လံာ်ယံးရမံယၤ 31:28 - Sgaw Karen Common Bible

²⁸ ုဒီး ဒ်ယအံးထွဲကွၢ်ထွဲအီၤလၢ ယကထဲးထီၣ်အီၤ, မၤလီၤပှီၢ်အီၤ, မၤလီၤတဲာ်ကွံာ်အီၤ, မၤဟးဂီၤအီၤဒီး မၤနးမၤဖှီၣ်အီၤအသိးန့ၣ်, ယကအံးထွဲကွၢ်ထွဲအီၤလၢ ယကသူၣ်လီၤဖျးလီၤအီၤဒီး သူၣ်ထီၣ်ဘှီထီၣ်အီၤန့ၣ်လီၤ.

လံာ်ယံးရမံယၤ 31:28 Iomraidhean Croise

လံာ်စီၤယိၤဘး 29:2

ယဆၢဒိးန့ၢ်မးယမုၢ်နံၤလၢ အလဲၤကွံာ်တဖၣ်, မုၢ်နံၤတဖၣ်ဖဲ ကစၢ်ယွၤကွၢ်ထွဲတ့ၢ်ယၤန့ၣ်လီၤ.

စံးထီၣ်ပတြၢၤ 102:16

အဂ့ၢ်ဒ်အံၤ, ယွၤကသူၣ်ထီၣ်က့ၤစံယိၣ်, ဒီးအဝဲကအိၣ်ဖျါထီၣ်လၢအလၤကပီၤအပူၤလီၤ.

စံးထီၣ်ပတြၢၤ 147:2

ယွၤသူၣ်ထီၣ်ဝ့ၢ်ယရူၤၡလ့ၣ်, အဝဲပာ်ဖှိၣ်က့ၤအံၣ်စရ့လး အပှၤဘၣ်တၢ်စိာ်မၢကဲကုၢ်အီၤန့ၣ်လီၤ.

စံးထီၣ်ပတြၢၤ 69:35

အဂ့ၢ်ဒ်အံၤ, ယွၤကအုၣ်က့ၤခီၣ်က့ၤစံယိၣ်, ဒီးကသူၣ်ထီၣ်က့ၤယူဒၤအဝ့ၢ်တဖၣ် ဒီးအခ့အပှၤသ့ၣ်တဖၣ်ကအိၣ်ကဆိးဖဲန့ၣ်ဒီး ကန့ၢ်ဘၣ်ကီၢ်န့ၣ်လီၤ.

လံာ်ယံးရမံယၤ 1:10

မုၢ်မဆါတနံၤအံၤ, ယဟ့ၣ်လီၤနၤတၢ်န့ၢ်စိန့ၢ်ကမီၤလၢပှၤကလုာ်တဖၣ်ဒီးဘီ မုၢ်တဖၣ်အဖီခိၣ်လၢနကထဲးထီၣ်ဒီးဂုၤလီၤပှီၢ်ကွံာ်တၢ်, လၢနကမၤဟးဂီၤဒီးမၤလီၤတဲာ်ကွံာ်တၢ်, ဒီးလၢနကသူၣ်ထီၣ်ဘှီ ထီၣ်တၢ်ဒီးသူၣ်လီၤဖျးလီၤတၢ်အဂီၢ်န့ၣ်လီၤ.”

လံာ်ယံးရမံယၤ 1:12

ယွၤစံးဝဲ, “နစံးတၢ်န့ၣ်ဘၣ်လီၤ. ယခိးကွၢ်တၢ်ဒ်သိးယကထံၣ် ဘၣ်ယတၢ်ကတိၤတဖၣ်ကလၢထီၣ်ပှဲၤထီၣ်ဝဲအဂီၢ်လီၤ.”

လံာ်ယံးရမံယၤ 24:6

ယကအံးက့ၤကွၢ်က့ၤအဝဲသ့ၣ်ဒီးဟဲက့ၤစိာ်က့ၤအဝဲသ့ၣ်ဆူကီၢ် အံၤန့ၣ်လီၤ. ယကမၤထီၣ်မၤထီအဝဲသ့ၣ်ဒီးတမၤလီၤပှီၢ်ကွံာ်အီၤဘၣ်. ယကသူၣ်လီၤဖျးလီၤအဝဲသ့ၣ်ဒီးတထဲးထီၣ်ကွံာ်ဘၣ်အဝဲသ့ၣ်ဘၣ်.

လံာ်ယံးရမံယၤ 32:41

ယကသးခုသးမုာ်လၢ ယမၤတၢ်မၤဂ့ၤတဖၣ်လၢ အဝဲသ့ၣ်အဂီၢ်, ဒီးယကဒုးအိၣ်ဂၢၢ်ဆိးကျၢၤ အဝဲသ့ၣ်လၢထံကီၢ်အံၤအပူၤလၢ ယသးဒီဖျၢၣ်ဒီး ယသးတုၤအလၢာ်န့ၣ်လီၤ.

လံာ်ယံးရမံယၤ 32:42

ဒ် ယဒုးလီၤဘၣ်တ့ၢ်တၢ်တတၢးတနါအံၤလၢ ပှၤဂီၢ်မုၢ်အလိၤအသိးန့ၣ်, ယကဟ့ၣ်အဝဲသ့ၣ်လၢ တၢ်ဂ့ၤခဲလၢာ်လၢယအၢၣ်လီၤတ့ၢ်န့ၣ်လီၤ.

လံာ်ယံးရမံယၤ 42:10

‘သုသးမ့ၢ်အိၣ်လၢ သုကအိၣ်ဆိးဘၣ်ဒံးလၢ ကီၢ်အံၤ အပူၤဒီး, ယကမၤထီၣ်သု, ဒီးတမၤလီၤပှီၢ်သုဘၣ်. ယကသူၣ်လီၤဒီး ယတထဲးလီၤကွံာ်ဘၣ်သုဘၣ်. တၢ်ဟးဂီၤလၢ ယဒုးဘၣ်သုန့ၣ် ဒုးသးအုးတ့ၢ်ယၤဒိၣ်မးလီၤ.

လံာ်ယံးရမံယၤ 44:27

ယကမၤတုၤသုတဘီၣ်ထီၣ် ညီထီၣ်လၢၤဘၣ်ဒီးသုကဘၣ်တၢ်မၤဟးဂီၤကွံာ်သုန့ၣ်လီၤ. သုဝဲခဲလၢာ်သုကသံ, လၢတၢ်ဒုးအပူၤ မ့တမ့ၢ်လၢ တၢ်ဆူးတၢ်ဆါအဃိ, တုၤသုတအိၣ်လီၤတဲာ်လၢၤ နီတဂၤဘၣ်န့ၣ်လီၤ.

လံာ်ယံးရမံယၤ 45:4

ဘၣ်ဆၣ်ဒီး, ယၤယွၤအံၤ, ယကမၤလီၤပှီၢ်တၢ်လၢ ယသူၣ်ထီၣ်တ့ၢ်အီၤဒီးထဲးထီၣ်ကွံာ်တၢ်လၢ ယသူၣ်လီၤဖျးလီၤတ့ၢ်အီၤန့ၣ်လီၤ. ယကမၤတၢ်အံၤလၢဟီၣ်ခိၣ်ဒီဘ့ၣ်ညါန့ၣ်လီၤ.

လံာ်ယဃ့းစက့လး 19:12

ဘၣ်ဆၣ်တၢ်သးဒိၣ်အစုတဖၣ်ထဲးထီၣ်ကွံာ်အီၤလၢအဂံၢ် တဖၣ်ဒီးတ့ၢ်လီၤကွံာ်အီၤဆူဟီၣ်ခိၣ်လိၤန့ၣ်လီၤ. မုၢ်ထီၣ်အကလံၤမၤဃ့ထီကွံာ်အသၣ်န့ၣ်လီၤ. အဒ့တဖၣ်ကၢ်ကွံာ်ဝဲ, ဃ့ထီကွံာ်ဒီးဘၣ်တၢ်ဒွဲၣ်ကွံာ်အီၤန့ၣ်လီၤ.

လံာ်ယဃ့းစက့လး 36:10

ယကမၤအါထီၣ်နပှၤဂီၢ်မုၢ်အနီၣ်ဂံၢ်န့ၣ်လီၤ. သုကအိၣ်ဆိးလၢဝ့ၢ်တဖၣ်အပူၤဒီးဘှီထီၣ် က့ၤကဒီးတၢ်ခဲလၢာ်လၢအအိၣ်လီၤတဲာ် လၢတၢ်ဟးဂီၤတဖၣ်အပူၤန့ၣ်လီၤ.

လံာ်ဒၤနံးယ့လး 9:14

အိယွၤ, ပကစၢ်ယွၤဧၢ, နအိၣ်ကတဲာ်ကတီၤတ့ၢ်နသးလၢတၢ်စံၣ် ညီၣ်ပှၤအဂီၢ်ဒီးနမၤတ့ၢ်အီၤလီၤ. အဂ့ၢ်ဒ်အံၤနမၤတၢ်အဘၣ် တဘိယူၢ်ဃီဒီးပတဒိကနၣ်တ့ၢ်ဘၣ်နၤဘၣ်.

လံာ်ဒၤနံးယ့လး 9:25

ပာ်သူၣ်ပာ်သးတၢ်ဂ့ၢ်အံၤဒီးနၢ်ပၢၢ်အီၤတက့ၢ်. စးထီၣ်လၢတၢ်ဟ့ၣ် လီၤတၢ်ကလုၢ်လၢဝ့ၢ်ယရူၤၡလ့ၣ်ကဘၣ်တၢ်သူၣ်ထီၣ်ဘှီထီၣ်အီၤ အကတီၢ်တုၤလီၤလၢပှၤခိၣ်ပှၤနၢ်လၢကစၢ်ယွၤဃုထၢအီၤတဂၤဟဲဝဲန့ၣ်, တၢ်ဆၢကတီၢ်ကပူၤကွံာ်နွံနံၣ်နွံဘျီန့ၣ်လီၤ. ဝ့ၢ်ယရူၤၡလ့ၣ်ကဘၣ်တၢ်သူၣ်ထီၣ်ဘှီထီၣ် ကဒါက့ၤအီၤဃုာ်ဒီးကျဲမုၢ်ကျဲဘိတဖၣ်, ဝ့ၢ်ခိၣ်ဒူအဒိၣ်အကျၢၤဒီးကအိၣ်ခၢၣ်သ နၢၣ်ဃုဆံခံနံၣ်အဘျီနွံဘျီန့ၣ်လီၤ. ဘၣ်ဆၣ်ဒီးအဝဲအံၤကမ့ၢ်တၢ်ကိၢ်တၢ်ဂီၤအကတီၢ်န့ၣ်လီၤ.

လံာ်ဧၤမိၣ် 9:11

ယွၤစံးဝဲဒၣ်, မုၢ်တနံၤဟဲဝဲ, ဖဲယကမၤအိၣ်ထီၣ်က့ၤစီၤဒၤဝံးအဘီအမုၢ်လၢအလီၤဂာ်ဝဲဒ်ဟံၣ် တဖျၢၣ်လၢအလီၤပှီၢ်ကွံာ်ဆူတၢ်ဟးဂီၤတဖၣ်အပူၤအသိးန့ၣ်လီၤ. ယကဘှီက့ၤအဒူၣ်တဖၣ်ဒီးမၤကျၢၤထီၣ်အီၤလီၤ. ယကသူၣ်ထီၣ်ကဒါက့ၤအီၤဒီးပာ်က့ၤဒ်လၢပျၢၤအသိးန့ၣ်လီၤ.

လံာ်ဧၤမိၣ် 9:14

ယကဆှၢကဒါက့ၤယပှၤဂီၢ်မုၢ်ဆူအကီၢ်ဒၣ်ဝဲလီၤ. အဝဲသ့ၣ်ကသူၣ်ထီၣ်ကဘှီထီၣ်က့ၤအဝ့ၢ်တဖၣ်လၢအဟးဂီၤဒီးအိၣ်ဝဲ လၢအပူၤ, ကသူၣ်လီၤစပံးလီၢ်သ့ၣ်တဖၣ်ဒီးအီစပံးထံ, ကသူၣ်လီၤတၢ်လၢတၤသၣ်လီၢ်တဖၣ်ဒီးအီၣ်တၢ်လၢအသူၣ်လီၤဝဲန့ၣ်လီၤ.

လံာ်စကၤရယၤ 8:14

“ပျံၤတၢ်တဂ့ၤ.” ယွၤစံးဝဲဒၣ်, “ဖဲသုမိၢ်ပၢ်ဖံဖုလၢပျၢၤတဖၣ်မၤသးဒိၣ်ထီၣ်ယၤန့ၣ်, ယကူၣ်ကျဲၤတ့ၢ်တၢ်တတၢးတနါလၢအဝဲသ့ၣ်အဂီၢ်, ဒီးယတလဲလိာ်ယသးဘၣ်ဒီး, မၤထွဲယတၢ်ကူၣ်ကျဲၤတဖၣ်န့ၣ်လီၤ.

လံာ်စကၤရယၤ 8:15

မ့မ့ၢ်ခဲကနံၣ်အံၤ, ယကူၣ်ကျဲၤလၢယကဆိၣ်ဂ့ၤဝ့ၢ်ယရူၤရှလ့ၣ်ဒီးကီၢ်ယူဒၤအပှၤဂီၢ်မုၢ်န့ၣ်လီၤ. လၢတၢ်န့ၣ်အဃိဒီးပျံၤတၢ်တဂ့ၤ.

မၤတၢ် 15:16

‘လၢခံန့ၣ်ယကဟဲက့ၤ, ဒီးဒုးအိၣ်ထီၣ်က့ၤစီၤဒၤဝံးအဘီအမုၢ်လီၤ. ယကသူၣ်ထီၣ်က့ၤအတၢ်ဟးဂူာ်ဟးဂီၤတဖၣ်, ဒီးမၤဂၢၢ်ကျၢၤက့ၤကဒီးအီၤလီၤ.

လံာ်သိၣ်လီၤသီလီၤတၢ် 30:9

ယွၤကမၤဘီၣ်ထီၣ်ညီထီၣ်သုလၢကယဲၢ်တၢ်လၢသုမၤအီၤအပူၤ, သုကအိၣ်ဒီးဖိတဖၣ်အါအါဂီၢ်ဂီၢ်ဒီးဆၣ်ဖိကီၢ်ဖိလၢသုဘုၣ်အီၤဂီၢ်မုၢ်ဂီၢ်ပၤ, ဒီးသုစံာ်ဧိၤပှဲၤဧိၤတဖၣ်ကဟ့ၣ်ထီၣ်တၤသူတၤသၣ်တဖၣ်အါအါကလဲာ်န့ၣ်လီၤ. အဝဲကသးခုဒုးဘီၣ်ထီၣ်ညီထီၣ်သုဒ်အမၤဘၣ်တ့ၢ်သုမိၢ်ပၢ်ဖံဖု လၢပျၢၤတဖၣ်အသိး,