လံာ်ယံးရမံယၤ 32:34 - Sgaw Karen Common Bible

³⁴ အဝဲသ့ၣ် ပာ်ထီၣ်ဒၣ်လဲာ် အတၢ်ဂီၤတၢ်ဖီၣ် တဖၣ်လၢအလီၤသးဘၣ် အၢလၢယွၤအ တၢ်လုၢ်ဟံၣ်လၢ တၢ်သူၣ်ထီၣ်အီၤလၢ တၢ် ဘူၣ်ထီၣ်ဘါထီၣ်ယၤအဂီၢ်အပူၤ, ဒီးအဝဲသ့ၣ် မၤဘၣ်အၢကွံာ်အီၤန့ၣ်လီၤ.

လံာ်ယံးရမံယၤ 32:34 Iomraidhean Croise

လံာ်စီၤပၤခံဘ့ၣ်တဘ့ၣ် 21:1

ဖဲစီၤမနၤၡ့ၤကဲထီၣ်ကီၢ်ယူဒၤအစီၤပၤန့ၣ်, အဝဲအသးအိၣ်တဆံခံနံၣ်ဒီးအဝဲပၢတၢ်လၢဝ့ၢ်ယရူၤၡလ့ၣ် အပူၤယဲၢ်ဆံယဲၢ်နံၣ်န့ၣ်လီၤ. အဝဲအမိၢ်မ့ၢ်ဝဲနီၢ်ဃ့ပစံဘၤန့ၣ်လီၤ.

လံာ်စီၤပၤခံဘ့ၣ်တဘ့ၣ် 23:6

ကစၢ်မုၣ်အၡ့ရၤအတၢ်ပနီၣ်လၢအအိၣ်လၢယွၤအတၢ်လုၢ်ဟံၣ်အပူၤန့ၣ်, အဝဲသုးကွံာ်ဝဲဒီးစိာ်ထီၣ်ဝဲဆူဝ့ၢ်အချၢဆူကံဒြိၣ်အတၢ်တြီၤပူၤ, ဒွဲၣ်အူထီၣ်ကွံာ်ဝဲ, တိၢ်လီၤကမူၣ်ဝဲတုၤအကဲထီၣ်ချါဖၣ်ဆါ ဒီးဖှံလီၤဝဲလၢကမျၢၢ်အတၢ်သွၣ်ခိၣ်အဖီခိၣ်န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 33:15

အဝဲသုးကွံာ်ပှၤတခီဘီမုၢ်ဖိအယွၤတဖၣ်ဒီးတၢ်ဂီၤတၢ်ဖီၣ်လၢ အဝဲပာ်လီၤဝဲဖဲန့ၣ်, လၢယွၤအတၢ်လုၢ်ဟံၣ်အပူၤ, ဒီးပှၤတစူၢ်တနာ်ယွၤအတၢ်လုၢ်လီၢ်တဖၣ်လၢအအိၣ်လၢယွၤ အတၢ်လုၢ်ဟံၣ်အိၣ်ဆၢထၢၣ်အတၢ်လူၢ်ဒီခိၣ်မ့ၢ်ဂ့ၤဒီးလၢ တၢ်လီၢ်အဂၤတဖၣ်လၢဝ့ၢ်ယရူၤၡလ့ၣ်အပူၤမ့ၢ်ဂ့ၤန့ၣ်လီၤ. အဝဲစိာ်ကွံာ်တၢ်တဖၣ်အံၤခဲလၢာ်ဆူဝ့ၢ်အချၢဒီးစူးကွံာ်ဝဲန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 36:14

အါန့ၢ်အန့ၣ်ကီၢ်ယူဒၤအခိၣ်အနၢ်တဖၣ်, ပှၤလုၢ်တၢ်အခိၣ်တဖၣ်ဒီး ပှၤဂီၢ်မုၢ်, ပိာ်ထွဲပှၤကလုာ်လၢအအိၣ်ဝးတရံးအဝဲသ့ၣ်အတၢ်မၤဒဲးဘးအဒိ အတဲာ်တဖၣ်အခံ, ခီဖျိတၢ်ဘူၣ်ထီၣ်ဘါထီၣ်တၢ်ဂီၤတၢ်ဖီၣ်တဖၣ်, ဒီးလၢတၢ်န့ၣ်အဃိအဝဲသ့ၣ်မၤဘၣ်အၢယွၤအတၢ်လုၢ်ဟံၣ်လၢယွၤ အနီၢ်ကစၢ်ဒၣ်ဝဲပာ်ကဆှီတ့ၢ်ဝဲန့ၣ်လီၤ.

လံာ်ယံးရမံယၤ 19:4

ယကမၤတၢ်အံၤမ့ၢ်လၢပှၤဂီၢ်မုၢ်လဲၤသဒၣ်ယၤဒီးမၤဘၣ်အၢဘၣ်သီ တ့ၢ်တၢ်လီၢ်အံၤခီဖျိအလုၢ်ထီၣ်ပာ်ထီၣ်တၢ်လုၢ်တၢ်ပာ်တဖၣ်ဖဲအံၤ ဆူကစၢ်အဂၤတဖၣ်အအိၣ်, ကစၢ်တဖၣ်လၢအဝဲသ့ၣ်မ့ၢ်ဂ့ၤ, အမိၢ်ပၢ်ဖံဖုလၢပျၢၤမ့ၢ်ဂ့ၤ, ကီၢ်ယူဒၤအစီၤပၤတဖၣ်မ့ၢ်ဂ့ၤ, တသ့ၣ်ညါတ့ၢ်ဝဲလၢအဂ့ၢ်နီ တမံၤဘၣ်အဃိန့ၣ်လီၤ. အဝဲသ့ၣ်မၤပှဲၤတၢ်လီၢ်အံၤဒီးပှၤလၢ အတၢ်ကမၣ်တအိၣ်တဖၣ်အသွံၣ်,

လံာ်ယံးရမံယၤ 23:11

ယွၤစံးဝဲဒၣ်, “ဝံတဖၣ်ဒီးပှၤလုၢ်တၢ်အခိၣ်တဖၣ်န့ၣ် တယူးယီၣ်ဘၣ်ယွၤဘၣ်. ယထံၣ်ဘၣ်တ့ၢ်အဝဲသ့ၣ်မၤတၢ်အၢလၢ ယတၢ်လုၢ်ဟံၣ်အပူၤဒၣ်လဲာ်န့ၣ်လီၤ.

လံာ်ယံးရမံယၤ 30:14

ပှၤလၢအအဲၣ်သုခဲလၢာ်သးပ့ၤနီၣ်ကွံာ်သုလံ. အဝဲသ့ၣ်တကနၣ်ဃုာ်သုလၢၤဘၣ်. ယဒုးတ့ၢ်သုဒ်ဒုၣ်ဒါအသိး, သုဘၣ်စံၣ်ညီၣ်မ့ၢ်တၢ်လၢ အဆူၣ်ဝဲ, မ့ၢ်လၢသုတၢ်ဒဲးဘးတဖၣ် အါဝဲ, ဒီးသုတၢ်အၢတၢ်သီဒိၣ်ဝဲအဃိန့ၣ်လီၤ.

လံာ်ယံးရမံယၤ 34:15

ပူၤကွံာ်စှၤနံၤစှၤသီအံၤန့ၣ်, သုပီၢ်ယၢ်လီၤက့ၤသုသးဒီး မၤတ့ၢ်တၢ်လၢအမၤမုာ်ယသးလီၤ. သုဝဲခဲလၢာ်သးလီၤပလိာ်လၢ သုကပျၢ်ဖျဲးသုကုၢ်ပှၤအံၣ်စရ့လးဖိ ကဒဲကဒဲဒီး သုမၤတၢ် အၢၣ်လီၤအီၤလီၤတမံၤလၢ ယမဲာ်ညါ, လၢယတၢ်လုၢ်ဟံၣ်လၢယဘၣ် တၢ်ဘူၣ်ထီၣ်ဘါထီၣ်ယၤအပူၤန့ၣ်လီၤ.

လံာ်ယံးရမံယၤ 44:4

ယဆှၢန့ၢ် သုယခ့ယပှၤဝံတဖၣ် တပယူာ်ဃီ, လၢအစံးဘၣ်တဲဘၣ်တ့ၢ်သုလၢ, သုတဘၣ်မၤတၢ်လီၤပျံၤလီၤဖုးတမံၤအံၤလၢယသးဟ့အီၤ, တဂ့ၤန့ၣ်လီၤ.

လံာ်ယံးရမံယၤ 7:10

သုမၤတ့ၢ်တၢ်တဖၣ်အံၤလၢယသးဟ့အီၤ, ဝံၤဒီးသုဟဲဒီးဆၢထၢၣ်လၢယမဲာ်ညါ, လၢယတၢ်လုၢ်ဟံၣ်ဒၣ်ယဲ အပူၤဒီးစံး, ‘ပပူၤဖျဲးပဝဲလံ,’ န့ၣ်လီၤ.

လံာ်ယံးရမံယၤ 7:30

ကီၢ်ယူဒၤအပှၤဂီၢ်မုၢ်မၤတ့ၢ်တၢ်အၢတၢ်သီတမံၤလီၤ. အဝဲသ့ၣ်ပာ်ထီၣ်အတၢ်ဂီၤတၢ်ဖီၣ်တဖၣ်လၢယသးဟ့အီၤလၢယတၢ်လုၢ်ဟံၣ် အပူၤဒီးမၤဘၣ်အၢအီၤန့ၣ်လီၤ.

လံာ်ယံးရမံယၤ 7:31

လၢဟံၣ်နိၣ်အတြီၤပူၤန့ၣ်, အဝဲသ့ၣ်သူၣ်ထီၣ်ဘှီထီၣ်တၢ်လုၢ် လီၢ်တတီၤလၢတၢ်ကိးအီၤလၢတိဖ့းဒ်သိးအဝဲသ့ၣ်လုၢ်ထီၣ်ပာ်ထီၣ် အဖိခွါတဖၣ်ဒီးအဖိမုၣ်တဖၣ်လၢမ့ၣ်အူအပူၤကသ့ဝဲအဂီၢ်လီၤ. ယတမၤလိာ်တ့ၢ်အဝဲသ့ၣ်လၢကမၤတၢ်အံၤဘၣ်. တၢ်ဂ့ၢ်အံၤတဟဲနုာ်လၢတၢ်ဆိကမိၣ်အပူၤဒၣ်လဲာ်ဘၣ်.