လံာ်ယံးရမံယၤ 33:11 - Sgaw Karen Common Bible

¹¹ တၢ်သူၣ်ဖှံသးညီဒီး တၢ်သူၣ်ခုသးခုအတၢ်ကိး သီၣ်ထီၣ်တဖၣ်ဒီး တၢ်တ့တၢ်ဖျီအတၢ်သးဖှံ အတၢ်အီၣ်အမူးတဖၣ် အတၢ်ကလုၢ်သီၣ်ထီၣ်ဝဲ န့ၣ်လီၤ. နကနၢ်ဟူဘၣ်ပှၤဂီၢ်မုၢ်သးဝံၣ်တၢ်ဖဲ အဝဲသ့ၣ်ဟဲစိာ်ထီၣ်တၢ်လုၢ်စံးထီၣ်ပတြၢၤတဖၣ် ဆူယတၢ်လုၢ်ဟံၣ်အခါလီၤ. အဝဲသ့ၣ်ကစံးဝဲ, ‘စံးထီၣ်ပတြၢၤယွၤသ့တၢ်လၢာ်တက့ၢ်. အဂ့ၢ်ဒ်အံၤ, အဝဲဒၣ်ဂ့ၤဝဲလီၤ. ဒီးအတၢ်အဲၣ်မ့ၢ်တၢ်အထူအယိာ်လီၤ’ န့ၣ်လီၤ. ယကဒုးဘီၣ်ထီၣ်ညီထီၣ် ကီၢ်အံၤ ဒ်အအိၣ်ပာ် စၢၤတ့ၢ်လံဝဲ လၢညါအသိးန့ၣ်လီၤ. ယၤ, ယွၤအံၤ, ကတိၤလံတၢ်လံ.”

လံာ်ယံးရမံယၤ 33:11 Iomraidhean Croise

လံာ်ကွဲးနီၣ်တၢ်အခီၣ်ထံးတဘ့ၣ် 16:34

ဟ့ၣ်ယွၤလၢတၢ်စံးဘျုးစံးဖှိၣ်တက့ၢ်. အဂ့ၢ်ဒ်အံၤယွၤန့ၣ်ဂ့ၤဝဲ ဒီးအတၢ်အဲၣ်အိၣ်ဝဲလီၤထူလီၤယိာ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 16:8

ဟ့ၣ်ယွၤလၢတၢ်စံးဘျုးစံးဖှိၣ်, ဒုးဟူထီၣ်သါလီၤအတၢ်ဒိၣ်တၢ်မုၢ်, တဲဘၣ်ပှၤကလုာ်တဖၣ်တၢ်လၢ အဝဲမၤတ့ၢ်ဝဲန့ၣ်တက့ၢ်.

လံာ်ကွဲးနီၣ်တၢ်ခံဘ့ၣ်တဘ့ၣ် 20:21

တုၤအကူၣ်လိာ်ဖးလိာ်သကိးအသးဒီးပှၤဂီၢ်မုၢ်ဝံၤအလီၢ်ခံန့ၣ်, စီၤပၤဟ့ၣ်လီၤအကလုၢ်လၢပှၤသးဝံၣ်တၢ်ဖိတနီၤကကူထီၣ်သိးထီၣ် အဆ့ကၤဒိၣ်တဖၣ်လၢအဝဲသ့ၣ်ကူသိးဝဲဖဲဘူၣ်စီဆှံအကတီၢ်တဖၣ်န့ၣ်, ဒီးကလဲၤတၢ်လၢသုးမုၢ်အမဲာ်ညါဒီးသးဝံၣ်ထီၣ်တၢ်, “စံးထီၣ်ပတြၢၤယွၤတက့ၢ်. အဝဲအတၢ်အဲၣ်မ့ၢ်တၢ်လီၤထူလီၤ ယိာ်န့ၣ်လီၤ.”

လံာ်ကွဲးနီၣ်တၢ်ခံဘ့ၣ်တဘ့ၣ် 29:31

စီၤဃံးစကံယၤစံးဘၣ်ပှၤဂီၢ်မုၢ်, “ခဲကနံၣ်အံၤမ့ၢ်လၢသု ကဆှီဒ်တၢ်အလုၢ်အလၢ်အိၣ်အသိးအဃိ, ဟဲစိာ်တၢ်လုၢ်တၢ်ပာ်တဖၣ်ဒ်တၢ်စံးဘျုးစံးဖှိၣ်ယွၤအတၢ်လုၢ် မၤဘူၣ်တဖၣ်တက့ၢ်.” အဝဲသ့ၣ်စူၢ်ဝဲ, ဒီးပှၤအဂၤတနီၤစ့ၢ်ကီးဟဲစိာ်ဆၣ်ဖိကီၢ်ဖိတဖၣ်လၢတၢ်သူၣ်အိၣ် သးအိၣ်အပူၤဒ်သိးကလုၢ်ထီၣ်ဝဲဒ်တၢ်လုၢ်မ့ၣ်အူတဖၣ်အသိးန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 5:13

ပှၤသးဝံၣ်တၢ်ဖိတဖၣ်သးဝံၣ်တၢ်အိၣ်ဒီးတၢ်ဃူဃီၣ်လီၤပလိာ်အလၢ အပှဲၤလၢအမုာ်မးဘၣ်လိာ်ဖိးဒ့လိာ်အသးဒီးကွဲၤတဖၣ်, စှၢၣ်စှံးတဖၣ်ဒီးတၢ်ဒ့တၢ်အူအပိးအလီအဂၤတဖၣ်အသီၣ်, ဖဲအဝဲသ့ၣ်သးဝံၣ်စံးထီၣ်ပတြၢၤယွၤဒီးစံး, “စံးထီၣ်ပတြၢၤယွၤတက့ၢ်. အဂ့ၢ်ဒ်အံၤ, အဝဲဒၣ်န့ၣ်ဂ့ၤဝဲလီၤ. ဒီးအဝဲအတၢ်အဲၣ်န့ၣ်မ့ၢ်တၢ်အဲၣ်အထူ အယိာ်လီၤ.” သတူၢ်ကလာ်တၢ်လုၢ်ဟံၣ်န့ၣ်ဘၣ်တၢ်မၤပှဲၤအီၤဒီးတၢ် အၢၣ်လၢအကပီၤဝဲဒီးယွၤအတၢ်အိၣ်ဝဲအတၢ်ကပြုၢ်ကပြီၤန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 7:3

တုၤအံၣ်စရ့လးအပှၤဂီၢ်မုၢ်ထံၣ်တ့ၢ်မ့ၣ်အူဟဲလီၤလၢမူခိၣ် ဒီးတၢ်ကပီၤမၤပှဲၤယွၤအတၢ်လုၢ်ဟံၣ်န့ၣ်ဒီး, အဝဲသ့ၣ်ထိၣ်တွံၤလီၤအသးလၢအမဲာ်ညါ, ဒါလီၤအမဲာ်သၣ်တဖၣ်လၢ တၢ်ဒါလၢၢ်အဖီခိၣ်, ဘူၣ်ထီၣ်ဘါထီၣ်ကစၢ်ယွၤ, ဒီးစံးထီၣ်ပတြၢၤအီၤလၢအဝဲအတၢ် ဂ့ၤတၢ်ဝါဒီးအတၢ်အဲၣ်လီၤထူလီၤယိာ်အဃိန့ၣ်လီၤ.

လံာ်စီၤဧ့စြၤ 6:22

လၢနွံသီအတီၢ်ပူၤန့ၣ်, အဝဲသ့ၣ်မၤတၢ်သ့ၣ်နီၣ်မၤလၤကပီၤဘူၣ် တအိၣ်ဘၣ်ဒီးကိၣ်မံၣ်လၢတၢ်သူၣ်ခုသးခုအပူၤန့ၣ်လီၤ. အဝဲသ့ၣ်ပှဲၤဒီးတၢ်သူၣ်ခုသးခုမ့ၢ်လၢယွၤထိးဘၣ်တ့ၢ်ကီၢ်အၤ ၡူၢ်အစီၤပၤဖးဒိၣ်အသးလၢကကွၢ်မဲာ်အဝဲသ့ၣ်, တုၤဒၣ်လဲာ်မၤစၢၤအဝဲသ့ၣ်လၢအတၢ်ဖံးတၢ်မၤလၢတၢ်သူၣ်ထီၣ်ကဒါ က့ၤပှၤအံၣ်စရ့လးဖိအကစၢ်ယွၤအတၢ်လုၢ်ဟံၣ်အပူၤအဃိန့ၣ်လီၤ.

လံာ်စီၤနဃ့မယၤ 12:43

လၢမုၢ်တနံၤန့ၣ်တၢ်လုၢ်တၢ်ပာ်အါမးဘၣ်တၢ်လုၢ်ထီၣ်အီၤဒီးပှၤ ဂီၢ်မုၢ်ပှဲၤဝဲဒီးတၢ်သူၣ်ခုသးခုမ့ၢ်လၢကစၢ်ယွၤဒုးသးခုအဝဲသ့ၣ် ဒိၣ်မးအဃိန့ၣ်လီၤ. ပှၤပိာ်မုၣ်တဖၣ်, ပှၤဖိဒံဖိသၣ်တဖၣ်ပာ်ဖှိၣ်အသးလၢတၢ်မၤမူးအပူၤဒီးအဝဲသ့ၣ် ခဲလၢာ်အကလုၢ်အသီၣ်န့ၣ်ဘၣ်တၢ်နၢ်ဟူအီၤသ့ဝဲဖးယံၤဖးသံန့ၣ် လီၤ.

လံာ်စီၤနဃ့မယၤ 8:12

လၢတၢ်န့ၣ်အဃိ, ကယဲၢ်ပှၤဂီၢ်မုၢ်ခဲလၢာ်က့ၤဆူအဟံၣ်ဒၣ်ဝဲ, ဒီးအီၣ်တၢ်အီတၢ်လၢတၢ်သူၣ်ခုသးခုအပူၤဒီးနီၤလိာ်အသးဒီး တၢ်လၢအအိၣ်ဒီးအီၤန့ၣ်လီၤ. အဂ့ၢ်ဒ်အံၤ, အဝဲသ့ၣ်နၢ်ပၢၢ်တၢ်လၢအဘၣ်တၢ်ဖးဖျါန့ၢ်အီၤန့ၣ်လီၤ.

စံးထီၣ်ပတြၢၤ 106:1

စံးထီၣ်ပတြၢၤယွၤတက့ၢ်. စံးဘျုးယွၤတက့ၢ်. အဂ့ၢ်ဒ်အံၤ, အဝဲဒၣ်န့ၣ်ဂ့ၤဝဲလီၤ. အဂ့ၢ်ဒ်အံၤ, အတၢ်အဲၣ်ဂၢၢ်ကျၢၤ အိၣ်ဝဲလီၤထူလီၤယိာ်လီၤ.

စံးထီၣ်ပတြၢၤ 107:1

“အိ, ဟ့ၣ်တၢ်စံးဘျုးစံးဖှိၣ်ဆူယွၤတက့ၢ်. အဂ့ၢ်ဒ်အံၤ, ယွၤန့ၣ်ဂ့ၤဝဲလီၤ. အဂ့ၢ်ဒ်အံၤ, အတၢ်အဲၣ်ဂၢၢ်ကျၢၤ အိၣ်ဝဲလီၤထူလီၤယိာ်လီၤ.

စံးထီၣ်ပတြၢၤ 107:22

ဒီးမ်သုဝဲသ့ၣ်လုၢ်ထီၣ်တၢ်လုၢ်စံးဘျုးစံးဖှိၣ်တဖၣ်, ဒီးစံးဘၣ်တဲဘၣ်အတၢ်မၤတဖၣ်လၢ တၢ်သူၣ်ခုသးခုအတၢ်သးဝံၣ်တဖၣ် အပူၤန့ၣ်တက့ၢ်.

စံးထီၣ်ပတြၢၤ 116:17

ယကဟ့ၣ်နၤလၢတၢ်စံးဘျုးစံးဖှိၣ်အတၢ်လုၢ်ထီၣ် ဒီးကိးထီၣ်ယွၤအမံၤန့ၣ်လီၤ.

စံးထီၣ်ပတြၢၤ 147:13

အဂ့ၢ်ဒ်အံၤ, အဝဲမၤကျၢၤလံနတြဲၤအနီၣ်ဘိ, အဝဲဆိၣ်ဂ့ၤဆိၣ်ဝါနဖိနလံၤအိၣ်လၢနပူၤလီၤ.

စံးထီၣ်ပတြၢၤ 85:7

ယွၤဧၢ, ဒုးနဲၣ်ပှၤလၢနတၢ်အဲၣ်ဂၢၢ်ကျၢၤ, ဒီးဟ့ၣ်လီၤပှၤလၢနတၢ်အုၣ်က့ၤခီၣ်က့ၤအတၢ်မၤစၢၤန့ၣ်တက့ၢ်.

လံာ်ယၡါယၤ 35:10

အဝဲသ့ၣ်ကလဲၤတုၤဆူဝ့ၢ်ယရူၤၡလ့ၣ် လၢတၢ်သူၣ်ဖှံသးညီ, ကသူၣ်ဝံၣ်သးဆၢဒီးကကိးထီၣ်လၢအတၢ်သးခုဒိၣ်ဝဲအဃိလီၤ. အဝဲသ့ၣ်ကသူၣ်ဖှံသးညီအစိၤစိၤအဃၣ်ဃၣ်, အစိၤစိၤအဃၣ်ဃၣ်န့ၣ်ပူၤဖျဲးဝဲလၢတၢ်သူၣ်အုးသးအုးဒီး တၢ်ဘၣ်မိၣ်ဘၣ်မးလီၤ.

လံာ်ယၡါယၤ 51:11

ပှၤတဖၣ်လၢနမၤပူၤဖျဲးတ့ၢ်အီၤန့ၣ် ကလဲၤတုၤဝ့ၢ်ယရူၤရှလ့ၣ် လၢတၢ်သူၣ်ဖှံသးညီအပူၤ ဒီးကသးဝံၣ်တၢ်ဒီးကကိးထီၣ် ဝဲလၢတၢ်သူၣ်ခုသးခုအဂ့ၢ်န့ၣ်လီၤ. အဝဲသ့ၣ်ကသူၣ်ဖှံသးညီလီၤစိၤလီၤဃၣ် ဒီးပူၤဖျဲးကွံာ်ဒီးတၢ်ဘၣ်မိၣ်ဘၣ်မးဒီးတၢ်သူၣ် အုးသးအုးလီၤထူလီၤယိာ်န့ၣ်လီၤ.

လံာ်ယၡါယၤ 51:3

ယကဒုးနဲၣ်ယတၢ်သးကညီၤဆူဝ့ၢ်ယရူၤၡလ့ၣ်ဒီး, ဆူပှၤခဲလၢာ်လၢအအိၣ်လၢအတၢ်ဟးဂီၤတဖၣ်အပူၤလီၤ. အလီၢ်အကျဲမ့ၢ်မဲးမုၢ်ခိၣ်ဒၣ်လဲာ်, ယကဒုးကဲထီၣ်အီၤလၢ တၤသၣ်လီၢ်တလီၢ် လၢအလီၤဂာ်ဒီးတၤသၣ်လီၢ်လၢယသူၣ်လီၤတ့ၢ်အီၤလၢဧ့ၤဒ့ၣ်န့ၣ်လီၤ. တၢ်သူၣ်ခုသးခုဒီးတၢ်သူၣ်ဖှံသးညီ, တၢ်စံးထီၣ်ပတြၢၤဒီးတၢ်စံးဘျုးစံးဖှိၣ်ယၤ အတၢ်သးဝံၣ်တဖၣ်ကအိၣ်ဖဲန့ၣ်လီၤ.

လံာ်ယၡါယၤ 52:8

ပှၤတဖၣ်လၢအခိးဒီးပၢၤဝ့ၢ်ကိးထီၣ်ဝဲ, ကိးထီၣ်သကိးဝဲလၢတၢ်သးခုအဂ့ၢ်လီၤ. ယွၤအတၢ်ဟဲက့ၤကဒါက့ၤဆူဝ့ၢ်စံယိၣ် န့ၣ်အဝဲသ့ၣ်ထံၣ်ဘၣ်ဝဲလၢအမဲာ်ချံဒၣ်ဝဲသ့လီၤ.

လံာ်ယၡါယၤ 52:9

ကိးသတြီထီၣ်လၢတၢ်သးခု အတၢ်ကိးထီၣ်တဖၣ်တက့ၢ်, သုဝဲဝ့ၢ်ယရူၤၡလ့ၣ်အတၢ်ဟးဂီၤတဖၣ်ဧၢ. ယွၤကမၤပူၤဖျဲးအဝ့ၢ်ဒၣ်ဝဲဒီးမၤမုာ်မၤခုၣ်အပှၤဂီၢ်မုၢ်လီၤ.

လံာ်ယံးရမံယၤ 16:9

ဒိကနၣ်တၢ်လၢယၤ, ယွၤသ့တၢ်လၢာ်, အံၣ်စရ့လးအကစၢ်ယွၤ, ကစံးဘၣ်ဝဲန့ၣ်တက့ၢ်. ယကမၤဘှ့ၣ် မၤဘှီၣ်ကွံာ်တၢ်သးခုဒီးတၢ်သူၣ်ဖှံသးညီအသီၣ်တဖၣ်ဒီးတၢ် တ့တၢ်ဖျီအတၢ်အီၣ်အမူးတဖၣ်အတၢ်သူၣ်ဖှံသးညီအသီၣ်န့ၣ်လီၤ. ပှၤဂီၢ်မုၢ်ဖဲအံၤကအိၣ်မူထံၣ်ဘၣ်တၢ်အံၤမၤအသးန့ၣ်လီၤ.

လံာ်ယံးရမံယၤ 17:26

ပှၤဂီၢ်မုၢ်ကဟဲဝဲလၢကီၢ်ယူဒၤအဝ့ၢ်တဖၣ်ဒီးလၢသဝီတဖၣ်လၢ အအိၣ်ဝးတရံးဝ့ၢ်ယရူၤၡလ့ၣ်န့ၣ်လီၤ. အဝဲသ့ၣ်ကဟဲဝဲလၢဘံၣ်ယၤမံၣ်အဒူၣ်အလီၢ်ကဝီၤ, ဒီးလၢတၢ်လူၢ်တဖၣ်အခီၣ်ထံး, လၢကစၢၢ်ကလိတဖၣ်, ဒီးလၢကီၢ်ယူဒၤအကလံၤထံးန့ၣ်လီၤ. အဝဲသ့ၣ် ကဟဲစိာ်တၢ်လုၢ်မ့ၣ်အူတဖၣ်ဒီးတၢ်လုၢ်တၢ်ပာ်တဖၣ်, တၢ်လုၢ်ဘုဟုတဖၣ်ဒီးတၢ်နၢမူ, ဃုာ်ဒီးတၢ်စံး ဘျုးအတၢ်လုၢ်တဖၣ်ဆူယတၢ်လုၢ်ဟံၣ်န့ၣ်လီၤ.

လံာ်ယံးရမံယၤ 25:10

ယကမၤဘှ့ၣ် မၤဘှီၣ်အဝဲသ့ၣ် အတၢ်ကိးထီၣ်အသီၣ်လၢ တၢ်သးခုဒီးတၢ်သူၣ်ဖှံသးညီအပူၤ, ဒီးတၢ်တ့တၢ်ဖျီအတၢ်အီၣ်အမူးတဖၣ် အတၢ်သီၣ်ထီၣ်လၢတၢ်သူၣ်ဖှံသးညီအပူၤန့ၣ်လီၤ. လၢအဝဲသ့ၣ် အမ့ၣ်အူဒၢတဖၣ်အဂီၢ်သိတအိၣ်လၢၤဘၣ်, ဒီးဘုဧိၤဟုဧိၤတအိၣ် လၢၤစ့ၢ်ကီးဘၣ်န့ၣ်လီၤ.

လံာ်ယံးရမံယၤ 29:14

မ့ၢ်လံ, ယစံးယဲလၢ, သုကထံၣ်န့ၢ်ယၤ, ဒီးယကပာ်ကဒါက့ၤ သုလၢသုထံသုကီၢ်န့ၣ်လီၤ. ယကထၢဖှိၣ်သုလၢ ကယဲၢ်ကီၢ် ကိးဘ့ၣ်ဒဲး, ဒီးလၢကယဲၢ်တၢ်လီၢ်ကိးပူၤဒဲးလၢယမၤလီၤပြံလီၤပြါတ့ၢ်သု, ဒီးယကဟဲစိာ်ကဒါက့ၤသုဆူထံကီၢ်အပူၤလၢ ယတၢ်လီၢ်ဖဲ ယဆှၢဖျိးတ့ၢ်သုလၢတၢ်စိာ်မၢကဲကုၢ်အပူၤန့ၣ်လီၤ. ယၤ, ယွၤအံၤ, ကတိၤလံတၢ်လံ.”

လံာ်ယံးရမံယၤ 30:19

ပှၤဂီၢ်မုၢ်လၢ အအိၣ်ဆိးဝဲဖဲန့ၣ်, ကသးဝံၣ်စံးထီၣ်ပတြၢၤတၢ်, အဝဲသ့ၣ်ကကိးထီၣ်တၢ်လၢ တၢ်သးခုအပူၤန့ၣ်လီၤ. လၢယတၢ်ဆိၣ်ဂ့ၤအဃိန့ၣ်, အဝဲသ့ၣ်ကအါထီၣ်ဝဲလၢ အနီၣ်ဂံၢ်, ယတၢ်ဆိၣ်ဂ့ၤ ကဟဲစိာ်န့ၢ်အဝဲသ့ၣ်လၢ တၢ်လၤကပီၤ န့ၣ်လီၤ.

လံာ်ယံးရမံယၤ 30:3

အဂ့ၢ်ဒ်အံၤ, တၢ်ဆၢကတီၢ်ဟဲဝဲဖဲ ယကပာ်ကဒါက့ၤယပှၤဂီၢ်မုၢ် လၢကီၢ်အံၣ်စရ့လးဒီးကီၢ်ယူဒၤလၢ အလီၢ်န့ၣ်လံ. ယကဟဲက့ၤစိာ် ကဒါက့ၤ အဝဲသ့ၣ်ဆူ ကီၢ်တဘ့ၣ်န့ၣ်လၢ ယဟ့ၣ်သါတ့ၢ်အဝဲသ့ၣ် အမိၢ်ပၢ်ဖံဖုလၢပျၢၤတဖၣ်, ဒီးအဝဲသ့ၣ်ကန့ၢ်ဘၣ်က့ၤကဒီးအီၤန့ၣ်လီၤ. ယၤ, ယွၤအံၤ, ကတိၤလံတၢ်လံ.”

လံာ်ယံးရမံယၤ 32:44

ပှၤဂီၢ်မုၢ်ကပှ့ၤအီၤအိၣ်ဒီး လံာ်ဃံၤဃာ်တဖၣ်လၢ တၢ်ဆဲးလီၤမံၤ, တၢ်စဲပနီၣ်ဃာ်အီၤဒီး တၢ်အုၣ်သးအသးလၢ အဂ့ၢ်န့ၣ်လီၤ. တၢ်အံၤကမၤအသးလၢ ဘံၣ်ယၤမံၣ်အဒူၣ်ထၢအလီၢ်ကဝီၤ တဖၣ်အပူၤ, လၢကီၢ်ယူဒၤအဝ့ၢ်တဖၣ်အပူၤ, ဒီး လၢဝ့ၢ်လၢအိၣ်လၢ တၢ်လူၢ်တၢ်တြီၤ အကျါတဖၣ်အပူၤ, ဒီးဝ့ၢ်တဖၣ်လၢ တၢ်လူၢ်ခီၣ်ထံးဒီး ကီၢ်ယူဒၤကလံၤထံးအပူၤ န့ၣ်လီၤ. ယကပာ်က့ၤယပှၤဂီၢ်မုၢ်လၢ အဝဲသ့ၣ်အကီၢ်ဒၣ်ဝဲအပူၤလီၤ. ယၤ, ယွၤအံၤ, ကတိၤလံတၢ်လံ.”

လံာ်ယံးရမံယၤ 33:26

ဒီးဒ်ယမ့ၢ်တ့ၢ်တၢ်အံၤ သပှၢ်ကတၢၢ်အသိး, ယကဟံးဃာ် ဂၢၢ်ကျၢၤယတၢ်အၢၣ်လီၤအီလီၤဒီး စီၤယၤကိာ်အစၢၤအသွဲၣ် တဖၣ်, ဒီးယခ့ယပှၤစီၤဒၤဝံးန့ၣ်လီၤ. ယကဃုထၢ စီၤဒၤဝံး အစၢၤအသွဲၣ်အကျါတဂၤလၢကပၢစီၤအၤဘြၤဟၣ်, စီၤအံၤစဲး ဒီးစီၤယၤကိာ်အစၢၤအသွဲၣ် တဖၣ်န့ၣ်လီၤ. ယကသူၣ်ကညီၤသးကညီၤ ယပှၤဂီၢ်မုၢ်ဒီး ဒုးဘီၣ်ထီၣ် ကဒီးအဝဲသ့ၣ်န့ၣ်လီၤ.”

လံာ်ယံးရမံယၤ 33:7

ယကဒုးဘီၣ်ထီၣ်ညီထီၣ် ကီၢ်ယူဒၤဒီး ကီၢ်အံၣ်စရ့လး ဒီး ယကသူၣ်ထီၣ် ဘှီထီၣ်က့ၤ အဝဲသ့ၣ်ဒ်အအိၣ်ပာ်စၢၤတ့ၢ် လၢညါအသိးန့ၣ်လီၤ.

လံာ်ယံးရမံယၤ 7:34

ထံကီၢ်ကကဲထီၣ်မဲးမုၢ်ခိၣ်တတီၤလီၤ. လၢကီၢ်ယူဒၤအဝ့ၢ်တ ဖၣ်အပူၤဒီးလၢဝ့ၢ်ယရူၤၡလ့ၣ်အကျဲဘိတဖၣ်အပူၤန့ၣ်ယကမၤ ကတၢၢ်ကွံာ်တၢ်သူၣ်ခုသးခုဒီးတၢ်သူၣ်ဖှံသးညီအသီၣ် တဖၣ်ဒီးတၢ်တ့တၢ်ဖျီအမူးတဖၣ်အတၢ်သူၣ်ဖှံသးညီတဖၣ်န့ၣ်လီၤ.

လံာ်ဧၤမိၣ် 9:14

ယကဆှၢကဒါက့ၤယပှၤဂီၢ်မုၢ်ဆူအကီၢ်ဒၣ်ဝဲလီၤ. အဝဲသ့ၣ်ကသူၣ်ထီၣ်ကဘှီထီၣ်က့ၤအဝ့ၢ်တဖၣ်လၢအဟးဂီၤဒီးအိၣ်ဝဲ လၢအပူၤ, ကသူၣ်လီၤစပံးလီၢ်သ့ၣ်တဖၣ်ဒီးအီစပံးထံ, ကသူၣ်လီၤတၢ်လၢတၤသၣ်လီၢ်တဖၣ်ဒီးအီၣ်တၢ်လၢအသူၣ်လီၤဝဲန့ၣ်လီၤ.

လံာ်ယိၤနါ 2:9

မ့မ့ၢ်ယဲဒၣ်အံၤယကလုၢ်ထီၣ်နၤလၢ တၢ်လုၢ်အိၣ်ဒီးတၢ်သးဝံၣ်စံးထီၣ်ပတြၢၤနၤ ဒီးယကမၤတၢ်လၢယအၢၣ်လီၤအီလီၤန့ၣ်လီၤ. တၢ်အုၣ်က့ၤခီၣ်က့ၤန့ၣ်ဟဲလၢယွၤလီၤ.”

လံာ်နၤဃူၣ် 1:7

ယွၤန့ၣ်ဂ့ၤဝဲ ဒီးမ့ၢ်တိာ်ဧိၤတာ်ဧိၤလၢတၢ်ကိၢ်တၢ်ဂီၤ အမုၢ်တနံၤန့ၣ်လီၤ. ဒီးအဝဲသ့ၣ်ညါပှၤလၢအသန့ၤအသးလၢအီၤလီၤ.

လံာ်စဖါနယၤ 3:14

အံၣ်စရ့လးအပှၤဂီၢ်မုၢ်ဧၢ, သးဝံၣ်ဒီးကိးထီၣ်လၢတၢ်သူၣ်ဖှံသးညီ အပူၤတက့ၢ်. ဝ့ၢ်ယရူၤၡလ့ၣ်အပှၤဂီၢ်မုၢ်ဧၢ, သူၣ်ခုသးခုလၢနသးဒီဖျၢၣ်ညါန့ၣ်တက့ၢ်.

လံာ်စကၤရယၤ 10:7

ကီၢ်အံၣ်စရ့လးအပှၤဂီၢ်မုၢ်ကဂံၢ်ဆူၣ်ဘါဆူၣ်ထီၣ်ဒ် ပှၤသုးဖိတဖၣ်အသိး, ကသူၣ်ခုသးခုဒ်ပှၤတဖၣ်လၢအအီစပံးထံအသိးလီၤ. အဝဲသ့ၣ်အစၢၤအသွဲၣ်သ့ၣ်တဖၣ်ကသ့ၣ်နီၣ်ထီၣ် တၢ်မၤနၢၤအံၤ, ဒီးကသးခုဝဲလၢတၢ်လၢယွၤမၤတ့ၢ်ဝဲအဃိန့ၣ်လီၤ.

လံာ်စကၤရယၤ 8:19

“တၢ်ဒုၣ်တၢ်အီၣ်တၢ်အီတဖၣ်လၢအဘၣ်တၢ်မၤအီၤလၢလါလွံၢ်လါ တလါ, လါယဲၢ်လါတလါ, လါနွံလါတလါ, ဒီးလါဆံဆဲၣ်လါတလါန့ၣ်ကကဲထီၣ်တၢ်သူၣ်ဖှံသးညီဒီး တၢ်သူၣ်ခုသးခုအဘူၣ်တဖၣ်လၢကီၢ်ယူဒၤအပှၤဂီၢ်မုၢ်အဂီၢ်လီၤ. ဒီးသုကဘၣ်အဲၣ်တၢ်မ့ၢ်တၢ်တီဒီးတၢ်ဃူတၢ်ဖိးန့ၣ်လီၤ.”

လံာ်စကၤရယၤ 9:17

ထံကီၢ်ကဂ့ၤဝဲဒီးကဃံဝဲလၤဝဲဆံးဒိၣ်လဲၣ်. အဘုဧိၤဟုဧိၤဒီးအစပံးထံကဒုးဒိၣ်ထီၣ် ဒီးဒုးဂံၢ်ဆူၣ်ဘါဆူၣ်ထီၣ်အပှၤသးစၢ်ပိာ်ခွါပိာ်မုၣ်တဖၣ်လီၤ.

လံာ်ယိၤဟၣ် 3:29

ပှၤလၢအဘၣ်ဃးဒီးတလးမူးပိာ်ခွါန့ၣ်မ့ၢ်တလးမူးပိာ်မုၣ်လီၤ. ဘၣ်ဆၣ်ဒီး, တလးမူးပိာ်ခွါအတံၤသကိးလၢအဆၢထၢၣ်ဒီးဒိ ကနၣ်တၢ်တဂၤန့ၣ်, တုၤအနၢ်ဟူတလးမူးပိာ်ခွါအကလုၢ်ဒီး သးခုဒိၣ်မးလီၤ. ယတၢ်သးခုန့ၣ်လၢထီၣ်ပှဲၤထီၣ်လၢကျဲဒ်အံၤလီၤ.

ဧ့ၤဘြံၤ 13:15

ခီဖျိအဝဲဒၣ်န့ၣ်, မ်ပလုၢ်ထီၣ်သကိးပတၢ်စံးထီၣ်ပတြၢၤကစၢ်ယွၤ တဘိယူၢ်ဃီလၢအမ့ၢ်ပထးခိၣ်အတၢ်အၢၣ်လီၤအီလီၤယ့ၣ်ၡူးခရံာ် အမံၤန့ၣ်တက့ၢ်.

လံာ်လီၣ်ဖျါ 18:23

မ့ၣ်အူဒၢအတၢ်ကပီၤတဘၣ်တၢ်ထံၣ်န့ၢ်အီၤလၢနပူၤနီ တစုလၢၤဘၣ်. တလးမူးပိာ်မုၣ်ဒီးတလးမူးပိာ်ခွါတဖၣ်အကလုၢ် တဘၣ်တၢ်နၢ်ဟူအီၤလၢနပူၤနီတစုလၢၤဘၣ်. နပှၤပနံာ်တၢ်ကၤတၢ်ဖိတဖၣ်မ့ၢ်တ့ၢ်ပှၤအိၣ်ဒီးအစိအကမီၤ အဒိၣ်ကတၢၢ်လၢဟီၣ်ခိၣ်ဒီဘ့ၣ်ညါ, ဒီးခီဖျိနတၢ်မၤကဒါမဲာ် ကဘျံးကဘျၣ်န့ၣ်, နလီန့ၢ်ပှၤဟီၣ်ခိၣ်ဖိလၢဟီၣ်ခိၣ်ချၢခဲလၢာ်လီၤ.”