လံာ်ယံးရမံယၤ 32:15 - Sgaw Karen Common Bible

¹⁵ ယွၤသ့တၢ်လၢာ်, အံၣ်စရ့လးအကစၢ်ယွၤ, စံးတ့ၢ်ဝဲလၢ ဟံၣ်တဖၣ်, စံာ်ပျီတဖၣ်, ဒီးစပံးလီၢ်တဖၣ်ကဘၣ်တၢ်ပှၤ န့ၢ်ကဒီးအီၤလၢ ထံကီၢ်တဘ့ၣ်အံၤအပူၤန့ၣ်လီၤ.”

လံာ်ယံးရမံယၤ 32:15 Iomraidhean Croise

လံာ်ယၡါယၤ 44:26

ဘၣ်ဆၣ်, ဖဲယခ့ယပှၤကတိၤဆိပာ်တၢ်, ဒီးဖဲယဆှၢလီၤပှၤစိာ်တၢ်ကစီၣ်တဂၤလၢကလီၣ်ဖျါထီၣ်ယတၢ်ကူၣ် ကျဲၤတဖၣ်န့ၣ်, ယဒုးလၢထီၣ်ပှဲၤထီၣ်တၢ်ကူၣ်ကျဲၤဒီးတၢ်ကတိၤဆိပာ်တဖၣ်အံၤ န့ၣ်လီၤ. ယစံးဘၣ်တဲဘၣ်ဝ့ၢ်ယရူၤၡလ့ၣ်လၢပှၤဂီၢ်မုၢ်ကအိၣ်က့ၤကဒီးဖဲ န့ၣ်, ဒီးကီၢ်ယူဒၤအဝ့ၢ်တဖၣ်လၢကဘၣ်တၢ်သူၣ်ထီၣ်ဘှီထီၣ်က့ၤအီၤ လီၤ. ဝ့ၢ်တဖၣ်န့ၣ်ကဟဲဖျါထီၣ်လၢတၢ်ဟးဂူာ်ဟးဂီၤတဖၣ်အပူၤလီၤ.

လံာ်ယံးရမံယၤ 30:18

ယွၤစံးဝဲဒၣ်, “ယကပာ်ကဒါက့ၤ ယပှၤဂီၢ်မုၢ်လၢ အကီၢ်ဒၣ်ဝဲ, ဒီးအိၣ်ဒီး တၢ်သးကညီၤလၢ ဒူၣ်ဖိထၢဖိကိးဒူၣ်ဒဲးအဖီခိၣ်န့ၣ်လီၤ. ဝ့ၢ်ယရူၤၡလ့ၣ် ကဘၣ်တၢ်ဘှီထီၣ်က့ၤအီၤ, ဒီးအနူၢ်အစီၤကဘၣ် တၢ်ပာ်ထီၣ်ကဒါက့ၤအီၤန့ၣ်လီၤ.

လံာ်ယံးရမံယၤ 31:12

အဝဲသ့ၣ်ကဟဲဒီး သးဝံၣ်တၢ်လၢ တၢ်သးခုအပူၤလၢ ကစၢၢ်စံယိၣ် အဒီခိၣ်, ဒီးကမုာ်လၤသးခုဝဲဒီး ယတၢ်ဟ့ၣ်တဖၣ်, တၢ်ဟ့ၣ်တဖၣ် လၢအမ့ၢ်ဝဲဘုဧိၤဟုဧိၤဒီးစပံးထံဒီး သ့ၣ်စၤယံးအသိ ဒီးတၢ်ဟ့ၣ်တဖၣ်လၢ အမ့ၢ်သိဒီး ဂီၤဘုၣ်ဂီၤဖံးတဖၣ်န့ၣ်လီၤ. အဝဲသ့ၣ် ကလီၤဂာ်ဒီး တၤသၣ်လီၢ်တလီၢ်လၢပှၤဖှိၣ်န့ၢ်အီၤ ထံဂ့ၤဂ့ၤဘၣ်ဘၣ်, ဒီး အဝဲသ့ၣ်ကအိၣ်ဒီး တၢ်ခဲလၢာ်လၢ အလိၣ်ဘၣ်ဝဲန့ၣ်လီၤ.

လံာ်ယံးရမံယၤ 31:24

ပှၤဂီၢ်မုၢ်ကအိၣ်ကဆိးလၢ ကီၢ်ယူဒၤအပူၤဒီး လၢကယဲၢ်အဝ့ၢ် တဖၣ်အပူၤဒီးဖဲန့ၣ်, ပှၤထူစံာ် ဧိၤပှဲၤဧိၤတဖၣ် ကအိၣ်ဝဲ, ဒီးပှၤကွၢ်သိတဖၣ်ဒီး အသိအဖုအဂီၢ်တဖၣ်န့ၣ်လီၤ.

လံာ်ယံးရမံယၤ 31:5

မၤကဒီး တစုသုကသူၣ်လီၤဖျးလီၤ စပံးလီၢ်တဖၣ်လၢ ကီၢ်ၡၤမရံ အတၢ်လူၢ်တဖၣ်အလိၤ, ဒီး ပှၤတဖၣ်လၢ အသူၣ်လီၤအီၤန့ၣ် ကအီၣ်တၢ်လၢ စပံးလီၢ်တဖၣ် ဟ့ၣ်ထီၣ်ဝဲန့ၣ်လီၤ.

လံာ်ယံးရမံယၤ 32:14

“ယွၤသ့တၢ်လၢာ်, အံၣ်စရ့လးအကစၢ်ယွၤ, ဟ့ၣ်လီၤ အကလုၢ်လၢ နကဟံးန့ၢ်လံာ်အုၣ်သးတဖၣ်အံၤ, လၢ အမ့ၢ်တၢ်ပှ့ၤတၢ်အလံာ်အုၣ်အသးလၢ အအိၣ်ဒီၤ တၢ် စဲပနီၣ်ဒီးလံာ်လၢ တၢ်စဲပနီၣ်တအိၣ်ဘၣ်, ခံဘ့ၣ်လိာ်ဒီး ဒၢနုာ်အီၤလၢ သပၢၤဟီၣ်ခိၣ် စ့ၤကိာ်အပူၤ, ဒ်သိးအဝဲ သ့ၣ်ကဘၣ်တၢ်ကတီၤဃာ်အီၤလၢ နံၣ်ကဟဲအါနံၣ် အပူၤအဂီၢ်န့ၣ်လီၤ.

လံာ်ယံးရမံယၤ 32:25

အန့ၣ်ဒၣ်လဲာ်, ယွၤပၢဘၣ်တၢ်ခဲလၢာ်တဂၤဧၢ, နမ့ၢ်ပှၤတဂၤလၢ အဟ့ၣ်လီၤ အကလုၢ်လၢ ယ ကဘၣ်ပှ့ၤစံာ်ပျီတဘ့ၣ်အံၤလၢ ပှၤအုၣ်အသးတဖၣ်အမဲာ်ညါ, ဖဲတၢ်မၤအသးလၢ ဝ့ၢ်အံၤ ကဘၣ်တၢ်ဒုးန့ၢ်အီၤလၢ ပှၤဘၤဘူၤလိၣ် ဖိတဖၣ်အံၤအခါဒၣ်လဲာ်န့ၣ်လီၤ.”

လံာ်ယံးရမံယၤ 32:37

ယကထၢဖှိၣ်က့ၤ ပှၤဂီၢ်မုၢ်တပူၤဃီလၢ ထံကီၢ်ခဲလၢာ်ဖဲ ယမၤလီၤပြံလီၤပြါတ့ၢ်အဝဲသ့ၣ်လၢ ယတၢ်သးဒိၣ်ဒီး သးကဲၤထီၣ် အပူၤ, ဒီးယကဟဲက့ၤစိာ်ကဒါက့ၤ အဝဲသ့ၣ်ဆူတၢ်လီၢ်အံၤဒီး ပျဲအအိၣ်ဆိးဖဲအံၤလၢ တၢ်ပူၤဖျဲးအပူၤန့ၣ်လီၤ.

လံာ်ယဃ့းစက့လး 28:26

အဝဲသ့ၣ်ကအိၣ်ဆိးဝဲဖဲန့ၣ်လၢတၢ်ဘံၣ်တၢ်ဘၢအပူၤန့ၣ်လီၤ. အဝဲသ့ၣ်ကဘှီထီၣ်ဟံၣ်တဖၣ်ဒီး ကသူၣ်လီၤစပံးမုၢ်လီၢ်တဖၣ်လီၤ. ယကစံၣ်ညီၣ်ကယဲၢ်ပှၤအိၣ်ခိၣ် အိၣ်ဃၢၤအဝဲသ့ၣ်တဖၣ်လၢအဒုၣ်ဒွဲၣ်တ့ၢ်အဝဲသ့ၣ်, ဒီးကီၢ်အံၣ်စရ့လး ကအိၣ်ဂၢၢ်ဆိးကျၢၤဝဲလီၤ. အန့ၣ်တစု, အဝဲသ့ၣ်ကသ့ၣ်ညါဝဲလၢယမ့ၢ်ယွၤအဝဲသ့ၣ်အကစၢ်ယွၤန့ၣ်လီၤ.”

လံာ်စကၤရယၤ 3:10

ဖဲမုၢ်နံၤအဝဲန့ၣ်တုၤဝဲဒီး, သုဝဲတဂၤဘၣ်တဂၤ, ကကွဲမုာ်ပှၤလၢသုဃၢၤလၢကဟဲဒီးမုာ်လၤသးခုလၢတၢ်ဃူတၢ် မုာ်ဒီးတၢ်ဘံၣ်တၢ်ဘၢအပူၤ, ဖဲတၢ်လီၢ်လၢစပံးမုၢ်တဖၣ်ဒီးချၢၣ်ဒၢမုၢ်တဖၣ်အိၣ်ဝးတရံး အီၤန့ၣ်လီၤ.”