လံာ်ယံးရမံယၤ 31:20 - Sgaw Karen Common Bible

²⁰ ကီၢ်အံၣ်စရ့လးဧၢ, နမ့ၢ်ယဖိခွါသးဘိ, ဖိလၢ ယအဲၣ်ဘၣ်အီၤအဂ့ၤကတၢၢ်လီၤ. တဘျီလၢ်လၢ်ဖဲ ယယၢၤထီၣ်ဘၣ်နမံၤန့ၣ်, ယဆိကမိၣ်ထီၣ်နၤလၢ တၢ်အဲၣ်အပူၤလီၤ. ယသးစဲဘူးဒီးနၤလီၤ. ယကအိၣ်ဒီး တၢ်သူၣ်ကညီၤသးကညီၤလီၤ.

လံာ်ယံးရမံယၤ 31:20 Iomraidhean Croise

လံာ်တၢ်ကဲထီၣ်အခီၣ်ထံး 43:30

တုၤနုၤတစုစီၤယိၤသးဟးထီၣ်သတူၢ်ကလာ်, မ့ၢ်လၢအသးလီၤသကံးဒိၣ်မးလၢအဒီပုၢ်ဝဲၢ်ခွါအဃိန့ၣ်လီၤ. အဝဲထၢၣ်အသးတန့ၢ်လၢၤဘၣ်အဃိ, လဲၤနုာ်ဆူအဒၢးပူၤဒီးဟီၣ်ဝဲဒၣ်န့ၣ်လီၤ.

လံာ်စီၤပၤအခီၣ်ထံးတဘ့ၣ် 3:26

မိၢ်နီၢ်နီၢ်တဂၤလၢအသးပူၤပှဲၤဒီးတၢ်အဲၣ်ဘၣ်အဖိခွါအံၤစံး ဘၣ်စီၤပၤ, “တၢ်ဒိၣ်ကစၢ်စီၤပၤဧၢ, ဝံသးစူၤတဘၣ်မၤသံ ဖိသၣ်အံၤတဂ့ၤ. ဟ့ၣ်လီၤပိာ်မုၣ်န့ၣ်တက့ၢ်.” ဘၣ်ဆၣ်ပိာ်မုၣ်အဂၤတဂၤစံးဝဲ, “ဟ့ၣ်ပဝဲနီတဂၤတဂ့ၤ. ဖှဲးသ့ၣ်ဖးဒီၣ်တဲာ်ဆၣ်ခီအီၤခံခီန့ၣ်တက့ၢ်.”

စံးထီၣ်ပတြၢၤ 103:13

ဒ်ပၢ်သူၣ်ကညီၤသးကညီၤအဖိအလံၤအသိးန့ၣ်, ယွၤသူၣ်ကညီၤသးကညီၤပှၤလၢအပျံၤအီၤလီၤ.

တၢ်ကတိၤဒိ. 3:12

ယွၤသိၣ်ဃီၣ်ပှၤလၢအအဲၣ်ဝဲတဖၣ်, ဒ်ပၢ်တဂၤသိၣ်ဃီၣ် အဖိခွါတဂၤလၢအဒိးဘၣ်တၢ်လၤကပီၤလၢအဃိသ့ဝဲအသိးန့ၣ်လီၤ.

လံာ်တၢ်သးဝံၣ်တဖၣ်အတၢ်သးဝံၣ် 5:4

ယတၢ်အဲၣ်ဂိာ်နုာ်အစုလၢကအိးထီၣ်, ပဲတြီအဂီၢ်, ဒီးယသးခုသးကနိးလၢအဝဲအိၣ်ဘူးဒီးယၤအဃိလီၤ.

လံာ်ယၡါယၤ 16:11

ယကအုလၢတၢ်သးအုးအပူၤလၢကီၢ်မိၤအးအဂီၢ်, ဒီးယကအုလၢတၢ်ကိၢ်တၢ်ဂီၤအပူၤလၢဝ့ၢ်ကံၢ်ဃ့ရ့းအဂီၢ်လီၤ.

လံာ်ယၡါယၤ 30:18

အန့ၣ်ဒၣ်လဲာ်, ယွၤအိၣ်ခိးသုလၢကသူၣ်ကညီၤသးကညီၤ သုအဂီၢ်လီၤ. အဝဲအိၣ်ကတဲာ်ကတီၤအသးလၢကသးကညီၤသု လီၤ. အဂ့ၢ်ဒ်အံၤ, အဝဲမၤတၢ်လၢအဘၣ်ထီဘိလီၤ. ပှၤလၢအပာ်အတၢ်နာ်လၢယွၤအပူၤတဖၣ်န့ၣ်, မ့ၢ်ပှၤလၢအဘၣ်ဆိၣ်ဂ့ၤနီၢ်နီၢ်လီၤ.

လံာ်ယၡါယၤ 55:7

မ်ပှၤတတီတလိၤတဖၣ်ပာ်တ့ၢ်ကွံာ်အတၢ်အိၣ်မူအကျဲ ဒီးမ်အလဲလိာ်ကွံာ်အတၢ်ဆိကမိၣ်အကျဲတက့ၢ်. မ်အဝဲသ့ၣ်ဃၣ်အသးဆူယွၤ, ပကစၢ်ယွၤအအိၣ်တက့ၢ်. အဝဲဒၣ်လၢပှဲၤဒီးတၢ်သူၣ်ကညီၤသးကညီၤဒီး ပျၢ်တၢ်ကမၣ်အါအါကလဲာ်လီၤ.

လံာ်ယၡါယၤ 63:15

ယွၤဧၢ, ကွၢ်လီၤပှၤလၢမူခိၣ်ဖဲနအိၣ်နဆိးလၢန တၢ်စီဆှံဒီးနတၢ်လၤကပီၤအပူၤန့ၣ်တက့ၢ်. နတၢ်သးအိၣ်ဘၣ်ပှၤဒိၣ်ဒိၣ်မုၢ်မုၢ်န့ၣ်အိၣ်ဖဲလဲၣ်. နတၢ်စိကမီၤအိၣ်ဖဲလဲၣ်. နတၢ်အဲၣ်ဒီးနတၢ်သးအိၣ်မၤစၢၤပှၤအိၣ်ဖဲလဲၣ်. ပာ်နသးဒ်နတသ့ၣ်ညါပှၤဘၣ်အသိးန့ၣ်တဂ့ၤ.

လံာ်ယံးရမံယၤ 3:12

အဝဲတဲဘၣ်တ့ၢ်ယၤလၢယကလဲၤဒီးစံးဘၣ်ကီၢ်အံၣ်စရ့လး, “ကီၢ်အံၣ်စရ့လးလၢအသးတတီဧၢ, ဟဲက့ၤကဒါက့ၤဆူ ယအိၣ်တက့ၢ်. ယသူၣ်ကညီၤသးကညီၤတၢ်သ့ဒီးယတသး ဒိၣ်ထီၣ်ယဲဘၣ်. ယတသးဒိၣ်နၤလီၤထူလီၤယိာ်ဘၣ်.

လံာ်ယံးရမံယၤ 3:19

ယွၤစံးဝဲဒၣ်, “ကီၢ်အံၣ်စရ့လးဧၢ, ယသးအိၣ်တူၢ်လိာ်နၤဒ် ယဖိခွါဒၣ်ယဲအသိး ဒီးဟ့ၣ်လီၤနၤလၢထံကီၢ်အမုာ်တဘ့ၣ်, ထံကီၢ်လၢအဃံလၤကတၢၢ်လၢ ဟီၣ်ခိၣ်ချၢဒီဘ့ၣ်ညါန့ၣ်လီၤ. ယသးအိၣ်လၢနကကိးယၤလၢပၢ် ဒီးနသုတဃၣ်ယံၤကွံာ်ကဒီးနသးလၢယၤ နီတစုတဂ့ၤန့ၣ်လီၤ.

လံာ်ယံးရမံယၤ 31:9

ယပှၤဂီၢ်မုၢ် ကဟဲက့ၤကဒါက့ၤလၢ တၢ်ဟီၣ်တၢ်ယၢၤအပူၤ, ဒီးဘါထုကဖၣ်တၢ်ဖဲ ယဆှၢကဒါက့ၤ အဝဲသ့ၣ်အခါန့ၣ်လီၤ. ယကဆှၢအဝဲသ့ၣ်ဆူ ထံဖိကျိတဖၣ်, ဒီးကျဲလၢအလိၤအဘျၢအပူၤ, ဖဲအဝဲသ့ၣ်အခီၣ် တဘၣ်တိၢ်ဘၣ်န့ၣ်လီၤ. ယလီၤဂာ်ဒီး ပၢ်တဂၤလၢ ကီၢ်အံၣ်စရ့လးအဂီၢ်, ဒီးအ့ဖရဲၣ်မ့ၢ် ယဖိခွါဝဲၢ်ကိန့ၣ်လီၤ.”

လံာ်ယံးရမံယၤ 33:26

ဒီးဒ်ယမ့ၢ်တ့ၢ်တၢ်အံၤ သပှၢ်ကတၢၢ်အသိး, ယကဟံးဃာ် ဂၢၢ်ကျၢၤယတၢ်အၢၣ်လီၤအီလီၤဒီး စီၤယၤကိာ်အစၢၤအသွဲၣ် တဖၣ်, ဒီးယခ့ယပှၤစီၤဒၤဝံးန့ၣ်လီၤ. ယကဃုထၢ စီၤဒၤဝံး အစၢၤအသွဲၣ်အကျါတဂၤလၢကပၢစီၤအၤဘြၤဟၣ်, စီၤအံၤစဲး ဒီးစီၤယၤကိာ်အစၢၤအသွဲၣ် တဖၣ်န့ၣ်လီၤ. ယကသူၣ်ကညီၤသးကညီၤ ယပှၤဂီၢ်မုၢ်ဒီး ဒုးဘီၣ်ထီၣ် ကဒီးအဝဲသ့ၣ်န့ၣ်လီၤ.”

လံာ်ယံးရမံယၤ 48:36

လၢတၢ်န့ၣ်အဃိ ယသးအတၢ်သးအုးအသီၣ်လၢ ကီၢ်မိၤအးအဂီၢ်ဒီးလၢဝ့ၢ်ကံၢ်ဃ့ရ့းအပှၤဂီၢ်မုၢ်အဃိန့ၣ်, လီၤဂာ်ဒ်ပှၤတဂၤအူတၢ်သံအတၢ်သးဝံၣ်တယုၢ်လၢပံအသိးန့ၣ်လီၤ. အဂ့ၢ်ဒ်အံၤ, တၢ်လၢအမ့ၢ်အဝဲသ့ၣ် အတၢ်ခဲလၢာ်န့ၣ်, လီၤမၢ်ကွံာ်လံ.

လံာ်သးသယုၢ်တၢ် 3:22

ယွၤအတၢ်အဲၣ်ဒီးအတၢ်သးကညီၤလၢအတလီၤ တူၢ်လီၤကာ်ဘၣ်န့ၣ်အကတၢၢ်တအိၣ်ဘၣ်,

လံာ်ယဃ့းစက့လး 33:11

တဲဘၣ်အဝဲသ့ၣ်လၢဒ်ယၤ, ယွၤပၢဘၣ်တၢ်ခဲလၢာ်ကစၢ်မ့ၢ်ကစၢ်ယွၤ လၢအမူဝဲတဂၤအသိးန့ၣ်, ယစံးယဲ, ယတမုာ်လၤသးခုလၢ တၢ်ထံၣ်ဘၣ်ပှၤတၢ်ဒဲးဘးဖိတဂၤသံန့ၣ်ဘၣ်. ယအဲၣ်ဒိးထံၣ်ဒါခီလၢအဝဲသ့ၣ်ဆိကတီၢ်မၤတၢ်ဒဲးဘးဒီးမူဝဲန့ၣ်လီၤ. ကီၢ်အံၣ်စရ့လးဧၢ, ဆိကတီၢ်ကွံာ်တၢ်အၢတၢ်သီလၢနမၤအီၤန့ၣ် တက့ၢ်. ဘၣ်မနုၤအဃိနအဲၣ်ဒိးသံန့ၣ်လဲၣ်.

လံာ်ဟိၤၡ့ 14:4

ယွၤစံးဝဲဒၣ်, ယကမိၤကဒါက့ၤယပှၤဂီၢ်မုၢ်ဆူယအိၣ်လီၤ. ယကအဲၣ်အဝဲသ့ၣ်လၢယသးဒီဖျၢၣ်ညါလီၤ. ယတသးထီၣ်လၢၤအဝဲသ့ၣ်နီတဘျီလၢၤဘၣ်.

လံာ်တၢ်ဘူၣ်ထီၣ်ဘါထီၣ် 26:44

ဘၣ်ဆၣ်ဒီး, အန့ၣ်ဒၣ်လဲာ်, ဖဲအဝဲသ့ၣ်အိၣ်ဒံးလၢအဒုၣ်အဒါတဖၣ် အကီၢ်ပူၤအခါန့ၣ်, ယတညိကွံာ်ဒီးမၤဟးဂီၤအဝဲသ့ၣ်လၢာ်လၢာ်ဆ့ဆ့ဘၣ်. တၢ်န့ၣ်ကမၤကတၢၢ်ကွံာ်ယတၢ်အၢၣ်လီၤအီလီၤဒီးအဝဲသ့ၣ်ဒီးယတၢ်မ့ၢ်ယွၤ, အဝဲသ့ၣ်အကစၢ်ယွၤန့ၣ်လီၤ.

လံာ်လူၤကၣ် 15:24

အဂ့ၢ်ဒ်အံၤယဖိခွါတဂၤအံၤသံတ့ၢ်ဝဲ, ဘၣ်ဆၣ်ဒီးခဲကနံၣ်အံၤအဝဲဒၣ်မူထီၣ်က့ၤလံ. အဝဲဒၣ်လီၤမၢ်, ဘၣ်ဆၣ်ဒီးခဲကနံၣ်အံၤဘၣ်တၢ်ထံၣ်န့ၢ်က့ၤအီၤလံ.’ မၤသးဒ်န့ၣ်ဒီး တၢ်အီၣ်တၢ်အီအမူးစးထီၣ်ဝဲဒၣ်လီၤ.

လံာ်လူၤကၣ် 15:32

ဘၣ်ဆၣ်, ပဂ့ၤအိၣ်ဒီးတၢ်အီၣ်တၢ်အီအမူးဒီးသူၣ်ခုသးခုလီၤ. အဂ့ၢ်ဒ်အံၤ, နပုၢ်သံတ့ၢ်ဝဲ, မ့မ့ၢ်ခဲကနံၣ်အံၤအဝဲဒၣ်မူဝဲလီၤ. အဝဲဒၣ်လီၤမၢ်တ့ၢ်, ဘၣ်ဆၣ်ဒီးခဲကနံၣ်အံၤဘၣ်တၢ်ထံၣ်န့ၢ်က့ၤလံအီၤလံ.’ ”

လံာ်သိၣ်လီၤသီလီၤတၢ် 32:36

ယွၤကမၤပူၤဖျဲးပှၤဂီၢ်မုၢ်, ဖဲအဝဲထံၣ်ဘၣ်လၢအဝဲသ့ၣ်အဂံၢ်အဘါလၢာ်ကွံာ်လံန့ၣ်လီၤ. အဝဲကအိၣ်ဒီးတၢ်သးကညီၤဘၣ်ပှၤတဖၣ်လၢ အမၤအတၢ်, ဖဲအဝဲထံၣ်ဘၣ်လၢအဝဲသ့ၣ်အတၢ်မၤစၢၤလၢာ်ကွံာ်ဝဲလံန့ၣ်လီၤ.

ဖံလံးပံၤ 1:8

ကစၢ်ယွၤမ့ၢ်ပှၤအုၣ်အသးလၢယကတိၤတၢ်မ့ၢ်တၢ်တီ, ဖဲယစံးယဲလၢယတၢ်အဲၣ်ဘၣ်သုခဲလၢာ်န့ၣ်ဟဲထီၣ်ဝဲဒၣ်လၢ ယ့ၣ်ၡူးခရံာ်အကစၢ်ဒၣ်ဝဲအသးပူၤန့ၣ်လီၤ.

လံာ်ပှၤစံၣ်ညီၣ်ကွီၢ် 10:16

မၤသးဒ်န့ၣ်ဒီး, အဝဲသ့ၣ်စူးကွံာ်ပှၤတခီဘီမုၢ်ဖိအကစၢ်တဖၣ်, ဒီးဘူၣ်ထီၣ်ဘါထီၣ်ယွၤဒီးယွၤအသးဘၣ်ကိၢ်ဘၣ်ဂီၤလၢ အံၣ်စရ့လးအတၢ်နးတၢ်ဖှီၣ်အဃိလီၤ.