လံာ်ယံးရမံယၤ 31:14 - Sgaw Karen Common Bible

¹⁴ ယကဒုးအီၣ်ကုးအီၤပှဲၤပှၤလုၢ်တၢ် အခိၣ်တဖၣ်လၢတၢ်အီၣ်ဝံၣ်အီဆၢ, ဒီးမၤသးမံယပှၤဂီၢ်မုၢ် အတၢ်လိၣ်ခဲလၢာ်န့ၣ်လီၤ. ယၤ, ယွၤအံၤ, ကတိၤလံတၢ်လံ.”

လံာ်ယံးရမံယၤ 31:14 Iomraidhean Croise

လံာ်ကွဲးနီၣ်တၢ်ခံဘ့ၣ်တဘ့ၣ် 6:41

ယွၤ, ကစၢ်ယွၤဧၢ, ဂဲၤထၢၣ်ခဲကနံၣ်အံၤ, ဒီးလဲၤနုာ်ဆူယွၤအတၢ် လုၢ်ဟံၣ်ပူၤဃုာ်ဒီးတၢ်အၢၣ်လီၤအီလီၤအတလါစီဆှံ, တၢ်အဒိဘၣ်ထွဲဒီးနတၢ်စိတၢ်ကမီၤဒီးအိၣ်နဲဆိးနဲဖဲအံၤ လီၤစိၤလီၤထီတက့ၢ်. ဆိၣ်ဂ့ၤနပှၤလုၢ်တၢ်အခိၣ်တဖၣ်လၢကယဲၢ်တၢ်ခဲလၢာ်လၢအမၤဝဲအပူၤ ဒီးမ်နပှၤဂီၢ်မုၢ်ခဲလၢာ်သူၣ်ဖှံသးညီ, မ့ၢ်လၢနတၢ်မၤဂ့ၤဘၣ်အဝဲသ့ၣ်အဃိန့ၣ်တက့ၢ်.

လံာ်စီၤနဃ့မယၤ 10:39

ကီၢ်အံၣ်စရ့လးအပှၤဂီၢ်မုၢ်ဒီးပှၤလ့ၤဝံဖိတဖၣ်ကဘၣ်လဲၤစိာ် တၢ်မၤဘူၣ်တဖၣ်လၢဘုဧိၤဟုဧိၤ, စပံးထံဒီးသ့ၣ်စၤယံးအသိ ဆူတၢ်ပာ်ဖှိၣ်အလီၢ်တဖၣ်ဖဲယွၤအတၢ်လုၢ်ဟံၣ်အပီးအလီ တဖၣ်ဘၣ်တၢ်ပာ်အီၤဒီး, ဖဲပှၤလုၢ်တၢ်အခိၣ်တဖၣ်လၢအအိၣ်မူအိၣ်ဒါ, ပှၤခိးတၢ်လုၢ်ဟံၣ်တဖၣ်ဒီးပှၤသးဝံၣ်တၢ်လၢတၢ်လုၢ်ဟံၣ်ပူၤတဖၣ် အတၢ်အိၣ်တၢ်ဆိးအလီၢ်တဖၣ်အိၣ်ဝဲန့ၣ်လီၤ. ပတလဲၤသဒၣ်ဘၣ်ပကစၢ်ယွၤအဟံၣ်ဘၣ်.

စံးထီၣ်ပတြၢၤ 107:9

အဂ့ၢ်ဒ်အံၤ ပှၤလၢတၢ်သူအသးလၢထံန့ၣ်ဒုးဘျဲးအီအီၤ, ဒီးပှၤလၢတၢ်သၣ်ဝံၤအသးန့ၣ် ဒုးဘျဲးအီၣ်အီၤလၢတၢ်အဂ့ၤလီၤ.

စံးထီၣ်ပတြၢၤ 132:16

ယကဆိၣ်ဂ့ၤအပှၤလုၢ်တၢ်အခိၣ်တဖၣ် လၢအတၢ်မၤခဲလၢာ်အပူၤ, ဒီးအပှၤဂီၢ်မုၢ်ကသးဝံၣ်တၢ်ဒီး ကိးထီၣ်လၢတၢ်သးခုအပူၤလီၤ.

စံးထီၣ်ပတြၢၤ 132:9

မ်နပှၤလုၢ်တၢ်အခိၣ်တဖၣ် မၤတၢ်အဘၣ်ထီဘိတထံၣ်ဃီတက့ၢ်. မ်နပှၤဂီၢ်မုၢ်ကိးထီၣ်လၢ တၢ်သးခုအပူၤတက့ၢ်.

စံးထီၣ်ပတြၢၤ 17:15

မ့မ့ၢ်ယဲဒၣ်အံၤယကထံၣ်ဘၣ်နၤ, မ့ၢ်လၢယတမၤကမၣ်တ့ၢ်တၢ်အဃိ, ဒီးဖဲယပၢၢ်ထီၣ်န့ၣ်ယကပှဲၤဒီးတၢ်သးခု မ့ၢ်လၢနအိၣ်ဒီးယၤအဃိလီၤ.

စံးထီၣ်ပတြၢၤ 36:8

ပှၤကိးဂၤဒဲးအီၣ်ဘျဲးအီၣ်ဘျဲးအီတၢ်အီၣ်လၢ နကတဲာ်ကတီၤဒီး နပျဲဒုးအီပှၤလၢနတၢ်ဂ့ၤတၢ်ဝါအထံကျိန့ၣ်လီၤ.

စံးထီၣ်ပတြၢၤ 63:2

ပျဲယထံၣ်ဘၣ်နၤလၢတၢ်လီၢ်စီဆှံအပူၤ, ပျဲယထံၣ်ဘၣ်နအိၣ်ဒီးတၢ်စိတၢ်ကမီၤ, ဒီးတၢ်လၤတၢ်ကပီၤထဲလဲၣ်န့ၣ်တက့ၢ်.

စံးထီၣ်ပတြၢၤ 63:5

ယသးကအီၣ်ဘျဲးအီၣ်တၢ်အီၣ်ဝံၣ်, ဒီးသိဧိၤချါဧိၤ, ဒီးယထးခိၣ်စံးထီၣ်ပတြၢၤနၤလၢ နိးဖံးလၢအသးခုန့ၣ်လီၤ.

စံးထီၣ်ပတြၢၤ 63:6

ဖဲယသ့ၣ်နီၣ်ထီၣ်က့ၤနၤလၢယလီၢ်မံအဖီခိၣ်, ဒီးယဆိကမိၣ်လၢနဂ့ၢ်နကျိၤသီတနၤကျၢၤန့ၣ်လီၤ.

စံးထီၣ်ပတြၢၤ 65:4

ပှၤလၢနဃုထၢအီၤ, ပှၤလၢနဟဲစိာ်အီၤဆူနလီၢ်စီဆှံအပူၤ ဒ်သိးကအိၣ်ကဆိးဘၣ်ဝဲအဂီၢ်တဖၣ်န့ၣ် ဘၣ်ဆိၣ်ဂ့ၤဝဲလီၤ. ပကသူၣ်မံသးမံလၢတၢ်ဂ့ၤတဖၣ်လၢနဟံၣ်ပူၤ, နတၢ်လုၢ်ဟံၣ်စီဆှံအတၢ်ဆိၣ်ဂ့ၤဆိၣ်ဝါတဖၣ်န့ၣ်လီၤ.

စံးထီၣ်ပတြၢၤ 85:13

တၢ်တီတၢ်လိၤကလဲၤတၢ်လၢယွၤအမဲာ်ညါ ဒီးကကတဲာ်ကတီၤကျဲလၢအဂီၢ်လီၤ.

စံးထီၣ်ပတြၢၤ 90:14

မၤပှဲၤပှၤလၢနတၢ်အဲၣ်ဂၢၢ်ကျၢၤကိးမုၢ်ဂီၤဒဲး, ဒ်သိးပကသးဝံၣ်ထီၣ်တၢ်ဒီးသးခုလၢ ပတၢ်အိၣ်မူတစိၤဒၣ်ပှၤန့ၣ်တက့ၢ်.

လံာ်တၢ်သးဝံၣ်တဖၣ်အတၢ်သးဝံၣ် 5:1

ယတၢ်အဲၣ်သးဘိ, ယတလးမူးပိာ်မုၣ်ဧၢ, ယဟဲနုာ်လံလၢယတၤသၣ်ကရၢၢ်ပူၤလံန့ၣ်လီၤ. ယထၢဖှိၣ်ယသ့ၣ်နၢမူအထုးအစီတဖၣ်ဒီးမူရၣ်, ယအီၣ်ယကနဲစီဒီးကနဲခိၣ်ထံ, ယအီယစပံးထံဒီးတၢ်နုၢ်ထံန့ၣ်လီၤ. ပှၤလၢအအဲၣ်လိာ်အသးသ့ၣ်ဧၢ, အီၣ်တၢ်ဒီးအီတၢ် တုၤလီၤလၢသုမူၤလၢတၢ်အဲၣ်အဃိတက့ၢ်.

လံာ်ယၡါယၤ 25:6

ဖဲအံၤလၢကစၢၢ်စံယိၣ်အဖီခိၣ်န့ၣ်, ယွၤသ့တၢ်လၢာ်ကကတဲာ် ကတီၤတၢ်အီၣ်အမူးတမူးလၢကယဲၢ်ပှၤကလုာ်ခဲလၢာ်လၢ ဟီၣ်ခိၣ်ချၢအဂီၢ်လီၤ. မ့ၢ်တၢ်အီၣ်အဝံၣ်အဘဲကတၢၢ်ဒီး စပံးထံအဂ့ၤကတၢၢ်အမူးတမူးလီၤ.

လံာ်ယၡါယၤ 61:6

ဒီးသုကဘၣ်တၢ်သ့ၣ်ညါသုဒ် ယွၤအပှၤလုၢ်တၢ်အခိၣ်တဖၣ်, ပကစၢ်ယွၤအခ့အပှၤတဖၣ်အသိးန့ၣ်လီၤ. သုကမုာ်လၤသးခုဘၣ်လၢပှၤကလုာ်တဖၣ် အတၢ်ထူးတၢ်တီၤအပူၤ ဒီးပာ်ကဖၢလၢသုသးလၢတၢ်အံၤမ့ၢ်သုတၢ်အဃိလီၤ.

လံာ်ယံးရမံယၤ 31:25

ယကမၤဆူၣ်ထီၣ်က့ၤ ပှၤလၢသူၣ်လီၤဘှံးသးလီၤ တီၤတဖၣ်ဒီး ပှၤတဂၤလၢ်လၢ်လၢ အဂံၢ်အဘါစၢ်လီၤ ဝဲလၢ အသူၣ်ဝံၤသၣ်စ့ၤ အဃိန့ၣ်, ယကမၤသူၣ်မံသးမံ အဝဲသ့ၣ်ဒီး တၢ်အီၣ်တၢ်အီန့ၣ်လီၤ.

လံာ်ယံးရမံယၤ 33:9

ဝ့ၢ်ယရူၤၡလ့ၣ်ကမ့ၢ်တၢ်သးခု, တၢ်လၤကပီၤ, ဒီးတၢ်ပာ်ကဖၢလၢ သးအဂံၢ်ထံးတမံၤလၢ ယဂီၢ်န့ၣ်လီၤ. ဒီးပှၤကိးကလုာ်ဒဲး လၢဟီၣ်ခိၣ်ချၢအံၤ ကပျံၤတၢ်ဒီး ကကနိးကစုာ်ဝဲ ဖဲအဝဲသ့ၣ် နၢ်ဟူတၢ်ဘၣ်ဃးတၢ်အဂ့ၤတဖၣ်လၢ ယမၤလၢ ဝ့ၢ်ယရူၤၡလ့ၣ်အပှၤဂီၢ်မုၢ် အဂီၢ်, ဒီးဘၣ်ဃးတၢ်ဘီၣ် တၢ်ညီလၢ ယဟဲစိာ်န့ၢ် ဝ့ၢ်အံၤ, အဂ့ၢ်န့ၣ်လီၤ.”

လံာ်ယံးရမံယၤ 50:19

ကဒုးအိၣ်ကဒါက့ၤ ကီၢ်အံၣ်စရ့လးအပှၤဂီၢ်မုၢ်လၢအထံလီၢ်ကီၢ်ပူၤလီၤ. အဝဲသ့ၣ်ကအီၣ်တၢ်အီၣ်လၢအမဲထီၣ်သၣ်ထီၣ်ဝဲ လၢကစၢၢ်ကၢ်မ့ၤလးအလိၤဒီးလၢအလီၢ်ကဝီၤတဖၣ်အပူၤဒီး အဝဲသ့ၣ်ကအီၣ်တၢ်ခဲလၢာ်လၢ အသးအိၣ်အီၣ်ဝဲ, လၢအမဲထီၣ်သၣ်ထီၣ်ဝဲလၢအ့ဖရဲၣ်ဒီးကံးလဧးအလီၢ်ကဝီၤတဖၣ် အပူၤန့ၣ်လီၤ.

လံာ်ယဃ့းစက့လး 34:14

ယကဒုးကိာ်လီၤအဝဲသ့ၣ်လၢတၢ်ဘံၣ်တၢ်ဘၢအပူၤလၢ ကီၢ်အံၣ်စရ့လးအကစၢၢ်ကလိအတၢ်ပၢၤခိၣ်တဖၣ်လၢ အအိၣ်ဒီးတပံၢ်တမါအပူၤဒီးလၢတၢ်တြီၤ တဖၣ်အပူၤဒီးလၢကယဲၢ်အီၣ်ဆၣ်အလီၢ်လါဟ့ခဲ လၢာ်အပူၤန့ၣ်လီၤ.

လံာ်ဃးကဲ 2:19

ဘုဧိၤဟုဧိၤမ့ၢ်တအိၣ်တ့ၢ်လၢၤဘၣ်ဆၣ်, စပံးမုၢ်တဖၣ်, ချၢၣ်ဒၢအထူၣ်တဖၣ်, သ့ၣ်သလဲတဖၣ်ဒီးသ့ၣ်စၤယံးတဖၣ်မ့ၢ်တသၣ်ထီၣ်ဒံးဒၣ်လဲာ်, စးထီၣ်ခဲအံၤဒီးဆူညါန့ၣ်ယကဆိၣ်ဂ့ၤသုလီၤ.”

လံာ်မးသဲ 5:6

ပှၤလၢအတၢ်ဆၢမိၣ်န့ၢ်သးလီတၢ်အဒိၣ်ကတၢၢ် မ့ၢ်တၢ်တီတၢ်လိၤန့ၣ်, မ့ၢ်ပှၤလၢအဘၣ်ဆိၣ်ဂ့ၤနီၢ်နီၢ်လီၤ. အဂ့ၢ်ဒ်အံၤ, ကစၢ်ယွၤကမၤလၢပှဲၤအတၢ်မိၣ်န့ၢ် သးလီအံၤလၢလၢပှဲၤပှဲၤလီၤ.

အ့းဖ့းစူး 1:3

မ်ပစံးထီၣ်ပတြၢၤကစၢ်ယွၤပကစၢ်ယ့ၣ်ၡူးခရံာ်အပၢ်တက့ၢ်. အဂ့ၢ်ဒ်အံၤ, လၢခရံာ်အပူၤန့ၣ်အဝဲဒၣ်ဟ့ၣ်လီၤပှၤလၢတၢ်ဆိၣ်ဂ့ၤဘၣ်ဃးဒီး သူၣ်ဒီးသးတဖၣ်လၢအအိၣ်ဝဲလၢမူခိၣ်န့ၣ်လီၤ.

အ့းဖ့းစူး 3:19

မ်သုကသ့ၣ်ညါဘၣ်ယွၤအတၢ်အဲၣ်, လၢပှၤသ့ၣ်ညါအီၤလၢလၢပှဲၤပှဲၤတသ့နီတစုဘၣ်, ဒ်သိးသုကလၢထီၣ်ပှဲၤထီၣ်ဒီးကစၢ်ယွၤအတၢ်လၢ တၢ်ပှဲၤခဲလၢာ်အဂီၢ်န့ၣ်တက့ၢ်.

လံာ်သိၣ်လီၤသီလီၤတၢ် 33:23

ဘၣ်ဃးဒီးနးသၤလံအဒူၣ်အဂ့ၢ်န့ၣ်အဝဲစံးဝဲ, “နးသၤလံဘၣ်ဆိၣ်ဂ့ၤဝဲထူးထူးတီၤတီၤလၢယွၤအတၢ်ကွၢ်မဲာ် အဂ့ၤအဃိ, အဝဲသ့ၣ်အကီၢ်လဲၤတုၤဃီၤဝဲဆူပီၣ်လဲၣ်ကၤလံၤလါအကလံၤထံး န့ၣ်လီၤ.”

၁ ပ့းတရူး 2:9

ဘၣ်ဆၣ်ဒီး, သုမ့ၢ်ပှၤတကလုာ်လၢအဘၣ်တၢ်ဃုထၢ ထီၣ်အီၤ, စီၤပၤအပှၤလုၢ်တၢ်အခိၣ်တဖၣ်, ပှၤစီဆှံတကလုာ် (ဟးထီၣ် ၁၉:၆), ယွၤအပှၤဂီၢ်မုၢ်ဒၣ်ဝဲလၢအဘၣ်တၢ်ဃုထၢထီၣ်အီၤလၢ အကတဲဖျါယွၤအတၢ်မၤလီၤလးတဖၣ်, ယွၤလၢအကိးထီၣ်သုလၢတၢ်ခံးတၢ်နၤဆူအကစၢ်ဒၣ်ဝဲ အတၢ်ကပီၤလီၤလးအပူၤန့ၣ်လီၤ.

လံာ်လီၣ်ဖျါ 5:10

နဒုးကဲထီၣ်အဝဲသ့ၣ်လၢဘီမုၢ်တဘ့ၣ်လၢ အဘၣ်ဃးဒီးပှၤလုၢ်တၢ်အခိၣ်တဖၣ် လၢအကမၤကစၢ်ယွၤအတၢ်ဖံးတၢ်မၤအဂီၢ်န့ၣ်လီၤ. ဒီးအဝဲသ့ၣ်ကပၢတၢ်လၢဟီၣ်ခိၣ်ချၢလီၤ.”