လံာ်ယံးရမံယၤ 31:17 - Sgaw Karen Common Bible

¹⁷ လၢနခါဆူညါအဂီၢ်န့ၣ်, တၢ်မုၢ်လၢ်အိၣ်ဝဲလီၤ. နဖိတဖၣ် ကဟဲက့ၤကဒါက့ၤဆူ ဟံၣ်လီၤ. ယၤ, ယွၤအံၤ, ကတိၤလံတၢ်လံ.

လံာ်ယံးရမံယၤ 31:17 Iomraidhean Croise

လံာ်ယၡါယၤ 6:13

လၢပှၤအဂၤတဆံအကျါပှၤမ့ၢ်အိၣ်လီၤတဲာ်တ့ၢ်ထဲတဂၤဧိၤ လၢထံကီၢ်အံၤအပူၤဒၣ်လဲာ်, အဝဲစ့ၢ်ကီးကဘၣ်တၢ်မၤဟးဂီၤ ကွံာ်အီၤလီၤ. အဝဲကလီၤဂာ်ဒ်သ့ထိးဖၣ်အခိၣ် ဆၢၣ်လၢအအိၣ်လီၤတဲာ်ဖဲတၢ်ကူၢ်လီၤအီၤဝံၤအလီၢ်ခံလီၤ.” (သ့ၣ်ခိၣ်ဆၢၣ်မ့ၢ်တၢ်ဒိလီၤတၢ်စးထီၣ်အသီတမံၤလၢယွၤ အပှၤဂီၢ်မုၢ်အဂီၢ်န့ၣ်လီၤ.)

လံာ်သးသယုၢ်တၢ် 3:18

ယတအိၣ်မူလၢၤဘၣ်ဆူညါယံာ်ယံာ်ဘၣ်. ယတၢ်မုၢ်လၢ်လၢယွၤအပူၤန့ၣ်လၢာ်ကွံာ်လံ.

လံာ်သးသယုၢ်တၢ် 3:21

ဘၣ်ဆၣ်ဒီး, တၢ်မုၢ်လၢ်ဟဲက့ၤဆူယအိၣ်ဖဲယသ့ၣ်နီၣ်တၢ်အံၤ တမံၤလၢ,

လံာ်သးသယုၢ်တၢ် 3:26

မၤသးဒ်န့ၣ်ဒီး, တၢ်အိၣ်ခိးယွၤလၢတၢ်သးစူၤအပူၤ, တၢ်အိၣ်ခိးအီၤလၢကအုၣ်က့ၤခီၣ်က့ၤပှၤအဂီၢ်န့ၣ်မ့ၢ်တၢ်အဂ့ၤ ကတၢၢ်လၢပဂီၢ်လီၤ.

လံာ်သးသယုၢ်တၢ် 3:29

ပကြၢးဆုးလီၤပခိၣ်လၢတၢ်ဟ့ၣ်လီၤဒိးပၢပသးအပူၤလီၤ. အဂ့ၢ်ဒ်အံၤ, တၢ်မုၢ်လၢ်ကအိၣ်ဒံးဝဲသ့ၣ်သ့ၣ်လီၤ.

လံာ်ယဃ့းစက့လး 37:21

အန့ၣ်ဝံၤဒီးတဲဘၣ်အဝဲသ့ၣ်လၢယၤ, ယွၤပၢဘၣ်တၢ်ခဲလၢာ်ကစၢ် ကဟံးထီၣ်ကွံာ်ယပှၤဂီၢ်မုၢ်ခဲလၢာ်လၢထံကီၢ်တဖၣ်လၢအဝဲသ့ၣ် လဲၤတ့ၢ်ဝဲဒီးပာ်ဖှိၣ်က့ၤအဝဲသ့ၣ်တပူၤဃီ, ဒီးဟဲက့ၤစိာ်ကဒါက့ၤ အဝဲသ့ၣ်ဆူအထံအကီၢ်ဒၣ်ဝဲန့ၣ်တက့ၢ်.

လံာ်ယဃ့းစက့လး 37:25

အဝဲသ့ၣ်ကအိၣ်ဆိးလၢကီၢ်လၢယဟ့ၣ်လီၤတ့ၢ်ယခ့ယပှၤ စီၤယၤကိာ်, ဒီးကီၢ်ဖဲအဝဲသ့ၣ်အမိၢ်အပၢ်ဖံဖုလၢပျၢၤတဖၣ်အိၣ်ဆိးတ့ၢ်ဝဲအပူၤန့ၣ်လီၤ. အဝဲသ့ၣ်ကအိၣ်ဆိးဖဲန့ၣ်လီၤထူလီၤယိာ်ဃုာ်ဒီးအဖိ အလံၤဒီးအစၢၤအသွဲၣ်ခဲလၢာ်န့ၣ်လီၤ. စီၤပၤတဂၤလၢအလီၤဂာ်ဒီး ယခ့ယပှၤစီၤဒၤဝံးကပၢတၢ်လၢအဝဲသ့ၣ်အဖီခိၣ်အစိၤစိၤအဃၣ် ဃၣ်န့ၣ်လီၤ.

လံာ်ယဃ့းစက့လး 39:28

အန့ၣ်ဒီးယပှၤဂီၢ်မုၢ်ကသ့ၣ်ညါလၢယမ့ၢ်ယွၤ, အဝဲသ့ၣ်အကစၢ်ယွၤ န့ၣ်လီၤ. အဝဲသ့ၣ်ကသ့ၣ်ညါတၢ်အံၤမ့ၢ်လၢယဆှၢဃီၤအဝဲသ့ၣ် ဆူတၢ်စိာ်မၢကဲကုၢ်အလီၢ်, ဒီးခဲကနံၣ်အံၤ, ပာ်ဖှိၣ်က့ၤ အဝဲသ့ၣ်ဒီးဟဲက့ၤစိာ်ကဒါက့ၤအဝဲသ့ၣ်ဆူအကီၢ်ဒၣ်ဝဲအပူၤ တပာ်လီၤတဲာ်ကွံာ်ဘၣ်အဝဲသ့ၣ်နီတဂၤဒၣ်လဲာ်အဃိန့ၣ်လီၤ.

လံာ်ဟိၤၡ့ 2:15

ယကဟ့ၣ်ကဒါက့ၤအီၤအစပံးလီၢ်တဖၣ်လၢအအိၣ်တ့ၢ်ဝဲဒီးအီၤ, ဒီးယကဒုးကဲထီၣ်ဧၤကိၢ်လၢအမ့ၢ်တၢ်မၤကိၢ်မၤဂီၤအတၢ်တြီၤ ဆူတၢ်မုၢ်လၢ်အတြဲၤန့ၣ်လီၤ. အဝဲကမၤဆၢကဒါက့ၤယၤဖဲန့ၣ်ဒ်အမၤတ့ၢ်ဝဲဖဲအသးစၢ်အကတီၢ် အသိး, ဖဲအဟဲက့ၤထီၣ်လၢကီၢ်အဲၤကူပတူးအခါန့ၣ်လီၤ.

လံာ်ဟိၤၡ့ 3:5

ဘၣ်ဆၣ်ဒီးတၢ်ဆၢကတီၢ်ကဟဲတုၤဃီၤဝဲဖဲကီၢ် အံၣ်စရ့လးအပှၤဂီၢ်မုၢ်ကဃၣ်ကဒါက့ၤကဒီးအသးတဘျီဆူယွၤ, အကစၢ်ယွၤအအိၣ်ဒီးဆူအဝဲသ့ၣ်အစီၤပၤစီၤဒၤဝံးအစၢၤအသွဲၣ် တဂၤအအိၣ်န့ၣ်လီၤ. ဒီးဖဲန့ၣ်အဝဲသ့ၣ်ကအိၣ်ဒီးတၢ်ပျံၤယွၤဒီးကဒိးန့ၢ်ဘၣ်အဝဲ အတၢ်ဟ့ၣ်အဂ့ၤတဖၣ်န့ၣ်လီၤ.

လံာ်စကၤရယၤ 9:12

က့ၤကဒါက့ၤ, သုဝဲပှၤကဲကုၢ်ဖိလၢခဲအံၤ အိၣ်ဒီးတၢ်မုၢ်လၢ်သ့ၣ်ဧၢ, က့ၤကဒါက့ၤဆူ သုတၢ်ပူၤဖျဲးအလီၢ်န့ၣ်တက့ၢ်. ခဲကနံၣ်အံၤယစံးဘၣ်တဲဘၣ်သု, ယကဟ့ၣ်ကဒါက့ၤသုတၢ်ခံစး လၢအမ့ၢ်တၢ်ဆိၣ်ဂ့ၤလၢကယဲၢ်တၢ်လၢ သုတူၢ်ဘၣ်တ့ၢ်လံအဂီၢ်န့ၣ်လီၤ.

လံာ်မးသဲ 24:22

ဘၣ်ဆၣ်ဒီး ကစၢ်ယွၤမၤစှၤလီၤတ့ၢ်လံမုၢ်နံၤမုၢ်သီတဖၣ်န့ၣ်လီၤ. ဒီးမုၢ်နံၤမုၢ်သီတဖၣ်အံၤ, မ့ၢ်တဘၣ်တၢ်မၤစှၤလီၤတ့ၢ်အီၤဘၣ်ဒီး, ပှၤဟီၣ်ခိၣ်ဖိလၢအကမူတီၢ်တအိၣ်လၢၤနီတဂၤဘၣ်. ဘၣ်ဆၣ်ဒီး, လၢအပှၤဃုထၢဖိတဖၣ်အဃိယွၤကမၤစှၤလီၤမုၢ်နံၤမုၢ်သီတဖၣ်လီၤ.