လံာ်ယံးရမံယၤ 31:12 - Sgaw Karen Common Bible

¹² အဝဲသ့ၣ်ကဟဲဒီး သးဝံၣ်တၢ်လၢ တၢ်သးခုအပူၤလၢ ကစၢၢ်စံယိၣ် အဒီခိၣ်, ဒီးကမုာ်လၤသးခုဝဲဒီး ယတၢ်ဟ့ၣ်တဖၣ်, တၢ်ဟ့ၣ်တဖၣ် လၢအမ့ၢ်ဝဲဘုဧိၤဟုဧိၤဒီးစပံးထံဒီး သ့ၣ်စၤယံးအသိ ဒီးတၢ်ဟ့ၣ်တဖၣ်လၢ အမ့ၢ်သိဒီး ဂီၤဘုၣ်ဂီၤဖံးတဖၣ်န့ၣ်လီၤ. အဝဲသ့ၣ် ကလီၤဂာ်ဒီး တၤသၣ်လီၢ်တလီၢ်လၢပှၤဖှိၣ်န့ၢ်အီၤ ထံဂ့ၤဂ့ၤဘၣ်ဘၣ်, ဒီး အဝဲသ့ၣ်ကအိၣ်ဒီး တၢ်ခဲလၢာ်လၢ အလိၣ်ဘၣ်ဝဲန့ၣ်လီၤ.

လံာ်ယံးရမံယၤ 31:12 Iomraidhean Croise

စံးထီၣ်ပတြၢၤ 130:4

ဘၣ်ဆၣ်တၢ်ပျၢ်တၢ်ကမၣ်အိၣ်ဒီးနၤဒ်သိး ပှၤကပျံၤနၤန့ၣ်လီၤ.

လံာ်ယၡါယၤ 1:30

သုကဃ့ထီၣ်ကွံာ်ဝဲဒ်သ့ထိးဖၣ်တထံးလၢအကသံဝဲအသိး, ဒီးဒ်ဖီကရၢၢ်တခါလၢပှၤတလူထံနီတဂၤအသိးလီၤ.

လံာ်ယၡါယၤ 35:10

အဝဲသ့ၣ်ကလဲၤတုၤဆူဝ့ၢ်ယရူၤၡလ့ၣ် လၢတၢ်သူၣ်ဖှံသးညီ, ကသူၣ်ဝံၣ်သးဆၢဒီးကကိးထီၣ်လၢအတၢ်သးခုဒိၣ်ဝဲအဃိလီၤ. အဝဲသ့ၣ်ကသူၣ်ဖှံသးညီအစိၤစိၤအဃၣ်ဃၣ်, အစိၤစိၤအဃၣ်ဃၣ်န့ၣ်ပူၤဖျဲးဝဲလၢတၢ်သူၣ်အုးသးအုးဒီး တၢ်ဘၣ်မိၣ်ဘၣ်မးလီၤ.

လံာ်ယၡါယၤ 51:11

ပှၤတဖၣ်လၢနမၤပူၤဖျဲးတ့ၢ်အီၤန့ၣ် ကလဲၤတုၤဝ့ၢ်ယရူၤရှလ့ၣ် လၢတၢ်သူၣ်ဖှံသးညီအပူၤ ဒီးကသးဝံၣ်တၢ်ဒီးကကိးထီၣ် ဝဲလၢတၢ်သူၣ်ခုသးခုအဂ့ၢ်န့ၣ်လီၤ. အဝဲသ့ၣ်ကသူၣ်ဖှံသးညီလီၤစိၤလီၤဃၣ် ဒီးပူၤဖျဲးကွံာ်ဒီးတၢ်ဘၣ်မိၣ်ဘၣ်မးဒီးတၢ်သူၣ် အုးသးအုးလီၤထူလီၤယိာ်န့ၣ်လီၤ.

လံာ်ယၡါယၤ 52:8

ပှၤတဖၣ်လၢအခိးဒီးပၢၤဝ့ၢ်ကိးထီၣ်ဝဲ, ကိးထီၣ်သကိးဝဲလၢတၢ်သးခုအဂ့ၢ်လီၤ. ယွၤအတၢ်ဟဲက့ၤကဒါက့ၤဆူဝ့ၢ်စံယိၣ် န့ၣ်အဝဲသ့ၣ်ထံၣ်ဘၣ်ဝဲလၢအမဲာ်ချံဒၣ်ဝဲသ့လီၤ.

လံာ်ယၡါယၤ 58:11

ဒီးယကပၢဆှၢသုထီဘိဒီးမၤသးမံသးမုာ်သုလၢတၢ်အဂ့ၤ တဖၣ်လီၤ. ယကဟ့ၣ်သုတၢ်ဂံၢ်တၢ်ဘါဒီးတၢ်အိၣ်ဆူၣ်အိၣ် ချ့လီၤ. သုကလီၤဂာ်ဒ်တၤသၣ်လီၢ်လၢအဘၣ်စီၣ်ဘၣ်သ့တလီၢ်, ထံမူထီၣ်ပၢၢ်တပူၤလၢတလီၤသံးနီတစုဘၣ်အသိးန့ၣ်လီၤ.

လံာ်ယၡါယၤ 60:20

နတၢ်သူၣ်အုးသးအုးအမုၢ်နံၤတဖၣ်ကကတၢၢ်ဝဲလီၤ. ယၤ, ယွၤအံၤ, ကမ့ၢ်နတၢ်ကပီၤအထူအယိာ်ဒီးကအိၣ်စံာ် အိၣ်ကျၢၤဝဲယံာ်န့ၢ်ဒံးမုၢ်ဒီးလါန့ၣ်လီၤ.

လံာ်ယၡါယၤ 65:19

ယကစၢ်ဒၣ်ယဲယကပှဲၤဒီးတၢ်သးခုလၢဝ့ၢ်ယရူၤၡလ့ၣ်ဒီးအပှၤဂီၢ် မုၢ်အဃိလီၤ. ဖဲန့ၣ်တၢ်ဟီၣ်တၢ်ယၢၤ, တၢ်ကိးထီၣ်ဃ့ထီၣ်တၢ် မၤစၢၤတအိၣ်ဝဲဘၣ်.

လံာ်ယံးရမံယၤ 3:14

ပှၤဂီၢ်မုၢ်လၢအသးတတီသ့ၣ်ဧၢ, ဟဲက့ၤကဒါက့ၤတက့ၢ်. သုဘၣ်ဃးဒီးယၤလီၤ. ယကဟံးန့ၢ်သုတဂၤစုာ်စုာ်လၢဝ့ၢ်တဝ့ၢ် ဘၣ်တဝ့ၢ်, ခံဂၤစုာ်စုာ်လၢဒူၣ်ထၢတဒူၣ်ဘၣ်တဒူၣ်, ဒီးယကဟဲစိာ်က့ၤသုဆူကစၢၢ်စံယိၣ်လီၤ.

လံာ်ယံးရမံယၤ 31:24

ပှၤဂီၢ်မုၢ်ကအိၣ်ကဆိးလၢ ကီၢ်ယူဒၤအပူၤဒီး လၢကယဲၢ်အဝ့ၢ် တဖၣ်အပူၤဒီးဖဲန့ၣ်, ပှၤထူစံာ် ဧိၤပှဲၤဧိၤတဖၣ် ကအိၣ်ဝဲ, ဒီးပှၤကွၢ်သိတဖၣ်ဒီး အသိအဖုအဂီၢ်တဖၣ်န့ၣ်လီၤ.

လံာ်ယံးရမံယၤ 31:25

ယကမၤဆူၣ်ထီၣ်က့ၤ ပှၤလၢသူၣ်လီၤဘှံးသးလီၤ တီၤတဖၣ်ဒီး ပှၤတဂၤလၢ်လၢ်လၢ အဂံၢ်အဘါစၢ်လီၤ ဝဲလၢ အသူၣ်ဝံၤသၣ်စ့ၤ အဃိန့ၣ်, ယကမၤသူၣ်မံသးမံ အဝဲသ့ၣ်ဒီး တၢ်အီၣ်တၢ်အီန့ၣ်လီၤ.

လံာ်ယံးရမံယၤ 31:4

ယကမၤထီၣ်က့ၤ ကဒီး သုတဘျီန့ၣ်လီၤ. သုကဟံးထီၣ်ကဒီး ဒၢတဖၣ်ဒီး ဂဲၤကလံာ်လၢတၢ် သးခုအပူၤန့ၣ်လီၤ.

လံာ်ယံးရမံယၤ 31:6

မ့ၢ်လံ. တၢ်ဆၢကတီၢ်ဟဲလံဝဲဖဲ ပှၤပၢၤတၢ်ဖိတဖၣ် ကကိးထီၣ်လၢ ကီၢ်အ့ဖရဲၣ်အတၢ်လူၢ်တဖၣ် အဖီခိၣ် ဒီး စံးဝဲ, ‘မ်ပလဲၤထီၣ်သကိးဆူ ဝ့ၢ်စံယိၣ်, ဆူယွၤပကစၢ် ယွၤအအိၣ်တက့ၢ်န့ၣ်လီၤ.”

လံာ်ယံးရမံယၤ 31:7

ယွၤစံးဝဲဒၣ်, “သးဝံၣ်တၢ်လၢ တၢ်သးခုလၢ ကီၢ်အံၣ်စရ့လး, ပှၤအဒိၣ်ကတၢၢ် လၢပှၤကလုာ်တဖၣ် အဂီၢ်န့ၣ်တက့ၢ်. သးဝံၣ်သုတၢ်သးဝံၣ် စံးထီၣ်ပတြၢၤဒီးစံး, ‘ယွၤအုၣ်က့ၤခီၣ်က့ၤ အပှၤဂီၢ်မုၢ်လံ, အဝဲမၤပူၤဖျဲးလံ ပှၤလၢအအိၣ်လီၤတဲာ်ခဲလၢာ်လံ.’

လံာ်ယံးရမံယၤ 32:15

ယွၤသ့တၢ်လၢာ်, အံၣ်စရ့လးအကစၢ်ယွၤ, စံးတ့ၢ်ဝဲလၢ ဟံၣ်တဖၣ်, စံာ်ပျီတဖၣ်, ဒီးစပံးလီၢ်တဖၣ်ကဘၣ်တၢ်ပှၤ န့ၢ်ကဒီးအီၤလၢ ထံကီၢ်တဘ့ၣ်အံၤအပူၤန့ၣ်လီၤ.”

လံာ်ယံးရမံယၤ 33:12

ယွၤသ့တၢ်လၢာ်စံးဝဲဒၣ်, “လၢကီၢ်လၢအလီၤဂာ်ဒီး မဲးမုၢ်ခိၣ်တတီၤအံၤအပူၤ, ဒီးလၢတၢ်လီၢ်ဖဲပှၤကညီ မ့ၢ်ဂ့ၤ, ဆၣ်ဖိကီၢ်ဖိမ့ၢ်ဂ့ၤ တအိၣ်ဘၣ်လၢအပူၤအံၤန့ၣ်, တၢ်အီၣ်ဆၣ်အလီၢ်လါဟ့ တဖၣ်လၢပှၤကွၢ်သိတဖၣ် ကဒုးကိာ်လီၤအသိန့ၣ် ကအိၣ်ထီၣ်က့ၤကဒီးဝဲလီၤ.

လံာ်ယံးရမံယၤ 33:13

လၢဝ့ၢ်လၢ အအိၣ်လၢတၢ်လူၢ်တၢ်တြီၤတဖၣ်အပူၤ, လၢတၢ်လီၢ်တဖၣ်လၢ တၢ်လူၢ်အခီၣ်ထံးဒီး လၢကီၢ် ယူဒၤကလံၤထံးအပူၤ, လၢဘံၣ်ယၤမံၣ်အဒူၣ်အလီၢ် ကဝီၤပူၤ, လၢဝ့ၢ်ယရူၤၡလ့ၣ်အခိၣ်အဃၢၤဒူသဝီတဖၣ်အပူၤ, ဒီးလၢကီၢ်ယူဒၤအဝ့ၢ်တဖၣ် အပူၤန့ၣ်, ပှၤကွၢ်သိတဖၣ် ကဂံၢ်ကဒီး အသိတဖၣ်အသီတဘျီလီၤ. ယၤ, ယွၤအံၤ, ကတိၤလံတၢ်လံ.”

လံာ်ယဃ့းစက့လး 17:23

လၢကီၢ်အံၣ်စရ့လးအကစၢၢ်အထီကတၢၢ်တဖျၢၣ်အလိၤန့ၣ်လီၤ. အဒ့တဖၣ်ကဒိၣ်ထီၣ်ဝဲဒီးကသၣ်ထီၣ်အသၣ်ဒီးကဲထီၣ်သ့ၣ်ဆှိ အ့ရ့းလီၤဘီလီၤမုၢ်တထံးလီၤ. ထိၣ်အကလုာ်ကလုာ်ကအိၣ်ဆိးဝဲ ဖဲန့ၣ်ဒီးထံၣ်န့ၢ်တၢ်အိၣ်တဒၢအလီၢ်လၢအကဒုအဖီလာ်န့ၣ်လီၤ.

လံာ်ယဃ့းစက့လး 20:40

ဖဲန့ၣ်လၢကီၢ်ပူၤ, လၢယကစၢၢ်စီဆှံအဒီခိၣ်, ကီၢ်အံၣ်စရ့လးအကစၢၢ်ဖးထီအလိၤန့ၣ်ကယဲၢ်သုဝဲကီၢ် အံၣ်စရ့လးအပှၤဂီၢ်မုၢ်ခဲလၢာ်ကဘူၣ်ထီၣ်ဘါထီၣ်ယၤန့ၣ်လီၤ. ယကသူၣ်မံသးမုာ်လၢသုဃိဒီးယကမုၢ်လၢ်လၢသုကဟဲစိာ် န့ၢ်ယၤသုတၢ်လုၢ်တၢ်ပာ်တဖၣ်, သုတၢ်လုၢ်အဂ့ၤကတၢၢ်တဖၣ်ဒီးသုတၢ်ဟ့ၣ်စီဆှံတဖၣ်န့ၣ်လီၤ.

လံာ်ယဃ့းစက့လး 34:14

ယကဒုးကိာ်လီၤအဝဲသ့ၣ်လၢတၢ်ဘံၣ်တၢ်ဘၢအပူၤလၢ ကီၢ်အံၣ်စရ့လးအကစၢၢ်ကလိအတၢ်ပၢၤခိၣ်တဖၣ်လၢ အအိၣ်ဒီးတပံၢ်တမါအပူၤဒီးလၢတၢ်တြီၤ တဖၣ်အပူၤဒီးလၢကယဲၢ်အီၣ်ဆၣ်အလီၢ်လါဟ့ခဲ လၢာ်အပူၤန့ၣ်လီၤ.

လံာ်ယဃ့းစက့လး 36:30

ယကဒုးသၣ်အါထီၣ်သုသ့ၣ်တဖၣ်လၢအသၣ်ထီၣ်သ့ဒီးသုစံာ်ဧိၤပှဲၤဧိၤ တဖၣ်ဒ်သိးတၢ်သၣ်ဝံၤလီၤဒိလၢအကမၤမဲာ်ဆှးသုလၢပှၤကလုာ် တဖၣ်အကျါသုတအိၣ်လၢၤနီတဘျီတဂ့ၤန့ၣ်လီၤ.

လံာ်ဟိၤၡ့ 3:5

ဘၣ်ဆၣ်ဒီးတၢ်ဆၢကတီၢ်ကဟဲတုၤဃီၤဝဲဖဲကီၢ် အံၣ်စရ့လးအပှၤဂီၢ်မုၢ်ကဃၣ်ကဒါက့ၤကဒီးအသးတဘျီဆူယွၤ, အကစၢ်ယွၤအအိၣ်ဒီးဆူအဝဲသ့ၣ်အစီၤပၤစီၤဒၤဝံးအစၢၤအသွဲၣ် တဂၤအအိၣ်န့ၣ်လီၤ. ဒီးဖဲန့ၣ်အဝဲသ့ၣ်ကအိၣ်ဒီးတၢ်ပျံၤယွၤဒီးကဒိးန့ၢ်ဘၣ်အဝဲ အတၢ်ဟ့ၣ်အဂ့ၤတဖၣ်န့ၣ်လီၤ.

လံာ်ယိၤအ့လး 3:18

လၢအဆၢကတီၢ်ဖဲန့ၣ်, ကစၢၢ်ကလိတဖၣ်ကပှဲၤဝဲဒီးစပံးလီၢ်တဖၣ်, ဒီးဂီၤဘုၣ်ဂီၤဖံးတဖၣ်ကဘၣ်တၢ်ထံၣ်န့ၢ်အီၤလၢကစၢၢ်ကိးဖျၢၣ်ဒဲးအလိၤ, ဒီးထံကယွၤလီၤဝဲအါအါဂီၢ်ဂီၢ်လၢကီၢ်ယူဒၤအထံ ဖိကျိခဲလၢာ်အပူၤန့ၣ်လီၤ. ဒီးထံထီၣ်ပၢၢ်တပူၤကယွၤလီၤဝဲလၢယွၤအတၢ်လုၢ်ဟံၣ် ဒီးကမၤဘၣ်စီၣ်ကီၢ်အဃါယၤအတၢ်တြီၤန့ၣ်လီၤ.

လံာ်ဃးကဲ 2:19

ဘုဧိၤဟုဧိၤမ့ၢ်တအိၣ်တ့ၢ်လၢၤဘၣ်ဆၣ်, စပံးမုၢ်တဖၣ်, ချၢၣ်ဒၢအထူၣ်တဖၣ်, သ့ၣ်သလဲတဖၣ်ဒီးသ့ၣ်စၤယံးတဖၣ်မ့ၢ်တသၣ်ထီၣ်ဒံးဒၣ်လဲာ်, စးထီၣ်ခဲအံၤဒီးဆူညါန့ၣ်ယကဆိၣ်ဂ့ၤသုလီၤ.”

လံာ်စကၤရယၤ 8:12

အဝဲသ့ၣ်ကဖှံလီၤအတၢ်ချံတဖၣ်လၢအတၢ်မုာ်တၢ်ခုၣ်အပူၤလီၤ. အဝဲသ့ၣ်အစပံးမုၢ်တဖၣ်ကသၣ်ထီၣ်စပံးသၣ်တဖၣ်, ဟီၣ်ခိၣ်ကဟ့ၣ်ထီၣ်တၤသူတၤသၣ်တဖၣ်, ဒီးတၢ်စူၤထံကအိၣ်ဝဲ အါမးလီၤ. ယကဟ့ၣ်လီၤတၢ်ဆိၣ်ဂ့ၤတဖၣ်ခဲလၢာ်အံၤဆူ ယပှၤကလုာ်အပှၤဂီၢ်မုၢ်လၢအအိၣ်လီၤတဲာ်တ့ၢ်တဖၣ်လီၤ.

လံာ်ယိၤဟၣ် 16:22

သုတၢ်လဲၤခီဖျိမ့ၢ်တၢ်ဒ်သိးအံၤစ့ၢ်ကီးန့ၣ်လီၤ. အခဲအံၤသုသူၣ် အုးသးအုး, ဘၣ်ဆၣ်ယကထံၣ်ကဒီးသု, ဒီးသုသးတဖၣ်ကပှဲၤဒီးတၢ်သူၣ်ခုသးခု, တၢ်သူၣ်ခုသးခု တကလုာ်လၢပှၤဟံးထီၣ်ကွံာ်လၢသုအိၣ်တသ့နီတဂၤဘၣ် န့ၣ်လီၤ.

ရိမ့ၤ 2:4

မ့တမ့ၢ်ဘၣ်ဒီး, မ့ၢ်နမၤတရီတပါကစၢ်ယွၤအတၢ်ဂ့ၤတၢ်ဝါ, အတၢ်ဝံသးစူၤဒီးအတၢ်သူၣ်စူၤသးစူၤလၢအဒိၣ်ဝဲအါဝဲန့ၣ်ဧါ. နသ့ၣ်ညါလၢကစၢ်ယွၤအတၢ်ဂ့ၤတၢ်ဝါကျဲးစၢးဆှၢနၤဆူတၢ်ပီၢ် ယၢ်လီၤက့ၤနသးန့ၣ်လီၤ.

လံာ်လီၣ်ဖျါ 21:4

အဝဲဒၣ်ကထွါကွံာ်မဲာ်ထံခဲလၢာ်လၢအဝဲသ့ၣ်အမဲာ်ချံ အပူၤလီၤ. တၢ်သံတအိၣ်လၢၤဘၣ်, တၢ်သူၣ်အုးသး အုးမ့ၢ်ဂ့ၤ, တၢ်ဟီၣ်တၢ်ယၢၤမ့ၢ်ဂ့ၤ, တၢ်ဆူးတၢ်ဆါမ့ၢ်ဂ့ၤ တအိၣ်ဝဲဒၣ်လၢၤဘၣ်. တၢ်အလီၢ်လံၤတဖၣ်လဲၤပူၤကွံာ် ဝဲဒၣ်လံ.”

လံာ်လီၣ်ဖျါ 7:17

အဂ့ၢ်ဒ်အံၤ, သိဖိတဒုလၢအအိၣ်ဝဲလၢလီၢ်ပစိာ်အခၢၣ်သးန့ၣ် ကမ့ၢ်အဝဲသ့ၣ်အပှၤကွၢ်သိ, ဒီးအဝဲဒၣ်ကဆှၢအဝဲသ့ၣ်ဆူထံ မူထီၣ်ပၢၢ်န့ၣ်လီၤ. ဒီးကစၢ်ယွၤကထွါကွံာ်မဲာ်ထံကိးဖျၢၣ်ဒဲးလၢ အမဲာ်ချံပူၤန့ၣ်လီၤ.”