လံာ်ယံးရမံယၤ 33:2 - Sgaw Karen Common Bible

² ယွၤလၢ အတ့လီၤတ့ၢ်ဟီၣ်ခိၣ်, လၢအဒုးကဲ ထီၣ်တ့ၢ်အီၤဒီး ပာ်လီၤအီၤလၢ အလီၢ်န့ၣ် ကတိၤတ့ၢ်တၢ်ဒီးယၤလီၤ. ပှၤလၢအမံၤမ့ၢ်ယွၤ စံးဝဲဒၣ်,

လံာ်ယံးရမံယၤ 33:2 Iomraidhean Croise

စံးထီၣ်ပတြၢၤ 102:16

အဂ့ၢ်ဒ်အံၤ, ယွၤကသူၣ်ထီၣ်က့ၤစံယိၣ်, ဒီးအဝဲကအိၣ်ဖျါထီၣ်လၢအလၤကပီၤအပူၤလီၤ.

စံးထီၣ်ပတြၢၤ 87:5

လၢစံယိၣ်အဂ့ၢ်န့ၣ် တၢ်ကစံးဝဲဒၣ်လၢ ပှၤကိးကလုာ်ဒဲးဘၣ်ထွဲဖဲန့ၣ်, ဒီးတၢ်စိတၢ်ကမီၤ ခဲလၢာ်အကစၢ် ကမၤဆူၣ်ထီၣ်အီၤလီၤ.

လံာ်တၢ်ဟးထီၣ်ကွံာ် 15:3

ယွၤမ့ၢ်ပှၤဒုးတၢ်တဂၤ, ယွၤမ့ၢ်အမံၤလီၤ.

လံာ်တၢ်ဟးထီၣ်ကွံာ် 6:3

ယလီၣ်ဖျါထီၣ်တ့ၢ်ယသးဆူစီၤအၤဘြၤဟၣ်, စီၤအံၤစဲးဒီး စီၤယၤကိာ်ဒ်သ့တၢ်လၢာ်ကစၢ်ယွၤအသိးန့ၣ်လီၤ. ဘၣ်ဆၣ်ဒီးယတဒုးသ့ၣ်ညါယသးလၢအဝဲသ့ၣ်ခီဖျိယမံၤစီဆှံ, ယွၤန့ၣ်ဘၣ်.

လံာ်ယၡါယၤ 14:32

မ့ၢ်ပကစံးဆၢပှၤစိာ်တၢ်ကစီၣ်တဖၣ်လၢအဟဲဆူပအိၣ်လၢကီၢ် ဖလ့ၡသးတခီန့ၣ်ဒ်လဲၣ်. ပကတဲဘၣ်အဝဲသ့ၣ်လၢယွၤဒုးအိၣ်ထီၣ် ဒီးပာ်ဂၢၢ်ပာ်ကျၢၤလံဝ့ၢ်စံယိၣ်လီၤ. ဒီးအပှၤဂီၢ်မုၢ်လၢ အတူၢ်ဘၣ်တၢ်နးတၢ်ဖှီၣ်တဖၣ်ကထံၣ်န့ၢ်တၢ်ပူၤဖျဲးဖဲန့ၣ်န့ၣ်လီၤ.

လံာ်ယၡါယၤ 37:26

မ့ၢ်နတနၢ်ဟူတ့ၢ်နဲနီတစုလၢယကူၣ်ကျဲၤတၢ်အံၤယံာ်တ့ၢ်လံ န့ၣ်ဘၣ်ဧါ. ဒီးခဲအံၤ, ယမၤထွဲတ့ၢ်အီၤလံ. ယဟ့ၣ်တ့ၢ်နၤတၢ်စိကမီၤလၢနကဒုးကဲထီၣ်ဝ့ၢ်တဖၣ်လၢအအိၣ်ဒီး တိာ်ဧိၤတာ်ဧိၤဆူတၢ်လီၤပှီၢ်ဟးဂီၤအတၢ်ပာ်ဖှိၣ်တဖၣ်န့ၣ်လီၤ.

လံာ်ယၡါယၤ 42:8

ထဲယၤတဂၤဧိၤ, ယမ့ၢ်ယွၤသုကစၢ်ယွၤလီၤ. ယတဟ့ၣ်ဘၣ်ယလၤကပီၤဆူကစၢ်အဂၤတဖၣ်ဘၣ်. တၢ်ဂီၤတၢ်ဖီၣ်တဖၣ်န့ၣ်ယတဟ့ၣ်အီၤတၢ်စံးထီၣ်ပတြၢၤဘၣ်.

လံာ်ယၡါယၤ 43:1

ကီၢ်အံၣ်စရ့လးဧၢ, ယွၤလၢအတ့လီၤပာ်လီၤတ့ၢ်နၤစံးဝဲ, “ပျံၤတၢ်တဂ့ၤ. ယကအုၣ်က့ၤခီၣ်က့ၤနၤလီၤ. ယကိးတ့ၢ်နၤလၢနမံၤ, နမ့ၢ်ယတၢ်လီၤ.

လံာ်ယၡါယၤ 43:21

အဝဲသ့ၣ်မ့ၢ်ပှၤဂီၢ်မုၢ်တဖုလၢယတ့လီၤလၢယဂီၢ်ဒၣ်ယဲ ဒီးအဝဲသ့ၣ်ကသးဝံၣ်ယတၢ်စံးထီၣ်ပတြၢၤ တဖၣ်လီၤ.”

လံာ်ယၡါယၤ 62:7

တချုးဒံးလၢအဝဲဒုးအိၣ်ဂၢၢ်ကျၢၤက့ၤဝ့ၢ်ယရူၤၡလ့ၣ်, ဒီးဒုးကဲထီၣ်အီၤလၢဝ့ၢ်တဖျၢၣ်လၢဟီၣ်ခိၣ်ဒီဘ့ၣ် စံးထီၣ်ပတြၢၤအီၤဒံးဘၣ်န့ၣ်, အဝဲသ့ၣ်တဘၣ်ဒုးအိၣ်ဘှံးအိၣ်သါအီၤဘၣ်.

လံာ်ယံးရမံယၤ 10:16

စီၤယၤကိာ်အကစၢ်ယွၤတလီၤဂာ်ဒီးအဝဲသ့ၣ်ဘၣ်. အဝဲမ့ၢ်ပှၤတဂၤလၢအတ့လီၤပာ်လီၤတၢ်ခဲလၢာ်, ဒီးအဝဲဃုထၢတ့ၢ်ပှၤအံၣ်စရ့လးဖိလၢကမ့ၢ်အဝဲအတၢ်န့ၢ်သါအပှၤဂီၢ် မုၢ်ဒၣ်ဝဲန့ၣ်လီၤ. သ့တၢ်လၢာ်ကစၢ်ယွၤ, မ့ၢ်အမံၤန့ၣ်လီၤ.

လံာ်ယံးရမံယၤ 16:21

ယွၤစံးဝဲဒၣ်, “မ့မ့ၢ်ဒ်န့ၣ်ဒီး, ယကဒုးသ့ၣ်ညါပှၤကလုာ်တဖၣ် လၢယစိယကမီၤဒီးယဂံၢ်ယဘါထဲတဘျီအံၤဒီးအကတၢၢ်တဘျီဒ်သိး အဝဲသ့ၣ်ကသ့ၣ်ညါလၢယမ့ၢ်ယွၤန့ၣ်လီၤ.”

လံာ်ယံးရမံယၤ 32:18

နဒုးနဲၣ်တ့ၢ်တၢ်အဲၣ်တထံၣ်ဃီဆူ ပှၤအကထိတဖၣ်, ဘၣ်ဆၣ်ဒီး နစံၣ်ညီၣ်စ့ၢ်ကီၤပှၤဂီၢ်မုၢ်လၢ အမိၢ်အပၢ် တဖၣ် အတၢ်ဒဲးဘးတဖၣ်အဃိန့ၣ်လီၤ. နမ့ၢ်ကစၢ်ယွၤ လၢအဒိၣ်နီၢ်မးဒီး အစိအကမီၤဒိၣ်နီၢ်မးတဂၤန့ၣ်လီၤ. နမ့ၢ်ယွၤသ့တၢ်လၢာ်တဂၤလီၤ.

လံာ်ယံးရမံယၤ 51:19

စီၤယၤကိာ်အကစၢ်ယွၤ တဒ်သိးဘၣ်အဝဲသ့ၣ်ဘၣ်. အဝဲမ့ၢ်ပှၤတဂၤလၢ အတ့လီၤပာ်လီၤတၢ်ခဲလၢာ်, ဒီးအဝဲဃုထၢတ့ၢ်လံ အံၣ်စရ့လးလၢ ကမ့ၢ်အပှၤဂီၢ် မုၢ်ဒၣ်ဝဲန့ၣ်လီၤ. ယွၤသ့တၢ်လၢာ်မ့ၢ်အမံၤန့ၣ်လီၤ.

လံာ်ဧၤမိၣ် 5:8

ယွၤတ့လီၤဆၣ်တဖၣ်, ဆၣ်ဒၢမုၢ်ဒီးဆၣ်ယိးမါလီၤ. လဲလိာ်ကွံာ်ဝဲတၢ်ခံးတၢ်နၤဆူမုၢ်နံၤအတၢ်ကပီၤ ဒီးမုၢ်နံၤဆူမုၢ်နၤန့ၣ်လီၤ. အဝဲကိးန့ၢ်ပီၣ်လဲၣ်အထံဒီးလူလီၤအီၤလၢ ဟီၣ်ခိၣ်အဖီခိၣ်လီၤ. အမံၤမ့ၢ်ယွၤလီၤ.

လံာ်ဧၤမိၣ် 9:6

ယွၤသူၣ်ထီၣ်အဒၢးထီၣ်ထီတဖၣ်လၢမူခိၣ်အလီၢ်တဖၣ်, ဒီးကျၢၢ်လီၤဝဲမူခိၣ်ဒ်တၢ်အခိၣ်ဒုးလၢဟီၣ်ခိၣ်အဖီခိၣ်လီၤ. အဝဲကိးထီၣ်ထံလၢပီၣ်လဲၣ်ပူၤဒီးလူလီၤဝဲလၢဟီၣ်ခိၣ်လိၤ န့ၣ်လီၤ. အမံၤမ့ၢ်ယွၤလီၤ.

ဧ့ၤဘြံၤ 11:10

အဂ့ၢ်ဒ်အံၤ, အဝဲဒၣ်အိၣ်ခိးကွၢ်လၢ်ဝ့ၢ်တဖျၢၣ်လၢ အအိၣ်ဒီးအခီၣ်ထံးအဂၢၢ်အကျၢၤ, ဝ့ၢ်လၢပှၤတ့အီၤဒီးပှၤသူၣ်ထီၣ်အီၤမ့ၢ်ကစၢ်ယွၤန့ၣ်လီၤ.

ဧ့ၤဘြံၤ 11:16

မ့မ့ၢ်ခဲကနံၣ်အံၤ, အဝဲသ့ၣ်ဆၢန့ၢ်ဘၣ်ထံကီၢ်လၢအဂ့ၤန့ၢ် အန့ၣ်တက့ၢ်, ဒ်ပစံးတၢ်အသိးလၢအဘၣ်ဃးဒီးမူခိၣ်န့ၣ် လီၤ. မၤသးဒ်န့ၣ်ဒီးကစၢ်ယွၤအမဲာ်တဆှးဘၣ်လၢပှၤကကိး အီၤလၢအဝဲသ့ၣ်အကစၢ်န့ၣ်ဘၣ်. အဂ့ၢ်မ့ၢ်လၢအကတဲာ်ကတီၤတ့ၢ်လံဝ့ၢ်တဖျၢၣ်လၢအဝဲသ့ၣ် အဂီၢ်အဃိန့ၣ်လီၤ.

လံာ်လီၣ်ဖျါ 21:10

ယွၤအသးပၢၤဃာ်ယၤ, ဒီးကလူးတဂၤန့ၣ်စိာ်ယၤဆူကစၢၢ်ဖးထီတဖျၢၣ်အဒီခိၣ်လီၤ. အဝဲဒုးနဲၣ်ယၤလၢဝ့ၢ်ယရူၤၡလ့ၣ်, ဝ့ၢ်စီဆှံတဖျၢၣ်, ဟဲလီၤလၢမူခိၣ်, လၢကစၢ်ယွၤအအိၣ်,

လံာ်လီၣ်ဖျါ 21:2

ဒီးယထံၣ်ဝ့ၢ်စီဆှံ, ဝ့ၢ်ယရူၤၡလ့ၣ်အသီတဖျၢၣ်န့ၣ်, ဟဲလီၤလၢမူခိၣ်လၢကစၢ်ယွၤအအိၣ်, ဘၣ်တၢ်ကတဲာ်ကတီၤအီၤဒီးအိၣ်ကတဲာ်ကတီၤပာ်အသး, ဒ်တလးမူးပိာ်မုၣ်တဂၤဘၣ်တၢ်ဒုးကူဒုးသိးပာ်အီၤလၢ အကသဂၢၢ်အဝၤအဂီၢ်အသိးန့ၣ်လီၤ.