လံာ်ယံးရမံယၤ 31:23 - Sgaw Karen Common Bible

²³ ယွၤသ့တၢ်လၢာ်, အံၣ်စရ့လးအကစၢ်ယွၤ, စံးဝဲဒၣ်, “ဖဲယပာ်ကဒါက့ၤ ပှၤဂီၢ်မုၢ်လၢအထံအကီၢ်န့ၣ်, အဝဲသ့ၣ်ကစံးကဒီးဝဲတဘျီလၢကီၢ်ယူဒၤဒီး အဝ့ၢ်တဖၣ်အပူၤလၢ, ‘မ်ယွၤဆိၣ်ဂ့ၤ ဝ့ၢ်ယရူၤၡလ့ၣ် အကစၢၢ်စီဆှံ, တၢ်အလီၢ်စီဆှံဖဲ အဝဲအိၣ်ဝဲဆိးဝဲန့ၣ်တက့ၢ်.’

လံာ်ယံးရမံယၤ 31:23 Iomraidhean Croise

စံးထီၣ်ပတြၢၤ 128:5

မ်ယွၤဆိၣ်ဂ့ၤနၤလၢစံယိၣ်, မ်နထံၣ်ဘၣ်ယရူၤၡလ့ၣ်အတၢ်အီၣ်ကုးအီပှဲၤ တစိၤဒၣ်နၤတက့ၢ်.

စံးထီၣ်ပတြၢၤ 129:8

ပှၤလၢအလဲၤခီဂာ်တၢ်လၢကျဲတဖၣ်တစံးဝဲနီတဂၤလၢ, “မ်ယွၤကဆိၣ်ဂ့ၤသုတက့ၢ်, ပဆိၣ်ဂ့ၤသုလၢယွၤအမံၤလီၤ.” န့ၣ်ဘၣ်.

စံးထီၣ်ပတြၢၤ 134:3

ယွၤလၢအတ့လီၤမူခိၣ်, ဒီးဟီၣ်ခိၣ်တဂၤန့ၣ် မ်အဆိၣ်ဂ့ၤနၤလၢစံယိၣ်တက့ၢ်.

စံးထီၣ်ပတြၢၤ 28:9

ယွၤဧၢ, မၤပူၤဖျဲးနပှၤဂီၢ်မုၢ် ဒီးဆိၣ်ဂ့ၤပှၤလၢအမ့ၢ်နတၢ်န့ၣ်တက့ၢ်. ကဲထီၣ်အပှၤကွၢ်သိ ဒီးစိာ်ထီၣ်အဝဲသ့ၣ်လီၤစိၤလီၤထီတက့ၢ်.

လံာ်ယၡါယၤ 1:21

ဝ့ၢ်လၢတဘျီအကလုၢ်တီဝဲန့ၣ်, အိၣ်မူမၤဝဲဒ်ဃဲသဲမုၣ်တဂၤ အသိးလီၤ. တဘျီန့ၣ်, ပှဲၤဝဲဒီးပှၤတီပှၤလိၤတဖၣ်, ဘၣ်ဆၣ်ခဲအံၤအိၣ်တီၢ်ဒၣ်ထဲပှၤ မၤသံတၢ်တဖၣ်လီၤ.

လံာ်ယၡါယၤ 1:26

ယကဟ့ၣ်လီၤသုလၢပှၤပၢတၢ်ဒီးပှၤဟ့ၣ်ကူၣ်တၢ်တဖၣ်, ဒ်ပှၤတဖၣ်လၢသုဒိးန့ၢ်တ့ၢ်လၢပျၢၤအသိးလီၤ. အန့ၣ်တစုဝ့ၢ်ယရူၤၡလ့ၣ် ကဘၣ်တၢ်ကိးအီၤလၢဝ့ၢ်လၢအတီအလိၤဒီးဝ့ၢ်လၢအသူၣ် တီသးတီန့ၣ်လီၤ.”

လံာ်ယၡါယၤ 11:9

လၢစံယိၣ်, ကစၢ်ယွၤအကစၢၢ်စီဆှံအဒီခိၣ်န့ၣ်, တၢ်လၢအကမၤဘၣ်ဒိဘၣ်ထံးတၢ်, မ့တမ့ၢ်, ကမၤအၢမၤသီ တၢ်တအိၣ်ဘၣ်နီတမံၤဘၣ်. ဒ်ပီၣ်လဲၣ်တဖၣ်ပှဲၤဝဲဒီးထံအသိး, ဟီၣ်ခိၣ်ကပှဲၤဝဲဒီးတၢ်သ့ၣ်ညါ ယွၤအလၢအပှဲၤန့ၣ်လီၤ.

လံာ်ယၡါယၤ 32:16

တၢ်တီတၢ်လိၤဒီးတၢ်စံၣ်ညီၣ်တီကဘၣ်တၢ်မၤအီၤလၢထံကီၢ် အလီၢ်ကိးပူၤဒဲးန့ၣ်လီၤ.

လံာ်ယၡါယၤ 33:5

ယွၤန့ၣ်ဒိၣ်ဝဲဆံးဒိၣ်လဲၣ်. အဝဲပၢတၢ်လၢတၢ်ခဲလၢာ်အဖီခိၣ်လီၤ. အဝဲကမၤပှဲၤဝ့ၢ်ယရူၤရှလ့ၣ်ဒီးတၢ်စံၣ်ညီၣ်တီဒီးတၢ်မၤတီ အကလုၢ်,

လံာ်ယၡါယၤ 60:21

နပှၤဂီၢ်မုၢ်ခဲလၢာ်ကမၤတၢ်လၢအလိၤအဘၣ်, ဒီးကန့ၢ်သါဘၣ်ထံကီၢ်လီၤထူလီၤယိာ်လီၤ. ယသူၣ်လီၤတ့ၢ်အဝဲသ့ၣ်, ယဒုးကဲထီၣ်တ့ၢ်အဝဲသ့ၣ်, ဒ်သိးကလီၣ်ဖျါယတၢ်ဒိၣ်တၢ်မုၢ်ဆူပှၤခဲလၢာ်န့ၣ်လီၤ.

လံာ်ယံးရမံယၤ 29:14

မ့ၢ်လံ, ယစံးယဲလၢ, သုကထံၣ်န့ၢ်ယၤ, ဒီးယကပာ်ကဒါက့ၤ သုလၢသုထံသုကီၢ်န့ၣ်လီၤ. ယကထၢဖှိၣ်သုလၢ ကယဲၢ်ကီၢ် ကိးဘ့ၣ်ဒဲး, ဒီးလၢကယဲၢ်တၢ်လီၢ်ကိးပူၤဒဲးလၢယမၤလီၤပြံလီၤပြါတ့ၢ်သု, ဒီးယကဟဲစိာ်ကဒါက့ၤသုဆူထံကီၢ်အပူၤလၢ ယတၢ်လီၢ်ဖဲ ယဆှၢဖျိးတ့ၢ်သုလၢတၢ်စိာ်မၢကဲကုၢ်အပူၤန့ၣ်လီၤ. ယၤ, ယွၤအံၤ, ကတိၤလံတၢ်လံ.”

လံာ်ယံးရမံယၤ 30:18

ယွၤစံးဝဲဒၣ်, “ယကပာ်ကဒါက့ၤ ယပှၤဂီၢ်မုၢ်လၢ အကီၢ်ဒၣ်ဝဲ, ဒီးအိၣ်ဒီး တၢ်သးကညီၤလၢ ဒူၣ်ဖိထၢဖိကိးဒူၣ်ဒဲးအဖီခိၣ်န့ၣ်လီၤ. ဝ့ၢ်ယရူၤၡလ့ၣ် ကဘၣ်တၢ်ဘှီထီၣ်က့ၤအီၤ, ဒီးအနူၢ်အစီၤကဘၣ် တၢ်ပာ်ထီၣ်ကဒါက့ၤအီၤန့ၣ်လီၤ.

လံာ်ယံးရမံယၤ 32:44

ပှၤဂီၢ်မုၢ်ကပှ့ၤအီၤအိၣ်ဒီး လံာ်ဃံၤဃာ်တဖၣ်လၢ တၢ်ဆဲးလီၤမံၤ, တၢ်စဲပနီၣ်ဃာ်အီၤဒီး တၢ်အုၣ်သးအသးလၢ အဂ့ၢ်န့ၣ်လီၤ. တၢ်အံၤကမၤအသးလၢ ဘံၣ်ယၤမံၣ်အဒူၣ်ထၢအလီၢ်ကဝီၤ တဖၣ်အပူၤ, လၢကီၢ်ယူဒၤအဝ့ၢ်တဖၣ်အပူၤ, ဒီး လၢဝ့ၢ်လၢအိၣ်လၢ တၢ်လူၢ်တၢ်တြီၤ အကျါတဖၣ်အပူၤ, ဒီးဝ့ၢ်တဖၣ်လၢ တၢ်လူၢ်ခီၣ်ထံးဒီး ကီၢ်ယူဒၤကလံၤထံးအပူၤ န့ၣ်လီၤ. ယကပာ်က့ၤယပှၤဂီၢ်မုၢ်လၢ အဝဲသ့ၣ်အကီၢ်ဒၣ်ဝဲအပူၤလီၤ. ယၤ, ယွၤအံၤ, ကတိၤလံတၢ်လံ.”

လံာ်ယံးရမံယၤ 50:7

အဝဲသ့ၣ်ဘၣ်တၢ်ဒုးအီၤလၢပှၤလၢအထံၣ်န့ၢ်အီၤခဲလၢာ်လီၤ. အဝဲသ့ၣ်အဒုၣ်အဒါတဖၣ် စံးဝဲလၢ, အဝဲသ့ၣ်မၤတ့ၢ်တၢ်ဒဲးဘး ထီဒါယွၤအဃိ, တၢ်လၢပမၤတ့ၢ်န့ၣ်တကမၣ်ဘၣ်. အဝဲသ့ၣ်အမိၢ်ပၢ်ဖံဖုလၢပျၢၤတဖၣ် နာ်ယွၤဒီးအဝဲသ့ၣ် အကစၢ်ဒၣ်ဝဲစ့ၢ်ကီး ကြၢးသးတီတ့ၢ်ဒံးဒီးအီၤန့ၣ်လီၤ.

လံာ်ဧိၤဘါဒယၤ 1:17

မ့မ့ၢ်လၢကစၢၢ်စံယိၣ်အလိၤန့ၣ်ပှၤတနီၤကပူၤဖျဲးဝဲဒီးကမ့ၢ်ဝဲ တၢ်လီၢ်စီဆှံလီၤ. ဒီးစီၤယၤကိာ်အပှၤဟံၣ်ဖိကန့ၢ်ဘၣ်က့ၤအထံ အကီၢ်လၢအမ့ၢ်အတၢ်န့ၢ်သါဒၣ်ဝဲန့ၣ်လီၤ.

လံာ်မံကၤ 4:1

လၢမုၢ်နံၤလၢအကဟဲတဖၣ်အပူၤန့ၣ်, ကစၢၢ်ဖဲတၢ်လုၢ်ဟံၣ်အိၣ်သူၣ်လီၤအသးန့ၣ်ကမ့ၢ်ကစၢၢ်အထီကတၢၢ် လၢကစၢၢ်ခဲလၢာ်အကျါဒီးအိၣ်ထီၣ်ထီလၢတၢ်လူၢ်ခဲလၢာ်အဖီခိၣ် လီၤ. ပှၤအါကလုာ်ကဟဲဖှိၣ်ဆူအအိၣ်လီၤ.

လံာ်စကၤရယၤ 8:3

ယကဟဲက့ၤကဒါက့ၤဆူဝ့ၢ်ယရူၤၡလ့ၣ်, ယဝ့ၢ်စီဆှံ, ဒီးအိၣ်ဆိးဖဲန့ၣ်လီၤ. ကဘၣ်တၢ်သ့ၣ်ညါအီၤဒ်ဝ့ၢ်လၢအသူၣ်တီ သးရၤ, ဒီးသ့တၢ်လၢာ်ယွၤအကစၢၢ်ကဘၣ်တၢ်ကိးအီၤလၢကစၢၢ်စီဆှံန့ၣ် လီၤ.

လံာ်နီၢ်ရူၤသး 2:4

တယံာ်ဘၣ်ဒီး, စီၤဘိၤဧးအနီၢ်ကစၢ်ဒၣ်ဝဲဟဲတုၤဝဲ, လၢဝ့ၢ်ဘ့ၤသလ့ဃ့ၣ်ဒီးကတိၤဆၢဂ့ၤဆၢဝါပှၤကူးဘုဖိတဖၣ် ဒီးစံးဝဲ, “မ်ယွၤအိၣ်ဒီးသုတက့ၢ်.” ဒီးအဝဲသ့ၣ်စံးဆၢဝဲ, “မ်ယွၤဆိၣ်ဂ့ၤနၤတက့ၢ်.”