လံာ်ယံးရမံယၤ 31:15 - Sgaw Karen Common Bible

¹⁵ ယွၤစံးဝဲဒၣ်, “တၢ်ကလုၢ်သီၣ်ထီၣ်ဝဲလၢ ဝ့ၢ်ရၤမါအပူၤ, မ့ၢ်တၢ်ဟီၣ်ပသူဟီၣ်ပသီထီၣ် အတၢ်သီၣ်န့ၣ်လီၤ. နီၢ်ရၤဃ့လး ဟီၣ်ဝဲလၢ အဖိတဖၣ်အဃိန့ၣ်လီၤ. အဖိတဖၣ် လီၤမၢ်ကွံာ်လၢာ်လံ. ဒီးအဝဲတတူၢ်လိာ်ဘၣ်တၢ်ကမၤမုာ်ထီၣ်က့ၤအီၤဘၣ်.

လံာ်ယံးရမံယၤ 31:15 Iomraidhean Croise

လံာ်တၢ်ကဲထီၣ်အခီၣ်ထံး 35:19

ဖဲနီၢ်ရၤဃ့လးသံဝဲန့ၣ်, ဘၣ်တၢ်ခူၣ်လီၤအီၤဖဲကျဲလဲၤဆူ ဝ့ၢ်အ့ဖရးသးအကပၤလၢခဲအံၤဘၣ်တၢ်သ့ၣ်ညါအီၤလၢဝ့ၢ်ဘ့ၤသလ့ ဃ့ၣ်န့ၣ်လီၤ.

လံာ်တၢ်ကဲထီၣ်အခီၣ်ထံး 37:35

ကယဲၢ်အဖိခွါဒီးအဖိမုၣ်တဖၣ်ဟဲဝဲလၢကမၤမုာ်အီၤအဂီၢ်, ဘၣ်ဆၣ်ဒီးအဝဲဂ့ၢ်လိာ်ကွံာ်တၢ်မၤမုာ်အီၤဒီးစံးဝဲ, “ယကလဲၤလီၤဆူတၢ်သံအကီၢ်ပူၤ, အိၣ်ဒံးဒီးတၢ်သူၣ်အုးသး အုးလၢယဖိခွါအဃိန့ၣ်လီၤ.” အန့ၣ်ဒီးအဝဲဟီၣ်ယၢၤထွဲဒံးဝဲလၢအဖိခွါစီၤယိၤသးအဃိ န့ၣ်လီၤ.

လံာ်တၢ်ကဲထီၣ်အခီၣ်ထံး 42:13

အဝဲသ့ၣ်စံးဝဲ, “ကစၢ်ဧၢ, ပမ့ၢ်ပှၤဒီပုၢ်ဝဲၢ်ခွါခဲလၢာ်တဆံ ခံဂၤ, ပှၤတဂၤဃီလၢကီၢ်ကနၤဧၣ်ပူၤအဖိခွါတဖၣ်န့ၣ်လီၤ. ပဒီပုၢ်ဝဲၢ်ခွါတဂၤသံလံ. ဒီးခဲကနံၣ်အံၤပဒီပုၢ်ဝဲၢ်ခွါ အဆံးကတၢၢ်တဂၤန့ၣ်အိၣ်ဒီးပပၢ်လီၤ.”

လံာ်တၢ်ကဲထီၣ်အခီၣ်ထံး 42:36

အဝဲသ့ၣ်အပၢ်စံးဘၣ်အီၤ, “မ့ၢ်သုအဲၣ်ဒိးယဖိတဖၣ်လီၤမၢ်သဒၣ် ကွံာ်ယၤခဲလၢာ်န့ၣ်ဧါ. စီၤယိၤသးလီၤမၢ်ကွံာ်လံ. စီၤစူၤမ့းအိၣ်လီၤမၢ်ကွံာ်လံ. ဒီးခဲကနံၣ်အံၤသုသးအိၣ် လဲၤစိာ်ကွံာ်စီၤဘံၣ်ယၤမံၣ်န့ၣ်ဧါ. ယမ့ၢ်ပှၤတဂၤလၢအတူၢ်ဘၣ်တၢ်လီၤ.”

လံာ်တၢ်ကဲထီၣ်အခီၣ်ထံး 5:24

အဝဲအိၣ်မူတ့ၢ်ဝဲလၢတၢ်ရ့လိာ်အသးဒီးကစၢ်ယွၤအပူၤ, ဝံၤဒီးတၢ်တထံၣ်အီၤလၢၤဘၣ်. အဂ့ၢ်ဒ်အံၤ, ယွၤစိာ်ထီၣ်ကွံာ်အီၤန့ၣ်လီၤ.

လံာ်စီၤယိၤဘး 7:21

နပျၢ်ယတၢ်ဒဲးဘးတသ့လၢၤဘၣ်ဧါ. နကွၢ်ကပာ်ကွံာ်တၢ်ကမၣ် လၢယမၤဘၣ်အီၤတသ့ဘၣ်ဧါ. တယံာ်ဘၣ်ဒီးယကအိၣ်ယဲလၢ ယသွၣ်ခိၣ်အပူၤဒီးဖဲနဃုယၤန့ၣ်ယတအိၣ်လၢၤဘၣ်.

စံးထီၣ်ပတြၢၤ 37:36

ဘၣ်ဆၣ်ဖဲယလဲၤခီဂာ်ကဒီးတဘျီန့ၣ်, အဝဲတအိၣ်ဖဲန့ၣ်လၢၤဘၣ်. ယဃုအီၤဒၣ်လဲာ်, ယတထံၣ်န့ၢ်အီၤလၢၤဘၣ်.

စံးထီၣ်ပတြၢၤ 77:2

လၢယတၢ်ကိၢ်တၢ်ဂီၤအမုၢ်နံၤန့ၣ်, ယဃုယွၤ, ယစုယူာ်ထီၣ်အသးလၢမုၢ်နၤ လၢတၢ်တလီၤဘှံးလီၤတီၤဘၣ်အပူၤ, ဘၣ်ဆၣ်တၢ်မၤမုာ်ထီၣ်က့ၤယၤတသ့ဘၣ်.

လံာ်ယၡါယၤ 10:29

အဝဲသ့ၣ်လဲၤခီဖျိတ့ၢ်လံတၢ်ကဆူးဒီးမံဝဲဖဲဝ့ၢ်က့ဘၤလီၤ. ပှၤတဖၣ်လၢဝ့ၢ်ရၤမါအပူၤပျံၤတၢ်ဖုးတၢ်ဒီးပှၤလၢစီၤပၤစီၤ စီလူးအဝ့ၢ်ကံးဘဧၤအပူၤတဖၣ်ထွးထီၣ်ဃ့ၢ်တ့ၢ်လံဝဲလီၤ.

လံာ်ယၡါယၤ 22:4

ခဲကနံၣ်အံၤ, ပာ်လီၤတဲာ်ယၤထဲတဂၤဧိၤဒ်သိးယကဟီၣ်ယၢၤ နးနးကျံးကျံးလၢယပှၤဂီၢ်မုၢ်ခဲလၢာ်လၢအသံတ့ၢ် တဖၣ်အဂီၢ်န့ၣ်တက့ၢ်. ဂုာ်ကျဲးစၢးမၤမုာ်ထီၣ်က့ၤယၤတဂ့ၤ.

လံာ်ယံးရမံယၤ 10:20

ပဒဲတဖၣ်ဟးဂီၤကွံာ်လၢာ်လံ. ပျံၤတဖၣ်လၢအစၢကျၢၤဃာ်အဝဲသ့ၣ်န့ၣ် ထီၣ်တဲာ်ကွံာ်လံ. ပဖိတဖၣ်ဟးထီၣ်ကွံာ်လၢပအိၣ်လၢာ်လံ. ပှၤလၢကသူၣ်ထီၣ်ဘှီထီၣ်န့ၢ်ကဒီးပဒဲတဖၣ်မ့ၢ်ဂ့ၤ, ပှၤလၢကသလၣ်ထီၣ်ဒဲတဖၣ်အယၣ်ဘျးသဒၢတၢ်တဖၣ်မ့ၢ်ဂ့ၤ, တအိၣ်လၢၤနီတဂၤဘၣ်.”

လံာ်ယံးရမံယၤ 40:1

ယွၤကတိၤတၢ်ဒီးယၤဖဲသုးခိၣ်ဖးဒိၣ်စီၤနဘူစၢ်ရဒၣ်ပျၢ်ထူၣ် ဖျဲးကွံာ်ယၤဖဲဝ့ၢ်ရၤမါဝံၤအလီၢ်ခံန့ၣ်လီၤ. ယဘၣ်တၢ်စၢဃာ်ယၤလၢထးသွဲ, ဒီးလဲၤစိာ်ဆှၢယၤဖဲန့ၣ်ဃုာ်ဒီး ဝ့ၢ်ယရူၤၡလ့ၣ်ဒီးကီၢ်ယူဒၤအပှၤဂီၢ်မုၢ်အဂၤလၢအဘၣ်တၢ်စိာ် ကွံာ်အီၤဆူကီၢ်ဘၤဘူၤလိၣ်ဒ်ကုၢ်တဖၣ်အသိးန့ၣ်လီၤ.

လံာ်သးသယုၢ်တၢ် 5:7

ပမိၢ်ပပၢ်လၢပျၢၤတဖၣ်မၤတ့ၢ်တၢ်ဒဲးဘးဘၣ်ဆၣ်ခဲအံၤအဝဲသ့ၣ် သံလၢာ်လံ. ဒီးပတူၢ်ဘၣ်တၢ်လၢအဝဲသ့ၣ်အတၢ်ဒဲးဘးတဖၣ်အဃိလီၤ.

လံာ်ယဃ့းစက့လး 2:10

စုတခီန့ၣ်သလၣ်ထီၣ်လံာ်ထူန့ၣ်, ဒီးယထံၣ်ဘၣ်လၢတၢ်ကွဲးအသး အိၣ်ခံကပၤလိာ်လီၤ. တၢ်ဟီၣ်တၢ်ယၢၤ, တၢ်ကအုကစွါဒီးတၢ်ကိးထီၣ်လၢတၢ်သူၣ်အုးသး အုးအပူၤတဖၣ်အိၣ်ကွဲးလီၤတ့ၢ်အသးဖဲန့ၣ်လီၤ.

လံာ်စီၤယိၤၡူ 18:25

အိၣ်စ့ၢ်ကီးဒီးဝ့ၢ်ကံးဘိၣ်, ရၤမါ, ဘအ့ရိး, မံးစပၤ, ကဖံရၤ, မိစၤ,

လံာ်ပှၤစံၣ်ညီၣ်ကွီၢ် 4:5

အဝဲညီနုၢ်ဆ့ၣ်နီၤလၢသ့ၣ်စူၣ်ပလိၣ်တထံးအဖီလာ်ဖဲဝ့ၢ်ရၤမါ ဒီးဝ့ၢ်ဘ့ၤသ့လးအဘၢၣ်စၢၤလၢအ့ဖရဲၣ်ကစၢၢ်ကလိ, ဒီးအံၣ်စရ့လးအပှၤဂီၢ်မုၢ်ဘၣ်လဲၤဖဲန့ၣ် လၢအဝဲတၢ်စံၣ်ညီၣ်နီၤဖးအဂီၢ်န့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 7:17

အန့ၣ်ဝံၤဒီးအဝဲက့ၤကဒါက့ၤဝဲဆူအဟံၣ်လၢဝ့ၢ်ရၤမါအပူၤ, ဖဲအဝဲမၤစ့ၢ်ကီးတၢ်ဒ်ပှၤစံၣ်ညီၣ်ကွီၢ်အသိးန့ၣ်လီၤ. လၢဝ့ၢ်ရၤမါအပူၤန့ၣ်အဝဲသူၣ်ထီၣ်တၢ်လုၢ်လီၢ်တခါဆူယွၤအအိၣ်လီၤ.