လံာ်ယံးရမံယၤ 31:40 - Sgaw Karen Common Bible

⁴⁰ တၢ်တြီၤဒီတြီၤညါ, ဖဲပှၤအသံတဖၣ်ဘၣ်တၢ်ခူၣ်လီၤကွံာ်အီၤ ဒီး တၢ်တဂိာ်တသီၣ်ဘၣ်တၢ်စူးကွံာ်အီၤ, ဒီးစံာ်ပျီခဲလၢာ်လၢ ထံကျိကံဒြိၢ်ပၢၢ်တုၤလၢ ကသ့ၣ်အတြဲၤလၢ မုၢ်ထီၣ်တခီန့ၣ်, ကမ့ၢ်တၢ်လီၢ်စီဆှံလၢ ယဂီၢ်န့ၣ်လီၤ. ဝ့ၢ်အံၤတဘၣ်တၢ်မၤ လီၤပှီၢ်ကဒီးလၢၤအီၤမ့ၢ်ဂ့ၤ, မၤဟးဂီၤကွံာ်လၢၤအီၤမ့ၢ်ဂ့ၤ နီတစုဘၣ်.”

လံာ်ယံးရမံယၤ 31:40 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 15:23

ဖဲပှၤပိာ်စီၤဒၤဝံးအခံတဖၣ်ဟးထီၣ်ကွံာ်ဝဲန့ၣ်, ပှၤဂီၢ်မုၢ်ဟီၣ်ပသူထီၣ်ဖးဒိၣ်လီၤ. စီၤပၤလဲၤခီဂာ်ကွံာ်ထံ ကျိဖိကံဒြိၣ်ဒီးအပှၤခဲလၢာ်ပိာ်ထီၣ်အခံ, ဒီးအဝဲသ့ၣ်ဟးထီၣ်ဒီးလဲၤသကိးဝဲဆူပှၢ်မုၢ်ကနၢန့ၣ်လီၤ.

လံာ်စီၤပၤခံဘ့ၣ်တဘ့ၣ် 11:16

အဝဲသ့ၣ်ဖီၣ်န့ၢ်အီၤ, လဲၤကိးအီၤဆူနူၢ်ဧိၤစီၤဧိၤဒီးဖဲ န့ၣ်အဝဲသ့ၣ်မၤသံကွံာ်အီၤလၢကသ့ၣ်လဲၤထီၣ်က့ၤလီၤအကျဲန့ၣ် လီၤ.

လံာ်စီၤပၤခံဘ့ၣ်တဘ့ၣ် 23:12

တၢ်လုၢ်လီၢ်တဖၣ်လၢကီၢ်ယူဒၤအစီၤပၤတဖၣ်မၤထီၣ်က့ၤဝဲ လၢနူၢ်ဧိၤစီၤဧိၤအခိၣ်ဒုးလိၤ, လၢအအိၣ်ဝဲလၢစီၤပၤအၤဃး အိၣ်ဆိးအလီၢ်အဖီခိၣ်န့ၣ်, စီၤပၤယိၤၡံယၤမၤလီၤပှီၢ်ကွံာ်အီၤဃုာ်ဒီးတၢ်လုၢ်လီၢ်တဖၣ် လၢအဘၣ်တၢ်ပာ်ထီၣ်လၢစီၤပၤမနၤၡ့ၤ, လၢယွၤအတၢ်လုၢ်ဟံၣ်အဂၢၤအဂၤခံတီၤအပူၤန့ၣ်လီၤ. အဝဲမၤလီၤကလဲကွံာ်တၢ်လုၢ်လီၢ်တဖၣ်အံၤဆူအက့က့အခီခီ ဒီးတ့ၢ်လီၤအီၤဆူကံဒြိၣ်အတၢ်တြီၤအပူၤန့ၣ်လီၤ.

လံာ်စီၤပၤခံဘ့ၣ်တဘ့ၣ် 23:6

ကစၢ်မုၣ်အၡ့ရၤအတၢ်ပနီၣ်လၢအအိၣ်လၢယွၤအတၢ်လုၢ်ဟံၣ်အပူၤန့ၣ်, အဝဲသုးကွံာ်ဝဲဒီးစိာ်ထီၣ်ဝဲဆူဝ့ၢ်အချၢဆူကံဒြိၣ်အတၢ်တြီၤပူၤ, ဒွဲၣ်အူထီၣ်ကွံာ်ဝဲ, တိၢ်လီၤကမူၣ်ဝဲတုၤအကဲထီၣ်ချါဖၣ်ဆါ ဒီးဖှံလီၤဝဲလၢကမျၢၢ်အတၢ်သွၣ်ခိၣ်အဖီခိၣ်န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 23:15

အဝဲသ့ၣ်ဖီၣ်န့ၢ်အီၤ, လဲၤစိာ်အီၤဆူစီၤပၤအနီ, ဝံၤဒီးဖဲန့ၣ်မၤသံကွံာ်အီၤလၢကသ့ၣ်အတြဲၤဖးဒိၣ်န့ၣ်လီၤ.

လံာ်စီၤနဃ့မယၤ 3:28

ဒီးပှၤလုၢ်တၢ်အခိၣ်တဖၣ်ဘှီထီၣ်ဝဲလၢခံတပတီၢ်, လၢကလံၤစိးကသ့ၣ်အပဲတရီ, တဂၤလၢအဟံၣ်ဒၣ်ဝဲအမဲာ်ညါစုာ်စုာ် န့ၣ်လီၤ.

စံးထီၣ်ပတြၢၤ 48:9

ကစၢ်ယွၤဧၢ, လၢနတၢ်လုၢ်ဟံၣ်အပူၤန့ၣ် ပဆိကမိၣ်ထီၣ်နတၢ်အဲၣ်အဂၢၢ်အကျၢၤန့ၣ်လီၤ.

လံာ်ယၡါယၤ 51:22

ကစၢ်, သုကစၢ်ယွၤကဟုကယာ်သုဒီးစံးဝဲ, “ယကဟံးထီၣ်ကွံာ်လီခီလၢယဟ့ၣ်သု လၢယတၢ်သးဒိၣ်သးဖျိးအပူၤန့ၣ်လီၤ. သုတဘၣ်အီလၢၤစပံးထံလၢအဒုးလဲၤသု ကနူၤနူၤကပၤပၤန့ၣ်နီတစုဘၣ်.

လံာ်ယံးရမံယၤ 1:10

မုၢ်မဆါတနံၤအံၤ, ယဟ့ၣ်လီၤနၤတၢ်န့ၢ်စိန့ၢ်ကမီၤလၢပှၤကလုာ်တဖၣ်ဒီးဘီ မုၢ်တဖၣ်အဖီခိၣ်လၢနကထဲးထီၣ်ဒီးဂုၤလီၤပှီၢ်ကွံာ်တၢ်, လၢနကမၤဟးဂီၤဒီးမၤလီၤတဲာ်ကွံာ်တၢ်, ဒီးလၢနကသူၣ်ထီၣ်ဘှီ ထီၣ်တၢ်ဒီးသူၣ်လီၤဖျးလီၤတၢ်အဂီၢ်န့ၣ်လီၤ.”

လံာ်ယံးရမံယၤ 18:7

တဘျီဂ့ၤ, တဘျီဂ့ၤယမ့ၢ်စံးလၢယကထဲးထီၣ်ကွံာ်, မၤလီၤပှီၢ်, မ့တမ့ၢ်မၤဟးဂီၤပှၤတကလုာ်ဂ့ၤတကလုာ်ဂ့ၤမ့ၢ်ဂ့ၤ, ဘီမုၢ်တဘ့ၣ်ဂ့ၤ တဘ့ၣ်ဂ့ၤမ့ၢ်ဂ့ၤ,

လံာ်ယံးရမံယၤ 32:36

ယွၤ, အံၣ်စရ့လးအကစၢ်ယွၤ စံးဘၣ်ယၤ, “စီၤယံးရမံၤယၤဧၢ, ပှၤဂီၢ်မုၢ်စံးဝဲလၢတၢ် ဒုးတၢ်ယၤ, တၢ်သၣ်ဝံၤလီၤဒိ, ဒီးတၢ်ဆူးတၢ် ဆါကဒုးလီၤဝ့ၢ်အံၤ ဆူကီၢ်ဘၤဘူၤလိၣ် အစီၤ ပၤအစုပူၤလီၤ. ဒိကနၣ်တၢ်အဂၤလၢ ယကစံးဒံးယဲတက့ၢ်.

လံာ်ယံးရမံယၤ 8:2

လၢတၢ်ကပာ်ဖှိၣ်ဒီးခူၣ်လီၤကွံာ်အီၤအလီၢ်န့ၣ်, အဝဲသ့ၣ်အဃံတဖၣ် ကအိၣ်ဒါလီၤအသးလၢဟီၣ်ခိၣ်အလိၤဒ်တၢ်အ့ၣ်တၢ်ဆံၣ်အသိး န့ၣ်လီၤ. ကအိၣ်ပြၤလီၤအသးလၢမုၢ်, လါ, ဒီးဆၣ်တဖၣ်, လၢပှၤဂီၢ်မုၢ်တဖၣ်အံၤအဲၣ်အီၤဒီးမၤအတၢ်မၤ, ဒီးမ့ၢ်တၢ်သ့ၣ်တဖၣ်လၢအဝဲသ့ၣ်ဃ့တၢ်ဟ့ၣ်ကူၣ်ဒီး ဘူၣ်ထီၣ်ဘါထီၣ်အီၤအမဲာ်ညါန့ၣ်လီၤ.

လံာ်ယဃ့းစက့လး 37:2

အဝဲဆှၢတရံးယၤလၢတြီၤအံၤဒီးယထံၣ်ဘၣ်လၢဖဲန့ၣ်တၢ်ဃံ တၢ်ကွဲတဖၣ်အိၣ်အါအါဂီၢ်ဂီၢ်ဒီးမ့ၢ်တၢ်ဃံတၢ်ကွဲလၢအဃ့ထီ ဒိၣ်မးန့ၣ်လီၤ.

လံာ်ယဃ့းစက့လး 37:25

အဝဲသ့ၣ်ကအိၣ်ဆိးလၢကီၢ်လၢယဟ့ၣ်လီၤတ့ၢ်ယခ့ယပှၤ စီၤယၤကိာ်, ဒီးကီၢ်ဖဲအဝဲသ့ၣ်အမိၢ်အပၢ်ဖံဖုလၢပျၢၤတဖၣ်အိၣ်ဆိးတ့ၢ်ဝဲအပူၤန့ၣ်လီၤ. အဝဲသ့ၣ်ကအိၣ်ဆိးဖဲန့ၣ်လီၤထူလီၤယိာ်ဃုာ်ဒီးအဖိ အလံၤဒီးအစၢၤအသွဲၣ်ခဲလၢာ်န့ၣ်လီၤ. စီၤပၤတဂၤလၢအလီၤဂာ်ဒီး ယခ့ယပှၤစီၤဒၤဝံးကပၢတၢ်လၢအဝဲသ့ၣ်အဖီခိၣ်အစိၤစိၤအဃၣ် ဃၣ်န့ၣ်လီၤ.

လံာ်ယဃ့းစက့လး 39:29

ယကလူလီၤယသးလၢကီၢ်အံၣ်စရ့လးအပှၤဂီၢ်မုၢ်အလိၤဒီး တဃၣ်ကွံာ်ဘၣ်ယသးလၢအဝဲသ့ၣ်အအိၣ်နီတစုလၢၤဘၣ်န့ၣ်လီၤ. ယၤယွၤ, ပၢဘၣ်တၢ်ခဲလၢာ်ကစၢ်ကတိၤလံတၢ်လံ.”

လံာ်ယဃ့းစက့လး 48:35

ဝ့ၢ်အတၢ်ဒူၣ်လွံၢ်ကပၤလိာ်အတၢ်ထိၣ်ခဲလၢာ် န့ၣ်မ့ၢ်ဝဲအပျၢ်တကလးဃိးကထိန့ၣ်လီၤ. စးထီၣ်လၢခဲအံၤဒီးဆူညါန့ၣ်ဝ့ၢ်အံၤအမံၤကဘၣ် တၢ်ကိးအီၤလၢ “ယွၤအိၣ်ဝဲဖဲအံၤ” န့ၣ်လီၤ.

လံာ်ယိၤအ့လး 3:17

တုၤနုၤတစု, ပှၤအံၣ်စရ့လးဖိသ့ၣ်ဧၢ, သုကသ့ၣ်ညါလၢယမ့ၢ် ယွၤ, သုကစၢ်ယွၤန့ၣ်လီၤ. ယအိၣ်လၢကစၢၢ်စံယိၣ်, ယကစၢၢ်စီဆှံအလိၤန့ၣ်လီၤ. ဝ့ၢ်ယရူၤၡလ့ၣ်ကမ့ၢ်ဝ့ၢ်စီဆှံတဖျၢၣ် ဒီးပှၤတခီဘီမုၢ်တဖၣ်တမၤနၢၤမၤဃၣ်ကဒီး အီၤလၢၤဘၣ်.

လံာ်စကၤရယၤ 14:11

ပှၤဂီၢ်မုၢ်ကအိၣ်ကဆိးဖဲန့ၣ်လၢတၢ်ပူၤဖျဲး, ဒီးတဘၣ်တၢ်မၤပျံၤမၤဖုးလၢၤအီၤလၢတၢ်ဟးဂီၤဘၣ်.

လံာ်စကၤရယၤ 14:20

ဖဲအဆၢကတီၢ်အဝဲန့ၣ်န့ၣ်, လၢကသ့ၣ်အကိာ်လိၤ, ပှ့ၤသၣ်အလိၤဒၣ်လဲာ်တၢ်ကကွဲးလီၤတၢ်ကတိၤလၢအစံးဝဲ, “ဘၣ်တၢ်ပာ်စီဆှံအီၤလၢယွၤအဂီၢ်လီၤ.” တၢ်တ့ၤတၢ်ဖီအသပၢၤတဖၣ်လၢတၢ်လုၢ်ဟံၣ်ပူၤန့ၣ်, ကစီဝဲဆှံဝဲဒ်သလၢတဖၣ်လၢတၢ်လုၢ်လီၢ်အမဲာ်ညါအသိးန့ၣ်လီၤ.

လံာ်ယိၤဟၣ် 18:1

ယ့ၣ်ၡူးဃ့ဘါထုကဖၣ်တၢ်တဖၣ်အံၤဝံၤဒီး, အဝဲဟးထီၣ်ဒီးအပျဲၢ်အဘီၣ်တဖၣ်ဒီးလဲၤခီဂာ် ဆူကံဒြိၣ်ထံကျိၤအဝၢ်ဘးခီန့ၣ်လီၤ. ဒီးဖဲန့ၣ် တၤသၣ်လီၢ်အိၣ်ဝဲတလီၢ်ဒီးယ့ၣ်ၡူးဒီးအပျဲၢ် အဘီၣ်တဖၣ်လဲၤနုာ်ဝဲဒၣ်ဖဲန့ၣ်လီၤ.