လံာ်ယံးရမံယၤ 30:7 - Sgaw Karen Common Bible

⁷ တၢ်လီၤပျံၤလီၤဖုးအမုၢ်တနံၤဟဲဝဲလံ. မုၢ်နံၤအဂၤတၢ်ထိၣ်သတြီဒီး အီၤတသ့ဘၣ်. မ့ၢ်တၢ်ဆၢကတီၢ်အကိၢ်အဂီၤလၢ ယပှၤဂီၢ်မုၢ်အဂီၢ်လီၤ. ဘၣ်ဆၣ် အဝဲသ့ၣ်ကအိၣ်မူလီၤတဲာ်ဒံးဝဲလီၤ.”

လံာ်ယံးရမံယၤ 30:7 Iomraidhean Croise

လံာ်တၢ်ကဲထီၣ်အခီၣ်ထံး 32:7

စီၤယၤကိာ်ပျံၤတၢ်ဒီးဘၣ်ကိၢ်ဘၣ်ဂီၤဝဲလီၤ. ဒီးနီၤဖးလီၤဝဲပှၤလၢအအိၣ်ဒီးအီၤတဖၣ်န့ၣ်ခံဖုဒီးပှၤလၢ အကွၢ်ထွဲသိ, မဲာ်တဲးလဲး, ဒီးဂီၤဘုၣ်ဂီၤဖံးဒီးကီၤလၤအူးတဖၣ်န့ၣ်လီၤ.

စံးထီၣ်ပတြၢၤ 25:22

ကစၢ်ယွၤဧၢ, မၤပူၤဖျဲးနပှၤဂီၢ်မုၢ်အံၣ်စရ့လး လၢအတၢ်ကိၢ်တၢ်ဂီၤခဲလၢာ်အပူၤန့ၣ်တက့ၢ်.

စံးထီၣ်ပတြၢၤ 34:19

ပှၤတီပှၤလိၤတူၢ်ဘၣ်တၢ်ကိၢ်တၢ်ဂီၤအါမံၤ, ဘၣ်ဆၣ်ယွၤမၤပူၤဖျဲးအီၤလၢ တၢ်အံၤခဲလၢာ်အပူၤန့ၣ်လီၤ.

လံာ်ယၡါယၤ 20:6

ဖဲတၢ်ဆၢကတီၢ်န့ၣ်ဟဲဝဲဒီး, ပှၤလၢအအိၣ်လၢကီၢ်ဖလ့ၡသး အပီၣ်လဲၣ်ကၢၢ်နံၤတဖၣ်ကစံးဝဲ, ကွၢ်တၢ်လၢအမၤတ့ၢ်အသး ဒီးပှၤတကလုာ်လၢပသန့ၤပသးလၢအီၤလၢကဒီဒၣ်အိၣ်ပှိၤပှၤလၢ ကီၢ်အၤၡူၢ်အစီၤပၤဖးဒိၣ်အဂီၢ်န့ၣ်တက့ၢ်. ပအိၣ်မူကသ့ဒံးဝဲလၢကျဲဒ်လဲၣ်.”

လံာ်ယံးရမံယၤ 14:8

နမ့ၢ်ကီၢ်အံၣ်စရ့လးအတၢ်မုၢ်လၢ်ထဲတမံၤဧိၤလီၤ. နမ့ၢ်ပှၤထဲတဂၤဧိၤလၢအအုၣ်က့ၤခီၣ်က့ၤပှၤလၢ တၢ်တတၢးတနါန့ၣ်လီၤ. ဘၣ်မနုၤအဃိနလီၤဂာ်ဒ်ပှၤစီစၣ်တဂၤအသိးလၢပထံပကီၢ်အပူၤ, နလီၤဂာ်ဒ်ပှၤလဲၤတၢ်ဖိတဂၤအသိးလၢအအိၣ်ဝဲဆိးဝဲထဲတနၤဧိၤန့ၣ်လဲၣ်.

လံာ်ယံးရမံယၤ 2:27

သုဝဲခဲလၢာ်သုဝဲလၢအစံးသ့ၣ်တထူၣ်မ့ၢ်သုပၢ်ဒီးလၢၢ်တထူၣ်မ့ၢ် သုမိၢ်န့ၣ်ကဘၣ်တၢ်မၤမဲာ်ဆှးအီၤန့ၣ်လီၤ. တၢ်အံၤကမၤအသးမ့ၢ်လၢသုဃၣ်ကွံာ် သုသးလၢယၤဒီးသုတဃၣ်ဃီၤဘၣ်သုသးဆူ ယအိၣ်ဘၣ်အဃိလီၤ. ဘၣ်ဆၣ်ဒီးဖဲသုဘၣ်တၢ်ကီတၢ်ခဲန့ၣ်, သုဃ့ကညးလၢယကဟဲဒီးအုၣ်က့ၤခီၣ်က့ၤသုအဂီၢ်န့ၣ်လီၤ.

လံာ်ယံးရမံယၤ 2:28

ကစၢ်တဖၣ်လၢသုမၤအီၤလၢသုဂီၢ်ဒၣ်ဝဲန့ၣ်, မ့ၢ်အအိၣ်ဖဲလဲၣ်. ဖဲသုအိၣ်လၢတၢ်ကီတၢ်ခဲအပူၤန့ၣ်, အဝဲသ့ၣ်မၤဝဲမ့ၢ်သ့ဒီး မ်အဝဲသ့ၣ်အုၣ်က့ၤခီၣ်က့ၤသုတက့ၢ်. ကီၢ်ယူဒၤဧၢ, နအိၣ်ဒီးနကစၢ်တဖၣ်အါအါဂီၢ်ဂီၢ်ပှဲၤသိးနအိၣ်ဒီးနဝ့ၢ်တဖၣ်န့ၣ်လီၤ.

လံာ်ယံးရမံယၤ 30:10

ယပှၤဂီၢ်မုၢ်သ့ၣ်ဧၢ, ပျံၤတၢ်ဖုးတၢ်တဂ့ၤ. ကီၢ်အံၣ်စရ့လးအပှၤဂီၢ်မုၢ်သ့ၣ်ဧၢ, အိၣ်ဒီး တၢ်ပျံၤတၢ်ဖုးတဂ့ၤ. ယကအုၣ်က့ၤခီၣ်က့ၤသုလၢ ထံကီၢ်လၢအယံၤဝဲန့ၣ်, ထံကီၢ်ဖဲသုမ့ၢ်ပှၤဘၣ်တၢ်စိာ်မၢကဲကုၢ်တဖၣ်န့ၣ်လီၤ. သုကဟဲက့ၤကဒါက့ၤဆူ ဟံၣ်ဒီး အိၣ်မုာ်အိၣ်ခုၣ် ဘၣ်န့ၣ်လီၤ. တၢ်အၢတဘၣ်သုဘၣ်ဒီး ပှၤတမၤပျံၤမၤဖုးသု နီတဂၤဘၣ်.

လံာ်သးသယုၢ်တၢ် 1:12

ကိးပသူထီၣ်ဝဲဆူကယဲၢ်ပှၤလဲၤတြူာ် လၢကျဲပူၤတဖၣ်အအိၣ်, “ကွၢ်ဃီၤယၤတက့ၢ်. ပှၤတဘၣ်ဒိဆါတ့ၢ်ဒ်ယၤနီတဂၤဘၣ်. တၢ်ဘၣ်ဒိဆါအံၤယွၤဒုးလီၤဘၣ်လၢယလိၤ ဖဲအသးဒိၣ်ဝဲအကတီၢ်န့ၣ်လီၤ.

လံာ်သးသယုၢ်တၢ် 2:13

ဝ့ၢ်ယရူၤၡလ့ၣ်, ဝ့ၢ်ယရူၤၡလ့ၣ်လၢဘၣ်တၢ်အဲၣ်အီၤဧၢ, ယစံးတၢ်မနုၤကသ့လဲၣ်. ယမၤမုာ်ထီၣ်နၤကသ့ဒ်လဲၣ်. ပှၤတတူၢ်ဘၣ်တၢ်ဒ်သိးအံၤနီတဂၤဘၣ်. နတၢ်နးတၢ်ဖှီၣ်န့ၣ်အကတၢၢ်တအိၣ်ဘၣ်ဒ်ပီၣ်လဲၣ်ဖးဒိၣ်အသိးဒီး တၢ်မုၢ်လၢ်အိၣ်ထီၣ်တသ့ဘၣ်နီတမံၤဘၣ်.

လံာ်သးသယုၢ်တၢ် 4:6

ယပှၤဂီၢ်မုၢ်ဘၣ်တၢ်စံၣ်ညီၣ်ဆါဒိၣ်န့ၢ်ဒံးပှၤအိၣ်လၢဝ့ၢ်စဒိၣ်အပူၤ တဖၣ်, လၢအဘၣ်သဂၢၢ်ဒီးတၢ်လီၤပှီၢ်သတူၢ်ကလာ်လၢကစၢ်ယွၤအစုတဖၣ်အတၢ် မၤအဃိန့ၣ်လီၤ.

လံာ်ဒၤနံးယ့လး 12:1

မူခိၣ်ကလူးလၢအသိးဆ့ဖှီဝါကဆှၣ်စံးဝဲ, “အကတီၢ်ဖဲန့ၣ် မူခိၣ်ကလူးဖးဒိၣ်မံၤက့လး, ပှၤလၢအပၢၤဃးနပှၤဂီၢ်မုၢ်က အိၣ်ဖျါထီၣ်ဝဲလီၤ. ဒီးဖဲန့ၣ်တၢ်ကီတၢ်ခဲတဖၣ် အကတီၢ်ကတုၤဝဲ, တၢ်ကီတၢ်ခဲအနးကတၢၢ် လၢအတမၤတ့ၢ်အသးဒံးဘၣ်, စးထီၣ်လၢပှၤတကလုာ်ကဲ ထီၣ်ဝဲတုၤမုၢ်တနံၤန့ၣ်လီၤ. ဘၣ်ဆၣ်ဒီးအကတီၢ်ဖဲန့ၣ်န့ၣ်, နပှၤဂီၢ်မုၢ်ကဘၣ်တၢ်မၤပူၤဖျဲးအီၤ, ကယဲၢ်ပှၤလၢအမံၤအိၣ်ကွဲးအသး လၢကစၢ်ယွၤအလံာ်ပူၤန့ၣ်ကတုၤလၢတၢ်အုၣ်က့ၤခီၣ်က့ၤန့ၣ်လီၤ.

လံာ်ဒၤနံးယ့လး 9:12

နမၤတ့ၢ်တၢ်လၢနစံးတ့ၢ်နကမၤအီၤလၢပလိၤဒီးပပှၤပၢတၢ် တဖၣ်အလိၤန့ၣ်လီၤ. နစံၣ်ညီၣ်တ့ၢ်ဝ့ၢ်ယရူၤၡလ့ၣ်နးဒိၣ်န့ၢ်ဒံး ဝ့ၢ်အဂုၤအဂၤလၢဟီၣ်ခိၣ်ချၢ,

လံာ်ဟိၤၡ့ 1:11

ကီၢ်ယူဒၤအပှၤဂီၢ်မုၢ်ဒီးကီၢ်အံၣ်စရ့လးအပှၤဂီၢ်မုၢ်သ့ၣ်တဖၣ် ကပာ်ဖှိၣ်က့ၤကဒီးအသးန့ၣ်လီၤ. အဝဲသ့ၣ်ကဃုထၢပှၤအခိၣ်တ ဂၤလၢအဂီၢ်ဒၣ်ဝဲဒီးအဝဲသ့ၣ်ကဒိၣ်ထီၣ်အါထီၣ်ကဒီးအသီတ ဘျီဒီးကဘီၣ်ထီၣ်ညီထီၣ်လၢအထံအကီၢ်အပူၤန့ၣ်လီၤ. မ့ၢ်လီၤ, ယံးစရ့လးအမုၢ်တနံၤကမ့ၢ်မုၢ်နံၤအဒိၣ်တနံၤန့ၣ်လီၤ.

လံာ်ယိၤအ့လး 1:15

ကစၢ်အမုၢ်နံၤ, မုၢ်တနံၤလၢသ့တၢ်လၢာ်ကစၢ်ကဟဲမၤဟးဂူာ်ဟးဂီၤတၢ်န့ၣ်ဘူး ထီၣ်လံ. မုၢ်နံၤအဝဲန့ၣ်မ့ၢ်တၢ်လီၤပျံၤလီၤဖုးအမုၢ်နံၤလီၤ.

လံာ်ယိၤအ့လး 1:2

ပှၤသူၣ်က့သးပှၢ်သ့ၣ်ဧၢ, ကနၣ်တၢ်အံၤ, ဒီးပှၤတဂၤလၢ်လၢ်လၢကီၢ် ယူဒၤဧၢ, ဒိကနၣ်တက့ၢ်. မ့ၢ်တၢ်ဒ်သိးအံၤမၤအသးတဘျီဘျီလၢသုဆၢသုကတီၢ်မ့ၢ်ဂ့ၤ, သုပၢ်တဖၣ်အဆၢကတီၢ်မ့ၢ်ဂ့ၤန့ၣ်ဧါ.

လံာ်ယိၤအ့လး 2:11

ယွၤဟ့ၣ်လီၤအကလုၢ်ဆူအသုးမုၢ်အအိၣ်န့ၣ်လီၤ. သုးမုၢ်သံၣ်ဘိတဖၣ်လၢဒိကနၣ်အီၤန့ၣ်အိၣ် ဂီၢ်မုၢ်ဂီၢ်ပၤဒီးအဂံၢ်အဘါဆူၣ်ဒိၣ်မးလီၤ. ယွၤအမုၢ်တနံၤန့ၣ်လီၤပျံၤလီၤဖုးဒိၣ်မး ဒီးမ့ၢ်မတၤပူၤဖျဲးသ့တဂၤလဲၣ်.

လံာ်ယိၤအ့လး 2:31

တချုးလၢယွၤအမုၢ်နံၤလၢအလီၤပျံၤလီၤ ဖုးဖးဒိၣ်ဟဲဝဲဒံးဘၣ်န့ၣ်မုၢ်ကခံးလီၤဝဲ, ဒီးလါန့ၣ်ကလဲလိာ်အသးဆူအလွဲၢ်ဂီၤဒ်တၢ်သွံၣ်အသိးန့ၣ်လီၤ.

လံာ်မံကၤ 4:9

ဘၣ်မနုၤနကိးပသူထီၣ်လၢနကလုၢ်ဖးဒိၣ်လဲၣ်. ဘၣ်မနုၤအဃိန တူၢ်တၢ်ဒ်ပိာ်မုၣ်လၢတၢ်ဟုးဆါအပူၤန့ၣ်လဲၣ်. မ့ၢ်နစီၤပၤတအိၣ်နီတဂၤအဃိဧါ. နပှၤကူၣ်လိာ်တၢ်တဖၣ်သံလံဧါ.

လံာ်ဃဘးကူာ် 3:16

ယနၢ်ဟူကယဲၢ်တၢ်အံၤခဲလၢာ်, ဒီးယကနိးကစုာ်ယဲလီၤ. ယထးခိၣ်ဝးဝဲလၢတၢ်ပျံၤတၢ်ဖုးလီၤ. ယနီၢ်ခိလဲၤကပံၢ်ကပၢ် ဒီးယခီၣ်ဘၣ်တိၢ်လၢယခီၣ်ထံးလီၤ. ယကအိၣ်ဃိကလာ်ဒီးအိၣ်ခိးတၢ်ဆၢကတီၢ် ဖဲကစၢ်ယွၤကစံၣ်ညီၣ်ပှၤလၢအဒုးတၢ် ထီဒါပှၤတဖၣ်န့ၣ်လီၤ.

လံာ်စကၤရယၤ 14:7

ဖဲန့ၣ်တၢ်ကပီၤကအိၣ်ဝဲဒၣ်ထီဘိ, လၢမုၢ်နၤခီအဆၢကတီၢ်ဒၣ်လဲာ်န့ၣ်လီၤ. တၢ်အံၤကမၤအသးအခါဖဲလဲၣ်န့ၣ်ပှၤလၢအသ့ၣ်ညါမ့ၢ်ဒၣ်ထဲယွၤတဂၤ ဧိၤလီၤ.

လံာ်မၤလကံ 4:1

ယွၤသ့တၢ်လၢာ်စံးဝဲ, “မုၢ်တနံၤန့ၣ်ဟဲတုၤဝဲဖဲကယဲၢ်ပှၤလၢအပာ်ထီၣ်ထီအသးဒီးမၤ တၢ်အၢခဲလၢာ်ကဘၣ်တၢ်ဆူးထီၣ်ကွံာ်အီၤဒ်လီၢ်ဧိၤဒံးဧိၤအသိး န့ၣ်လီၤ. လၢမုၢ်နံၤအဝဲန့ၣ်, အဝဲသ့ၣ်ကဘၣ်တၢ်ဆူးထီၣ်ကွံာ်အီၤ, ဒီးတၢ်တပာ်လီၤတဲာ်ဘၣ်တၢ်နီတမံၤဘၣ်ဃးဒီးအဝဲသ့ၣ်ဘၣ်.

လံာ်မၢ်ကူး 13:19

အဂ့ၢ်ဒ်လဲၣ်န့ၣ်, တၢ်နးတၢ်ဖှီၣ်တကလုာ်လၢမုၢ်နံၤမုၢ်သီတဖၣ်န့ၣ်ကမ့ၢ်တၢ်လၢ အနးဒိၣ်မးတကလုာ်လၢအတမၤဒံးဘၣ်အသးနီတစုလၢ ယွၤတ့လီၤပာ်လီၤတၢ်လၢထံးလၢသီတုၤလီၤလၢအခါခဲအံၤ န့ၣ်လီၤ. ဒီးတမ့ၢ်လၢတၢ်ကမၤအသးဒ်သိးအံၤနီတစုလၢၤဘၣ်.

မၤတၢ် 2:20

မုၢ်ကခံးလီၤကွံာ်, ဒီးလါကထီၣ်ဂီၤဒ်တၢ်သွံၣ်အသိး, တချုးကစၢ်အမုၢ်နံၤဖးဒိၣ်လၢအပှဲၤဒီး တၢ်လၤကပီၤတုၤဃီၤဒံးဘၣ်န့ၣ်လီၤ.

ရိမ့ၤ 11:26

ဒီးအအံၤမ့ၢ်ကျဲလၢအံၣ်စရ့လးခဲလၢာ်ကတုၤလၢတၢ်အုၣ် က့ၤခီၣ်က့ၤန့ၣ်လီၤ. ဒ်တၢ်ကွဲးအသးစီဆှံစံးဝဲအသိး, “ပှၤအုၣ်က့ၤခီၣ်က့ၤတၢ်ကဟဲဝဲလၢစံယိၣ် ဒီးကသုးကွံာ်တၢ်တယူးတယီၣ်ယွၤခဲလၢာ်လၢ စီၤယၤကိာ်အစၢၤအသွဲၣ်တဖၣ်အသိးအကျါန့ၣ်လီၤ.

လံာ်လီၣ်ဖျါ 6:17

အဝဲသ့ၣ်အတၢ်သးထီၣ်အမုၢ်နံၤလီၤပျံၤလီၤဖုးတနံၤန့ၣ် တုၤအိၣ်ဝဲခဲကနံၣ်အံၤလံ. ဒီးမတၤကွၢ်ဆၢၣ်မဲာ်အီၤကသ့ တဂၤလဲၣ်.”