လံာ်ယံးရမံယၤ 33:15 - Sgaw Karen Common Bible

¹⁵ ဖဲတၢ်ဆၢကတီၢ်အဝဲန့ၣ်, ယကဃုထၢပှၤအတီအလိၤတဂၤလၢ အလီၤစၢၤလၢ စီၤဒၤဝံးဒ်စီၤပၤတဂၤအသိးန့ၣ်လီၤ. စီၤပၤအဝဲန့ၣ်ကမၤတၢ်လၢ အဘၣ်ဒီးတီဝဲလိၤဝဲ, လၢကီၢ်ဒီဘ့ၣ်ညါအပူၤန့ၣ်လီၤ.

လံာ်ယံးရမံယၤ 33:15 Iomraidhean Croise

စံးထီၣ်ပတြၢၤ 45:4

ဒိးထီၣ်နကသ့ၣ်လၢ တၢ်ကဟုကညီၢ်အပူၤ ဆူတၢ်မၤနၢၤ, လၢတၢ်ဒီသဒၢတၢ် မ့ၢ်တၢ်တီဒီးတၢ်စံၣ်ညီၣ်တီအဂီၢ်တက့ၢ်. ပျဲနစုထွဲဒုးနဲၣ်နၤ တၢ်ဖံးတၢ်မၤလီၤလးတဖၣ်န့ၣ်တက့ၢ်.

စံးထီၣ်ပတြၢၤ 45:7

နအဲၣ်တၢ်လၢအမ့ၢ်ဝဲတီဝဲ ဒီးသးဟ့တၢ်အၢတၢ်သီန့ၣ်လီၤ. လၢတၢ်န့ၣ်အဃိကစၢ်ယွၤ, နကစၢ်ယွၤ, ဃုထၢတ့ၢ်နၤ ဒီးလူလီၤတၢ်သးဖှံလၢနလိၤ အါန့ၢ်စီၤပၤအဂၤတက့ၢ်န့ၣ်လီၤ.

လံာ်ယၡါယၤ 4:2

တၢ်ဆၢကတီၢ်ဟဲဝဲဖဲယွၤကပျဲတၢ်မုၢ်တၢ်ဘိဒီးသ့ၣ်ကိးထံးဒဲး လၢကီၢ်ပူၤကဒိၣ်ထီၣ်ဒီးဃံလၤဝဲလီၤ. ကယဲၢ်ပှၤအံၣ်စရ့လးဖိခဲလၢာ်လၢအမူဒံးတဖၣ်ကသူၣ်မုာ်သးခုဝဲ ဒီးပာ်ကဖၢလၢအသးလၢဟီၣ်ခိၣ်ဟ့ၣ်ထီၣ်ဝဲအတၤသူတၤသၣ် တဖၣ်အဃိလီၤ.

လံာ်ယၡါယၤ 42:21

ယွၤမ့ၢ်ကစၢ်ယွၤတဂၤလၢအသူၣ်ဆူၣ်သးဂဲၤဒ်သိးအကအုၣ်က့ၤခီၣ် က့ၤတၢ်န့ၣ်လီၤ. သတးဒီး, အဝဲယူာ်ထီၣ်ထီအတၢ်သိၣ်တၢ်သီဒီးအတၢ်သိၣ်လိတဖၣ်, ဒီးအဲၣ်ဒိးဝဲလၢအပှၤဂီၢ်မုၢ်ကယူးယီၣ်ပာ်ကဲတၢ်သ့ၣ်တဖၣ်န့ၣ်လီၤ.

လံာ်ယၡါယၤ 53:2

မ့ၢ်တၢ်ဘၣ်ယွၤအသးလၢအခ့အပှၤကဒိၣ်ထီၣ် ဒ်သ့ၣ်တထံးစဲၤလီၤအဂံၢ်လၢဟီၣ်ခိၣ်ဃ့ထီအပူၤအသိးန့ၣ်လီၤ. အသူးအသ့ၣ်မ့ၢ်ဂ့ၤ, အတၢ်ဃံတၢ်လၤမ့ၢ်ဂ့ၤ လၢပကပာ်သူၣ်ပာ်သးအီၤအဂီၢ်န့ၣ် တအိၣ်ဘၣ်နီတမံၤဘၣ်. တအိၣ်ဘၣ်ဒီးတၢ်နီတမံၤလၢအလီၤထုးသူၣ်ထုးသး, ဒီးတၢ်လၢအကထုးန့ၢ်ပှၤဆူအအိၣ်တအိၣ် နီတမံၤဘၣ်.

လံာ်ယၡါယၤ 9:7

အစီၤလိၣ်စီၤပၤအစိကမီၤကဒိၣ်ထီၣ်ကွ့ၢ်ကွ့ၢ် ဒီးအဘီအမုၢ်ကမုာ်ကခုၣ်ဝဲထီဘိန့ၣ်လီၤ. အဝဲကပၢတၢ်ဒ်ပှၤလၢအကထီၣ်စီၤပၤစီၤဒၤဝံးအလီၢ် တဂၤအသိး, အတၢ်စိတၢ်ကမီၤန့ၣ်ကသူၣ်ထီၣ်ဝဲလၢတၢ်တီတၢ်လိၤ ဒီးတၢ်စံၣ်ညီၣ်တီအဖီခိၣ်, စးထီၣ်ခဲအံၤတုၤတၢ်အစိၤကတၢၢ်န့ၣ်လီၤ. ယွၤ, သ့တၢ်လၢာ်ကစၢ်န့ၣ်, ပာ်လီၤအသးသပှၢ်တၢၢ်လၢကမၤတၢ်အံၤခဲ လၢာ်လီၤ.

လံာ်ယံးရမံယၤ 17:25

အန့ၣ်ဒီး, အဝဲသ့ၣ်အစီၤပၤတဖၣ်ဒီးအစီၤပၤဖိခွါတဖၣ်ကဟဲနုာ်လီၤ လၢဝ့ၢ်ယရူၤၡလ့ၣ်အတြဲၤတဖၣ်, ဒီးကအိၣ်ဒီးစီၤလိၣ်စီၤပၤ အစိကမီၤတမံၤဃီဒ်စီၤဒၤဝံးမၤန့ၢ်တ့ၢ်ဝဲအသိးန့ၣ်လီၤ. အဝဲသ့ၣ်ကဒိးလ့ၣ်ကဟၣ်ဒီးကသ့ၣ်တဖၣ်ဃုာ်ဒီးကီၢ်ယူဒၤဒီးဝ့ၢ် ယရူၤၡလ့ၣ်အပှၤဂီၢ်မုၢ်, ဒီးဝ့ၢ်ယရူၤၡလ့ၣ်ကပှဲၤ ဝဲဒီးပှၤဂီၢ်မုၢ်ထီဘိန့ၣ်လီၤ.

လံာ်ယံးရမံယၤ 30:9

အခိၣ်တလိာ်, အဝဲသ့ၣ်ကမၤယၤ, ယွၤအဝဲသ့ၣ် အကစၢ်ယွၤ, ဒီးစီၤဒၤဝံးအစၢၤ အသွဲၣ်လၢယကပာ် ထီၣ်အီၤလၢ စီၤပၤအလီၢ်တဂၤ, အတၢ်မၤန့ၣ်လီၤ.

လံာ်ယံးရမံယၤ 50:7

အဝဲသ့ၣ်ဘၣ်တၢ်ဒုးအီၤလၢပှၤလၢအထံၣ်န့ၢ်အီၤခဲလၢာ်လီၤ. အဝဲသ့ၣ်အဒုၣ်အဒါတဖၣ် စံးဝဲလၢ, အဝဲသ့ၣ်မၤတ့ၢ်တၢ်ဒဲးဘး ထီဒါယွၤအဃိ, တၢ်လၢပမၤတ့ၢ်န့ၣ်တကမၣ်ဘၣ်. အဝဲသ့ၣ်အမိၢ်ပၢ်ဖံဖုလၢပျၢၤတဖၣ် နာ်ယွၤဒီးအဝဲသ့ၣ် အကစၢ်ဒၣ်ဝဲစ့ၢ်ကီး ကြၢးသးတီတ့ၢ်ဒံးဒီးအီၤန့ၣ်လီၤ.

လံာ်စကၤရယၤ 3:8

ပှၤလုၢ်တၢ်အခိၣ်အဒိၣ်ကတၢၢ်စီၤယိၤၡူဧၢ, ဒိကနၣ်တက့ၢ်. အတံၤသကိးကဒဲကဒဲပှၤလုၢ်တၢ်အခိၣ်တဖၣ်, သုဝဲလၢအမ့ၢ်တၢ်ပနီၣ်အဂ့ၤတမံၤလၢခါဆူညါအဂီၢ်သ့ၣ်ဧၢ, ဒိကနၣ်တက့ၢ်. ယကလီၣ်ဖျါထီၣ်ယခ့ယပှၤ, လၢအဘၣ်တၢ်ကိးအီၤလၢတၢ်အဒ့န့ၣ်လီၤ.

လံာ်လီၣ်ဖျါ 19:11

တုၤနုၤတစုယထံၣ်မူခိၣ်အိးထီၣ်အသး, ဒီးဖဲန့ၣ်ကသ့ၣ်ဖါဝါအိၣ်ဝဲဒၣ် တဒုလီၤ. ပှၤဒိးကသ့ၣ်တဂၤအံၤဘၣ်တၢ်ကိးအီၤလၢ ကလုၢ်တီဒီးတီလိၤန့ၣ်လီၤ. အဝဲဒၣ်စံၣ်ညီၣ်ဒီးဒုးအတၢ်ဒုးသုးတဖၣ်လၢတၢ်တီတၢ်လိၤ အပူၤလီၤ.