လံာ်ယံးရမံယၤ 30:3 - Sgaw Karen Common Bible

³ အဂ့ၢ်ဒ်အံၤ, တၢ်ဆၢကတီၢ်ဟဲဝဲဖဲ ယကပာ်ကဒါက့ၤယပှၤဂီၢ်မုၢ် လၢကီၢ်အံၣ်စရ့လးဒီးကီၢ်ယူဒၤလၢ အလီၢ်န့ၣ်လံ. ယကဟဲက့ၤစိာ် ကဒါက့ၤ အဝဲသ့ၣ်ဆူ ကီၢ်တဘ့ၣ်န့ၣ်လၢ ယဟ့ၣ်သါတ့ၢ်အဝဲသ့ၣ် အမိၢ်ပၢ်ဖံဖုလၢပျၢၤတဖၣ်, ဒီးအဝဲသ့ၣ်ကန့ၢ်ဘၣ်က့ၤကဒီးအီၤန့ၣ်လီၤ. ယၤ, ယွၤအံၤ, ကတိၤလံတၢ်လံ.”

လံာ်ယံးရမံယၤ 30:3 Iomraidhean Croise

လံာ်စီၤဧ့စြၤ 3:1

တုၤလီၤလၢလါနွံလါတလါန့ၣ်, ကီၢ်အံၣ်စရ့လးအပှၤဂီၢ်မုၢ်ဆီ လီၤအတၢ်အိၣ်တၢ်ဆိးလၢအဝ့ၢ်ဒၣ်ဝဲတဖၣ်အပူၤဝံၤခဲလၢာ်လံ. အန့ၣ်ဒီးအိၣ်ဖှိၣ်ရိဖှိၣ်လၢဝ့ၢ်ယရူၤၡလ့ၣ်အပူၤ,

လံာ်စီၤဧ့စြၤ 3:12

ပှၤလုၢ်တၢ်အခိၣ်လၢအသးပှၢ်အါဂၤ, ပှၤလ့ၤဝံဖိတဖၣ်, ဒီးပှၤအခိၣ်တဖၣ်လၢဒူၣ်ထၢတဖၣ်အပူၤလၢအထံၣ်ဘၣ်တ့ၢ်တၢ်လုၢ်ဟံၣ် အဂံၢ်ခိၣ်တဖျၢၣ်န့ၣ်, အဝဲသ့ၣ်ဟီၣ်တၢ်ယၢၤတၢ်ဖဲအဝဲသ့ၣ်ကွၢ်ဃီၤတၢ်လုၢ်ဟံၣ်အံၤအလၢၢ် သနၢၣ်ဘၣ်တၢ်ပာ်လီၤအီၤန့ၣ်လီၤ. မ့မ့ၢ်ပှၤအဂၤလၢအအိၣ်ဖဲန့ၣ်တဖၣ်ကိးပသူထီၣ်လၢတၢ်သူၣ်ခုသးခု အဃိန့ၣ်လီၤ.

လံာ်စီၤဧ့စြၤ 3:8

လၢတၢ်န့ၣ်အဃိအဝဲသ့ၣ်စးထီၣ်အတၢ်မၤဖဲလါခံလါတလါလၢနံၣ် န့ၣ်အပူၤ, ဖဲအဝဲသ့ၣ်ဟဲက့ၤကဒါက့ၤဆူတၢ်လုၢ်ဟံၣ်အလီၢ်လၢဝ့ၢ်ယရူၤ ၡလ့ၣ်ဝံၤအလီၢ်ခံလီၤ. စီၤစရူၤဘၤဘ့လး, စီၤယိၤၡူဒီးအပှၤထံဖိကီၢ်ဖိကဒဲကဒဲလၢအအိၣ်လီၤတဲာ်တဖၣ်, ပှၤလုၢ်တၢ်အခိၣ်တဖၣ်ဒီးပှၤလ့ၤဝံဖိတဖၣ်, ဒီးကယဲၢ်ပှၤဘၣ်စိာ်မၢကဲကုၢ်လၢအဟဲက့ၤကဒါက့ၤဆူ ဝ့ၢ်ယရူၤၡလ့ၣ်တဖၣ်, မၤသကိးတၢ်လၢတၢ်မၤအပူၤန့ၣ်လီၤ. ကယဲၢ်ပှၤလ့ၤဝံဖိတဖၣ်လၢအသးအိၣ်အနံၣ်ခံဆံမ့ၢ်ဂ့ၤပှၢ်န့ၣ် အဝဲန့ၣ်မ့ၢ်ဂ့ၤဘၣ်တၢ်ပာ်လီၤအီၤလၢပှၤကွၢ်ထွဲပၢဆှၢတၢ်ဖံး တၢ်မၤဘၣ်ဃးဒီးတၢ်သူၣ်ထီၣ်ကဒါက့ၤတၢ်လုၢ်ဟံၣ်န့ၣ်လီၤ.

စံးထီၣ်ပတြၢၤ 126:4

ယွၤဧၢ, မၤဘီၣ်ထီၣ်ညီထီၣ်က့ၤကဒီးပှၤ ဒ်တၢ်စူၤလီၤဟဲစိာ်ကဒါက့ၤထံဆူ ထံကျိကၢၢ်နံၤလၢအဃ့ထီအသိးန့ၣ်တက့ၢ်.

စံးထီၣ်ပတြၢၤ 53:6

မ်တၢ်မၤပူၤဖျဲးအလီၢ်လၢအံၣ်စရ့လးအဂီၢ်အံၤ ကဟဲလၢစံယိၣ်တက့ၢ်. တုၤကစၢ်ယွၤဒုးဟဲက့ၤအပှၤဂီၢ်မုၢ်လၢ တၢ်စိာ်မၢကဲကုၢ်အလီၢ်န့ၣ်ဒီး ယၤကိာ်ကသူၣ်ဖှံသးညီဒီး အံၣ်စရ့လးကသူၣ်ခုသးခုဝဲဒၣ်န့ၣ်လီၤ.

လံာ်ယံးရမံယၤ 16:15

အခိၣ်တလိာ်, အဝဲသ့ၣ်ကဆိၣ်လီၤအသး လၢယမံၤအပူၤဒ်ယမ့ၢ်ကစၢ်ယွၤလၢ အမူဝဲလၢအဟဲစိာ်ထီၣ်ကွံာ်ကီၢ်အံၣ်စရ့လးအပှၤဂီၢ်မုၢ်လၢကီၢ်လၢက လံၤစိးတခီဒီးလၢထံကီၢ်အဂၤတဖၣ်ဖဲယမၤပြံမၤပြါအဝဲသ့ၣ်န့ၣ်လီၤ. ယကဆှၢကဒါက့ၤအဝဲသ့ၣ်ဆူအထံအကီၢ်ဒၣ်ဝဲ, ကီၢ်တဘ့ၣ်လၢယဟ့ၣ်လီၤ တ့ၢ်အမိၢ်ပၢ်ဖံဖုလၢပျၢၤတဖၣ်န့ၣ်လီၤ. ယၤ, ယွၤအံၤ, ကတိၤလံတၢ်လံ.”

လံာ်ယံးရမံယၤ 23:5

ယွၤစံးဝဲဒၣ်, “တၢ်ဆၢကတီၢ်တုၤဃီၤဝဲလၢယကဃုထၢပှၤအတီ အလိၤတဂၤလၢအလီၤစၢၤလၢစီၤဒၤဝံး, ဒ်စီၤပၤတဂၤအသိးန့ၣ် လီၤ. စီၤပၤအံၤကပၢတၢ်လၢတၢ်ကူၣ်သ့အပူၤဒီးမၤတၢ်လၢ အဘၣ်ဒီးတၢ်စံၣ်ညီၣ်တီအပူၤ, သကုၤထံကီၢ်ဒီဘ့ၣ်န့ၣ်လီၤ.

လံာ်ယံးရမံယၤ 27:11

ဘၣ်ဆၣ်ဒီး, ပှၤတကလုာ်လၢ်လၢ်မ့ၢ်, ဆီၣ်လီၤအသးလၢ ကီၢ်ဘၤဘူၤလိၣ်အစီၤပၤအဖီလာ်ဒီး မၤဝဲအတၢ်မၤဒီး, ယကပျဲအီၤလၢကအိၣ်ဘၣ်ဆိးဘၣ်ဒံး ဝဲလၢအထံအကီၢ်ဒၣ်ဝဲအပူၤ, လၢကထူစံာ်ထူပှဲၤဒီးအိၣ်ဝဲဆိးဝဲဖဲန့ၣ်အဂီၢ်န့ၣ်လီၤ. ယၤ, ယွၤအံၤ, ကတိၤလံတၢ်လံ.

လံာ်ယံးရမံယၤ 27:22

တၢ်သ့ၣ်တဖၣ်အံၤ ကဘၣ်တၢ်စိာ်ထီၣ်ကွံာ်အီၤဆူ ကီၢ်ဘၤဘူၤလိၣ် ဒီးကအိၣ်ဖဲန့ၣ် တုၤယဆိကမိၣ်ဒီး သ့ၣ်နီၣ်ထီၣ်က့ၤ အဝဲသ့ၣ်တစုန့ၣ်လီၤ. အန့ၣ်ဝံၤဒီး, ယကဟဲစိာ်ကဒါက့ၤအီၤဒီး ပာ်ကဒါက့ၤအဝဲသ့ၣ်လၢတၢ်လီၢ်အံၤန့ၣ်လီၤ. ယၤ, ယွၤအံၤ, ကတိၤလံတၢ်လံ.

လံာ်ယံးရမံယၤ 29:10

ယွၤစံးဝဲဒၣ်, ‘ဖဲအနံၣ်နွံဆံလၢ ကီၢ်ဘၤဘူၤလိၣ်အပူၤ ပှဲၤထီၣ်ဝဲန့ၣ်, ယကဒုးနဲၣ် ယတၢ်သးအိၣ်ဘၣ်သုဒီး ဟံးဃာ်ဂၢၢ်ကျၢၤယတၢ်အၢၣ်လီၤလၢ ယကက့ၤစိာ်ကဒါက့ၤသုဆူ ဟံၣ်န့ၣ်လီၤ.

လံာ်ယံးရမံယၤ 29:14

မ့ၢ်လံ, ယစံးယဲလၢ, သုကထံၣ်န့ၢ်ယၤ, ဒီးယကပာ်ကဒါက့ၤ သုလၢသုထံသုကီၢ်န့ၣ်လီၤ. ယကထၢဖှိၣ်သုလၢ ကယဲၢ်ကီၢ် ကိးဘ့ၣ်ဒဲး, ဒီးလၢကယဲၢ်တၢ်လီၢ်ကိးပူၤဒဲးလၢယမၤလီၤပြံလီၤပြါတ့ၢ်သု, ဒီးယကဟဲစိာ်ကဒါက့ၤသုဆူထံကီၢ်အပူၤလၢ ယတၢ်လီၢ်ဖဲ ယဆှၢဖျိးတ့ၢ်သုလၢတၢ်စိာ်မၢကဲကုၢ်အပူၤန့ၣ်လီၤ. ယၤ, ယွၤအံၤ, ကတိၤလံတၢ်လံ.”

လံာ်ယံးရမံယၤ 3:18

ကီၢ်အံၣ်စရ့လးကပာ်ဖှိၣ်ဃုာ်အသးဒီးကီၢ်ယူဒၤဒီးအဝဲသ့ၣ်ကဟဲဝဲ တပူၤဃီလၢတၢ်စိာ်မၢကဲကုၢ်အလီၢ်လၢကလံၤစိးတခီဒီးအဝဲသ့ၣ် ကဟဲက့ၤကဒါက့ၤဆူထံကီၢ်လၢယဟ့ၣ်န့ၢ်သါတ့ၢ်အမိၢ်ပၢ်ဖံဖု လၢပျၢၤတဖၣ်ဒ်အမ့ၢ်အတၢ်န့ၢ်သါအဂၢၢ်အကျၢၤအသိးန့ၣ်လီၤ.”

လံာ်ယံးရမံယၤ 30:10

ယပှၤဂီၢ်မုၢ်သ့ၣ်ဧၢ, ပျံၤတၢ်ဖုးတၢ်တဂ့ၤ. ကီၢ်အံၣ်စရ့လးအပှၤဂီၢ်မုၢ်သ့ၣ်ဧၢ, အိၣ်ဒီး တၢ်ပျံၤတၢ်ဖုးတဂ့ၤ. ယကအုၣ်က့ၤခီၣ်က့ၤသုလၢ ထံကီၢ်လၢအယံၤဝဲန့ၣ်, ထံကီၢ်ဖဲသုမ့ၢ်ပှၤဘၣ်တၢ်စိာ်မၢကဲကုၢ်တဖၣ်န့ၣ်လီၤ. သုကဟဲက့ၤကဒါက့ၤဆူ ဟံၣ်ဒီး အိၣ်မုာ်အိၣ်ခုၣ် ဘၣ်န့ၣ်လီၤ. တၢ်အၢတဘၣ်သုဘၣ်ဒီး ပှၤတမၤပျံၤမၤဖုးသု နီတဂၤဘၣ်.

လံာ်ယံးရမံယၤ 30:18

ယွၤစံးဝဲဒၣ်, “ယကပာ်ကဒါက့ၤ ယပှၤဂီၢ်မုၢ်လၢ အကီၢ်ဒၣ်ဝဲ, ဒီးအိၣ်ဒီး တၢ်သးကညီၤလၢ ဒူၣ်ဖိထၢဖိကိးဒူၣ်ဒဲးအဖီခိၣ်န့ၣ်လီၤ. ဝ့ၢ်ယရူၤၡလ့ၣ် ကဘၣ်တၢ်ဘှီထီၣ်က့ၤအီၤ, ဒီးအနူၢ်အစီၤကဘၣ် တၢ်ပာ်ထီၣ်ကဒါက့ၤအီၤန့ၣ်လီၤ.

လံာ်ယံးရမံယၤ 30:4

ယွၤစံးဘၣ်ကီၢ်အံၣ်စရ့လးဒီး ကီၢ်ယူဒၤအပှၤဂီၢ်မုၢ်ဒ်အံၤ,

လံာ်ယံးရမံယၤ 31:16

ဆိကတီၢ်နတၢ်ဟီၣ်တၢ်ယၢၤ, ဒီးထွါကွံာ်နမဲာ်ထံမဲာ်နိတဖၣ် တက့ၢ်. ကယဲၢ်တၢ်ခဲလၢာ်လၢ နမၤတ့ၢ်အီၤလၢ နဖိတဖၣ်အဂီၢ်န့ၣ်, ကအိၣ်ဒီး အတၢ်ဘျုးတၢ်ဖှိၣ်လီၤ. အဝဲသ့ၣ် ကဟဲက့ၤကဒါက့ၤလၢ ဒုၣ်ဒါ အထံအကီၢ်န့ၣ်လီၤ.

လံာ်ယံးရမံယၤ 31:23

ယွၤသ့တၢ်လၢာ်, အံၣ်စရ့လးအကစၢ်ယွၤ, စံးဝဲဒၣ်, “ဖဲယပာ်ကဒါက့ၤ ပှၤဂီၢ်မုၢ်လၢအထံအကီၢ်န့ၣ်, အဝဲသ့ၣ်ကစံးကဒီးဝဲတဘျီလၢကီၢ်ယူဒၤဒီး အဝ့ၢ်တဖၣ်အပူၤလၢ, ‘မ်ယွၤဆိၣ်ဂ့ၤ ဝ့ၢ်ယရူၤၡလ့ၣ် အကစၢၢ်စီဆှံ, တၢ်အလီၢ်စီဆှံဖဲ အဝဲအိၣ်ဝဲဆိးဝဲန့ၣ်တက့ၢ်.’

လံာ်ယံးရမံယၤ 31:27

ယၤ, ယွၤအံၤ, ယစံးလၢ တၢ်ဆၢကတီၢ် ဟဲလံဝဲဖဲ ယကမၤပှဲၤ ကီၢ်အံၣ်စရ့လးဒီး ကီၢ်ယူဒၤ, လၢပှၤဂီၢ် မုၢ်ဒီး ဆၣ်ဖိကီၢ်ဖိတဖၣ်န့ၣ်လီၤ.

လံာ်ယံးရမံယၤ 31:31

ယွၤစံးဝဲဒၣ်, “တၢ်ဆၢကတီၢ်ဟဲလံဝဲလၢ ယကမၤတၢ်အၢၣ်လီၤ အီလီၤအသီဒီး ကီၢ်အံၣ်စရ့လးအပှၤဂီၢ်မုၢ်, ဒီးကီၢ်ယူဒၤအပှၤဂီၢ်မုၢ်န့ၣ်လီၤ.

လံာ်ယံးရမံယၤ 31:38

ယွၤစံးဝဲဒၣ်, “တၢ်ဆၢကတီၢ်ဟဲလံဝဲဖဲ ဝ့ၢ်ယရူၤၡလ့ၣ် ဒီတဝ့ၢ်ညါ ကဘၣ်တၢ်သူၣ်ထီၣ်ကဒါက့ၤအီၤဒ် ယဝ့ၢ်အသိး, စးထီၣ်လၢ မုၢ်နုာ်တၢးထီဃနၤန့လးပၢၢ်တုၤလၢတၢ်သနၢၣ်အတြဲၤန့ၣ်လီၤ.

လံာ်ယံးရမံယၤ 32:37

ယကထၢဖှိၣ်က့ၤ ပှၤဂီၢ်မုၢ်တပူၤဃီလၢ ထံကီၢ်ခဲလၢာ်ဖဲ ယမၤလီၤပြံလီၤပြါတ့ၢ်အဝဲသ့ၣ်လၢ ယတၢ်သးဒိၣ်ဒီး သးကဲၤထီၣ် အပူၤ, ဒီးယကဟဲက့ၤစိာ်ကဒါက့ၤ အဝဲသ့ၣ်ဆူတၢ်လီၢ်အံၤဒီး ပျဲအအိၣ်ဆိးဖဲအံၤလၢ တၢ်ပူၤဖျဲးအပူၤန့ၣ်လီၤ.

လံာ်ယံးရမံယၤ 32:44

ပှၤဂီၢ်မုၢ်ကပှ့ၤအီၤအိၣ်ဒီး လံာ်ဃံၤဃာ်တဖၣ်လၢ တၢ်ဆဲးလီၤမံၤ, တၢ်စဲပနီၣ်ဃာ်အီၤဒီး တၢ်အုၣ်သးအသးလၢ အဂ့ၢ်န့ၣ်လီၤ. တၢ်အံၤကမၤအသးလၢ ဘံၣ်ယၤမံၣ်အဒူၣ်ထၢအလီၢ်ကဝီၤ တဖၣ်အပူၤ, လၢကီၢ်ယူဒၤအဝ့ၢ်တဖၣ်အပူၤ, ဒီး လၢဝ့ၢ်လၢအိၣ်လၢ တၢ်လူၢ်တၢ်တြီၤ အကျါတဖၣ်အပူၤ, ဒီးဝ့ၢ်တဖၣ်လၢ တၢ်လူၢ်ခီၣ်ထံးဒီး ကီၢ်ယူဒၤကလံၤထံးအပူၤ န့ၣ်လီၤ. ယကပာ်က့ၤယပှၤဂီၢ်မုၢ်လၢ အဝဲသ့ၣ်အကီၢ်ဒၣ်ဝဲအပူၤလီၤ. ယၤ, ယွၤအံၤ, ကတိၤလံတၢ်လံ.”

လံာ်ယံးရမံယၤ 33:26

ဒီးဒ်ယမ့ၢ်တ့ၢ်တၢ်အံၤ သပှၢ်ကတၢၢ်အသိး, ယကဟံးဃာ် ဂၢၢ်ကျၢၤယတၢ်အၢၣ်လီၤအီလီၤဒီး စီၤယၤကိာ်အစၢၤအသွဲၣ် တဖၣ်, ဒီးယခ့ယပှၤစီၤဒၤဝံးန့ၣ်လီၤ. ယကဃုထၢ စီၤဒၤဝံး အစၢၤအသွဲၣ်အကျါတဂၤလၢကပၢစီၤအၤဘြၤဟၣ်, စီၤအံၤစဲး ဒီးစီၤယၤကိာ်အစၢၤအသွဲၣ် တဖၣ်န့ၣ်လီၤ. ယကသူၣ်ကညီၤသးကညီၤ ယပှၤဂီၢ်မုၢ်ဒီး ဒုးဘီၣ်ထီၣ် ကဒီးအဝဲသ့ၣ်န့ၣ်လီၤ.”

လံာ်ယံးရမံယၤ 51:60

ယကွဲးလီၤတၢ်လၢလံာ်တဘ့ၣ်အပူၤန့ၣ်, ယကျဲၤလီၤတၢ်ဂ့ၢ်ဘၣ်ဃးဒီးတၢ်ဟးဂီၤခဲလၢာ်လၢ အကဘၣ်ကီၢ်ဘၤဘူၤလိၣ်, ဃုာ်ဒီးတၢ်အဂၤတဖၣ်ခဲလၢာ်ဘၣ်ဃးဒီး ကီၢ်ဘၤဘူၤလိၣ်န့ၣ်လီၤ.

လံာ်ယဃ့းစက့လး 20:42

တုၤယဆှၢကဒါက့ၤသုဆူကီၢ်အံၣ်စရ့လး, ကီၢ်တဘ့ၣ်လၢယအၢၣ်လီၤတ့ၢ်လၢယကဟ့ၣ်လီၤသုမိၢ်ပၢ်ဖံဖု လၢပျၢၤတဖၣ်န့ၣ်ဒီး, အန့ၣ်တစု, သုကသ့ၣ်ညါလၢယမ့ၢ်ယွၤန့ၣ်လီၤ.

လံာ်ယဃ့းစက့လး 34:13

ယကဟံးထီၣ်ကွံာ်အဝဲသ့ၣ်လၢတခီထံတခီကီၢ်တဖၣ်အပူၤ, ပာ်ဖှိၣ်က့ၤအဝဲသ့ၣ်တပူၤဃီဒီးဟဲက့ၤစိာ်က့ၤအဝဲသ့ၣ်ဆူ အကီၢ်ဒၣ်ဝဲန့ၣ်လီၤ. ယကဆှၢက့ၤအဝဲသ့ၣ်ဆူကီၢ် အံၣ်စရ့လးအကစၢၢ်ကလိတဖၣ်ဒီးအထံကျိဖိတဖၣ် ဒီးယကလုၢ်အီလုၢ်အီအဝဲသ့ၣ်လၢအီၣ်ဆၣ်အလီၢ်လါဟ့ အမုာ်အပၢၤတဖၣ်အပူၤန့ၣ်လီၤ.

လံာ်ယဃ့းစက့လး 36:24

ယကဟံးန့ၢ်က့ၤသုလၢပှၤကိးကလုာ်ဒဲးအအိၣ်ဒီးထံကီၢ်ကိးဘ့ၣ်ဒဲး အပူၤဒီးဟဲက့ၤစိာ်က့ၤသုဆူသုကီၢ်ဒၣ်သုဝဲန့ၣ်လီၤ.

လံာ်ယဃ့းစက့လး 47:14

ယအၢၣ်လီၤတ့ၢ်တၢ်သမှံၤသပှၢ်ဒီးသုမိၢ်ပၢ်ဖံဖုလၢပျၢၤတဖၣ် လၢယကဟ့ၣ်အဝဲသ့ၣ်လၢထံကီၢ်အံၤဒ်သိးကကဲထီၣ်အဝဲသ့ၣ် အတၢ်န့ၢ်သါန့ၣ်လီၤ. ခဲကနံၣ်အံၤနီၤဖးလီၤအီၤပှဲၤသိးသိး လၢသုကျါတက့ၢ်.

လံာ်ယိၤအ့လး 3:1

ဒီးယွၤစံးဝဲဒၣ်, လၢအဆၢကတီၢ်ဖဲန့ၣ်, ယကဒုးအီၣ်ကုးအီပှဲၤက့ၤကီၢ်ယူဒၤဒီး ဝ့ၢ်ယရူၤၡလ့ၣ်န့ၣ်လီၤ.

လံာ်စဖါနယၤ 2:7

ပှၤဂီၢ်မုၢ်လၢကီၢ်ယူဒၤလၢအအိၣ်မူတ့ၢ်တဖၣ်ကဟံးန့ၢ်သု တၢ်အိၣ်တၢ်ဆိးအလီၢ်န့ၣ်လီၤ. အဝဲသ့ၣ်ကဒုးကိာ်လီၤအသိ ဒီးအမဲာ်တဲးလဲးတဖၣ်ဖဲန့ၣ်ဒီးကမံဝဲလၢပှၤအၤၡကလိၣ်ဖိအ ဟံၣ်တဖၣ်အပူၤန့ၣ်လီၤ. ယွၤ, အဝဲသ့ၣ်အကစၢ်ယွၤကအိၣ်ဒီးအီၤဒီးဒုးဘီၣ်ထီၣ်ညီထီၣ် ကဒီးအီၤလီၤ.

လံာ်စဖါနယၤ 3:20

တၢ်ဆၢကတီၢ်သုးဘူးအသးလံ. ယကဟဲက့ၤစိာ်သုပှၤဂီၢ်မုၢ်လီၤပြံလီၤပြါဆူဟံၣ်, ယကမၤဟူထီၣ်သါလီၤသုမံၤလၢဟီၣ်ခိၣ်ဒီဘ့ၣ်ညါ ဒီးဒုးအီၣ်ကုးအီပှဲၤကဒီးသုတဘျီန့ၣ်လီၤ.”

လံာ်လူၤကၣ် 17:22

တုၤနုၤတစုအဝဲဒၣ်စံးဘၣ်အပျဲၢ်အဘီၣ်တဖၣ်, “ဆၢကတီၢ်ကတုၤအိၣ်ဝဲဖဲသုကဆၢထံၣ်ဘၣ်ပှၤကညီဖိခွါ အမုၢ်နံၤမုၢ်သီတဖၣ်အကျါတနံၤ, ဘၣ်ဆၣ်ဒီးသုတထံၣ်ဘၣ်သုဝဲဘၣ်.

လံာ်လူၤကၣ် 19:43

မုၢ်နံၤမုၢ်သီတဖၣ်ကဟဲတုၤအိၣ်နၤဖဲနဒုၣ်နဒါတဖၣ်ကကဝီၤဃာ်နၤ, မၤတံာ်တၢၤနကျဲဒီးသုးအသးဘူးထီၣ်ဆူနအိၣ်ကိးကပၤဒဲးလီၤ.

လံာ်လူၤကၣ် 21:6

“တၢ်သ့ၣ်တဖၣ်အံၤခဲလၢာ်န့ၣ်, သုထံၣ်ဘၣ်သုဝဲလီၤ. တၢ်ဆၢကတီၢ်ကဟဲတုၤအိၣ်ဝဲဖဲလၢၢ်ထဲတဖျၢၣ်ဧိၤဒၣ်လဲာ် တဘၣ်တၢ်ပာ်လီၤတဲာ်တ့ၢ်အီၤလၢအလီၢ်လၢၤဘၣ်. လၢၢ်ကိးဖျၢၣ်ဒဲးကဘၣ်တၢ်တ့ၢ်လီၤကွံာ်အီၤလၢအလီၢ်န့ၣ်လီၤ.”

လံာ်သိၣ်လီၤသီလီၤတၢ် 30:3

တုၤနုၤတစု, ယွၤ, သုကစၢ်ယွၤကအိၣ်ဒီးတၢ်သးကညီၤဘၣ်သုန့ၣ် လီၤ. အဝဲကဟဲက့ၤစိာ်က့ၤသုလၢ, ပှၤကလုာ်တဖၣ်ဖဲအဝဲမၤလီၤပြံလီၤပြါတ့ၢ်သုအကျါ, ဒီးအဝဲကဒုးဘီၣ်ထီၣ်ညီထီၣ်က့ၤကဒီးသုန့ၣ်လီၤ.

လံာ်သိၣ်လီၤသီလီၤတၢ် 30:5

ဒ်သိးသုကမၤန့ၢ်ကဒါက့ၤကဒီးထံကီၢ်အတၢ်န့ၢ်သါဖဲသု မိၢ်ပၢ်ဖံဖုလၢပျၢၤတဖၣ်အိၣ်ဆိးတ့ၢ်ဝဲတဘျီန့ၣ်လီၤ. ဒီးအဝဲကမၤဘီၣ်ထီၣ်ညီထီၣ်သုအါန့ၢ်ဒံးအလီၢ်တက့ၢ်, ဒီးမၤအါထီၣ်သုနီၣ်ဂံၢ်အါန့ၢ်ဒံးနီၣ်ဂံၢ်လၢအအိၣ်တ့ၢ်ဝဲ ဒီးသုမိၢ်ပၢ်ဖံဖုလၢပျၢၤတဖၣ်န့ၣ်လီၤ.

ဧ့ၤဘြံၤ 8:8

ယွၤပာ်တၢ်ကမၣ်လၢအဝဲသ့ၣ်အလိၤဖဲအစံးဝဲ, “မုၢ်နံၤတဖၣ်ကဟဲဝဲ, ယွၤစံးဝဲဒၣ်, ဖဲယကဒုးအိၣ်ထီၣ်တၢ်အၢၣ်လီၤအီလီၤအသီဒီးအံၣ်စရ့လး အပှၤဂီၢ်မုၢ်ဒီးလၢယူဒၤအပှၤဂီၢ်မုၢ်,