လံာ်ယံးရမံယၤ 31:30 - Sgaw Karen Common Bible

³⁰ အခိၣ်တလိာ်, ပှၤတဂၤလၢ်လၢ်လၢ အအီၣ်စပံးသၣ် အဆံၣ်န့ၣ် အကစၢ်ဒၣ်ဝဲ အမဲကဆှံဒီးပှၤကိးဂၤကသံဝဲလၢ အတၢ်ဒဲးဘးဒၣ်ဝဲ အဃိန့ၣ်လီၤ.”

လံာ်ယံးရမံယၤ 31:30 Iomraidhean Croise

လံာ်စီၤပၤခံဘ့ၣ်တဘ့ၣ် 14:6

ဘၣ်ဆၣ်ဒီးအဝဲတမၤသံဘၣ်ပှၤတဖၣ်န့ၣ်အဖိတဖၣ်ဘၣ်. မ့မ့ၢ်ပိာ်ထွဲတၢ်လၢယွၤမၤလိာ်တ့ၢ်ဝဲလၢစီၤမိၤၡ့အတၢ်သိၣ် တၢ်သီအပူၤလၢအစံးဝဲ, “မိၢ်ပၢ်တဖၣ်တကြၢးဘၣ်တၢ်မၤသံအီၤလၢတၢ်ကမၣ်တဖၣ်လၢ အဖိတဖၣ်မၤဝဲအဃိ, ဒီးအဖိတဖၣ်တကြၢးဘၣ်တၢ်မၤသံအီၤလၢတၢ်ကမၣ်တဖၣ်လၢမိၢ်ပၢ် တဖၣ်မၤဝဲအဃိဘၣ်. ပှၤတဂၤကဘၣ်တၢ်မၤသံဒၣ်အီၤလၢတၢ်ကမၣ်လၢအဝဲမၤဒၣ်ဝဲအဃိ န့ၣ်လီၤ.”

လံာ်စီၤယိၤဘး 21:20

မ်အမဲာ်ကထံၣ်ဘၣ်အတၢ်ဟးဂီၤဒၣ်ဝဲဒီးမ်အအီဘၣ်သ့တၢ် လၢာ်ကစၢ်ယွၤအတၢ်သးထီၣ်န့ၣ်တက့ၢ်.

လံာ်ယၡါယၤ 3:11

ဘၣ်ဆၣ်, ပှၤအၢပှၤသီတဖၣ်ဘၣ်တၢ်စံၣ်ညီၣ်ဃါမနၤလီၤ. တၢ်လၢအဝဲသ့ၣ်မၤဘၣ်တ့ၢ်ပှၤတဖၣ်န့ၣ်ခဲအံၤတၢ်ကမၤဘၣ်က့ၤ အဝဲသ့ၣ်လီၤ.

လံာ်ယဃ့းစက့လး 18:20

ပှၤလၢအမၤတၢ်ဒဲးဘးတဂၤန့ၣ်မ့ၢ်ပှၤတဂၤလၢကဘၣ်သံန့ၣ်လီၤ. ဖိခွါတဂၤတဘၣ်တူၢ်တၢ်လၢအဝဲအပၢ်အတၢ်ဒဲးဘးတဖၣ် အဃိမ့ၢ်ဂ့ၤပၢ်တဂၤလၢတၢ်ဒဲးဘးတဖၣ်လၢအဖိခွါမၤဝဲအဃိမ့ၢ်ဂ့ၤ န့ၣ်ဘၣ်. ပှၤလၢအဂ့ၤတဂၤန့ၣ်ကဘၣ်တၢ်ဟ့ၣ်ဘျုးအီၤလၢလၢအမၤတၢ်ဂ့ၤအဃိ, ဒီးပှၤအၢပှၤသီတဂၤတတူၢ်ဘၣ်တၢ်လၢတၢ်အၢတၢ်သီလၢအမၤဝဲအဃိ န့ၣ်လီၤ.

လံာ်ယဃ့းစက့လး 18:4

ပှၤကိးဂၤဒဲးအတၢ်အိၣ်မူန့ၣ်ဘၣ်ဃးဒီးယၤ, မိၢ်ပၢ်တဖၣ်အတၢ်အိၣ်မူ ဒီးဒ်န့ၣ်အသိးဖိတဖၣ်အတၢ်အိၣ်မူစ့ၢ်ကီးန့ၣ်လီၤ. ပှၤတဂၤလၢအမၤတၢ်ဒဲးဘးန့ၣ်မ့ၢ်ပှၤတဂၤလၢကဘၣ်သံဝဲန့ၣ်လီၤ.

လံာ်ယဃ့းစက့လး 3:24

ဘၣ်ဆၣ်ဒီး ကစၢ်ယွၤအသးဟဲနုာ်လီၤလၢ ယပူၤဒီးဒုးဆၢထၢၣ် ယၤလၢ ယခီၣ်လီၤ. ယွၤစံးဘၣ်ယၤ, “က့ၤဆူဟံၣ်ဒီးကတံာ်ဃာ် နသးလၢဟံၣ်ပူၤတက့ၢ်.

လံာ်ယဃ့းစက့လး 33:13

ဘၣ်တဘၣ်ယကအၢၣ်လီၤဟ့ၣ်တၢ်မူဆူပှၤအဂ့ၤတဂၤလီၤ. ဘၣ်ဆၣ်အဝဲမ့ၢ်ဆိကမိၣ်ထီၣ်ဝဲလၢအဝဲအတၢ်ဂ့ၤလၢအပူၤကွံာ် တဖၣ်လၢပှဲၤဝဲလံ, ဒီးစးထီၣ်မၤတၢ်ဒဲးဘးန့ၣ်, ယတသ့ၣ်နီၣ် ထီၣ်က့ၤတၢ်ဂ့ၤလၢအဝဲမၤတ့ၢ်ဝဲတဖၣ်နီတမံၤဘၣ်. အဝဲကသံ လၢအတၢ်ဒဲးဘးတဖၣ်အဃိန့ၣ်လီၤ.

လံာ်ယဃ့းစက့လး 33:18

ဖဲပှၤတီပှၤလိၤတဂၤဆိကတီၢ်မၤတၢ်ဂ့ၤဒီးစးထီၣ်မၤတၢ်အၢတၢ်သီန့ၣ်, အဝဲကသံလၢတၢ်န့ၣ်အဃိလီၤ.

လံာ်ယဃ့းစက့လး 33:8

ယမ့ၢ်ပာ်ဖျါထီၣ်လၢပှၤအအၢအသီတဂၤကဘၣ်သံဝဲ, ဘၣ်ဆၣ်နမ့ၢ်တဟ့ၣ်ပလီၢ်အီၤလၢအဝဲ ကလဲလိာ်ကွံာ်အကျဲတဖၣ်ဒ်သိးအဝဲအုၣ်က့ၤခီၣ်က့ၤလီၤအသးကသ့, ဒီးအဝဲကသံဒံးဒၣ်ဒ်ပှၤတၢ်ဒဲးဘးတဂၤအသိးဒီး ယကပာ်မူပာ်ဒါနၤလၢအဝဲအတၢ်သံအဃိန့ၣ်လီၤ.

ကလၤတံ 6:5

အဂ့ၢ်ဒ်အံၤ, ပှၤကိးဂၤဒဲးကဘၣ်ဝံအတၢ်ဝံတၢ်ယိးဒၣ်ဝဲလီၤ.

လံာ်သိၣ်လီၤသီလီၤတၢ် 24:16

လၢတၢ်ကမၣ်တဖၣ်လၢဖိတဖၣ်မၤအီၤအဃိန့ၣ်, မိၢ်ပၢ်တဖၣ်တၢ်တဘၣ်မၤသံအီၤဘၣ်. ဒီးလၢတၢ်ကမၣ်တဖၣ်လၢမိၢ်ပၢ်တဖၣ်မၤအီၤအဃိန့ၣ်ဖိတဖၣ်တၢ်တဘၣ်မၤသံအီၤဘၣ်. ပှၤတဂၤကဘၣ်တၢ်မၤသံအီၤထဲဒၣ်လၢအနီၢ်ကစၢ်ဒၣ်ဝဲမၤတၢ်ကမၣ်အဃိန့ၣ်လီၤ.

ယၤကိာ် 1:15

အန့ၣ်ဝံၤဒီး, အတၢ်သူၣ်လီသးကွံအအၢအသီဒၢထီၣ်ဒီး ဆံးစၢ်ထီၣ်တၢ်ဒဲးဘး, ဒီးတၢ်ဒဲးဘးအံၤတုၤအဒိၣ်တုာ်ခိၣ်ပှဲၤ ဒီးဆံးစၢ်ထီၣ်ဝဲတၢ်သံန့ၣ်လီၤ.