လံာ်ယံးရမံယၤ 31:10 - Sgaw Karen Common Bible

¹⁰ ယွၤစံးဝဲဒၣ်, “ပှၤကလုာ်သ့ၣ်ဧၢ, ဒိကနၣ်ယၤဒီး တဲဖျါထီၣ် ယတၢ်ကတိၤ တဖၣ်လၢ ပီၣ်လဲၣ်နံၤလၢ ကီၢ်အယံၤတဖၣ်န့ၣ်တက့ၢ်. ယမၤလီၤပြံလီၤပြါတ့ၢ် ယပှၤဂီၢ်မုၢ်, ဘၣ်ဆၣ်ယကထၢဖှိၣ်က့ၤ အဝဲသ့ၣ်, ဒီးကဟုကယာ် အဝဲသ့ၣ်ဒ် ပှၤကွၢ်သိတဂၤ ဟုကယာ်အသိတဖုအသိးန့ၣ်လီၤ.

လံာ်ယံးရမံယၤ 31:10 Iomraidhean Croise

လံာ်တၢ်ကဲထီၣ်အခီၣ်ထံး 10:5

အဝဲသ့ၣ်တဖၣ်မ့ၢ်ပၢ်လၢပျၢၤတဖၣ်လၢပှၤဂီၢ်မုၢ်အိၣ်လၢပီၣ်လဲၣ် ကၢၢ်နံၤဒီးကီးသ့ၣ်တဖၣ်အဖီခိၣ်အဂီၢ်န့ၣ်လီၤ. ပှၤသ့ၣ်တဖၣ်အံၤမ့ၢ်ပှၤလီၤစၢၤလၢစီၤယ့းဖ့းသးဒီးအိၣ်ဝဲ ဆိးဝဲလၢအပှၤကလုာ်ဒၣ်ဝဲဒီးအထံအကီၢ်ဒၣ်ဝဲလီၤဆီဆီ, ဒီးတဖုစုာ်စုာ်န့ၣ်ကတိၤအကျိာ်ဒၣ်ဝဲန့ၣ်လီၤ.

စံးထီၣ်ပတြၢၤ 147:2

ယွၤသူၣ်ထီၣ်ဝ့ၢ်ယရူၤၡလ့ၣ်, အဝဲပာ်ဖှိၣ်က့ၤအံၣ်စရ့လး အပှၤဘၣ်တၢ်စိာ်မၢကဲကုၢ်အီၤန့ၣ်လီၤ.

စံးထီၣ်ပတြၢၤ 23:1

ယွၤမ့ၢ်ယပှၤကွၢ်သိ, တၢ်တမိၣ်န့ၢ်ဘၣ်ယသးလၢတၢ်နီတမံၤဘၣ်.

စံးထီၣ်ပတြၢၤ 72:10

မ်ကီၢ်စပၤနံဒီးကီးတဖၣ်အစီၤပၤတဖၣ် ဟ့ၣ်အီၤလၢတၢ်ဟ့ၣ်, မ်ၡဘၤဒီးစဘၤအစီၤပၤတဖၣ် ဟဲစိာ်တၢ်ဟ့ၣ်တဖၣ်တက့ၢ်.

တၢ်ကတိၤဒိ. 27:23

ကွၢ်ထွဲနသိဒီးဂီၤဖံးတဖၣ်လီၤတံၢ်လီၤဆဲးတသ့ဖဲအသ့တက့ၢ်.

လံာ်ယၡါယၤ 24:14

ပှၤလၢအအိၣ်မူဒံးတဖၣ်ကသးဝံၣ်တၢ်လၢတၢ်သးခုအပူၤလီၤ. ပှၤလၢအအိၣ်လၢမုၢ်နုာ်တဖၣ်ကစံးဘၣ်တဲဘၣ်ဝဲလၢယွၤန့ၣ် ဒိၣ်ဝဲထဲလဲၣ်အဂ့ၢ်လီၤ.

လံာ်ယၡါယၤ 27:12

တၢ်လၢမုၢ်တနံၤန့ၣ်, ယွၤကပာ်ဖှိၣ်က့ၤအပှၤဂီၢ်မုၢ်တဂၤဘၣ် တဂၤစးထီၣ်လၢထံကျိဖရၤသးတုၤဆူကီၢ်အဲၤကူပတူးအကီၢ်ဆၢ လီၤဂာ်ဒ်ပှၤတဂၤနီၤဖးဝဲဘုကၠူၣ်ဒီးအဖ့အသိး န့ၣ်လီၤ.

လံာ်ယၡါယၤ 40:1

“မၤမုာ်ယပှၤဂီၢ်မုၢ်တက့ၢ်.” ပကစၢ်ယွၤစံးဝဲဒၣ်, “မၤမုာ်အဝဲသ့ၣ်တက့ၢ်.”

လံာ်ယၡါယၤ 40:11

အဝဲကဟုကယာ်အသိတဖုဒ်ပှၤကွၢ်သိတဂၤ အသိးလီၤ. ကပာ်ဖှိၣ်သိဖိတဖၣ်တပူၤဃီ ဒီးစိာ်ထီၣ်အီၤလၢအစုဒုၣ်စုတီၤအလိၤ ဒီးကဆှၢအသိအမိၢ်တဖၣ်ကယီကယီလီၤ.

လံာ်ယၡါယၤ 41:1

ကစၢ်ယွၤစံးဝဲ, “ကီၢ်လၢအယံၤတဖၣ်ဧၢ, အိၣ်ဘှီၣ်ကလာ်ဒီးဒိကနၣ်ယၤတက့ၢ်. အိၣ်ကတဲာ်ကတီၤသုသးလၢသုကပာ်ဖျါထီၣ်သုတၢ်ဂ့ၢ်လၢကွီၢ်ဘျီၣ် ပူၤတက့ၢ်. သုကအိၣ်ဒီးသုတၢ်ခွဲးတၢ်ယာ်လၢသုကကတိၤတၢ်အဂီၢ်လီၤ. မ်ပကဟဲပာ်ဖှိၣ်သကိးပသးလၢပကစံၣ်ညီၣ်နီၤဖးမတၤအတၢ်ဘၣ်လဲၣ် န့ၣ်တက့ၢ်.

လံာ်ယၡါယၤ 42:10

သးဝံၣ်ထီၣ်တၢ်သးဝံၣ်အသီတယုၢ်ဆူယွၤတက့ၢ်. ကယဲၢ်တၢ်အိၣ်လၢဟီၣ်ခိၣ်ခဲလၢာ်သ့ၣ်ဧၢ, သးဝံၣ်အတၢ်စံးထီၣ်ပ တြၢၤတက့ၢ်. သုဝဲလၢအလဲၤတၢ်လၢပီၣ်လဲၣ်သ့ၣ်ဧၢ, စံးထီၣ်ပတြၢၤအီၤတ က့ၢ်. ကယဲၢ်ပှၤလၢအအိၣ်လၢထံယံၤကီၢ်ယံၤခဲလၢာ်သ့ၣ်ဧၢ, သးဝံၣ်ထီၣ်တက့ၢ်.

လံာ်ယၡါယၤ 42:4

တုၤလၢအဝဲဒုးအိၣ်ထီၣ်ဂၢၢ်ကျၢၤတၢ်စံၣ်ညီၣ်တီလၢဟီၣ်ခိၣ်အံၤ တစုန့ၣ်တပျဲတၢ်မုၢ်လၢ်မ့ၢ်ဂ့ၤတၢ်သူၣ်ဒူသးဒူမ့ၢ်ဂ့ၤကလီၤ မၢ်ကွံာ်န့ၣ်ဘၣ်. အဂ့ၢ်ဒ်အံၤ, ကီၢ်လၢအယံၤတဖၣ်အိၣ်ခိးကွၢ်လၢ်အတၢ်သိၣ်လိလၢတၢ် သူၣ်ဆူၣ်သးဂဲၤအပူၤလီၤ.”

လံာ်ယၡါယၤ 48:20

ဟးထီၣ်လၢဝ့ၢ်ဘၤဘူၤလိၣ်တက့ၢ်. ဟးထီၣ်လၢတၢ်သဘျ့ အပူၤတက့ၢ်. ကိးပသူထီၣ်တၢ်ကစီၣ်လၢတၢ်သးခုအပူၤဒီးဘိးဘၣ်သ့ၣ်ညါအီၤ လၢတၢ်လီၢ်ကိးပူၤဒဲးတက့ၢ်. “ယွၤအုၣ်က့ၤခီၣ်က့ၤတ့ၢ်အခ့အပှၤအံၣ်စရ့လးလံ.”

လံာ်ယၡါယၤ 54:7

“ယပာ်တ့ၢ်နၤထဲဆၢကတီၢ်တစိၢ်ဖိနာ်က့, လၢတၢ်အဲၣ်အဒိၣ်အယိာ်အပူၤ ယကဟံးန့ၢ်က့ၤနၤန့ၣ်လီၤ.

လံာ်ယၡါယၤ 60:9

အဝဲသ့ၣ်မ့ၢ်ကဘီတဖၣ်လၢအဟဲလၢ ထံကီၢ်အယံၤတဖၣ်, ဟဲက့ၤစိာ်ကဒါက့ၤကစၢ်ယွၤအပှၤဂီၢ်မုၢ်ဆူဟံၣ်န့ၣ်လီၤ. အဝဲသ့ၣ်ဟဲစိာ်ဃုာ်စ့ဒီးထူဒ်သိးကမၤလၤကပီၤယွၤ, အံၣ်စရ့လးအကစၢ်ယွၤစီဆှံအမံၤလီၤ. အဝဲမ့ၢ်ကစၢ်လၢအမၢပှၤကိးကလုာ်ဒဲး မၤလၤကပီၤအပှၤဂီၢ်မုၢ်န့ၣ်လီၤ.

လံာ်ယၡါယၤ 66:19

ဒီးကသ့ၣ်ညါဝဲလၢယမ့ၢ်ပှၤတဂၤလၢအစံၣ်ညီၣ်အဝဲသ့ၣ်န့ၣ်လီၤ. ဘၣ်ဆၣ်ယကပျဲဖျဲးကွံာ်အဝဲသ့ၣ်တနီၤ, ဒီးဆှၢအဝဲသ့ၣ်ဆူပှၤကလုာ်တဖၣ်အအိၣ်ဒီးဆူထံကီၢ်အယံၤ တဖၣ်လၢအတနၢ်ဟူတ့ၢ်ဘၣ်ယတၢ်မံၤဟူသၣ်ဖျါမ့ၢ်ဂ့ၤ တထံၣ်တ့ၢ်ဘၣ်ယတၢ်ဒိၣ်တၢ်မုၢ်ဒီးယတၢ်စိတၢ်ကမီၤမ့ၢ်ဂ့ၤ ဒ်, ကီၢ်စပၤနံ, ကီၢ်လံးဘယၣ်, ဒီးကီၢ်လူၤဒံ, လၢအအိၣ်ဒီးအပှၤခးချံၣ်သ့တဖၣ်, ဒီးဆူကီၢ်တူၤဘလးဒီးကီၢ်ကြံး(စ်) န့ၣ်လီၤ. လၢပှၤကလုာ်တဖၣ်အံၤအကျါန့ၣ်, အဝဲသ့ၣ်ကစံးဘၣ်တဲဘၣ် ယတၢ်ဒိၣ်တၢ်မုၢ်န့ၣ်လီၤ.

လံာ်ယံးရမံယၤ 23:4

ယကဃုထၢပာ်လီၤပှၤပၢတၢ်တဖၣ်လၢကကဟုကယာ်အဝဲသ့ၣ် အဂီၢ်န့ၣ်လီၤ. ယပှၤဂီၢ်မုၢ်အံၤတပျံၤတၢ်လၢၤဘၣ်ဒီးတဘၣ်ယိၣ် ဘၣ်ဘီတၢ်လၢၤဘၣ်, ဒီးယတစံၣ်ညီၣ်ကဒီးအဝဲသ့ၣ်လၢၤဘၣ်. ယၤ, ယွၤအံၤ, ကတိၤလံတၢ်လံ.”

လံာ်ယံးရမံယၤ 25:22

စီၤပၤခဲလၢာ်လၢ ဝ့ၢ်ထါယၢၣ်ဒီး စံဒိၣ်,

လံာ်ယံးရမံယၤ 3:15

ယကဟ့ၣ်လီၤသုလၢပှၤပၢတၢ်တဖၣ်လၢအစူၢ်ယၤ, ဒီးအဝဲသ့ၣ်ကပၢသုလၢတၢ်ကူၣ်သ့ဒီးတၢ် သ့ၣ်ညါနၢ်ပၢၢ်အပူၤန့ၣ်လီၤ.

လံာ်ယံးရမံယၤ 50:17

ယွၤစံးဝဲဒၣ်, “ကီၢ်အံၣ်စရ့လးအပှၤဂီၢ်မုၢ်လီၤဂာ်ဒ်သိတဖၣ် လၢဘၣ်တၢ်လူၤအီၤဒီးမၤလီၤပြံလီၤပြါအီၤလၢ ခ့ယုၢ်တဖၣ်အသိး န့ၣ်လီၤ. အဆိကတၢၢ်, အဝဲသ့ၣ်ဘၣ်တၢ်ဒုးအီၤလၢ ကီၢ် အၤၡူၢ်အစီၤပၤဖးဒိၣ်, ဝံၤဒီး ကီၢ်ဘၤဘူၤလိၣ်အစီၤပၤ နဘူၤကးန့စၢ်အ့ၣ်သဘှံးကွံာ်အဝဲသ့ၣ်အဃံအကွဲတဖၣ်န့ၣ်လီၤ.

လံာ်ယံးရမံယၤ 50:19

ကဒုးအိၣ်ကဒါက့ၤ ကီၢ်အံၣ်စရ့လးအပှၤဂီၢ်မုၢ်လၢအထံလီၢ်ကီၢ်ပူၤလီၤ. အဝဲသ့ၣ်ကအီၣ်တၢ်အီၣ်လၢအမဲထီၣ်သၣ်ထီၣ်ဝဲ လၢကစၢၢ်ကၢ်မ့ၤလးအလိၤဒီးလၢအလီၢ်ကဝီၤတဖၣ်အပူၤဒီး အဝဲသ့ၣ်ကအီၣ်တၢ်ခဲလၢာ်လၢ အသးအိၣ်အီၣ်ဝဲ, လၢအမဲထီၣ်သၣ်ထီၣ်ဝဲလၢအ့ဖရဲၣ်ဒီးကံးလဧးအလီၢ်ကဝီၤတဖၣ် အပူၤန့ၣ်လီၤ.

လံာ်ယဃ့းစက့လး 11:16

ခဲကနံၣ်အံၤ, တၢ်လၢယစံးယဲန့ၣ်, စံးဘၣ်တဲဘၣ်ပှၤတဖၣ်လၢအဘၣ် တၢ်စိာ်မၢကဲကုၢ်သကိးဒီးနၤတက့ၢ်. ယမ့ၢ်ပှၤတဂၤလၢအဆှၢလီၤအဝဲသ့ၣ်လၢကလဲၤအိၣ်လဲၤဆိးလၢပှၤ ကလုာ်လၢအယံၤတဖၣ်အကျါ, ဒီးမၤလီၤပြံလီၤပြါအဝဲသ့ၣ်လၢထံဂုၤကီၢ်ဂၤတဖၣ်အပူၤန့ၣ်လီၤ. သနာ်က့, လၢတၢ်ဆၢကတီၢ်ဒ်အံၤအပူၤန့ၣ်, ယကအိၣ်လၢအဝဲသ့ၣ် အသိးအကျါလၢထံကီၢ်တဖၣ်လၢအဝဲသ့ၣ်လဲၤတ့ၢ်လံဝဲအပူၤန့ၣ်လီၤ.

လံာ်ယဃ့းစက့လး 20:34

ယကဒုးနဲၣ်သုလၢယစိကမီၤဒီးယတၢ်သးဒိၣ်ထီၣ်ဖဲယပာ်ဖှိၣ်က့ၤ သုတပူၤဃီဒီးဟဲက့ၤစိာ်ကဒါက့ၤသုလၢကယဲၢ်ထံကီၢ်တဖၣ်ဖဲ သုဘၣ်တၢ်မၤလီၤပြံလီၤပြါတ့ၢ်သုန့ၣ်လီၤ.

လံာ်ယဃ့းစက့လး 34:12

ဒ်ကျဲတဘိဃီလၢပှၤကွၢ်သိတဂၤအံးထွဲကွၢ်ထွဲအသိတဖၣ်လၢ အလီၤပြံလီၤပြါဒီးဟဲက့ၤစိာ်ကဒါက့ၤကဒီးအဝဲသ့ၣ်တပူၤဃီ အသိးန့ၣ်လီၤ. ယကဟဲက့ၤစိာ်ကဒါက့ၤအဝဲသ့ၣ်လၢကယဲၢ် တၢ်လီၢ်တဖၣ်လၢအဝဲသ့ၣ်လီၤပြံလီၤပြါတ့ၢ်ဖဲမုၢ်တနံၤလၢ အခံးသူဒီးပှဲၤဒီးတၢ်တတၢးတနါန့ၣ်လီၤ.

လံာ်ယဃ့းစက့လး 37:24

စီၤပၤတဂၤလၢအလီၤဂာ်ဒီးယခ့ယပှၤစီၤဒၤဝံးကမ့ၢ်အဝဲသ့ၣ် အစီၤပၤန့ၣ်လီၤ. အဝဲသ့ၣ်ကအိၣ်ဃူအိၣ်ဖိးလၢ ပှၤပၢတၢ်တဂၤဃီအဖီလာ်ဒီးကစူၢ်ယတၢ်ဘူၣ်တၢ်ဘါအတၢ် သိၣ်တၢ်သီတဖၣ်လၢတၢ်သးတီအပူၤန့ၣ်လီၤ.

လံာ်ယဃ့းစက့လး 5:10

မၤသးဒ်န့ၣ်ဒီး, မိၢ်ပၢ်တဖၣ်လၢဝ့ၢ်ယရူၤရှလ့ၣ်အပူၤကအီၣ်အဖိ တဖၣ်, ဒီးအဖိတဖၣ်ကအီၣ်အမိၢ်ပၢ်တဖၣ်န့ၣ်လီၤ. ယကစံၣ်ညီၣ်နၤဒီးပှၤလၢအအိၣ်မူလီၤတဲာ်တဖၣ်န့ၣ်, ယကမၤလီၤပြံလီၤပြါအီၤဆူကလံၤကျိၤကိးကျိၤဒဲးန့ၣ်လီၤ.

လံာ်ယဃ့းစက့လး 5:2

တုၤတၢ်ကဝီၤဃာ်ဝ့ၢ်ဝံၤဝဲဒီး, သၢပူတပူၤန့ၣ်ဆူးထီၣ်ကွံာ် အီၤလၢဝ့ၢ်အသးကံၢ်ပူၤတက့ၢ်. ဟံးန့ၢ်အဂၤသၢပူတပူၤဒီးဒီၣ်တဲာ်ကွံာ်အီၤလၢနနးဖဲနသုး ထီၣ်သုးလီၤနသးဝးတရံးဝ့ၢ်အချၢအခါန့ၣ်တက့ၢ်. အိၣ်တီၢ်သၢပူတပူန့ၣ်, မၤလီၤပြံလီၤပြါအီၤလၢကလံၤကျါ, ဒီးယကလူၤထွဲအီၤလၢယနးန့ၣ်လီၤ.

လံာ်ဒၤနံးယ့လး 11:18

တၢ်န့ၣ်အလီၢ်ခံကလဲၤဒုးဝဲထံကီၢ်တဖၣ်လၢပီၣ်လဲၣ်အနံၤဒီး မၤန့ၢ်ဝဲတဘျုးကီၢ်န့ၣ်လီၤ. ဘၣ်ဆၣ်ဒီးသုးခိၣ်လၢတခီထံ တခီကီၢ်တဂၤကမၤဃၣ်ကွံာ်အီၤဒီးကဆိကတီၢ်ကွံာ်အတၢ်ပာ် ဒိၣ်ပာ်ထီအသးန့ၣ်လီၤ. ဒီးဃါမနၤန့ၣ်, ကီၢ်စူၤရံအစီၤပၤကဒိးဘၣ်အတၢ် ပာ်ဒိၣ်ပာ်ထီအသးအဘူးအလဲန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 26:33

ဒီးယကဟဲစိာ်တၢ်ဒုးတၢ်ယၤဒီးသုကလီၤပြ လီၤပြါဆူပှၤကလုာ်ဂၤအကျါလီၤ. သုထံဧိၤကီၢ်ဧိၤကအိၣ်သယုၢ်ဒီးသုဝ့ၢ်တဖၣ်ကအိၣ်လၢတၢ်ဟးဂီၤ အပူၤန့ၣ်လီၤ.

လံာ်မံကၤ 2:12

“ဘၣ်ဆၣ်ဒီးယကထၢဖှိၣ်က့ၤကီၢ်အံၣ်စရ့လးအပှၤဂီၢ်မုၢ်လၢ အအိၣ်လီၤတဲာ်တ့ၢ်တဖၣ်တပူၤဃီလီၤ. ယကဟဲက့ၤစိာ်သုဆူ တၢ်လီၢ်တပူၤဃီဒ်သိလၢအဟဲက့ၤဆူသိကရၢၢ်ပူၤအသိးလီၤ. ဒ်အီၣ်ဆၣ်အလီၢ်တဖၣ်အိၣ်ပှဲၤဝဲလၢသိတဖၣ်အသိးန့ၣ်သု ကီၢ်အံၤကပှဲၤကဒီးတဘျီလၢပှၤဂီၢ်မုၢ်တဖၣ်လီၤ”.

လံာ်မံကၤ 4:6

ယွၤစံးဝဲဒၣ်, “အကတီၢ်တုၤဝဲလၢယကပာ်ဖှိၣ်က့ၤပှၤဂီၢ်မုၢ်တ ဖၣ်လၢယစံၣ်ညီၣ်တ့ၢ်အီၤဒီးပှၤလၢအတူၢ်ဘၣ်တၢ်လၢတၢ်စိာ်မၢကဲ ကုၢ်အပူၤတဖၣ်လီၤ.

လံာ်မံကၤ 5:4

တုၤအဝဲဟဲန့ၣ်, ကပၢအပှၤဂီၢ်မုၢ်အိၣ်ဒီးတၢ်ဂံၢ်တၢ်ဘါဟဲလၢ ယွၤအိၣ်ဒီးကစၢ်ယွၤအကစၢ်ဒၣ်ဝဲအကဟုကညီၢ်န့ၣ်လီၤ. အပှၤဂီၢ်မုၢ်ကအိၣ်ဝဲဆိးဝဲလၢတၢ်ပူၤဖျဲးအပူၤလီၤ. အဂ့ၢ်ဒ်အံၤ, ကယဲၢ်ပှၤဂီၢ်မုၢ်လၢဟီၣ်ခိၣ်ချၢကအၢၣ်လီၤအီၤလီၤအတၢ်ဒိၣ်တၢ်မုၢ်,

လံာ်စဖါနယၤ 2:11

ယွၤကမၤပျံၤမၤဖုးအဝဲသ့ၣ်လီၤ. အဝဲကမၤဆံးလီၤစှၤလီၤကစၢ်တဖၣ်လၢဟီၣ်ခိၣ်ချၢဒီဘ့ၣ်ဆူတၢ် နီတမံၤအပူၤန့ၣ်လီၤ. တုၤနုၤတစုပှၤကလုာ်ခဲလၢာ်ကဘူၣ်ထီၣ်ဘါထီၣ်အီၤလၢအထံအကီၢ် ဒၣ်ဝဲအပူၤန့ၣ်လီၤ.

လံာ်စဖါနယၤ 3:19

ကွၢ်ကွၢ်, အကတီၢ်ဖဲန့ၣ် ယကစံၣ်ညီၣ်ပှၤမၤအၢမၤနးနၤတဖၣ်, ယကအုၣ်က့ၤခီၣ်က့ၤကယဲၢ်ပှၤခီၣ်ဟးဂီၤ, ဒီးဟဲက့ၤစိာ်ပှၤဘၣ်တၢ်စိာ်မၢကဲကုၢ်အီၤ တဖၣ်ဆူဟံၣ်န့ၣ်လီၤ. ယကလဲလိာ်ကွံာ်အတၢ်မဲာ်ဆှးဆူတၢ်လၤတၢ်ကပီၤ, ဒီးကယဲၢ်ပှၤဟီၣ်ခိၣ်ဖိခဲလၢာ်ကစံးထီၣ်ပတြၢၤ အဝဲသ့ၣ်လီၤ.

လံာ်စကၤရယၤ 10:8

ယကကိးယပှၤဂီၢ်မုၢ်, ဒီးပာ်ဖှိၣ်က့ၤအဝဲသ့ၣ်တပူၤဃီလီၤ. ယကမၤပူၤဖျဲးအဝဲသ့ၣ် ဒီးမၤအါထီၣ်ဂီၢ်ထီၣ်အဝဲသ့ၣ်ဒ်အညီနုၢ် အဝဲသ့ၣ်မ့ၢ်တ့ၢ်ဝဲအသိးန့ၣ်လီၤ.

လံာ်စကၤရယၤ 2:6

ယွၤစံးဘၣ်အပှၤဂီၢ်မုၢ်, “ယမၤလီၤပြံလီၤပြါတ့ၢ်သုလၢမူ ပၤလွံၢ်ထံးန့ၣ်လီၤ.

လံာ်စကၤရယၤ 9:16

ဖဲမုၢ်နံၤဝဲန့ၣ်တုၤဃီၤန့ၣ်, ယွၤကအုၣ်က့ၤခီၣ်က့ၤ အပှၤဂီၢ်မုၢ်, ဒ်ပှၤကွၢ်သိတဂၤအုၣ်က့ၤခီၣ်က့ၤအသိတဖုလၢ တၢ်အၢတၢ်သီအပူၤအသိးန့ၣ်လီၤ. အဝဲသ့ၣ်ကကပီၤထီၣ်လၢယွၤအထံအကီၢ်အပူၤ ဒ်ခိၣ်သလုးတဖျၢၣ်အတၢ်မျၢ်ပလဲတဖၣ် အသိးန့ၣ်လီၤ.

လံာ်လူၤကၣ် 12:32

သိလၢအစှၤတဖုဧၢ, ပျံၤတၢ်တဂ့ၤ. အဂ့ၢ်ဒ်အံၤ, သုပၢ်ဘၣ်အသးလၢအကဟ့ၣ်သုဘီမုၢ်န့ၣ်လီၤ.

လံာ်ယိၤဟၣ် 10:27

ယသိတဖၣ်ဒိကနၣ်ယကလုၢ်, ယသ့ၣ်ညါအီၤဒီးအဝဲသ့ၣ်ပိာ်ယခံလီၤ.

လံာ်ယိၤဟၣ် 11:52

ဒီးတမ့ၢ်ထဲပှၤတကလုာ်ဧိၤန့ၣ်အဂီၢ်ဘၣ်. မ့ၢ်စ့ၢ်ကီးလၢအကထုးဖှိၣ်ပာ်ဖှိၣ်က့ၤကစၢ်ယွၤအပှၤဂီၢ်မုၢ် လၢအလီၤပြံလီၤပြါတဖၣ်ဒ်သိးအကကဲထီၣ်က့ၤပှၤတဖုဃီ အဂီၢ်န့ၣ်လီၤ.

လံာ်သိၣ်လီၤသီလီၤတၢ် 30:4

သုမ့ၢ်လီၤပြံလီၤပြါလၢဟီၣ်ခိၣ်အသနၢၣ်အယံၤကတၢၢ်တဖၣ်ဒၣ်လဲာ် န့ၣ်, ယွၤ, သုကစၢ်ယွၤကပာ်ဖှိၣ်က့ၤသုတပူၤဃီဒီးဟဲ က့ၤစိာ်ကဒါက့ၤသု,

လံာ်သိၣ်လီၤသီလီၤတၢ် 32:26

ယကမၤဟးဂီၤကွံာ်အဝဲသ့ၣ်လၢာ်လၢာ်ဆ့ဆ့တုၤဒၣ်လဲာ်ပှၤတသ့ၣ် နီၣ်ထီၣ်က့ၤဘၣ်အဝဲသ့ၣ်နီတဂၤဘၣ်.