လံာ်ယံးရမံယၤ 33:26 - Sgaw Karen Common Bible

²⁶ ဒီးဒ်ယမ့ၢ်တ့ၢ်တၢ်အံၤ သပှၢ်ကတၢၢ်အသိး, ယကဟံးဃာ် ဂၢၢ်ကျၢၤယတၢ်အၢၣ်လီၤအီလီၤဒီး စီၤယၤကိာ်အစၢၤအသွဲၣ် တဖၣ်, ဒီးယခ့ယပှၤစီၤဒၤဝံးန့ၣ်လီၤ. ယကဃုထၢ စီၤဒၤဝံး အစၢၤအသွဲၣ်အကျါတဂၤလၢကပၢစီၤအၤဘြၤဟၣ်, စီၤအံၤစဲး ဒီးစီၤယၤကိာ်အစၢၤအသွဲၣ် တဖၣ်န့ၣ်လီၤ. ယကသူၣ်ကညီၤသးကညီၤ ယပှၤဂီၢ်မုၢ်ဒီး ဒုးဘီၣ်ထီၣ် ကဒီးအဝဲသ့ၣ်န့ၣ်လီၤ.”

လံာ်ယံးရမံယၤ 33:26 Iomraidhean Croise

လံာ်တၢ်ကဲထီၣ်အခီၣ်ထံး 49:10

စီၤယူဒၤကစိာ်စီၤပၤအဘီမုၢ်နီၣ်ထိး, ဒီးအစၢၤအသွဲၣ်ကပၢတၢ် တဘိယူၢ်ဃီလီၤ. ပှၤကလုာ်တဖၣ်ကဟဲစိာ်န့ၢ်အီၤတၢ်ယူးယီၣ်ပာ်ကဲအတၢ်ဟ့ၣ်ဒီးတီၤ လီၤလၢအမဲာ်ညါအိၣ်ဒီးတၢ်စူၢ်အကလုၢ်န့ၣ်လီၤ.

လံာ်စီၤဧ့စြၤ 2:1

ပှၤအါဂၤလၢပှၤဘၣ်စိာ်မၢကဲကုၢ်အကျါဟးထီၣ်ကွံာ်လၢဘၤဘူၤ လိၣ်အကီၢ်ပူၤဒီးက့ၤကဒါက့ၤဆူဝ့ၢ်ယရူၤၡလ့ၣ်ဒီးကီၢ်ယူဒၤ, ဆူအဝ့ၢ်ဒၣ်ဝဲစုာ်စုာ်န့ၣ်လီၤ. အဝဲသ့ၣ်အဟံၣ်ဖိဃီဖိတဖၣ် အိၣ်ဆိးတ့ၢ်လံလၢတၢ်ကဲကုၢ်အပူၤလၢကီၢ်ဘၤဘူၤလိၣ် စးထီၣ်လၢစီၤပၤနဘူၤကးန့စၢ်စိာ်ထီၣ်ကွံာ်အဝဲသ့ၣ်ဖဲန့ၣ်ဒ် ပှၤဘၣ်တၢ်စၢဃာ်တဖၣ်အသိးန့ၣ်လီၤ.

လံာ်စီၤဧ့စြၤ 2:70

ပှၤလုၢ်တၢ်အခိၣ်တဖၣ်, ပှၤလ့ၤဝံဖိတဖၣ်ဒီးပှၤဂီၢ်မုၢ်တနီၤဆီ လီၤအတၢ်အိၣ်တၢ်ဆိးအလီၢ်လၢဝ့ၢ်ယရူၤၡလ့ၣ်အပူၤ, မ့တမ့ၢ်ဘူးဒီးဝ့ၢ်ယရူၤၡလ့ၣ်န့ၣ်လီၤ. ပှၤသးဝံၣ်တၢ်ဖိတဖၣ်, ပှၤပၢၤတၢ်လုၢ်ဟံၣ်တဖၣ်ဒီးတၢ်လုၢ်ဟံၣ်အပှၤမၤတၢ်ဖိတဖၣ်ဆီလီၤ အတၢ်အိၣ်တၢ်ဆိးအလီၢ်လၢဝ့ၢ်အဘူးအတံၢ်တဖၣ်အပူၤဒီးပှၤအံၣ်စရ့ လးဖိအိၣ်လီၤတဲာ်တ့ၢ်အဂၤတဖၣ်ဆီလီၤအတၢ်အိၣ်တၢ်ဆိးအလီၢ်လၢ ဝ့ၢ်တဖၣ်ဖဲအမိၢ်ပၢ်ဖံဖုလၢပျၢၤတဖၣ်အိၣ်ဆိးတ့ၢ်လၢအပူၤန့ၣ်လီၤ.

စံးထီၣ်ပတြၢၤ 126:1

တုၤယွၤဃၣ်ကဒါက့ၤစံယိၣ်အတၢ်ကဲကုၢ်ဒီး, ပမၤပသးဒ်ပှၤလၢအမံမီၢ်တၢ်အသိးန့ၣ်လီၤ.

လံာ်ယၡါယၤ 14:1

ယွၤကသးကညီၤကဒီးအပှၤဂီၢ်မုၢ်အံၣ်စရ့လးတဘျီဒီးဃု ထၢအီၤဒ်အတၢ်ဒၣ်ဝဲအသိးလီၤ. ကပျဲကဒီးအဝဲသ့ၣ်အိၣ်က့ၤလၢအ ထံအကီၢ်ဒၣ်ဝဲတဘျီ, ဒီးပှၤတခီဘီမုၢ်ဖိတ ဖၣ်ကဟဲအိၣ်ဆိးသကိးဒီးအဝဲသ့ၣ်ဖဲန့ၣ်, န့ၣ်လီၤ.

လံာ်ယၡါယၤ 54:8

ယဃၣ်ကွံာ်ယသးလၢတၢ်သးဒိၣ်အပူၤတစိၢ်ဖိနာ်က့, ယကဒုးနဲၣ်နၤယတၢ်အဲၣ်လီၤထူလီၤယိာ်န့ၣ်လီၤ.” ယွၤလၢအအုၣ်က့ၤခီၣ်က့ၤသုစံးဝဲဒ်န့ၣ်လီၤ.

လံာ်ယံးရမံယၤ 3:12

အဝဲတဲဘၣ်တ့ၢ်ယၤလၢယကလဲၤဒီးစံးဘၣ်ကီၢ်အံၣ်စရ့လး, “ကီၢ်အံၣ်စရ့လးလၢအသးတတီဧၢ, ဟဲက့ၤကဒါက့ၤဆူ ယအိၣ်တက့ၢ်. ယသူၣ်ကညီၤသးကညီၤတၢ်သ့ဒီးယတသး ဒိၣ်ထီၣ်ယဲဘၣ်. ယတသးဒိၣ်နၤလီၤထူလီၤယိာ်ဘၣ်.

လံာ်ယံးရမံယၤ 31:20

ကီၢ်အံၣ်စရ့လးဧၢ, နမ့ၢ်ယဖိခွါသးဘိ, ဖိလၢ ယအဲၣ်ဘၣ်အီၤအဂ့ၤကတၢၢ်လီၤ. တဘျီလၢ်လၢ်ဖဲ ယယၢၤထီၣ်ဘၣ်နမံၤန့ၣ်, ယဆိကမိၣ်ထီၣ်နၤလၢ တၢ်အဲၣ်အပူၤလီၤ. ယသးစဲဘူးဒီးနၤလီၤ. ယကအိၣ်ဒီး တၢ်သူၣ်ကညီၤသးကညီၤလီၤ.

လံာ်ယံးရမံယၤ 31:35

ယွၤဟ့ၣ်မုၢ်လၢကကပီၤထီၣ်လၢ မုၢ်ဆါခီ, ဒီးလါဒီး ဆၣ်တဖၣ်လၢ ကကပီၤထီၣ်လၢ မုၢ်နၤန့ၣ်လီၤ. အဝဲထိၣ်ဂဲၤထီၣ်ပီၣ်လဲၣ်ဒီး ဒုးသီၣ်ထီၣ်အလပီတဖၣ်ရုၢ်ရုၢ်လီၤ. အဝဲအမံၤမ့ၢ်ဝဲ ယွၤသ့တၢ်လၢာ်န့ၣ်လီၤ.

လံာ်ယံးရမံယၤ 31:37

ဖဲမုၢ်တနံၤလၢ ပှၤထိၣ်မူကပိာ်လိၤမ့ၢ်သ့, ဒီးဟီၣ်ခိၣ်အခီၣ်ထံး တဖၣ် တၢ်ဃုသ့ၣ်ညါအီၤဒုးမ့ၢ်သ့န့ၣ်ဒီး, အဝဲကညိကွံာ်ကီၢ်အံၣ်စရ့လး အပှၤဂီၢ်မုၢ်, လၢတၢ်လၢ အဝဲသ့ၣ်မၤတ့ၢ်ဝဲခဲလၢာ် အဃိန့ၣ်လီၤ. ယွၤကတိၤလံတၢ်လံ.

လံာ်ယဃ့းစက့လး 39:25

ယွၤ, ပၢဘၣ်တၢ်ခဲလၢာ်ကစၢ်စံးဝဲဒၣ်, “မ့မ့ၢ်ခဲကနံၣ်အံၤ, ယကသူၣ်ကညီၤသးကညီၤစီၤယၤကိာ်အစၢၤအသွဲၣ်တဖၣ်, ကီၢ်အံၣ်စရ့လးအပှၤဂီၢ်မုၢ်, ဒီးမၤဘီၣ်ထီၣ်ညီထီၣ်ကဒီးအဝဲ သ့ၣ်န့ၣ်လီၤ. ယကဒီဒၣ်အိၣ်ပှိၤယမံၤစီဆှံန့ၣ်လီၤ.

လံာ်ဟိၤၡ့ 1:7

ဘၣ်ဆၣ်ယကဒုးနဲၣ်တၢ်အဲၣ်ဆူကီၢ်ယူဒၤအပှၤဂီၢ်မုၢ်န့ၣ်လီၤ. ယၤ, ယွၤအဝဲသ့ၣ်အကစၢ်ယွၤ, ကအုၣ်က့ၤခီၣ်က့ၤအဝဲသ့ၣ်လီၤ. ဘၣ်ဆၣ်ယတမၤတၢ်အံၤလၢတၢ်ဒုးတၢ်ယၤဒီးလၢဘီမ့ၢ်ဂ့ၤ, လၢချံၣ်ဒီးပျၢ်တဖၣ်မ့တမ့ၢ်, လၢကသ့ၣ်တဖၣ်မ့ၢ်ဂ့ၤ, ပှၤဒိးကသ့ၣ်တဖၣ်မ့ၢ်ဂ့ၤန့ၣ်ဘၣ်.

လံာ်ဟိၤၡ့ 2:23

ယကဒုးအိၣ်ဂၢၢ်ဆိးကျၢၤယပှၤဂီၢ်မုၢ်လၢထံကီၢ်အပူၤဒီးဒုး ဘီၣ်ထီၣ်ညီထီၣ်အီၤန့ၣ်လီၤ. ယကဒုးနဲၣ်ယတၢ်အဲၣ်ဆူပှၤတဖၣ်လၢအဘၣ်တၢ်ကိးအီၤလၢ “တၢ်တအဲၣ်အီၤ” အအိၣ်ဒီးဆူပှၤတဖၣ်လၢအဘၣ်တၢ်ကိးအီၤလၢ “တမ့ၢ်ယွၤအပှၤဂီၢ်မုၢ်ဘၣ်” အအိၣ်န့ၣ်လီၤ. ယကစံး, “သုမ့ၢ်ယပှၤဂီၢ်မုၢ်” ဒီးအဝဲသ့ၣ်ကစံးဆၢ, “နမ့ၢ်ပကစၢ်ယွၤ” န့ၣ်လီၤ.

လံာ်စကၤရယၤ 10:6

“ယကဒုးဂံၢ်ဆူၣ်ဘါဆူၣ်ကီၢ်ယူဒၤအပှၤဂီၢ်မုၢ်, ယကမၤပူၤမၤဖျဲးကီၢ်အံၣ်စရ့လးအပှၤဂီၢ်မုၢ်လီၤ. ယကအိၣ်ဒီးတၢ်သးကညီၤဘၣ်အဝဲသ့ၣ်, ဒီးဟဲက့ၤစိာ်ကဒါက့ၤအဝဲသ့ၣ်ခဲလၢာ်ဆူဟံၣ်လီၤ. အဝဲသ့ၣ်ကမၤအသးဒ်ပှၤလၢယတညိကွံာ်တ့ၢ်ဘၣ်အီၤနီတဘျီအသိး န့ၣ်လီၤ. ယမ့ၢ်ယွၤ, အဝဲသ့ၣ်အကစၢ်ယွၤ, ယကစံးဆၢအဝဲသ့ၣ်အတၢ်ထုကဖၣ်တဖၣ် လီၤ.

ရိမ့ၤ 11:32

အဂ့ၢ်ဒ်လဲၣ်န့ၣ်, ကစၢ်ယွၤဒုးကဲထီၣ်ပှၤခဲလၢာ်လၢတၢ်တဒိကနၣ် အကုၢ်အပှၤဒ်သိးကဒုးနဲၣ်တၢ်သးကညီၤလၢအဝဲသ့ၣ်ခဲလၢာ် န့ၣ်လီၤ.