လံာ်ယံးရမံယၤ 31:13 - Sgaw Karen Common Bible

¹³ အန့ၣ်ဒီး, မုၣ်လိၤဘိတဖၣ် ကဂဲၤကလံာ်ဝဲဒီးသးဖှံသးညီဝဲ, ဒီးပှၤပိာ်ခွါတဖၣ်, သးစၢ်ဂ့ၤသးပှၢ်ဂ့ၤ, ကသူၣ်ခုသးခုဝဲလီၤ. ယကမၤမုာ်မၤခုၣ်အဝဲသ့ၣ်, ဒီးဘိးဃၣ်အဝဲသ့ၣ် တၢ်ဟီၣ်တၢ်ယၢၤဆူ တၢ်သူၣ်ခုသးခု, အဝဲသ့ၣ်အတၢ်သူၣ်အုၣ်သးအုးဆူ တၢ်သူၣ်ဖှံသးညီန့ၣ်လီၤ.

လံာ်ယံးရမံယၤ 31:13 Iomraidhean Croise

လံာ်စီၤဧ့စြၤ 6:22

လၢနွံသီအတီၢ်ပူၤန့ၣ်, အဝဲသ့ၣ်မၤတၢ်သ့ၣ်နီၣ်မၤလၤကပီၤဘူၣ် တအိၣ်ဘၣ်ဒီးကိၣ်မံၣ်လၢတၢ်သူၣ်ခုသးခုအပူၤန့ၣ်လီၤ. အဝဲသ့ၣ်ပှဲၤဒီးတၢ်သူၣ်ခုသးခုမ့ၢ်လၢယွၤထိးဘၣ်တ့ၢ်ကီၢ်အၤ ၡူၢ်အစီၤပၤဖးဒိၣ်အသးလၢကကွၢ်မဲာ်အဝဲသ့ၣ်, တုၤဒၣ်လဲာ်မၤစၢၤအဝဲသ့ၣ်လၢအတၢ်ဖံးတၢ်မၤလၢတၢ်သူၣ်ထီၣ်ကဒါ က့ၤပှၤအံၣ်စရ့လးဖိအကစၢ်ယွၤအတၢ်လုၢ်ဟံၣ်အပူၤအဃိန့ၣ်လီၤ.

လံာ်စီၤနဃ့မယၤ 12:27

တုၤဝ့ၢ်ယရူၤၡလ့ၣ်အဝ့ၢ်ခိၣ်ဒူဘၣ်တၢ်ပာ်စီဆှံထီၣ်အီၤန့ၣ်ပှၤ လ့ၤဝံဖိတဖၣ်အံၤဘၣ်တၢ်ဟဲကိးအီၤလၢအအိၣ်ဝဲဆိးဝဲ အလီၢ်ဒ်သိးအဝဲသ့ၣ်ကမၤဃုာ်တၢ်လၢတၢ်ပာ်စီဆှံတၢ်လုၢ်ဟံၣ် အပူၤခီဖျိတၢ်သးဝံၣ်စံးဘျုးစံးဖှိၣ်တဖၣ်, လၢအအိၣ်ဒီးစှၢၣ်စှံးဒီးသီတူၢ်န့ၣ်လီၤ.

လံာ်စီၤနဃ့မယၤ 12:43

လၢမုၢ်တနံၤန့ၣ်တၢ်လုၢ်တၢ်ပာ်အါမးဘၣ်တၢ်လုၢ်ထီၣ်အီၤဒီးပှၤ ဂီၢ်မုၢ်ပှဲၤဝဲဒီးတၢ်သူၣ်ခုသးခုမ့ၢ်လၢကစၢ်ယွၤဒုးသးခုအဝဲသ့ၣ် ဒိၣ်မးအဃိန့ၣ်လီၤ. ပှၤပိာ်မုၣ်တဖၣ်, ပှၤဖိဒံဖိသၣ်တဖၣ်ပာ်ဖှိၣ်အသးလၢတၢ်မၤမူးအပူၤဒီးအဝဲသ့ၣ် ခဲလၢာ်အကလုၢ်အသီၣ်န့ၣ်ဘၣ်တၢ်နၢ်ဟူအီၤသ့ဝဲဖးယံၤဖးသံန့ၣ် လီၤ.

လံာ်နီၢ်အ့ၤစတၢ် 9:22

မုၢ်နံၤတဖၣ်အံၤမ့ၢ်မုၢ်နံၤလၢပှၤယူဒၤဖိတဖၣ်မၤပူၤ ဖျဲးအသးလၢအဒုၣ်အဒါအတၢ်ကူၣ်အၢ, ဒီးလါအံၤမ့ၢ်လါတလါ လၢအလဲလိာ်ကွံာ်တၢ်သူၣ်အုးသးအုးဒီးတၢ်သးဟးဂီၤ, ဆူတၢ်သူၣ်ခုသးခုဒီးတၢ်သူၣ်ဖှံသးညီန့ၣ်လီၤ. အဝဲသ့ၣ်ကဘၣ်တိၢ်န့ၢ်ဖံးဃာ်မုၢ်နံၤတဖၣ်အံၤ, အိၣ်ဒီးတၢ်အီၣ်တၢ်အီအမူးတဖၣ်ဒီးတၢ်သူၣ်ဖှံသးညီအမူး, တၢ်ဟ့ၣ်လိာ်သကိးအသးလၢတၢ်အီၣ်တၢ် အီတဖၣ်တဂၤဒီးတဂၤဒီးဆူပှၤဖှီၣ်ဖိယာ်ဖိန့ၣ်လီၤ.

စံးထီၣ်ပတြၢၤ 126:5

မ်ပှၤလၢအဖှံတၢ်အိၣ်ဒီးအမဲာ်ထံလီၤန့ၣ် ကကူးတၢ်အိၣ်ဒီးတၢ်သးခုတက့ၢ်.

စံးထီၣ်ပတြၢၤ 148:12

ပှၤဖိၣ်သၣ်ခွါတဖၣ်ဒီးပှၤမုၣ်ကနီၤတဖၣ်, ပှၤသးပှၢ်တဖၣ်ဒီးပှၤဖိသၣ်တဖၣ်စ့ၢ်ကီး,

စံးထီၣ်ပတြၢၤ 149:3

မ်အဝဲသ့ၣ်စံးထီၣ်ပတြၢၤအမံၤလၢတၢ်ဂဲၤကလံၣ်, သးဝံၣ်ထီၣ်အီၤလၢဒၢဖိဒီးတနၢ်တက့ၢ်.

စံးထီၣ်ပတြၢၤ 30:11

ယတၢ်မိၣ်တၢ်မးန့ၣ်နဒုးကဲထီၣ်အီၤဆူ တၢ်ဂဲၤကလံၣ်လၢယဂီၢ်, နဟံးထီၣ်ကွံာ်ယတၢ်သူၣ်အုးသးအုး ဒီးဘိၣ်ဘံယၤလၢတၢ်သူၣ်ခုသးခု,

လံာ်ယၡါယၤ 12:1

မုၢ်တနံၤကဟဲဝဲဖဲပှၤကသးဝံၣ်ထီၣ်, “ယွၤဧၢ, ယစံးထီၣ်ပတြၢၤနၤလီၤ. နသးဒိၣ်တ့ၢ်ယၤ, ဘၣ်ဆၣ်ခဲအံၤနမၤမုာ်ယသးဒီးနတသးဒိၣ်လၢၤယၤလၢၤဘၣ်.

လံာ်ယၡါယၤ 35:10

အဝဲသ့ၣ်ကလဲၤတုၤဆူဝ့ၢ်ယရူၤၡလ့ၣ် လၢတၢ်သူၣ်ဖှံသးညီ, ကသူၣ်ဝံၣ်သးဆၢဒီးကကိးထီၣ်လၢအတၢ်သးခုဒိၣ်ဝဲအဃိလီၤ. အဝဲသ့ၣ်ကသူၣ်ဖှံသးညီအစိၤစိၤအဃၣ်ဃၣ်, အစိၤစိၤအဃၣ်ဃၣ်န့ၣ်ပူၤဖျဲးဝဲလၢတၢ်သူၣ်အုးသးအုးဒီး တၢ်ဘၣ်မိၣ်ဘၣ်မးလီၤ.

လံာ်ယၡါယၤ 51:11

ပှၤတဖၣ်လၢနမၤပူၤဖျဲးတ့ၢ်အီၤန့ၣ် ကလဲၤတုၤဝ့ၢ်ယရူၤရှလ့ၣ် လၢတၢ်သူၣ်ဖှံသးညီအပူၤ ဒီးကသးဝံၣ်တၢ်ဒီးကကိးထီၣ် ဝဲလၢတၢ်သူၣ်ခုသးခုအဂ့ၢ်န့ၣ်လီၤ. အဝဲသ့ၣ်ကသူၣ်ဖှံသးညီလီၤစိၤလီၤဃၣ် ဒီးပူၤဖျဲးကွံာ်ဒီးတၢ်ဘၣ်မိၣ်ဘၣ်မးဒီးတၢ်သူၣ် အုးသးအုးလီၤထူလီၤယိာ်န့ၣ်လီၤ.

လံာ်ယၡါယၤ 51:3

ယကဒုးနဲၣ်ယတၢ်သးကညီၤဆူဝ့ၢ်ယရူၤၡလ့ၣ်ဒီး, ဆူပှၤခဲလၢာ်လၢအအိၣ်လၢအတၢ်ဟးဂီၤတဖၣ်အပူၤလီၤ. အလီၢ်အကျဲမ့ၢ်မဲးမုၢ်ခိၣ်ဒၣ်လဲာ်, ယကဒုးကဲထီၣ်အီၤလၢ တၤသၣ်လီၢ်တလီၢ် လၢအလီၤဂာ်ဒီးတၤသၣ်လီၢ်လၢယသူၣ်လီၤတ့ၢ်အီၤလၢဧ့ၤဒ့ၣ်န့ၣ်လီၤ. တၢ်သူၣ်ခုသးခုဒီးတၢ်သူၣ်ဖှံသးညီ, တၢ်စံးထီၣ်ပတြၢၤဒီးတၢ်စံးဘျုးစံးဖှိၣ်ယၤ အတၢ်သးဝံၣ်တဖၣ်ကအိၣ်ဖဲန့ၣ်လီၤ.

လံာ်ယၡါယၤ 60:20

နတၢ်သူၣ်အုးသးအုးအမုၢ်နံၤတဖၣ်ကကတၢၢ်ဝဲလီၤ. ယၤ, ယွၤအံၤ, ကမ့ၢ်နတၢ်ကပီၤအထူအယိာ်ဒီးကအိၣ်စံာ် အိၣ်ကျၢၤဝဲယံာ်န့ၢ်ဒံးမုၢ်ဒီးလါန့ၣ်လီၤ.

လံာ်ယၡါယၤ 61:2

အဝဲမၢလီၤတ့ၢ်ယၤဒ်သိးယကဒုးဟူထီသါလီၤတၢ်လၢ တၢ်ဆၢကတီၢ်ဟဲတုၤလံလၢယွၤကအုၣ်က့ၤခီၣ်က့ၤအပှၤဂီၢ်မုၢ် ဒီးမၤနၢၤကွံာ်အဝဲသ့ၣ်အဒုၣ်အဒါတဖၣ်န့ၣ်လီၤ. အဝဲမၢလီၤတ့ၢ်ယၤဒ်သိးယကမၤမုာ်ပှၤလၢ အသူၣ်အုးသးအုးခဲလၢာ်,

လံာ်ယၡါယၤ 61:3

ဒ်သိးယကဟ့ၣ်ပှၤလၢအဘၣ်ဟီၣ်ဘၣ်ယၢၤလၢ ဝ့ၢ်စံယိၣ်တဖၣ် လၢတၢ်သးခုဒီးတၢ်သူၣ်ဖှံသးညီ လၢတၢ်သူၣ်အုးသးအုးအလီၢ်, တၢ်သးဝံၣ်စံးထီၣ်ပတြၢၤတယုၢ် လၢတၢ်ဘၣ်မိၢ်ဘၣ်မးအလီၢ်န့ၣ်လီၤ. အဝဲသ့ၣ်ကလီၤဂာ်ဒီးသ့ၣ်တဖၣ်လၢ ယွၤအကစၢ်ဒၣ်ဝဲသူၣ်လီၤဖျးလီၤဝဲန့ၣ်လီၤ. အဝဲသ့ၣ်ခဲလၢာ်ကမၤတၢ်လၢအဘၣ်ဒီးကစၢ်ယွၤကဘၣ်တၢ် စံးထီၣ်ပတြၢၤအီၤလၢတၢ်လၢအဝဲမၤတ့ၢ်ဝဲအဃိလီၤ.

လံာ်ယံးရမံယၤ 31:4

ယကမၤထီၣ်က့ၤ ကဒီး သုတဘျီန့ၣ်လီၤ. သုကဟံးထီၣ်ကဒီး ဒၢတဖၣ်ဒီး ဂဲၤကလံာ်လၢတၢ် သးခုအပူၤန့ၣ်လီၤ.

လံာ်ယံးရမံယၤ 33:11

တၢ်သူၣ်ဖှံသးညီဒီး တၢ်သူၣ်ခုသးခုအတၢ်ကိး သီၣ်ထီၣ်တဖၣ်ဒီး တၢ်တ့တၢ်ဖျီအတၢ်သးဖှံ အတၢ်အီၣ်အမူးတဖၣ် အတၢ်ကလုၢ်သီၣ်ထီၣ်ဝဲ န့ၣ်လီၤ. နကနၢ်ဟူဘၣ်ပှၤဂီၢ်မုၢ်သးဝံၣ်တၢ်ဖဲ အဝဲသ့ၣ်ဟဲစိာ်ထီၣ်တၢ်လုၢ်စံးထီၣ်ပတြၢၤတဖၣ် ဆူယတၢ်လုၢ်ဟံၣ်အခါလီၤ. အဝဲသ့ၣ်ကစံးဝဲ, ‘စံးထီၣ်ပတြၢၤယွၤသ့တၢ်လၢာ်တက့ၢ်. အဂ့ၢ်ဒ်အံၤ, အဝဲဒၣ်ဂ့ၤဝဲလီၤ. ဒီးအတၢ်အဲၣ်မ့ၢ်တၢ်အထူအယိာ်လီၤ’ န့ၣ်လီၤ. ယကဒုးဘီၣ်ထီၣ်ညီထီၣ် ကီၢ်အံၤ ဒ်အအိၣ်ပာ် စၢၤတ့ၢ်လံဝဲ လၢညါအသိးန့ၣ်လီၤ. ယၤ, ယွၤအံၤ, ကတိၤလံတၢ်လံ.”

လံာ်စကၤရယၤ 8:19

“တၢ်ဒုၣ်တၢ်အီၣ်တၢ်အီတဖၣ်လၢအဘၣ်တၢ်မၤအီၤလၢလါလွံၢ်လါ တလါ, လါယဲၢ်လါတလါ, လါနွံလါတလါ, ဒီးလါဆံဆဲၣ်လါတလါန့ၣ်ကကဲထီၣ်တၢ်သူၣ်ဖှံသးညီဒီး တၢ်သူၣ်ခုသးခုအဘူၣ်တဖၣ်လၢကီၢ်ယူဒၤအပှၤဂီၢ်မုၢ်အဂီၢ်လီၤ. ဒီးသုကဘၣ်အဲၣ်တၢ်မ့ၢ်တၢ်တီဒီးတၢ်ဃူတၢ်ဖိးန့ၣ်လီၤ.”

လံာ်ယိၤဟၣ် 16:22

သုတၢ်လဲၤခီဖျိမ့ၢ်တၢ်ဒ်သိးအံၤစ့ၢ်ကီးန့ၣ်လီၤ. အခဲအံၤသုသူၣ် အုးသးအုး, ဘၣ်ဆၣ်ယကထံၣ်ကဒီးသု, ဒီးသုသးတဖၣ်ကပှဲၤဒီးတၢ်သူၣ်ခုသးခု, တၢ်သူၣ်ခုသးခု တကလုာ်လၢပှၤဟံးထီၣ်ကွံာ်လၢသုအိၣ်တသ့နီတဂၤဘၣ် န့ၣ်လီၤ.

လံာ်ပှၤစံၣ်ညီၣ်ကွီၢ် 21:21

ဖဲပိာ်မုၣ်ဖိလၢၡံလိၣ်တဖၣ်မ့ၢ်ဟဲထီၣ်ဒ်သိးကဂဲၤကလံာ်ဖဲ မူးအဆၢကတီၢ်န့ၣ်, ဟဲထီၣ်လၢစပံးလီၢ်တဖၣ်အပူၤတက့ၢ်. သုဝဲတဂၤစုာ်စုာ်ဟံးန့ၢ်ဆူၣ်သုမါလၢပိာ်မုၣ်ဖိသၣ်တဖၣ်အကျါ ဒီးစိာ်အီၤဆူဘံၣ်ယၤမံၣ်အပူၤဃုာ်ဒီးသုတက့ၢ်.