လံာ်ယံးရမံယၤ 32:3 - Sgaw Karen Common Bible

³ စီၤပၤစံးဒကံယၤဒုးဃာ်ယၤဖဲန့ၣ်ဒီး လိာ်ဘၢ လိာ်ကွီၢ်ယၤမ့ၢ်လၢ ယစံးတၢ်လၢယွၤစံးတ့ၢ်ဝဲ လၢ လာ်တဖၣ်အံၤအဃိန့ၣ်လီၤ. “ယကပျဲကီၢ် ဘၤဘူၤလိၣ်အစီၤပၤ ဒုးန့ၢ်ဝ့ၢ်အံၤ,

လံာ်ယံးရမံယၤ 32:3 Iomraidhean Croise

လံာ်ကွဲးနီၣ်တၢ်ခံဘ့ၣ်တဘ့ၣ် 28:22

ဒီးဖဲအဝဲအတၢ်ကိၢ်တၢ်ဂီၤတဖၣ်တုၤဃီၤဆူအအၢကတၢၢ် အကတီၢ်န့ၣ်, စီၤအၤဃးတဂၤန့ၣ်မၤတၢ်ဒဲးဘးထီဒါယွၤအါန့ၢ်ဒံးအလီၢ် တက့ၢ်န့ၣ်လီၤ.

လံာ်တၢ်ဟးထီၣ်ကွံာ် 5:4

ဒီးအဲၤကူပတူးအစီၤပၤစံးဘၣ်အီၤ, “ဘၣ်မနုၤလၢသုတြီ ပှၤဂီၢ်မုၢ်ဒ်သိးအသုတမၤအတၢ်မၤန့ၣ်လဲၣ်. မၢအက့ၤကဒါက့ၤဆူအတၢ်မၤတက့ၢ်.

လံာ်ယံးရမံယၤ 2:30

ယစံၣ်ညီၣ်နၤ, ဘၣ်ဆၣ်တမၤဂ့ၤနၤနီတမံၤဘၣ်. နတပျဲယၤလၢ ယကဘှီဘၣ်က့ၤနၤဘၣ်. ဒ်ခ့ယုၢ်တဒုသးဒိၣ်တပျုာ်တပျီၤအသိးန့ၣ်, နမၤသံတ့ၢ်နဝံတဖၣ်န့ၣ်လီၤ.

လံာ်ယံးရမံယၤ 21:3

အန့ၣ်ဒီးယွၤကတိၤတၢ်ဒီးယၤဒီးမၢယတဲဘၣ်ပှၤလၢအဘၣ်တၢ် မၢလီၤအီၤဆူယအိၣ်တဖၣ်လၢ,

လံာ်ယံးရမံယၤ 27:8

ဘၣ်ဆၣ်ဒီး, ပှၤကလုာ်တကလုာ်လၢ်လၢ်မ့ၢ်ဂ့ၤ, ဘီမုၢ်တဘ့ၣ် လၢ်လၢ်မ့ၢ်ဂ့ၤ, မ့ၢ်တဆီၣ်လီၤအသးလၢ အဝဲအတၢ်ပၢအဖီလာ် ဘၣ်ဒီး, ယကစံၣ်ညီၣ်ပှၤကလုာ်အဝဲန့ၣ်ခီဖျိ တၢ်ဒုးတၢ်ယၤ, တၢ် သၣ်ဝံၤလီၤဒိ, ဒီးတၢ်ဆူးတၢ်ဆါတုၤလီၤလၢယပျဲစီၤနဘူၤကးန့ စၢ်မၤဟးဂီၤကွံာ်အီၤလၢာ်လၢာ်ဆ့ဆ့ တစုန့ၣ်လီၤ.

လံာ်ယံးရမံယၤ 34:21

ယကဟ့ၣ်လီၤစ့ၢ်ကီး ကီၢ်ယူဒၤအစီၤပၤ စံးဒကံယၤဒီး အပဒိၣ်ပပှၢ် တဖၣ်ဆူပှၤတဖၣ်လၢ အသးအိၣ်မၤသံအဝဲသ့ၣ် အစုပူၤန့ၣ်လီၤ. ယကဟ့ၣ်လီၤအဝဲသ့ၣ်ဆူ ကီၢ်ဘၤ ဘူၤလိၣ်အသုးမုၢ်ပှၤလၢ အဆိကတီၢ်ဒုးတၢ်ထီဒါသု, အစုပူၤန့ၣ်လီၤ.

လံာ်ယံးရမံယၤ 36:29

ယွၤတဲဘၣ်ယၤလၢ ယကစံးဘၣ်စီၤပၤ, နဒွဲၣ်အူတ့ၢ်လံာ်ထူဒီး နသံကွၢ်စီၤယံးရမံယၤလၢ ဘၣ်မနုၤအဃိလၢ အဝဲကွဲး တ့ၢ်တၢ်ဒီး စံးဝဲလၢကီၢ်ဘၤဘူၤလိၣ် အစီၤပၤကဟဲဒီးမၤဟးဂီၤထံကီၢ်အံၤ ဒီးမၤသံအပှၤဂီၢ်မုၢ်ဒီးအဆၣ်ဖိကီၢ်ဖိတဖၣ်န့ၣ်လဲၣ်.

လံာ်ယံးရမံယၤ 37:4

ယတဘၣ်တၢ်တ့ၢ်နုာ်ယၤဆူ ဃိာ်ပူၤဒံးဘၣ်, ဒီးဟးထီၣ်က့ၤလီၤဒံးလၢ ပှၤဂီၢ်မုၢ်အကျါလၢတၢ်သဘျ့အပူၤန့ၣ်လီၤ.

လံာ်ယံးရမံယၤ 38:18

မ့မ့ၢ်နမ့ၢ်တဟ့ၣ်လီၤကွံာ်နသးဘၣ်ဒီး, ဝ့ၢ်အံၤကဘၣ်တၢ်ဟ့ၣ်လီၤကွံာ်အီၤဆူပှၤဘၤဘူၤလိၣ်ဖိတဖၣ်လၢ အကဒွဲၣ်အူကွံာ်အီၤ အစုပူၤဒီး နတထူၣ်ဖျဲးလၢ အဝဲ သ့ၣ်အစုပူၤဘၣ်လီၤ.”

လံာ်ယံးရမံယၤ 38:3

ယစံးဘၣ်တဲဘၣ်စ့ၢ်ကီး အဝဲသ့ၣ်လၢ ယွၤစံးတ့ၢ်ဝဲဒၣ်, “ယကဟ့ၣ်လီၤကွံာ်ဝ့ၢ်အံၤဆူကီၢ်ဘၤဘူၤလိၣ်သုးမုၢ်အစုပူၤ, ဒီး အဝဲသ့ၣ်ကမၤနၢၤမၤန့ၢ်အီၤန့ၣ်လီၤ.”

လံာ်ယံးရမံယၤ 38:4

အန့ၣ်ဒီး, ပဒိၣ်ပပှၢ်တဖၣ် လဲၤဆူစီၤပၤအအိၣ်ဒီး စံးဝဲ, “ပှၤတဂၤအံၤ ကြၢးဘၣ်တၢ်မၤသံအီၤလီၤ. မ့ၢ်လၢအဝဲဒၣ် ကတိၤတၢ်ဒ်သိးအံၤအဃိန့ၣ်, အဝဲမၤလီၤမၢ်ကွံာ် ပှၤသုးဖိလၢအအိၣ်လၢ ဝ့ၢ်ပူၤတဖၣ် အတၢ်သးဒူန့ၣ်လီၤ. ဒီးအဝဲမၤတၢ်တမံၤအံၤဆူ ပှၤအဂၤခဲလၢာ်လၢ အအိၣ်လီၤ တဲာ်လၢ ဝ့ၢ်အံၤအပူၤန့ၣ်လီၤ. အဝဲတကျဲးစၢးမၤစၢၤပှၤဂီၢ်မုၢ် ဘၣ်. အဝဲအဲၣ်ဒိးမၤဘၣ်ဒိဘၣ်ထံး ထဲအဝဲသ့ၣ်တခီန့ၣ်လီၤ.”

လံာ်ယံးရမံယၤ 38:8

လၢတၢ်န့ၣ်အဃိ, စီၤဧ့ၤဘ့းမ့လ့းလဲၤဖဲန့ၣ်ဒီးစံးဘၣ်စီၤပၤ,

လံာ်ယံးရမံယၤ 5:3

သပှၢ်ကတၢၢ်ယွၤကွၢ်ဃုတၢ်သူၣ်တီသးလိၤန့ၣ်လီၤ. အဝဲဒိတီၢ်သုဘၣ်ဆၣ်သုတပာ်လ့ၤပာ်ကဲအီၤဘၣ်. အဝဲမၤသဘှံးသုဘၣ်ဆၣ်သုတမၤလိန့ၢ်တၢ်ဘၣ်. သုခိၣ်ကိၤဒီးသုတဃၣ်ကွံာ်သုသးလၢသုတၢ်ဒဲးဘးတဖၣ်ဘၣ်.

လံာ်သးသယုၢ်တၢ် 1:14

အဝဲကွဲးနီၣ်တ့ၢ်ကယဲၢ်ယတၢ်ဒဲးဘးတဖၣ်ဒီးစၢတံၢ်အီၤတပူၤဃီဒ် သိးသိး, ဒီးဘျးလီၤစဲၤတ့ၢ်အီၤဝးတရံးယကိာ်, ဒီးယဂံၢ်ယဘါလီၤစၢ်တ့ၢ်ဝဲလၢတၢ်ဝံတၢ်ယိးအဖီလာ်န့ၣ်လီၤ. ယွၤဟ့ၣ်လီၤတ့ၢ်ယၤဆူယဒုၣ်ယဒါတဖၣ်အစုပူၤဒီး တၢ်မၤစၢၤယၤတအိၣ်နီတမံၤလၢယကထီဒါအဝဲသ့ၣ်အဂီၢ်ဘၣ်.

လံာ်ဧၤမိၣ် 7:13

မ့မ့ၢ်ဖဲဝ့ၢ်ဘ့ၤသ့လးအံၤကတိၤလၢၤတၢ်လၢဝံအကျိာ်နီတစု လၢၤတဂ့ၤ. တၢ်လီၢ်အံၤမ့ၢ်စီၤပၤဘူၣ်ထီၣ်ဘါထီၣ်တၢ်အလီၢ်, ဒီးထံကီၢ်အတၢ်လုၢ်ဟံၣ်လီၤ.

လံာ်လူၤကၣ် 20:2

ဒီးစံးဘၣ်အီၤ, “စံးဘၣ်တဲဘၣ်ပှၤတက့ၢ်. နမၤတၢ်သ့ၣ်တဖၣ်အံၤန့ၣ်, နအိၣ်ဒီးတၢ်ခွဲးတၢ်ယာ်မနုၤတမံၤလဲၣ်. မ့ၢ်မတၤဟ့ၣ်စိဟ့ၣ်ကမီၤနၤလၢနကမၤတၢ်သ့ၣ်တဖၣ်အံၤအဂီၢ်န့ၣ်လဲၣ်.”