လံာ်ယံးရမံယၤ 32:21 - Sgaw Karen Common Bible

²¹ ခီဖျိတၢ်လီၤလးတဖၣ်ဒီး တၢ်လီၤကမၢကမၣ်တဖၣ်လၢ အမၤပျံၤ မၤဖုးပဒုၣ်ပဒါတဖၣ်န့ၣ်, နသူတ့ၢ်နစိနကမီၤဒီး နတၢ်ဂံၢ်ဆူၣ်ဘါဆူၣ် ဒ်သိး နကထုးထီၣ်ကွံာ်ပှၤဂီၢ်မုၢ် အံၣ်စရ့လးလၢ ကီၢ်အဲၤကူပတူးန့ၣ်လီၤ.

လံာ်ယံးရမံယၤ 32:21 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 7:23

လၢဟီၣ်ခိၣ်ချၢအံၤပှၤကလုာ်ဂၤလၢကလီၤဂာ်ဒီးအံၣ်စရ့လးလၢ နမၤပူၤဖျဲးအီၤလၢကုၢ်အလီၢ်ဒ်သိးနကဒုးကဲထီၣ်အီၤလၢနပှၤ ဂီၢ်မုၢ်ဒၣ်နဲန့ၣ်, တအိၣ်ဘၣ်နီတကလုာ်ဘၣ်. တၢ်အဒိၣ်အမုၢ်ဒီးတၢ်လီၤလးတဖၣ်လၢနမၤတ့ၢ်လၢအဝဲသ့ၣ်အဂီၢ် န့ၣ်ဒုးဟူထီၣ်သါလီၤနမံၤလၢဟီၣ်ခိၣ်ဒီဘ့ၣ်ညါလီၤ. နဟီထီၣ်ကွံာ်တ့ၢ်ပှၤကလုာ်အဂၤတဖၣ်ဒီးအဝဲသ့ၣ်အကစၢ်တဖၣ်ဖဲနပှၤ ဂီၢ်မုၢ်လဲၤထီၣ်ဒုးတၢ်အခါန့ၣ်လီၤ. ပှၤဂီၢ်မုၢ်အံၤမ့ၢ်ပှၤလၢနမၤထူၣ်ဖျဲးထီၣ်အီၤလၢ ကီၢ်အဲၤကူပတူးဒ်သိးကကဲထီၣ်နပှၤဒၣ်နဲန့ၣ်လီၤ.

လံာ်စီၤပၤအခီၣ်ထံးတဘ့ၣ် 8:42

ဒီးမ့ၢ်ဟဲလၢကဘူၣ်ထီၣ်ဘါထီၣ်နၤအဂီၢ်ဒီးဘါထုကဖၣ်တၢ်လၢ ယွၤအတၢ်လုၢ်ဟံၣ်အံၤအပူၤန့ၣ်,

လံာ်ကွဲးနီၣ်တၢ်အခီၣ်ထံးတဘ့ၣ် 17:21

လၢဟီၣ်ခိၣ်ချၢအံၤပှၤဒ်သိးအံၣ်စရ့လးလၢနမၤပူၤဖျဲးအီၤ လၢတၢ်ကဲကုၢ်အပူၤဒ်သိးနကဒုးကဲထီၣ်အီၤလၢနပှၤဂီၢ်မုၢ်ဒၣ် နဲန့ၣ်တအိၣ်နီတကလုာ်ဘၣ်. တၢ်အဒိၣ်အမုၢ်ဒီးတၢ်လီၤလးတဖၣ်လၢနမၤလၢအဝဲသ့ၣ်အဂီၢ်န့ၣ်ရၤ လီၤနတၢ်မံၤဟူသၣ်ဖျါလၢဟီၣ်ခိၣ်ချၢန့ၣ်လီၤ. နမၤပူၤမၤဖျဲးနပှၤဂီၢ်မုၢ်လၢကီၢ်အဲၤကူပတူးဒီးဟီထီၣ်ဆိ ကွံာ်န့ၢ်အီၤပှၤကလုာ်အဂၤတဖၣ်ဖဲနပှၤဂီၢ်မုၢ်လဲၤထီၣ်ဝဲန့ၣ်လီၤ.

စံးထီၣ်ပတြၢၤ 105:37

အန့ၣ်ဝံၤဒီး အဝဲဒုးဟးထီၣ်ကွံာ်ပှၤအံၣ်စရ့လးဖိတဖၣ်, အဝဲသ့ၣ်စိာ်ဃုာ်ဒီး စ့ဒီထူ, ဒီးအဝဲသ့ၣ်ခဲလၢာ်အိၣ်ဒီး တၢ်အိၣ်ဆူၣ်အိၣ်ချ့ ဒီးဂံၢ်ဆူၣ်ဘါဆူၣ်ဝဲဒၣ်လီၤ.

စံးထီၣ်ပတြၢၤ 105:43

လၢတၢ်န့ၣ်အဃိအဝဲဆှၢပူၤဖျဲးထီၣ် ပှၤဂီၢ်မုၢ် လၢအဃုထၢဝဲ, ဒီးအဝဲသ့ၣ် သူၣ်ဝံၣ်သးဆၢဒီး ကိးသတြီထီၣ်လၢ တၢ်သးခုအပူၤန့ၣ်လီၤ.

လံာ်တၢ်ဟးထီၣ်ကွံာ် 13:14

ဒီးခါဆူညါန့ၣ်တုၤသုဖိခွါတဖၣ်သံကွၢ်သုလၢတၢ်အလုၢ်အလၢ် အံၤအခီပညီမ့ၢ်တၢ်မနုၤလဲၣ်န့ၣ်ဒီးသုကဘၣ်စံးဆၢအီၤ, ယွၤသူအစိကမီၤဖးဒိၣ်ဒီးထုးထီၣ်ကွံာ်ပှၤလၢကီၢ်အဲၤကူပတူး, ဖဲတၢ်လီၢ်လၢပကဲတ့ၢ်ကုၢ်န့ၣ်လီၤ.

လံာ်တၢ်ဟးထီၣ်ကွံာ် 13:9

တၢ်အလုၢ်အလၢ်အံၤကမ့ၢ်တၢ်ဒုးသ့ၣ်နီၣ်ထီၣ်တၢ်, ဒ်တၢ်တမံၤလၢအဘၣ်တၢ်စၢဃးအီၤလၢသုစုလိၤမ့ၢ်ဂ့ၤလၢသု ခိၣ်တိသၣ်လိၤမ့ၢ်ဂ့ၤ, ဒ်သိးကဒုးသ့ၣ်နီၣ်ထီၣ်သုလၢသုကတိၢ် န့ၢ်ဒီးမၤလိထွဲယွၤအတၢ်သိၣ်တၢ်သီလၢအဟ့ၣ်လီၤပှၤယူဒၤဖိ န့ၣ်လီၤ. အဂ့ၢ်ဒ်အံၤ, ယွၤထုးထီၣ်ကွံာ်သုလၢကီၢ်အဲၤကူပတူးပတူးအပူၤလၢအတၢ်စိ တၢ်ကမီၤဖးဒိၣ်န့ၣ်လီၤ.

လံာ်တၢ်ဟးထီၣ်ကွံာ် 3:20

ဘၣ်ဆၣ်ဒီးယကယူာ်ထီၣ်ယစုဒီးစံၣ်ညီၣ်ပှၤအဲၤကူပတူးဖိလၢတၢ် လီၤပျံၤလီၤဖုးတဖၣ်ဖဲန့ၣ်လီၤ. ဒီးတၢ်တဖၣ်န့ၣ်ဝံၤအလီၢ်ခံ အဝဲသ့ၣ်ကပျဲသုဟးထီၣ်လီၤ.

လံာ်တၢ်ဟးထီၣ်ကွံာ် 6:1

ဒီးယွၤစံးဘၣ်စီၤမိၤၡ့, “ခဲကနံၣ်အံၤနကထံၣ်ဘၣ်တၢ်လၢ ယကမၤကီၢ်အဲၤကူပတူးအစီၤပၤဒ်လဲၣ်န့ၣ်လီၤ. အဂ့ၢ်ဒ်အံၤ, ယကမၢဆူၣ်အီၤဒ်သိးကပျၢ်ယပှၤဂီၢ်မုၢ်လီၤ. ယကမၢဆူၣ်အီၤဒ်သိးကဟီထီၣ်ကွံာ်အဝဲသ့ၣ်လၢ အကီၢ်ပူၤသပှၢ်ကတၢၢ်န့ၣ်လီၤ.”

လံာ်တၢ်ဟးထီၣ်ကွံာ် 6:6

လၢတၢ်န့ၣ်အဃိတဲဘၣ်ပှၤအံၣ်စရ့လးဖိတဖၣ်လၢယစံးဘၣ်အဝဲသ့ၣ်, ‘ယမ့ၢ်ယွၤလီၤ. ယကဒုးဟးထီၣ်ကွံာ်သုဒီးမၤထူၣ်ဖျဲးသုလၢပှၤ အဲၤကူပတူးဖိတဖၣ်အတၢ်မၢကဲကုၢ်သုန့ၣ်လီၤ. ယကယူာ်ထီၣ်ယစုဒုၣ်ဆူၣ်ဒီးဒုးလီၤဘၣ်တၢ်စံၣ်ညီၣ်လီၤ ပျံၤလီၤဖုးလၢအဝဲသ့ၣ်အလိၤဒီးယကအုၣ်က့ၤခီၣ်က့ၤသုလီၤ.

လံာ်ယၡါယၤ 63:12

ယွၤလၢအမၤတ့ၢ်တၢ်အဒိၣ်တဖၣ်လၢအစိကမီၤဒၣ်ဝဲအပူၤခီဖျိ စီၤမိၤၡ့, နီၤဖးပီၣ်လဲၣ်အထံတဖၣ်ဒီးဆှၢအပှၤ ဂီၢ်မုၢ်လၢထံယိာ်အပူၤဒ်သိးအကမၤန့ၢ်အမံၤအထူအယိာ်လၢအဂီၢ် ဒၣ်ဝဲန့ၣ်အိၣ်ဖဲလဲၣ်.”

လံာ်သိၣ်လီၤသီလီၤတၢ် 11:3

ဒီးအတၢ်မၤလီၤလးတဖၣ်န့ၣ်လီၤ. သုထံၣ်ဘၣ်တၢ်လၢအဝဲမၤဘၣ် တ့ၢ်ကီၢ်အဲၤကူပတူးအစီၤပၤဒီးအဝဲအဘီအမုၢ်ဒီဘ့ၣ်ညါန့ၣ်လီၤ.

လံာ်သိၣ်လီၤသီလီၤတၢ် 26:8

လၢအစိဒိၣ်ကမီၤဒိၣ်ဒီးအဂံၢ်အဘါန့ၣ်, အဝဲမၤထူၣ်ဖျဲးထီၣ်ပှၤ လၢကီၢ်အဲၤကူပတူးန့ၣ်လီၤ. အဝဲမၤတၢ်လီၤလးတဖၣ်ဒီးတၢ်လၢအလီၤကမၢကမၣ်တဖၣ်, ဒီးဒုးအိၣ်ထီၣ်တၢ်လီၤပျံၤလီၤဖုးတဖၣ်လၢကမၤအသးန့ၣ်လီၤ.

လံာ်သိၣ်လီၤသီလီၤတၢ် 4:34

ဒ်ယွၤ, သုကစၢ်ယွၤမၤတ့ၢ်တၢ်လၢသုဂီၢ်လၢကီၢ်အဲၤကူပတူး အပူၤအသိးန့ၣ်, မ့ၢ်ကစၢ်လၢအလဲၤဒီးထုးထီၣ်ကွံာ်ပှၤဂီၢ်မုၢ်တဖုလၢပှၤအဂၤ တကလုာ်အကျါဒီးဒုးကဲထီၣ်အီၤလၢအတၢ်ဒၣ်ဝဲဘူၣ်န့ၣ်ကအိၣ်တဂၤ ဂၤဧါ. သုထံၣ်ဘၣ်အဝဲသူတ့ၢ်အတၢ်စိတၢ်ကမီၤဒီးတၢ်ဂံၢ်တၢ်ဘါဖးဒိၣ် လၢသုမဲာ်ချံဒၣ်သုဝဲလီၤ. အဝဲဒုးလီၤဘၣ်တၢ်ဆါသံသတြိာ်ဒီးတၢ်ဒုးတၢ်ယၤ, မၤတ့ၢ်တၢ်လီၤလးတဖၣ်ဒီးတၢ်လီၤကမၢကမၣ်တဖၣ်ဒီးဒုးအိၣ်ထီၣ် တၢ်လီၤပျံၤလီၤဖုးတဖၣ်လၢကမၤအသးန့ၣ်လီၤ.

လံာ်သိၣ်လီၤသီလီၤတၢ် 7:19

သ့ၣ်နီၣ်ထီၣ်တၢ်သံသတြိာ်လီၤပျံၤလီၤဖုးတဖၣ်, လၢသုထံၣ်ဘၣ်တ့ၢ်အီၤလၢသုမဲာ်ချံဒၣ်ဝဲ, တၢ်လီၤလးတဖၣ်ဒီးတၢ်လီၤကမၢကမၣ်တဖၣ်, ယွၤသုကစၢ်ယွၤမၤထူၣ် ဖျဲးသုခီဖျိတၢ်စိတၢ်ကမီၤဖးဒိၣ်ဒီးတၢ်ဂံၢ်ဆူၣ်ဘါဆူၣ်န့ၣ်တက့ၢ်. ဒ်ကျဲတဘိဃီလၢယွၤမၤဟးဂီၤကွံာ်ပှၤအဲၤကူပတူးဖိတဖၣ် အသိးန့ၣ်, အဝဲကမၤဟးဂီၤကွံာ်ကယဲၢ်ပှၤဂီၢ်မုၢ်ခဲလၢာ်အံၤလၢသုပျံၤဘၣ် အီၤခဲအံၤန့ၣ်လီၤ.