လံာ်ယံးရမံယၤ 31:3 - Sgaw Karen Common Bible

³ ယလီၣ်ဖျါထီၣ်တ့ၢ် ယသးဆူ အဝဲသ့ၣ်လၢ အယံၤန့ၣ်လီၤ. ကီၢ်အံၣ်စရ့လး အပှၤဂီၢ်မုၢ်သ့ၣ်ဧၢ, ယတၢ်အဲၣ်ခၢၣ်သနၢၣ်တထံၣ်ဃီန့ၣ်လီၤ.

လံာ်ယံးရမံယၤ 31:3 Iomraidhean Croise

လံာ်စီၤပၤအခီၣ်ထံးတဘ့ၣ် 10:9

စံးထီၣ်ပတြၢၤယွၤ, နကစၢ်ယွၤတက့ၢ်. အဝဲဒုးနဲၣ်တ့ၢ်လၢအဘၣ်သူၣ်ဘၣ်သးနၤထဲလဲၣ်ခီဖျိဒုးကဲနၤ လၢကီၢ်အံၣ်စရ့လးအစီၤပၤန့ၣ်လီၤ. မ့ၢ်လၢအဝဲအတၢ်အဲၣ်ကီၢ်အံၣ်စရ့လးမ့ၢ်တၢ်အထူအယိာ်အဃိ, အဝဲဒုးကဲထီၣ်နၤလၢအဝဲသ့ၣ်အစီၤပၤဒ်သိးနပၢၤဃာ်တၢ်သိၣ်တၢ် သီဒီးတၢ်စံၣ်ညီၣ်တီကသ့ဝဲအဂီၢ်န့ၣ်လီၤ.

စံးထီၣ်ပတြၢၤ 103:17

မ့မ့ၢ်ယွၤအတၢ်အဲၣ်ဂၢၢ်ကျၢၤအိၣ်ဝဲလၢ ပှၤလၢအပျံၤအီၤတဖၣ်အလိၤလီၤစိၤလီၤထီ ဒီးအတၢ်ဂ့ၤတၢ်ဝါန့ၣ်အိၣ်ဂၢၢ်ဆိးကျၢၤကိးစိၤဒဲး,

စံးထီၣ်ပတြၢၤ 25:6

ယွၤဧၢ, သ့ၣ်နီၣ်ထီၣ်က့ၤနတၢ်သူၣ်ကညီၤသးကညီၤဒီးနတၢ် အဲၣ်ဂၢၢ်ကျၢၤ လၢနပာ်ဖျါတ့ၢ်အီၤလၢပျၢၤန့ၣ်တက့ၢ်.

လံာ်တၢ်သးဝံၣ်တဖၣ်အတၢ်သးဝံၣ် 1:4

ကိးဃုာ်ယၤတက့ၢ်, ဒီးပကဃ့ၢ်ပိာ်လိာ်ပခံလီၤ. မ်နကဲထီၣ်ယစီၤပၤ, ဒီးကိးနုာ်ယၤဆူနဒၢးပူၤတက့ၢ်. ပကမုာ်လၤသးခုဒီးမၤလၢာ်ပဆၢကတီၢ်လၢတၢ်အဲၣ်ယိာ်အပူၤ အါန့ၢ်ဒံးလၢစပံးထံအပူၤတက့ၢ်လီၤ. ပှၤပိာ်မုၣ်ခဲလၢာ်အဲၣ်နၤန့ၣ်တလီၤကမၢကမၣ်ဘၣ်.

လံာ်ယၡါယၤ 43:4

ယကဟ့ၣ်လီၤကွံာ်ပှၤဒီကလုာ်ခဲလၢာ်ခဲဆ့လၢတၢ်အုၣ်က့ၤခီၣ်က့ၤ နသးသမူအဂီၢ်လီၤ. အဂ့ၢ်ဒ်အံၤ, နမ့ၢ်တၢ်လုၢ်ဒိၣ်ပှ့ၤဒိၣ်လၢယဂီၢ်, ဒီးမ့ၢ်စ့ၢ်ကီးလၢယအဲၣ်နၤဒီးဟ့ၣ်နၤတၢ်လၤကပီၤအဃိန့ၣ် လီၤ.

လံာ်ယၡါယၤ 45:17

မ့မ့ၢ်ကီၢ်အံၣ်စရ့လးဘၣ်တၢ်အုၣ်က့ၤခီၣ်က့ၤအီၤလၢယွၤ ဒီးအတၢ်မၤနၢၤအိၣ်လီၤထူလီၤယိာ်လီၤ. အပှၤဂီၢ်မုၢ်တဘၣ်တၢ်မၤမဲာ်ဆှးအီၤနီတစုဘၣ်.”

လံာ်ယၡါယၤ 49:14

ဘၣ်ဆၣ်, ပှၤဝ့ၢ်ယရူၤၡလ့ၣ်ဖိတဖၣ်စံးဝဲ, “ယွၤပာ်တ့ၢ်ကွံာ်ပှၤလံ. အဝဲသးပ့ၤနီၣ်ကွံာ်ပှၤလံ.”

လံာ်ဟိၤၡ့ 11:1

ယွၤစံးဝဲဒၣ်, ဖဲကီၢ်အံၣ်စရ့လးမ့ၢ်ဒံးဖိသၣ်အခါန့ၣ်ယအဲၣ်တ့ၢ်အီၤဒီး ယကိးထီၣ်ကွံာ်အီၤလၢကီၢ်အဲၤကူပတူးဒ်ယဖိခွါတဂၤအသိးန့ၣ် လီၤ.

လံာ်ဟိၤၡ့ 11:4

ယထုးဃီၤအဝဲသ့ၣ်ဆူယအိၣ်လၢတၢ်သးအိၣ်ဒီးတၢ်အဲၣ်လီၤ. ယထၢထီၣ်အဝဲသ့ၣ်ဒီးစိာ်ထီၣ်အီၤလၢယဘိးပၤ, ယသကူးလီၤယသးဆူအဝဲသ့ၣ်အအိၣ်ဒီးဒုးအီၣ်အဝဲသ့ၣ်အတၢ်လီၤ.

လံာ်မၤလကံ 1:2

ဒီးယွၤစံးဘၣ်အပှၤဂီၢ်မုၢ်, “ယအဲၣ်သုထီဘိလီၤ.” ဘၣ်ဆၣ်ဒီးအဝဲသ့ၣ်စံးဆၢဝဲ, “နဒုးနဲၣ်နတၢ်အဲၣ်ပှၤဒ်လဲၣ်.” ယွၤစံးဆၢဝဲ, “စီၤဧ့ၡီၤဒီးစီၤယၤကိာ်မ့ၢ်ပှၤဒီပုၢ်ဝဲၢ်, ဘၣ်ဆၣ်ယအဲၣ်စီၤယၤကိာ်ဒီးအစၢၤအသွဲၣ်တဖၣ်လီၤ.

ရိမ့ၤ 8:30

ဒီးလၢတၢ်န့ၣ်အဃိ ကစၢ်ယွၤကိးထီၣ်ပှၤလၢအပာ်လီၤ ဆီတ့ၢ်လံဝဲတဖၣ်, ဒီးပှၤတဖၣ်လၢအကိးထီၣ်ဝဲန့ၣ်အဝဲဒၣ် ပာ်တီပာ်လိၤဝဲဒီးအီၤ, ဒီးပှၤတဖၣ်လၢအပာ်တီပာ်လိၤ ဝဲန့ၣ်ဟ့ၣ်နီၤလီၤဝဲလၢအလၤအကပီၤစ့ၢ်ကီးန့ၣ်လီၤ.

ရိမ့ၤ 9:13

ဒ်တၢ်ကွဲးအသးစီဆှံစံးဝဲအသိး, “ယအဲၣ်စီၤယၤကိာ်, မ့မ့ၢ် စီၤဧ့ၡီၤန့ၣ်ယသးဟ့အီၤလီၤ” (မၤ ၁:၂-၃).

လံာ်သိၣ်လီၤသီလီၤတၢ် 10:15

မ့မ့ၢ်ယွၤအတၢ်အဲၣ်လၢသုမိၢ်ပၢ်ဖံဖုလၢပျၢၤတဖၣ်အဂီၢ်န့ၣ်, ဆူၣ်ဝဲဒိၣ်မးတုၤဒၣ်လဲာ်, အဝဲဒၣ်ဃုထၢသု, လၢပှၤဂီၢ်မုၢ်အဂုၤအဂၤတဖၣ်အလီၢ်န့ၣ်လီၤ. ဒီးသုမ့ၢ်ဒံးဒၣ်အဝဲအပှၤဂီၢ်မုၢ်လၢအဃုထၢဝဲန့ၣ်လီၤ.

လံာ်သိၣ်လီၤသီလီၤတၢ် 33:26

ကီၢ်အံၣ်စရ့လးအပှၤဂီၢ်မုၢ်ဧၢ, ယွၤအဂၤတဒ်သိးဘၣ်သုကစၢ်ယွၤဘၣ်. အဝဲဒိးတၢ်ခီဖျိကွံာ်မူကပိာ်လိၤလၢတၢ်ကဟုကညီၢ်အပူၤ, ဒိးတၢ်ခီဖျိကွံာ်တၢ်အၢၣ်တဖၣ်လၢကဟဲမၤစၢၤသုအဂီၢ်န့ၣ်လီၤ.

လံာ်သိၣ်လီၤသီလီၤတၢ် 33:3

ယွၤအဲၣ်အပှၤဂီၢ်မုၢ် ဒီးဒီဒၣ်အိၣ်ပှိၤပှၤတဖၣ်လၢအဘၣ်ဃးဒီးအီၤန့ၣ်လီၤ. လၢတၢ်န့ၣ်အဃိ, ပတီၤလီၤလၢအခီၣ်မဲာ်ညါ, ဒီးစူၢ်အဝဲအတၢ်မၤလိာ်တဖၣ်န့ၣ်လီၤ.

လံာ်သိၣ်လီၤသီလီၤတၢ် 4:37

မ့ၢ်လၢအအဲၣ်ဘၣ်သုမိၢ်ပၢ်ဖံဖုလၢပျၢၤတဖၣ်အဃိ, အဝဲဃုထၢသုဒီးခီဖျိလၢအဝဲအစိကမီၤဖးဒိၣ်န့ၣ်အဝဲအနီၢ် ကစၢ်ဒၣ်ဝဲထုးထီၣ်သုလၢကီၢ်အဲၤကူပတူးအပူၤန့ၣ်လီၤ.

၂ တံၤမသ့း 1:9

အဝဲဒၣ်အုၣ်က့ၤခီၣ်က့ၤပှၤဒီးကိးထီၣ်ပှၤဒ်သိးပကမ့ၢ် အတၢ်ဒၣ်ဝဲ, တမ့ၢ်လၢတၢ်ဖံးတၢ်မၤလၢပမၤတ့ၢ်လံတဖၣ် အဃိဘၣ်. မ့မ့ၢ်, မ့ၢ်လၢအတၢ်တိာ်ဒီးအဘျုးအဖှိၣ်ဒၣ်ဝဲ အဃိန့ၣ်လီၤ. အဝဲဒၣ်ဟ့ၣ်လီၤပှၤတၢ်ဘျုးတၢ်ဖှိၣ်အံၤခီဖျိ ယ့ၣ်ၡူးခရံာ်, တချုးလၢဟီၣ်ခိၣ်ဘၣ်တၢ်တ့လီၤအီၤဒံးဒၣ် လဲာ်န့ၣ်လီၤ.

ယၤကိာ် 1:18

ဖဲအသးဒၣ်ဝဲန့ၣ်, အဝဲဒၣ်ထီၣ်ဖိန့ၢ်ပှၤခီဖျိတၢ်မ့ၢ်တၢ်တီအကလုၢ် ကထါ, ဒ်သိးပကကဲထီၣ်တၤသၣ်ဆိတကလုာ်လၢအတၢ်ဘၣ်တ့ခဲလၢာ် အကျါအဂီၢ်န့ၣ်လီၤ.

၁ ပ့းတရူး 1:3

မ်ပစံးဘျုးကစၢ်ယွၤ, ပကစၢ်ယ့ၣ်ၡူးခရံာ်အပၢ်န့ၣ်တက့ၢ်. မ့ၢ်လၢအတၢ်သးကညီၤဒိၣ်ဝဲအဃိ, အဝဲဟ့ၣ်လီၤပှၤတၢ်မူအသီခီဖျိအဒုးဂဲၤဆၢထၢၣ်က့ၤယ့ၣ်ၡူး ခရံာ်လၢတၢ်သံန့ၣ်လီၤ. တၢ်အံၤမၤပှဲၤပှၤဒီးတၢ်မုၢ်လၢ်အမူ,

၁ ယိၤဟၣ် 4:19

ပအဲၣ်တၢ်ကွံတၢ်လီၤ. အဂ့ၢ်ဒ်အံၤယွၤအဲၣ်ဆိပှၤလီၤ.