လံာ်ယံးရမံယၤ 31:37 - Sgaw Karen Common Bible

³⁷ ဖဲမုၢ်တနံၤလၢ ပှၤထိၣ်မူကပိာ်လိၤမ့ၢ်သ့, ဒီးဟီၣ်ခိၣ်အခီၣ်ထံး တဖၣ် တၢ်ဃုသ့ၣ်ညါအီၤဒုးမ့ၢ်သ့န့ၣ်ဒီး, အဝဲကညိကွံာ်ကီၢ်အံၣ်စရ့လး အပှၤဂီၢ်မုၢ်, လၢတၢ်လၢ အဝဲသ့ၣ်မၤတ့ၢ်ဝဲခဲလၢာ် အဃိန့ၣ်လီၤ. ယွၤကတိၤလံတၢ်လံ.

လံာ်ယံးရမံယၤ 31:37 Iomraidhean Croise

လံာ်စီၤယိၤဘး 38:18

ဟီၣ်ခိၣ်ဒိၣ်ဝဲလဲၢ်ဝဲဆံးအါဆံးအါန့ၣ်, နနၢ်ပၢၢ်တ့ၢ်အီၤဧါ. နမ့ၢ်သ့ၣ်ညါဒီးစံးဆၢယၤတက့ၢ်.

စံးထီၣ်ပတြၢၤ 89:2

အဂ့ၢ်ဒ်အံၤ, နတၢ်အဲၣ်ဂၢၢ်ကျၢၤအိၣ်ဝဲ အစိၤစိၤအဃၣ်ဃၣ်ဒီး နတၢ်သူၣ်တီသးလိၤအိၣ်ဂၢၢ်ဆိးကျၢၤဝဲဒ် မူခိၣ်အသိးလီၤ.

တၢ်ကတိၤဒိ. 30:4

မ့ၢ်မတၤလဲၤတုၤထီၣ်ဘးမူခိၣ်ဒီးဟဲက့ၤလီၤဝဲတဂၤလဲၣ်. မ့ၢ်မတၤဖီၣ်န့ၢ်ကလံၤလၢအစုပူၤတဂၤလဲၣ်. မ့ၢ်မတၤဘိၣ်ထီၣ်ထံလၢတၢ်ကံးယာ်တဘ့ၣ်အပူၤတဂၤလဲၣ်. မ့ၢ်မတၤပာ်ဂၢၢ်ပာ်ကျၢၤဟီၣ်ခိၣ်အဆၢတဖၣ် တဂၤလဲၣ်. မ့ၢ်နသ့ၣ်ညါအဝဲမ့ၢ်မတၤလဲၣ်. အဖိခွါမ့ၢ်မတၤလဲၣ်, န့ၣ်ဧါ

လံာ်ယၡါယၤ 40:12

မ့ၢ်ပှၤထိၣ်ပီၣ်လဲၣ်လၢအစုညါသးတဖၣ်အပူၤ သ့တဂၤဂၤဧါ, မ့တမ့ၢ်ဘၣ်ဒီးထိၣ်မူခိၣ်လၢအစုတဖၣ်သ့တဂၤဂၤဧါ. မ့ၢ်ပှၤစိာ်ဟီၣ်ခိၣ်ဒီဘ့ၣ်အကမူၣ်လၢလီခီတဖျၢၣ်အပူၤ မ့ၢ်ဂ့ၤ, စီၤဝဲကစၢၢ်တဖၣ်ဒီးတၢ်လူၢ်တဖၣ်လၢစီၤပီၢ်ပူၤမ့ၢ်ဂ့ၤ သ့တဂၤဂၤဧါ.

လံာ်ယၡါယၤ 54:9

“လၢစီၤနိအၤအစိၤအဆၢကတီၢ်န့ၣ်, ယအၢၣ်လီၤတ့ၢ်လၢယတဒုးလုၣ်ဘၢဟီၣ်ခိၣ်လၢထံနီတဘျီလၢၤဘၣ်. ခဲအံၤယအၢၣ်လီၤလၢယတသူၣ်ဒိၣ်သးဖျိး ကဒီးသုလၢၤဘၣ်. ယတသိၣ်ဃီၣ်သုမ့ၢ်ဂ့ၤ, စံၣ်ညီၣ်သုမ့ၢ်ဂ့ၤလၢၤဘၣ်.

လံာ်ယၡါယၤ 65:9

ယကဆိၣ်ဂ့ၤပှၤအံၣ်စရ့လးဖိတဖၣ်လၢအဘၣ်ဃးဒီးယူဒၤ အဒူၣ်, ဒီးအဝဲသ့ၣ်အစၢၤအသွဲၣ်တဖၣ်ကန့ၢ်သါဘၣ် ယကီၢ်လၢအပှဲၤဒီးကစၢၢ်ကလိတဖၣ်လီၤ. ယပှၤဂီၢ်မုၢ်လၢယဃုထၢအီၤလၢအမၤယတၢ်ခ့တၢ်ပှၤ အတၢ်မၤတဖၣ်ကအိၣ်ကဆိးဖဲန့ၣ်န့ၣ်လီၤ.

လံာ်ယံးရမံယၤ 30:11

ယကဟဲဆူသုအိၣ်ဒီး အုၣ်က့ၤခီၣ်က့ၤသုန့ၣ်လီၤ. ယတမၤဟးဂီၤကွံာ်သုဘၣ်. ယတပျဲပူၤသုလၢ တၢ်စံၣ်ညီၣ်ဘၣ်. ဘၣ်ဆၣ်ဖဲယစံၣ်ညီၣ်သုန့ၣ်, ယကမၤအီၤဖဲ အတီအဘၣ်လီၤ. ယၤ, ယွၤအံၤ, ကတိၤလံတၢ်လံ.”

လံာ်ယံးရမံယၤ 33:22

ယကမၤအါထီၣ်ယခ့ယပှၤ စီၤဒၤဝံးအစၢၤအသွဲၣ် တဖၣ်အနီၣ်ဂံၢ်, တုၤဒၣ်လဲာ် ပှၤဂံၢ်အဝဲသ့ၣ်တသ့ လၢၤဘၣ်. ဒ်ပှၤဂံၢ်ဆၣ်တဖၣ်လၢ မူကပိာ်လိၤ မ့ၢ်ဂ့ၤ, မဲးဧိၤဟီၣ်ဧိၤလၢ ပီၣ်လဲၣ်ကၢၢ်နံၤမ့ၢ်ဂ့ၤ, တသ့ဝဲဘၣ် အသိးန့ၣ်လီၤ.”

လံာ်ယံးရမံယၤ 46:28

ယကဟဲဆူ သုအိၣ်ဒီးအုၣ်က့ၤခီၣ်က့ၤသုလီၤ. ယကမၤဟးဂီၤပှၤကလုာ်ခဲလၢာ်လၢယမၤလီၤပြံလီၤပြါတ့ၢ် သုလၢအကျါ, ဘၣ်ဆၣ်ဒီး ယတမၤဟးဂီၤသုဘၣ်. ယတပျၢ်ဖျဲးသုလၢ တၢ်စံၣ်ညီၣ်အပူၤဘၣ်. မ့မ့ၢ်, ဖဲယစံၣ်ညီၣ်သုဒီး ယကမၤအီၤဖဲအတီအဘၣ်န့ၣ်လီၤ. ယၤ, ယွၤအံၤ, ကတိၤလံတၢ်လံ.”