လံာ်ယံးရမံယၤ 33:21 - Sgaw Karen Common Bible

²¹ ဒ်န့ၣ်အသိး, ယမၤတ့ၢ်စ့ၢ်ကီး တၢ်အၢၣ်လီၤအီလီၤတမံၤဒီး ယခ့ယပှၤစီၤဒၤဝံး, လၢထီဘိအဝဲကအိၣ်ဒီး အစၢၤအသွဲၣ် တဂၤ လၢကကဲစီၤပၤအဂီၢ်, ဒီးယမၤတၢ်အၢၣ်လီၤအီလီၤတမံၤဒီး ပှၤလုၢ်တၢ်အခိၣ်တဖၣ်လၢ လ့ၤဝံအဒူၣ်တခီလၢ ထီဘိအဝဲ သ့ၣ်ကမၤယတၢ်မၤန့ၣ်လီၤ. ဒီးတၢ်အၢၣ်လီၤအီလီၤတဖၣ်အံၤ တၢ်မၤဟးဂီၢ်အီၤတန့ၢ်ဘၣ်နီတစုဘၣ်.

လံာ်ယံးရမံယၤ 33:21 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 23:5

ဒီးတၢ်န့ၣ်မ့ၢ်ကစၢ်ယွၤကဆိၣ်ဂ့ၤယစၢၤယသွဲၣ်တဖၣ် ဒ်လဲၣ်ဒ်လဲၣ်အဂ့ၢ်, မ့ၢ်လၢအဝဲမၤတ့ၢ်တၢ်အၢၣ်လီၤအီလီၤအထူအယိာ်တမံၤဒီးယၤ, ဒီးတၢ်အၢၣ်လီၤခံခီယၢ်ခီတမံၤလၢအဟးဂီၤကွံာ်အီၤတသ့ဘၣ်, တၢ်အၢၣ်လီၤတမံၤလၢတၢ်လဲလိာ်ကွံာ်တသ့ဘၣ်န့ၣ်လီၤ. တၢ်န့ၣ်မ့ၢ်တၢ်ခဲလၢာ်လၢယမိၢ်န့ၢ်သးလီၤအီၤန့ၣ်လီၤ. တၢ်န့ၣ်ကမ့ၢ်ယတၢ်မၤနၢၤ, ဒီးကစၢ်ယွၤကမၤလၢထီၣ်ပှဲၤထီၣ်အီၤသပှၢ်တၢၢ်န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 21:7

ဘၣ်ဆၣ်ယွၤတအဲၣ်ဒိးမၤဟးဂီၤကွံာ်စီၤဒၤဝံးအစၢၤအသွဲၣ်အတၢ် ပၢဘၣ်, မ့ၢ်လၢအဝဲမၤတ့ၢ်တၢ်အၢၣ်လီၤတမံၤဒီးစီၤဒၤဝံးဒီးအၢၣ်လီၤ တ့ၢ်ဝဲဒၣ်လၢစီၤဒၤဝံးအစၢၤအသွဲၣ်တဖၣ်ကပၢထွဲတၢ်ထီဘိတထံၣ် ဃီအဃိန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 7:18

ယကဟံးဃာ်ဂၢၢ်ကျၢၤယတၢ်အၢၣ်လီၤလၢယမၤတ့ၢ်ဒီးနပၢ်စီၤဒၤဝံး, ဖဲယတဲတ့ၢ်အီၤလၢ, ကီၢ်အံၣ်စရ့လးကဘၣ်တၢ်ပၢအီၤတဘိယူာ်ဃီ လၢအဝဲအစၢၤအသွဲၣ်တဖၣ်န့ၣ်လီၤ.

စံးထီၣ်ပတြၢၤ 132:17

ယကဒုးကဲထီၣ်စီၤဒၤဝံးအစၢၤအသွဲၣ်တဖၣ် အကျါတဂၤလၢ စီၤပၤဖးဒိၣ်ဖဲအံၤ, ဒီးယကကတီၤဃာ် ယစီၤပၤလၢ ယဃုထၢအီၤ အတၢ်ပၢတၢ်ပြးန့ၣ်လီၤ.

စံးထီၣ်ပတြၢၤ 89:34

ယတမၤဟးဂီၤဘၣ်ယတၢ်အၢၣ်လီၤအီလီၤ. မ့တမ့ၢ်ယတဟံးန့ၢ်က့ၤတၢ်ကတိၤလၢ အထီၣ်ဖျဲးလၢယထးခိၣ်န့ၣ်ဘၣ်.

စံးထီၣ်ပတြၢၤ 89:36

ထီဘိအဝဲကအိၣ်ဒီးအစၢၤအသွဲတဖၣ် ဒီးယကအံးလီၤကွၢ်လီၤအဘီအမုၢ် ယံာ်ဝဲထဲသိးမုၢ်အတၢ်ကပီၤအိၣ်ဝဲန့ၣ်လီၤ.

လံာ်ယၡါယၤ 55:3

ဒိကနၣ်ခဲအံၤ, ယပှၤဂီၢ်မုၢ်သ့ၣ်ဧၢ, ဒီးဟဲဆူယအိၣ်တက့ၢ်. ဟဲဆူယအိၣ်ဒီးသုကန့ၢ်ဘၣ်တၢ်မူလီၤ. ယကမၤတၢ်အၢၣ်လီၤအီလီၤအထူအယိာ်ဒီးသု ဒီးဟ့ၣ်သုတၢ်ဆိၣ်ဂ့ၤတဖၣ်လၢယအၢၣ်လီၤတ့ၢ်စီၤဒၤဝံးန့ၣ်လီၤ.

လံာ်ယၡါယၤ 66:22

ဒ်ဟီၣ်ခိၣ်အသီဒီးမူခိၣ်အသီအိၣ်ဂၢၢ်အိၣ်ကျၢၤဝဲလၢယတၢ်စိ တၢ်ကမီၤအဃိအသိးန့ၣ်, သုစၢၤသုသွဲၣ်တဖၣ်ဒီးသုမံၤကအိၣ် ဂၢၢ်ဆိးကျၢၤဝဲလီၤ.

လံာ်ယံးရမံယၤ 33:18

ဒီးလၢပှၤလုၢ်တၢ်အခိၣ်တဖၣ် လၢလ့ၤဝံအဒူၣ်တခီကအိၣ်ဝဲထီဘိ လၢကမၤယတၢ်မၤဒီး ကလုၢ်ထီၣ်တၢ်လုၢ်မ့ၣ်အူတဖၣ်, တၢ်လုၢ်ဘုဧိၤဟုဧိၤတဖၣ်, ဒီးတၢ်လုၢ်တၢ်ပာ်တဖၣ် အဂီၢ်န့ၣ်လီၤ.”

လံာ်ဒၤနံးယ့လး 7:14

အဝဲဘၣ်တၢ်ဟ့ၣ်လီၤအီၤလၢပှၤပၢတၢ်အစိကမီၤ, တၢ်လၤကပီၤ, ဒီးစီၤလိၣ်စီၤပၤအစိကမီၤ, ဒ်သိးကယဲၢ်ပှၤဂီၢ်မုၢ်လၢထံကီၢ်ခဲလၢာ်, ပှၤကိးကလုာ်ဒဲးဒီးပှၤကတိၤကျိာ်အကလုာ်ကလုာ်တဖၣ်ကမၤ အခ့အပှၤအတၢ်မၤန့ၣ်လီၤ. အစိအကမီၤကအိၣ်လီၤထူလီၤယိာ်, ဒီးအဘီအမုၢ်န့ၣ်အကတၢၢ်တအိၣ်ဘၣ်.

လံာ်မးသဲ 24:35

မူခိၣ်ဒီးဟီၣ်ခိၣ်ကလဲၤပူၤကွံာ်ဝဲ, မ့မ့ၢ်ယကလုၢ်ယကထါတဖၣ်တလဲၤပူၤကွံာ်နီတဘျီဘၣ်.

လံာ်လီၣ်ဖျါ 5:10

နဒုးကဲထီၣ်အဝဲသ့ၣ်လၢဘီမုၢ်တဘ့ၣ်လၢ အဘၣ်ဃးဒီးပှၤလုၢ်တၢ်အခိၣ်တဖၣ် လၢအကမၤကစၢ်ယွၤအတၢ်ဖံးတၢ်မၤအဂီၢ်န့ၣ်လီၤ. ဒီးအဝဲသ့ၣ်ကပၢတၢ်လၢဟီၣ်ခိၣ်ချၢလီၤ.”