လံာ်ယံးရမံယၤ 33:5 - Sgaw Karen Common Bible

⁵ ပှၤတနီၤန့ၣ် ကဒုးတၢ်ထီဒါ ပှၤဘၤဘူၤလိၣ်ဖိတဖၣ်, လၢအမ့ၢ်ပှၤလၢ အမၤပှဲၤဟံၣ်ဃီတဖၣ်ဒီး ပှၤအစိၣ်တဖၣ်လၢ ယကမၤသံအီၤလၢ ယတၢ်သးထီၣ်ဒီး တၢ်သးကဲၤထီၣ် အပူၤန့ၣ်လီၤ. ယဃၣ်ယံၤကွံာ်လံ ယသးလၢ ဝ့ၢ်အံၤမ့ၢ်လၢ တၢ်အၢတၢ်သီတဖၣ် လၢဝ့ၢ်အံၤ အပှၤဂီၢ်မုၢ်မၤတ့ၢ်ဝဲ အဃိန့ၣ်လီၤ.

လံာ်ယံးရမံယၤ 33:5 Iomraidhean Croise

လံာ်ယၡါယၤ 64:7

ပှၤတဃၣ်ဃီၤအသးဆူနအိၣ်လၢတၢ်ထုကဖၣ်အပူၤနီတဂၤ, ပှၤတလဲၤဆူနအိၣ်လၢတၢ်မၤစၢၤအဂီၢ်နီတဂၤဘၣ်. နပာ်ခူသူၣ်ကွံာ်နသးလၢပှၤဒီးစူးကွံာ်ညိကွံာ်တ့ၢ်ပှၤလၢပတၢ် ဒဲးဘးတဖၣ်အဃိလီၤ.

လံာ်ယၡါယၤ 8:17

ယွၤပာ်ခူသူၣ်ကွံာ်အသးလၢအပှၤဂီၢ်မုၢ်လီၤ. ဘၣ်ဆၣ်ဒီးယနာ်အီၤဒီးပာ်ယတၢ်မုၢ်လၢ်လၢအဝဲအပူၤလီၤ.

လံာ်ယံးရမံယၤ 18:17

ယကမၤပြံမၤပြါယပှၤဂီၢ်မုၢ်လၢအဝဲသ့ၣ်အဒုၣ်အဒါတဖၣ်အမဲာ်ညါ, လီၤဂာ်ဒ်ဟီၣ်ခိၣ်ကမူၣ်လၢမုၢ်ထီၣ်ကလံၤအူဒံကွံာ်အီၤအသိးန့ၣ်လီၤ. ယကဒီအဝဲသ့ၣ်လၢယချၢဃံလီၤ. ဒီးဖဲတၢ်တတၢးတနါဟဲဝဲန့ၣ်, ယတမၤစၢၤအဝဲသ့ၣ်ဘၣ်.”

လံာ်ယံးရမံယၤ 21:10

ယပာ်လီၤတ့ၢ်ယသးလၢယတပျၢ်ဖျဲးဝ့ၢ်အံၤဘၣ်. မ့မ့ၢ်ယကမၤဟးဂီၤကွံာ်အီၤန့ၣ်လီၤ. ဝ့ၢ်အံၤကဘၣ်တၢ်ဟ့ၣ်လီၤ အီၤဆူကီၢ်ဘၤဘူၤလိၣ်အစီၤပၤအစုပူၤဒီးအဝဲဒၣ်ကဒွဲၣ် အူကွံာ်အီၤခဲလၢာ်န့ၣ်လီၤ. ယၤ, ယွၤအံၤ, ကတိၤလံတၢ်လံ.”

လံာ်ယံးရမံယၤ 32:5

စီၤစံးဒကံယၤကဘၣ်တၢ်စိာ်ကွံာ်အီၤဆူ ကီၢ်ဘၤဘူၤလိၣ်, ဒီးအဝဲဒၣ်ကအိၣ်ဖဲန့ၣ် တုၤလီၤလၢယမၤတၢ်ဒီးအီၤတမံၤ မံၤတစုန့ၣ်လီၤ. အဝဲဒၣ်မ့ၢ်ဒုးပှၤဘၤဘူၤလိၣ်ဖိတဖၣ် ဒၣ်လဲာ်, အဝဲတမၤန့ၢ်မၤနၢၤတၢ်ဘၣ်. ယၤ, ယွၤအံၤ, ကတိၤလံတၢ်လံ.”

လံာ်ယံးရမံယၤ 42:18

ယွၤ, အံၣ်စရ့လး အကစၢ်ယွၤစံးဝဲ, ‘ဒ်ယတၢ်သးဒိၣ်ဒီး သးကဲၤထီၣ် တဖၣ်ဘၣ်တၢ်လူလီၤဂၢ်လီၤအီၤလၢဝ့ၢ်ယရူၤၡလ့ၣ်အပှၤဂီၢ်မုၢ် အဖီခိၣ်အသိးန့ၣ်, သုမ့ၢ်လဲၤဆူ ကီၢ်အဲၤကူပတူးဒီး ယတၢ်သးကဲၤ ထီၣ်ကဘၣ်တၢ်လူလီၤဂၢ်လီၤအီၤလၢ သုဖီခိၣ်န့ၣ်လီၤ. ပှၤကွၢ်သုဒီး သုကလီၤပျံၤလီၤဖုးဒိၣ်မးလီၤ. ပှၤဂီၢ်မုၢ်ကမၤ သုကလိာ်ကလာ်ဒီး သုမံၤန့ၣ် ဒ်တၢ်ဘၣ်ဆိၣ်အၢတမံၤ အသိးန့ၣ်လီၤ. သုတထံၣ်ဘၣ်က့ၤကဒီးတၢ်လီၢ်အံၤ နီတစုလၢၤဘၣ်.’ ”

လံာ်သးသယုၢ်တၢ် 2:7

ယွၤစူးကွံာ်ညိကွံာ်အတၢ်လုၢ်လီၢ်ဒီးကွံာ်တ့ၢ်ကွံာ်အတၢ်လုၢ် ဟံၣ်စီဆှံန့ၣ်လီၤ. ပျဲတ့ၢ်ဝဲဒုၣ်ဒါတဖၣ်လၢကဖှီယာ်ကွံာ်အတၢ်ဒူၣ်တဖၣ်လီၤ. အဝဲသ့ၣ်ကိးပသူထီၣ်တ့ၢ်ဝဲလၢတၢ်မၤနၢၤအပူၤဖဲတၢ်လီၢ်လၢ တဘျီပဘူၣ်ထီၣ်ဘါထီၣ်တ့ၢ်တၢ်အိၣ်ဒီးတၢ်သးခုန့ၣ်လီၤ.

လံာ်ယဃ့းစက့လး 39:29

ယကလူလီၤယသးလၢကီၢ်အံၣ်စရ့လးအပှၤဂီၢ်မုၢ်အလိၤဒီး တဃၣ်ကွံာ်ဘၣ်ယသးလၢအဝဲသ့ၣ်အအိၣ်နီတစုလၢၤဘၣ်န့ၣ်လီၤ. ယၤယွၤ, ပၢဘၣ်တၢ်ခဲလၢာ်ကစၢ်ကတိၤလံတၢ်လံ.”

လံာ်မံကၤ 3:4

အကတီၢ်တုၤဝဲလၢသုကကိးထီၣ်တၢ်ဆူယွၤအအိၣ်, ဘၣ်ဆၣ်ဒီးအဝဲတစံးဆၢသုဘၣ်. တဒိကနၣ်ဘၣ်သုတၢ်ထုကဖၣ်ဘၣ်. အဂ့ၢ်ဒ်အံၤ, သုမၤတ့ၢ်တၢ်အၢတၢ်သီလံ.

လံာ်သိၣ်လီၤသီလီၤတၢ် 31:17

တုၤတၢ်မၤအသးဒီး, ယကသးဒိၣ်ထီၣ်ဘၣ်အဝဲသ့ၣ်, ယကဲၤသဒၣ်ကွံာ်အဝဲသ့ၣ်ဒီးအဝဲသ့ၣ်ကဘၣ်တၢ်မၤဟးဂီၤကွံာ်အီၤ လီၤ. တၢ်တတၢးတနါတဖၣ်လၢအလီၤပျံၤအါမံၤကလီၤဘၣ်လၢအဝဲသ့ၣ်အ လိၤ, ဒီးအန့ၣ်တစုအဝဲသ့ၣ်ကသ့ၣ်ညါနီၣ်ဝဲလၢတၢ်တဖၣ်အံၤမၤအသးဒီး အဝဲသ့ၣ်မ့ၢ်လၢ, ယၤ, အဝဲသ့ၣ်အကစၢ်ယွၤတအိၣ်လၢၤဘၣ်ဒီးအဝဲသ့ၣ်အဃိ န့ၣ်လီၤ.

လံာ်သိၣ်လီၤသီလီၤတၢ် 31:18

ဒီးအန့ၣ်တစုယကဂ့ၢ်လိာ်လၢတၢ်မၤစၢၤအဝဲသ့ၣ်အဂီၢ်, မ့ၢ်လၢအဝဲသ့ၣ်မၤတ့ၢ်တၢ်အၢတၢ်သီဒီးဘူၣ်ထီၣ်ဘါထီၣ်ကစၢ်အဂၤ တဖၣ်အဃိန့ၣ်လီၤ.

လံာ်သိၣ်လီၤသီလီၤတၢ် 32:20

အဝဲစံးဝဲ, “ယတမၤစၢၤလၢၤအဝဲသ့ၣ်ဘၣ်. အန့ၣ်ဒီး, ယကထံၣ်တၢ်လၢအမၤအသးဒီးအဝဲသ့ၣ်, လၢအမ့ၢ်ပှၤလၢအခိၣ်ကိၤ, ပှၤဂီၢ်မုၢ်လၢအသူၣ်တတီသးတရၤဘၣ်အဃိ န့ၣ်လီၤ.