လံာ်ယံးရမံယၤ 32:29 - Sgaw Karen Common Bible

²⁹ ဒီးဒွဲၣ်အူထီၣ်အီၤလၢ မ့ၣ်အူလီၤ. အဝဲသ့ၣ် ကဆူးထီၣ်ကွံာ် ဝ့ၢ် အံၤ ဃုာ်ဒီးဟံၣ်တဖၣ် ဖဲပှၤဂီၢ်မုၢ်မၤသးဒိၣ်တ့ၢ်ယၤ ခီဖျိတၢ်ဆိၣ် ကဲၤ တၢ်နၢမူလၢဘဧၤလၤ အဂီၢ်လၢ ဟံၣ်ခိၣ်တဖၣ်အလိၤဒီး ခီဖျိ တၢ်လူလီၤဂၢ်လီၤ တၢ်လုၢ်စပံးထံတဖၣ်ဆူ ကစၢ်အဂၤတဖၣ် အအိၣ်အဃိလီၤ.

လံာ်ယံးရမံယၤ 32:29 Iomraidhean Croise

လံာ်စီၤပၤခံဘ့ၣ်တဘ့ၣ် 25:9

အဝဲဒွဲၣ်အူထီၣ်ကွံာ်ယွၤအတၢ်လုၢ်ဟံၣ်, နူၢ်ဧိၤစီၤဧိၤဒီး ကယဲၢ်ပှၤအကါဒိၣ်လၢဝ့ၢ်ယရူၤရှလ့ၣ်ပူၤတဖၣ်အဟံၣ်ခဲလၢာ်,

လံာ်ကွဲးနီၣ်တၢ်ခံဘ့ၣ်တဘ့ၣ် 36:19

အဝဲဒွဲၣ်အူထီၣ်ကွံာ်ယွၤအတၢ်လုၢ်ဟံၣ်, ဒီးဝ့ၢ်, ဃုာ်ဒီးအနီတဖၣ်ဒီးတၢ်ထူးတၢ်တီၤတဖၣ်ဒီးမၤလီၤပှီၢ်ကွံာ် ဝ့ၢ်ခိၣ်ဒူန့ၣ်လီၤ.

လံာ်စီၤနဃ့မယၤ 8:16

လၢတၢ်န့ၣ်အဃိပှၤဂီၢ်မုၢ်မၤန့ၢ်သ့ၣ်အဒ့တဖၣ်ဒီးမၤထီၣ်ဒဲ တဖၣ်လၢအဟံၣ်ခိၣ်တဖၣ်အခိၣ်ဒုးလိၤ, လၢအဂၢၤဒၣ်ဝဲအပူၤ, လၢတၢ်လုၢ်ဟံၣ်အဂၢၤပူၤဒီးလၢပဲတရီထံအဂၢၤဒီးအ့ဖရဲၣ်အပဲ တရီအဂၢၤပူၤတၢ်လီၢ်လီၤပျီန့ၣ်လီၤ.

လံာ်ယၡါယၤ 22:1

အအံၤမ့ၢ်တၢ်ကစီၣ်တခါဘၣ်ဃးဒီးတၢ်ထံၣ်လၢညါခီ အကစၢၢ်ကဆူးအဂ့ၢ်န့ၣ်လီၤ. တၢ်မနုၤမၤအသးန့ၣ်လဲၣ်. ဘၣ်မနုၤအဃိပှၤလၢဝ့ၢ်ပူၤတဖၣ် မၤမူးသးခုလၢအဟံၣ်တဖၣ်အခိၣ်ဒုးအဖီခိၣ်န့ၣ်လဲၣ်.

လံာ်ယံးရမံယၤ 11:17

ယၤ, ယွၤသ့တၢ်လၢာ်အံၤ, ယသူၣ်လီၤတ့ၢ်ကီၢ်အံၣ်စရ့လးဒီး ကီၢ်ယူဒၤန့ၣ်လီၤ. ဘၣ်ဆၣ်ခဲအံၤ, ယမၤပျံၤမၤဖုးအဝဲသ့ၣ် လၢတၢ်တတၢးတနါန့ၣ်လီၤ. မ့ၢ်လၢအဝဲသ့ၣ်မၤတ့ၢ်တၢ်ကမၣ်အဃိ, အဝဲသ့ၣ်ဟဲစိာ်တၢ်အံၤလၢအကစၢ်ဒၣ်ဝဲအဖီခိၣ်လီၤ. အဝဲသ့ၣ် မၤသးဒိၣ်ထီၣ်ယၤ, ခီဖျိအလုၢ်ထီၣ်တၢ်လုၢ်တၢ်ပာ်တဖၣ်ဆူ ဘဧၤလးအအိၣ်န့ၣ်လီၤ.”

လံာ်ယံးရမံယၤ 17:27

ဘၣ်ဆၣ်ဒီးအဝဲသ့ၣ်ကဘၣ်စူၢ်ယၤဒီးတိၢ်န့ၢ်ဖံးဃာ်မုၢ်အိၣ်ဘှံးနံၤန့ၣ် ဒ်မုၢ်နံၤစီဆှံတနံၤအသိးန့ၣ်လီၤ. လၢမုၢ်နံၤအဝဲန့ၣ်, အဝဲသ့ၣ် တဘၣ်ဟဲစိာ်နုာ်တၢ်ဝံတၢ်ယိးခီဖျိဝ့ၢ်အံၤအတြဲၤတဖၣ်ဘၣ်. အဝဲသ့ၣ်မ့ၢ်မၤဝဲဒီး, ယကဒွဲၣ်အူထီၣ်ဝ့ၢ်ယရူၤၡလ့ၣ်အတြဲၤတ ဖၣ်လၢမ့ၣ်အူလီၤ. မ့ၣ်အူကအီၣ်ကွံာ်ဝ့ၢ်ယရူၤၡ လ့ၣ်အနူၢ်အစီၤတဖၣ်, ဒီးပှၤမၤလီၤပံာ်ကွံာ်အီၤတန့ၢ်နီတဂၤဘၣ်.”

လံာ်ယံးရမံယၤ 19:13

ဝ့ၢ်ယရူၤၡလ့ၣ်အဟံၣ်တဖၣ်, ကီၢ်ယူဒၤအစီၤပၤတဖၣ်အဟံၣ်တဖၣ်, ဒီးသပှၢ်ကတၢၢ်ကယဲၢ်ဟံၣ်တဖၣ်လၢပှၤဆိၣ်ကဲၤတ့ၢ်တၢ်နၢမူလၢ အခိၣ်ဒုးအလိၤဆူဆၣ်တဖၣ်အအိၣ်, ဒီးတၢ်လီၢ်ဖဲစပံးထံဘၣ်တၢ် လူလီၤအီၤဒ်တၢ်လုၢ်တၢ်ပာ်တမံၤဆူကစၢ်အဂၤတဖၣ်အအိၣ်, အဝဲသ့ၣ်ခဲလၢာ်ကကဲထီၣ်တၢ်တကဆှီဘၣ်ဒ်တိဖ့းအသိးန့ၣ်လီၤ.”

လံာ်ယံးရမံယၤ 21:10

ယပာ်လီၤတ့ၢ်ယသးလၢယတပျၢ်ဖျဲးဝ့ၢ်အံၤဘၣ်. မ့မ့ၢ်ယကမၤဟးဂီၤကွံာ်အီၤန့ၣ်လီၤ. ဝ့ၢ်အံၤကဘၣ်တၢ်ဟ့ၣ်လီၤ အီၤဆူကီၢ်ဘၤဘူၤလိၣ်အစီၤပၤအစုပူၤဒီးအဝဲဒၣ်ကဒွဲၣ် အူကွံာ်အီၤခဲလၢာ်န့ၣ်လီၤ. ယၤ, ယွၤအံၤ, ကတိၤလံတၢ်လံ.”

လံာ်ယံးရမံယၤ 30:14

ပှၤလၢအအဲၣ်သုခဲလၢာ်သးပ့ၤနီၣ်ကွံာ်သုလံ. အဝဲသ့ၣ်တကနၣ်ဃုာ်သုလၢၤဘၣ်. ယဒုးတ့ၢ်သုဒ်ဒုၣ်ဒါအသိး, သုဘၣ်စံၣ်ညီၣ်မ့ၢ်တၢ်လၢ အဆူၣ်ဝဲ, မ့ၢ်လၢသုတၢ်ဒဲးဘးတဖၣ် အါဝဲ, ဒီးသုတၢ်အၢတၢ်သီဒိၣ်ဝဲအဃိန့ၣ်လီၤ.

လံာ်ယံးရမံယၤ 32:3

စီၤပၤစံးဒကံယၤဒုးဃာ်ယၤဖဲန့ၣ်ဒီး လိာ်ဘၢ လိာ်ကွီၢ်ယၤမ့ၢ်လၢ ယစံးတၢ်လၢယွၤစံးတ့ၢ်ဝဲ လၢ လာ်တဖၣ်အံၤအဃိန့ၣ်လီၤ. “ယကပျဲကီၢ် ဘၤဘူၤလိၣ်အစီၤပၤ ဒုးန့ၢ်ဝ့ၢ်အံၤ,

လံာ်ယံးရမံယၤ 34:2

ယွၤ, အံၣ်စရ့လးအကစၢ်ယွၤ, တဲဘၣ်တ့ၢ်ယၤ လၢ ယကလဲၤဒီးစံးဘၣ်ကီၢ်ယူဒၤအစီၤပၤ စီၤ စံးဒကံယၤဒ်အံၤ, “ယၤ, ယွၤအံၤ, ယကဟ့ၣ်လီၤကွံာ် ဝ့ၢ်အံၤဆူကီၢ်ဘၤဘူၤလိၣ်အစီၤပၤအစုပူၤ, ဒီးအဝဲဒၣ် ကဒွဲၣ်အူကွံာ်အီၤလီၤ.

လံာ်ယံးရမံယၤ 39:8

ဖဲန့ၣ်အခါ, ပှၤဘၤဘူၤလိၣ်ဖိတဖၣ် ဒွဲၣ်အူထီၣ်ကွံာ် စီၤပၤအနူၢ်ဒီၤ အပှၤဂီၢ်မုၢ်အဟံၣ်တဖၣ်, ဒီးမၤလီၤပှီၢ် ကွံာ်ဝ့ၢ်ယရူၤရှလ့ၣ်အခိၣ်ဒူတဖၣ်န့ၣ်လီၤ.

လံာ်ယံးရမံယၤ 44:25

“သုဝဲဒီး သုမါတဖၣ် မၤတ့ၢ်တၢ်အၢၣ်လီၤအီလီၤသညူးသပှၢ်တဖၣ် ဒီးမူခိၣ်အနီၢ်ပၤမုၣ်လီၤ. သုအၢၣ်လီၤတ့ၢ်လၢ သုကလုၢ်စပံးထံလၢ အဂီၢ်ဒီး သုတိၢ်န့ၢ်ဖံးဃာ်သု တၢ်အၢၣ်လီၤအီလီၤတဖၣ်န့ၣ်လီၤ. မ့မ့ၢ်ဒ်နၣ်ဒီး, ဂ့ၤလံ. တိၢ်န့ၢ်ဖံးဃာ်သုတၢ်အၢၣ်လီၤအီလီၤတဖၣ်တက့ၢ်. မၤထွဲသုတၢ်ဆိၣ်တဖၣ်အခံတက့ၢ်.

လံာ်ယံးရမံယၤ 52:12

လၢကီၢ်ဘၤဘူၤလိၣ်အစီၤပၤ စီးနဘူၤကးန့စၢ် မၤတၢ်ပှဲၤထီၣ်တဆံနွံနံၣ်တနံၣ်, လါယဲၢ်လါတလါ, လါထီၣ်တဆံသီအနံၤန့ၣ်, စီၤနဘူစၢ်ရဒၣ်လၢအမ့ၢ် ပှၤဟ့ၣ်ကူၣ်စီၤပၤဒီး မ့ၢ်စ့ၢ်ကီးသုးမုၢ်အသုးခိၣ်ဖးဒိၣ်, ဟဲနုာ်လီၤဆူ ဝ့ၢ်ယရူၤၡလ့ၣ်အပူၤလီၤ.

လံာ်ယံးရမံယၤ 52:13

အဝဲဒွဲၣ်အူထီၣ်ကွံာ် ယွၤအတၢ်လုၢ်ဟံၣ်, စီၤပၤအနူၢ်, ဒီးပှၤဂီၢ်မုၢ်လၢ အကါဒိၣ်လၢအအိၣ်ဆိးလၢ ဝ့ၢ်ယရူၤရှလ့ၣ်အပူၤခဲလၢာ်အဟံၣ်အဃီတဖၣ်,

လံာ်ယံးရမံယၤ 7:17

တၢ်လၢအဝဲသ့ၣ်မၤဝဲလၢကီၢ်ယူဒၤအဝ့ၢ်တဖၣ်အပူၤဒီးလၢ ဝ့ၢ်ယရူၤၡလ့ၣ်အကျဲဘိတဖၣ်အပူၤန့ၣ်မ့ၢ်နတထံၣ်ဘၣ်ဧါ.

လံာ်ယံးရမံယၤ 7:18

ဖိသၣ်တဖၣ်ထၢဖှိၣ်သ့ၣ်မုၣ်, ပိာ်ခွါတဖၣ်မၤကဲၤထီၣ်မ့ၣ်အူ, ဒီးပိာ်မုၣ်တဖၣ်စံၢ်ကျဲၣ်ကျီကိၣ်ကမူၣ်ဒီးထံလၢကကုၢ်ကိၣ်လၢ ကစၢ်မုၣ်လၢအဝဲသ့ၣ်ကိးဝဲလၢမူခိၣ်အနီၢ်ပၤမုၣ်အဂီၢ်န့ၣ်လီၤ. အဝဲသ့ၣ်လူလီၤဂၢ်လီၤစ့ၢ်ကီးတၢ်လုၢ်စပံးထံတဖၣ်ဆူကစၢ်အဂၤ တဖၣ်အအိၣ်လၢကမၤဘၣ်ဒိဘၣ်ထံးယၤအဂီၢ်န့ၣ်လီၤ.

လံာ်သးသယုၢ်တၢ် 4:11

ယွၤဃ့ၣ်လီၤကွံာ်အတၢ်သးကဲၤထီၣ်အသဟီၣ်တုၤအလၢာ်လီၤ. ဆူးကဲၤထီၣ်ဝဲမ့ၣ်အူလၢဝ့ၢ်စံယိၣ်အပူၤဒီးတၢ်န့ၣ်အီၣ်ကွံာ် အီၤတုၤလၢဟီၣ်ခိၣ်လီၤ.

လံာ်ယဃ့းစက့လး 23:47

ပျဲပှၤဂီၢ်မုၢ်တဖုလၢအတၢထီၣ်တၢလီၤန့ၣ်ကွံာ်သံအဝဲသ့ၣ်လၢ လၢၢ်ဒီးဒုးအဝဲသ့ၣ်လၢနးတဖၣ်, မၤသံကွံာ်အဖိတဖၣ်ဒီးဒွဲၣ် အူကွံာ်အဝဲသ့ၣ်အဟံၣ်တဖၣ်န့ၣ်တက့ၢ်.

လံာ်မးသဲ 22:7

စီၤပၤန့ၣ်အသးဒိၣ်ထီၣ်ဒိၣ်ဒိၣ်ကလဲာ်, ဒီးဆှၢလီၤအသုးဖိတဖၣ်လၢအကမၤသံကွံာ် ပှၤမၤသံတၢ်ဖိတဖၣ်, ဒီးဒွဲၣ်ကွံာ်အဝဲသ့ၣ်အဝ့ၢ်န့ၣ်လီၤ.

မၤတၢ် 10:9

မုၢ်ဆ့ၣ်ထီၣ်တနံၤဖဲအဝဲသ့ၣ်လဲၤတၢ်အဖၢမုၢ်ဒီးဘူးကတုၤ ဃီၤဝ့ၢ်ယၤဖိၤန့ၣ်, စီၤပ့းတရူးလဲၤထီၣ်ဆူဟံၣ်ခိၣ်ဒုးအလိၤကဘၣ်ဖဲမုၢ်ထူၣ်အဆၢ ကတီၢ်, ဒ်သိးအကဃ့ဘါထုကဖၣ်တၢ်လီၤ.

ဧ့ၤဘြံၤ 3:16

ပှၤလၢအနၢ်ဟူကစၢ်ယွၤအကလုၢ်ဒီးထီဒါအီၤန့ၣ်မ့ၢ် မတၤတဖၣ်လဲၣ်. မ့ၢ်ပှၤခဲလၢာ်လၢအဘၣ်တၢ်ထုးထီၣ်အီၤလၢ စီၤမိၤၡ့လၢကီၢ်အဲၤကူပတူးအပူၤတဖၣ်လီၤ.