ်အဲၤကူပတူးအံၤအပူၤ, တၢ်လီၢ်ဖဲ သုဟဲအိၣ်ဟဲ ဆိးအံၤန့ၣ်လဲၣ်. မ့ၢ်သုမၤတၢ်အံၤ ထဲဒၣ်သုကမၤဟးဂီၤ လီၤသုသးအဂီၢ်ဧိၤ, ဒ်သိးပှၤကလုာ်ကိးကလုာ်ဒဲးလၢ ဟီၣ်ခိၣ်အံၤကနံၤဘၣ်ဖၣ်လဲ သုဒီး ပာ်သုမံၤဒ်တၢ်ဆိၣ်အၢတမံၤအသိးအဂီၢ်ဧိၤန့ၣ်ဧါ.

လံာ်ယံးရမံယၤ 49:25

ဝ့ၢ်လၢအမံၤဟူသၣ်ဖျါဒီး ညီနုၢ်သူၣ်ဖှံသးညီန့ၣ် ဘၣ်တၢ်ပာ်လီၤတဲာ်ကွံာ်အီၤ လၢာ်လၢာ်ဆ့ဆ့လီၤ.

လံာ်ယဃ့းစက့လး 26:20

ယကဆှၢလီၤနၤဆူပှၤသံတဖၣ် အကီၢ်ပူၤလၢနကလဲၤအိၣ်ဆိးဃုာ်ဒီးပှၤလၢအအိၣ်တ့ၢ်လၢ ပျၢၤတဖၣ်န့ၣ်လီၤ. ယကဒုးလဲၤအိၣ်နၤလၢ ဟီၣ်ခိၣ်အဖီလာ်လၢတၢ်ဟးဂီၤလီၤထူလီၤယိာ်အကျါ, လဲၤအိၣ်ဆိးဃုာ်ဒီးပှၤသံတဖၣ်န့ၣ်လီၤ. လၢတၢ်န့ၣ်အဃိ နကဲထီၣ်က့ၤကဒါတၢ်အိၣ်တၢ်ဆိးအလီၢ်ဒီးဟံးန့ၢ်နလီၢ်လၢ ပှၤအမူအကီၢ်ပူၤ, တသ့နီတစုလၢၤဘၣ်.

လံာ်ယဃ့းစက့လး 36:35

ပှၤကိးဂၤကစံးဝဲလၢကီၢ်အံၤ, တဘျီမ့ၢ်ပှၢ်မုၢ်ကနၢတပူၤ, ခဲကနံၣ်အံၤကဲထီၣ်ဒ်ဧ့ၤဒ့ၣ်တၤသၣ်လီၢ်အသိးဒ်လဲၣ်, ဒီးဝ့ၢ်တဖၣ် လၢအဘၣ်တၢ်မၤလီၤပှီၢ်ကွံာ်အီၤ, ဘၣ်တၢ်ဂုာ်ဆူၣ်ပျီဆူၣ်ဒီးဘၣ် တၢ်ပာ်လီၤတဲာ်ကွံာ်အီၤလၢတၢ်ဟးဂီၤတဖၣ်အပူၤန့ၣ်, ခဲအံၤ ပှၤအိၣ်ဝဲဆိးဝဲဒီးဘၣ်တၢ်မၤကျၢၤခၢၣ်သနၢၣ်ထီၣ်အီၤန့ၣ်ဒ်လဲၣ်.

လံာ်ယဃ့းစက့လး 39:13

ပှၤကိးဂၤဒဲးလၢကီၢ်ပူၤကခူၣ်လီၤစၢၤအဝဲသ့ၣ်ဒီးအဝဲသ့ၣ်ကဘၣ် တၢ်မၤလၤကပီၤလၢတၢ်အံၤအဃိ, လၢယတၢ်မၤနၢၤအမုၢ်တနံၤ န့ၣ်လီၤ. ယၤယွၤ, ပၢဘၣ်တၢ်ခဲလၢာ်ကစၢ်ကတိၤလံတၢ်လံ.

လံာ်ဟိၤၡ့ 3:5

ဘၣ်ဆၣ်ဒီးတၢ်ဆၢကတီၢ်ကဟဲတုၤဃီၤဝဲဖဲကီၢ် အံၣ်စရ့လးအပှၤဂီၢ်မုၢ်ကဃၣ်ကဒါက့ၤကဒီးအသးတဘျီဆူယွၤ, အကစၢ်ယွၤအအိၣ်ဒီးဆူအဝဲသ့ၣ်အစီၤပၤစီၤဒၤဝံးအစၢၤအသွဲၣ် တဂၤအအိၣ်န့ၣ်လီၤ. ဒီးဖဲန့ၣ်အဝဲသ့ၣ်ကအိၣ်ဒီးတၢ်ပျံၤယွၤဒီးကဒိးန့ၢ်ဘၣ်အဝဲ အတၢ်ဟ့ၣ်အဂ့ၤတဖၣ်န့ၣ်လီၤ.

လံာ်စကၤရယၤ 1:17

ကလူးန့ၣ်တဲဘၣ်စ့ၢ်ကီးယၤလၢယကတဲဖျါထီၣ်တၢ်ဒ်အံၤ, “သ့တၢ်လၢာ်ယွၤစံးဝဲလၢ, အဝ့ၢ်တဖၣ်ကဘီၣ်ထီၣ်ညီထီၣ်ကဒီးတဘျီ, ဒီးအဝဲကမၤစၢၤကဒီးဝ့ၢ်ယရူၤရှလ့ၣ်တဘျီဒီးတဲဖျါလၢဝ့ၢ်ယရူၤရှလ့ၣ် မ့ၢ်အဝ့ၢ်န့ၣ်လီၤ.”

လံာ်စကၤရယၤ 12:2

“ယကမၤဝ့ၢ်ယရူၤၡလ့ၣ်ဒ်စပံးထံတခွးအသိး, ဒီးပှၤကလုာ်တဖၣ်လၢအအိၣ်ဝးတရံးအီၤန့ၣ်ကအီအီၤဒီး ကလဲၤကနုၤကပၤဒ်ပှၤအီမူၤသံးတဖၣ်အသိးန့ၣ်လီၤ. ဒီးဖဲအဝဲသ့ၣ်ကဝီၤဃာ်ဝ့ၢ်ယရူၤၡလ့ၣ်အခါန့ၣ်ကီၢ်ယူဒၤအ ဝ့ၢ်လၢအအိၣ်တ့ၢ်တဖၣ်ကဘၣ်တၢ်ကဝီၤဃာ်အီၤစ့ၢ်ကီးန့ၣ်လီၤ.

လံာ်သိၣ်လီၤသီလီၤတၢ် 30:5

ဒ်သိးသုကမၤန့ၢ်ကဒါက့ၤကဒီးထံကီၢ်အတၢ်န့ၢ်သါဖဲသု မိၢ်ပၢ်ဖံဖုလၢပျၢၤတဖၣ်အိၣ်ဆိးတ့ၢ်ဝဲတဘျီန့ၣ်လီၤ. ဒီးအဝဲကမၤဘီၣ်ထီၣ်ညီထီၣ်သုအါန့ၢ်ဒံးအလီၢ်တက့ၢ်, ဒီးမၤအါထီၣ်သုနီၣ်ဂံၢ်အါန့ၢ်ဒံးနီၣ်ဂံၢ်လၢအအိၣ်တ့ၢ်ဝဲ ဒီးသုမိၢ်ပၢ်ဖံဖုလၢပျၢၤတဖၣ်န့ၣ်လီၤ.