လံာ်ယံးရမံယၤ 30:6 - Sgaw Karen Common Bible

⁶ ခဲကနံၣ်အံၤဆိကတီၢ်, ဒီးဆိကမိၣ်တၢ်တက့ၢ်. ပှၤပိာ်ခွါတဂၤဆံးစၢ်ထီၣ်ဖိသၣ်တဂၤဘၣ် ကသ့ဧါ. ဘၣ်မနုၤအဃိ, ယထံၣ်ဘၣ်ပိာ်ခွါကိးဂၤဒဲးပာ် အစုလၢ အဟၢဖၢလိၤ, ဒ်ပိာ်မုၣ်တဂၤလၢ အဟုးဆါဝဲအသိးန့ၣ်လဲၣ်. ဘၣ်မနုၤအဃိ ပှၤကိးဂၤဒဲးအမဲာ်လီၤဝါထဲန့ၣ် ညါလဲၣ်.

လံာ်ယံးရမံယၤ 30:6 Iomraidhean Croise

စံးထီၣ်ပတြၢၤ 48:6

ဖဲန့ၣ်တၢ်ပျံၤတၢ်ဖုးဒီးတၢ်သူၣ်ကိၢ်သးဂီၤ လီၤဘၣ်အဝဲသ့ၣ်ဒ်ပိာ်မုၣ်လၢ အကဆံးစၢ်ထီၣ်အဖိတဂၤအသိး,

လံာ်ယၡါယၤ 21:3

တၢ်လၢယထံၣ်ဒီးနၢ်ဟူတ့ၢ်လၢတၢ်ထံၣ်လၢညါခီအပူၤတဖၣ် မၤပှဲၤယသးဒီးတၢ်ပျံၤတၢ်ဖုးဒီးတၢ်ဆူးတၢ်ဆါ, တၢ်ဆူးတၢ်ဆါလၢအလီၤဂာ်ဒီးပိာ်မုၣ်အဟုးဆါထီၣ်န့ၣ်လီၤ.

လံာ်ယၡါယၤ 29:22

သတးဒီးခဲအံၤ, ယွၤ, အံၣ်စရ့လးအကစၢ်ယွၤတဂၤ, လၢအမၤပူၤမၤဖျဲးတ့ၢ်စီၤအၤဘြၤဟၣ်လၢတၢ်ကိၢ်တၢ်ဂီၤ အပူၤစံးဝဲ, “ယပှၤဂီၢ်မုၢ်သ့ၣ်ဧၢ, သုတဘၣ်တၢ်မၤမဲာ်ဆှး သုလၢၤဘၣ်, ဒီးသုမဲာ်သၣ်တဖၣ်တလီၤဝါလၢၤလၢတၢ်မဲာ် ဆှးအဃိနီတစုဘၣ်.

လံာ်ယံးရမံယၤ 13:21

ဖဲပှၤဂီၢ်မုၢ်လၢနဆိကမိၣ်လၢအမ့ၢ်နတံၤသကိးတဖၣ်မၤနၢၤနၤဒီး ပၢဘၣ်နၤဒီး, နကစံးဒ်လဲၣ်. နကအိၣ်လၢတၢ်ဆူးတၢ်ဆါအပူၤ ဒ်ပိာ်မုၣ်တဂၤလၢအဆံးစၢ်ထီၣ်အဖိအသိးန့ၣ်လီၤ.

လံာ်ယံးရမံယၤ 22:23

နအိၣ်ဂၢၢ်ဆိးကျၢၤလၢသ့ၣ်ဆှိအ့ရ့းတဖၣ်လၢအဘၣ်တၢ်ဟဲက့ၤ စိာ်လၢကီၢ်လဘၤနိၣ်အကျါန့ၣ်လီၤ. ဘၣ်ဆၣ်ဒီး, တၢ်မၤဆူးမၤဆါလၢ အလီၤဂာ်ဒ်ပိာ်မုၣ်တဂၤအဟုးဆါထီၣ်အသိး, မ့ၢ်ဟဲ မၤဘၣ်ဒိဘၣ်ထံးနၤဒီး, နကလီၤသးကညီၤဆံးအါလဲၣ်.

လံာ်ယံးရမံယၤ 4:31

ယနၢ်ဟူတ့ၢ်တၢ်ကိးအသီၣ်တမံၤလီၤ ဂာ်ဒ်ပိာ်မုၣ်လၢအဟုးဆါတဂၤအသိး, တၢ်ကဲးကဒံကပျီၢ်တမံၤလီၤဂာ်ဒ်ပိာ် မုၣ်တဂၤလၢအဆံးစၢ်ထီၣ်အဖိအဆိ ကတၢၢ်အသိးလီၤ. မ့ၢ်ဝ့ၢ်ယရူၤၡလ့ၣ်အတၢ်ကိးပသူထီၣ်, ခီဖျိအဂုာ်သါထီၣ်ဝဲဒီးယူာ်ထီၣ်အစုဒီးစံးဝဲ, “ယဘၣ်တၢ်စံၣ်ညီၣ်ဃါမနၤလီၤ. အဝဲသ့ၣ်ဟဲဝဲလၢကမၤသံယၤအဂီၢ်လံ.”

လံာ်ယံးရမံယၤ 48:41

ဒီးဝ့ၢ်တဖၣ်ဒီးတိာ်ဧိၤတာ်ဧိၤတဖၣ်ကဘၣ်တၢ်ဒုးန့ၢ်ကွံာ်အီၤန့ၣ်လီၤ. ဒီၤလၢနံၤအဝဲန့ၣ်, ကီၢ်မိၤအးအသုးဖိတဖၣ်ကပျံၤတၢ်ဒ်ပိာ်မုၣ်တဂၤလၢ အဟုးဆါအသိးန့ၣ်လီၤ.

လံာ်ယံးရမံယၤ 49:22

ဒုၣ်ဒါကထီၣ်ဒုးဝ့ၢ်ဘိးစရၤဒ်လံာ်ကြီကြာ်တဘ့ၣ်သလၣ် ထီၣ် အဒံးဆ့တဖၣ်ဒီး ယူၤသဖှိလီၤဝဲအသိးန့ၣ်လီၤ. လၢမုၢ်နံၤအဝဲန့ၣ်, ကီၢ်အဒိၣ်အသုးဖိတဖၣ် ကပျံၤတၢ်ဖုးတၢ်ဒ်ပိာ်မုၣ်တဂၤလၢအအိၣ်လၢ တၢ်အဟုးဆါထီၣ်အပူၤအသိးန့ၣ်လီၤ.”

လံာ်ယံးရမံယၤ 49:24

ဝ့ၢ်ဒၤမ့ၤစ့းအပှၤဂီၢ်မုၢ်အဂံၢ်အဘါစၢ်ဝဲဒီးထွးထီၣ်ဃ့ၢ်ဝဲလၢ တၢ်ပျံၤတၢ်ဖုးအပူၤန့ၣ်လီၤ. ဒ်ပိာ်မုၣ်တဂၤလၢအဟုးဆါ ဝဲအသိးန့ၣ်, အဝဲသ့ၣ်အိၣ်လၢ တၢ်ဆူးတၢ်ဆါဒီး တၢ်သူၣ်ကိၢ်သးဂီၤအပူၤလီၤ.

လံာ်ယံးရမံယၤ 50:43

ကီၢ်ဘၤဘူၤလိၣ်အစီၤပၤနၢ်ဟူတၢ်ကစီၣ်ဒီးအစုတဖၣ်လီၤစၢ်ဝဲလီၤ. တၢ်သူၣ်ကိၢ်သးဂီၤလုၣ်ဘၢအီၤဒ် ပိာ်မုၣ်တဂၤလၢ အဟုးဆါဝဲအသိးန့ၣ်လီၤ.

လံာ်ယံးရမံယၤ 6:24

ပှၤဂီၢ်မုၢ်လၢဝ့ၢ်ယရူၤရှလ့ၣ်အပူၤစံးဝဲ, “ပနၢ်ဟူတ့ၢ်တၢ်ကစီၣ်န့ၣ်လံ, ဒီးပစုတဖၣ်လီၤစၢ်လီၤစဲၤဝဲလီၤ. ဒ်ပိာ်မုၣ်လၢအဟုးဆါတဂၤအသိးန့ၣ်, တၢ်ကိၢ်တၢ်ဂီၤဒီးတၢ် ဆူးတၢ်ဆါလီၤဘၣ်ပှၤလီၤ.

လံာ်ဒၤနံးယ့လး 5:6

တုၤနုၤတစု, စီၤပၤအမဲာ်သၣ်လီၤဝါဒီးအသူၣ်ပျံၤသးဖုးနးနးကလဲာ်လီၤ. တၢ်မၤအသးဒ်အဆၢတဖၣ်လီၤဖျုကွံာ်ဝဲအသိးဒီးအခီၣ် လ့ၢ်ခိၣ်တဖၣ်ကနိးကစုာ်ဝဲဒၣ်န့ၣ်လီၤ.

လံာ်ဟိၤၡ့ 13:13

ကီၢ်အံၣ်စရ့လးအိၣ်ဒီးတၢ်အခွဲးအယာ်တမံၤလၢ ကအိၣ်မူဝဲဘၣ်ဆၣ်အသးတဆးမးလၢကဟံးဃာ်အီၤအဂီၢ်, လီၤဂာ်ဒ်ဖိသၣ်တဂၤအသိးလၢကအိၣ်ဖျဲၣ်ထီၣ်, ဒီးဂ့ၢ်လိာ်လၢကဟးထီၣ်လၢအမိၢ်အဒၢလီၢ်ပူၤန့ၣ်လီၤ.

လံာ်ယိၤအ့လး 2:6

လၢအဝဲသ့ၣ်အမဲာ်ညါန့ၣ်ပှၤကိးဂၤဒဲးပျံၤတၢ်ဖုးတၢ်တုၤ အမဲာ်သၣ်လီၤဝါဝဲလီၤ.

လံာ်နၤဃူၣ် 2:10

ဝ့ၢ်နံၤနဝ့ဘၣ်တၢ်မၤဟးဂီၤကွံာ်, ဘၣ်တၢ်လဲၤကပာ်ကွံာ်ဒီးအိၣ် သယုၢ်လံဝဲလံ. ပှၤအသးတဖၣ်ပှံၢ်လီၤဝဲလၢတၢ်ပျံၤတၢ်ဖုးအဃိ, အခီၣ်လ့ၣ်ခိၣ်တဖၣ်ကနိးကစုာ်ဝဲ, အဂံၢ်အဘါလၢာ်ကွံာ်ဝဲဒီးအမဲာ်သၣ်တဖၣ်လီၤဝါကွံာ်ဝဲလံန့ၣ်လီၤ.

၁ သ့းစၤလနံ 5:3

ဖဲပှၤစံးဝဲ, “တၢ်ခဲလၢာ်မုာ်ဝဲခုၣ်ဝဲဒီးတၢ်ဘၣ်ယိၣ်အလီၢ် တအိၣ်ဘၣ်” အဆၢကတီၢ်န့ၣ်, သတူၢ်ကလာ်တၢ်ဟးဂူာ်ဟးဂီၤကတုၤအိၣ်အဝဲသ့ၣ် န့ၣ်လီၤ. တၢ်တမံၤအံၤကမၤအသးသတူၢ်ကလာ်ဒ်ပိာ်မုၣ် တဂၤအဟုးဆါထီၣ်အသိး, ဒီးပှၤတပူၤဖျဲးနီတဂၤဘၣ်.