လံာ်ယံးရမံယၤ 30:24 - Sgaw Karen Common Bible

²⁴ တချုးလၢယွၤမၤဝံၤကွံာ် ကယဲၢ်တၢ်လၢ အဝဲတိာ်ပာ် မၤဝဲတဖၣ်ဒံးဘၣ်န့ၣ်, ကလံၤမုၢ်အံၤတဆိကတီၢ်အသး ဘၣ်. လၢမုၢ်နံၤတဖၣ်လၢ အကဟဲဝဲအပူၤန့ၣ်, အပှၤဂီၢ်မုၢ် ကနၢ်ပၢၢ်တၢ်အံၤ ထံထံဆးဆးန့ၣ်လီၤ.

လံာ်ယံးရမံယၤ 30:24 Iomraidhean Croise

လံာ်တၢ်ကဲထီၣ်အခီၣ်ထံး 49:1

စီၤယၤကိာ်ကိးဃီၤအဖိခွါတဖၣ်ဒီးစံးဝဲ, “ပာ်ဖှိၣ်သုသးဝးတ ရံးယၤ, ဒီးယကတဲသုတၢ်ကမၤအသးဒီးသုဆူညါန့ၣ်လီၤ.

လံာ်ယၡါယၤ 14:24

ယွၤသ့တၢ်လၢာ်ကစၢ်မၤတ့ၢ်လံတၢ်ဆိၣ်တမံၤစံးဝဲ, “တၢ်လၢယကျဲၤတ့ၢ်န့ၣ်ကမၤအသးဒီးတၢ်လၢယပာ်လီၤတ့ၢ် ယသးလၢယကမၤန့ၣ်, ကဘၣ်တၢ်မၤကဲထီၣ်အီၤန့ၣ်လီၤ.

လံာ်ယၡါယၤ 46:11

ယကိးပှၤကညီတဂၤလၢကဟဲလၢမုၢ်ထီၣ်တခီလီၤ. အဝဲကယူၤသဖှိလီၤဒ်လံာ်ဖးဒိၣ်တဘ့ၣ်အသိး ဒီးအဝဲကမၤလၢပှဲၤတၢ်လၢယကူၣ်ထီၣ်ကျဲၤလီၤတ့ၢ်တဖၣ်လီၤ. ယကတိၤတ့ၢ်လံတၢ်, ဒီးတၢ်အံၤကမၤအသးန့ၣ်လီၤ.

လံာ်ယံးရမံယၤ 23:19

အဝဲအတၢ်သးဒိၣ်မ့ၢ်ကလံၤမုၢ်, ကလံၤသဝံးလၢအအူတၢ်ဆူၣ်ဆူၣ် လၢပှၤအၢပှၤသီတဖၣ်အခိၣ်အဖီခိၣ်,

လံာ်ယံးရမံယၤ 23:20

ဒီးတဆိကတီၢ်ဘၣ်အသးတုၤလီၤလၢတၢ်လၢအဝဲတိာ်လၢကမၤဝဲ တဖၣ်မၤဝံၤဘၣ်က့ၤဝဲခဲလၢာ်တစုန့ၣ်ဘၣ်. လၢမုၢ်နံၤလၢအကဟဲ တဖၣ်အပူၤန့ၣ်, အပှၤဂီၢ်မုၢ်ကနၢ်ပၢၢ်တၢ်အံၤဆှံဆှံန့ၣ်လီၤ.”

လံာ်ယံးရမံယၤ 4:28

ဟီၣ်ခိၣ်ကသူၣ်အုးသးအုး, မူခိၣ်ကခံးလီၤဝဲလီၤ. ယွၤကတိၤလံတၢ်လံ, ဒီးတလဲလိာ်ကွံာ်အတၢ်ပာ်သူၣ်ပာ်သးဘၣ်. အဝဲစံၣ်ညီၣ်နီၤဖးပဲာ်ဖးတ့ၢ်လံတၢ်လံ, ဒီးတဃၣ်ကဒါက့ၤဝဲဘၣ်.

လံာ်ယံးရမံယၤ 4:8

လၢတၢ်န့ၣ်အဃိ, ကူထီၣ်ကၤထီၣ်တၢ်ကံးယာ်, ဘၣ်မိၣ်ဘၣ်မးဒီး ဟီၣ်တၢ်ယၢၤတၢ်တက့ၢ်. အဂ့ၢ်ဒ်အံၤ, ယွၤအတၢ်သးကဲၤ ဒိၣ်ထီၣ်, တဃၣ်ယံၤကွံာ်ဘၣ်အသးလၢကီၢ်ယူဒၤဘၣ်.

လံာ်ယံးရမံယၤ 48:47

ဘၣ်ဆၣ်လၢ မုၢ်နံၤတဖၣ်လၢ အကဟဲဝဲအပူၤန့ၣ်, ယွၤကဒုးဘီၣ်ထီၣ်ညီထီၣ် ကီၢ်မိၤအးကဒီးတဘျီန့ၣ်လီၤ. ကယဲၢ်တၢ်ခဲလၢာ်အံၤမ့ၢ် တၢ်လၢယွၤစံးတ့ၢ်ဝဲ လၢကမၤအသးဒီး ကီၢ်မိၤအးန့ၣ်လီၤ.

လံာ်ယံးရမံယၤ 49:37

ယကဒုးပျံၤဘၣ်ဖုးဘၣ်ကီၢ်ဧ့ၤလၣ်အပှၤဂီၢ်မုၢ်လၢအဒုၣ်အဒါတဖၣ်လၢ အသးအိၣ်မၤသံအဝဲသ့ၣ်န့ၣ်လီၤ. လၢယတၢ်သးဒိၣ်ထီၣ် အပူၤန့ၣ်, ယကမၤဟးဂီၤကွံာ်ကီၢ်ဧ့ၤလၣ်အပှၤဂီၢ်မုၢ်ဒီး ဆှၢလီၤသုးမုၢ်တဖၣ်ထီဒါ အဝဲသ့ၣ်တုၤယမၤလၢာ်ကွံာ်အဝဲသ့ၣ်တစုန့ၣ်လီၤ.

လံာ်ယံးရမံယၤ 49:39

ဘၣ်ဆၣ်ဒီး လၢခံက့ၤန့ၣ်, ယကဒုးဘီၣ်ထီၣ်ညီထီၣ်ကဒီးကီၢ်ဧ့ၤလၣ်အပှၤဂီၢ်မုၢ်န့ၣ်လီၤ. ယၤ, ယွၤအံၤ, ကတိၤလံတၢ်လံ.”

လံာ်သးသယုၢ်တၢ် 1:12

ကိးပသူထီၣ်ဝဲဆူကယဲၢ်ပှၤလဲၤတြူာ် လၢကျဲပူၤတဖၣ်အအိၣ်, “ကွၢ်ဃီၤယၤတက့ၢ်. ပှၤတဘၣ်ဒိဆါတ့ၢ်ဒ်ယၤနီတဂၤဘၣ်. တၢ်ဘၣ်ဒိဆါအံၤယွၤဒုးလီၤဘၣ်လၢယလိၤ ဖဲအသးဒိၣ်ဝဲအကတီၢ်န့ၣ်လီၤ.

လံာ်ယဃ့းစက့လး 38:16

နကလဲၤထီၣ်ဒုးယပှၤဂီၢ်မုၢ်အံၣ်စရ့လးဒ်ကလံၤမုၢ်လၢအအူ တၢ်သကုၤကီၢ်ဒီဘ့ၣ်ညါအသိးန့ၣ်လီၤ. ဖဲတၢ်ဆၢကတီၢ်န့ၣ်တုၤဃီၤဒီး, ယကဆှၢနၤလၢနကလဲၤနုာ်လီၤဒုးယကီၢ်, ဒ်သိးယကဒုးနဲၣ်ပှၤကလုာ်တဖၣ်လၢယမ့ၢ်မတၤလဲၣ်, ဒ်သိးယကဒုးနဲၣ် ယတၢ်စီတၢ်ဆှံခီဖျိတၢ်လၢယမၤအီၤခီဖျိနၤန့ၣ်လီၤ.

လံာ်ဒၤနံးယ့လး 10:14

ယဟဲတ့ၢ်ယဲဒ်သိးယကတဲနၢ်ပၢၢ်နၤလၢတၢ်ကမၤအသးဒီး နပှၤဂီၢ်မုၢ်လၢခါဆူညါအဂ့ၢ်န့ၣ်လီၤ. အအံၤမ့ၢ်တၢ်ထံၣ်လၢညါခီဘၣ်ဃးဒီးခါဆူညါအဂ့ၢ်န့ၣ်လီၤ.”

လံာ်ဒၤနံးယ့လး 2:28

ဘၣ်ဆၣ်ဒီးကစၢ်ယွၤလၢအမၤဖျါထီၣ်အတၢ်ခူသူၣ်အဒိၣ်အ ယိာ်အိၣ်ဝဲဒၣ်လၢမူခိၣ်တဂၤလီၤ. အဝဲလီၣ်ဖျါထီၣ်တ့ၢ်တၢ်ကမၤအ သးလၢမုၢ်နံၤလၢခံတဖၣ်အဂ့ၢ်န့ၣ်ဆူနၤ, စီၤပၤနဘူၤကးန့စၢ်အအိၣ်န့ၣ်လီၤ. ခဲကနံၣ်အံၤယကတဲဘၣ်နၤတၢ်မံမီၢ်ဒီးတၢ်ထံၣ်လၢညါခီလၢ နထံၣ်ဘၣ်တ့ၢ်ဖဲနမံသပ့ၤဘၣ်နသးအခါန့ၣ်လီၤ.

လံာ်ဟိၤၡ့ 3:5

ဘၣ်ဆၣ်ဒီးတၢ်ဆၢကတီၢ်ကဟဲတုၤဃီၤဝဲဖဲကီၢ် အံၣ်စရ့လးအပှၤဂီၢ်မုၢ်ကဃၣ်ကဒါက့ၤကဒီးအသးတဘျီဆူယွၤ, အကစၢ်ယွၤအအိၣ်ဒီးဆူအဝဲသ့ၣ်အစီၤပၤစီၤဒၤဝံးအစၢၤအသွဲၣ် တဂၤအအိၣ်န့ၣ်လီၤ. ဒီးဖဲန့ၣ်အဝဲသ့ၣ်ကအိၣ်ဒီးတၢ်ပျံၤယွၤဒီးကဒိးန့ၢ်ဘၣ်အဝဲ အတၢ်ဟ့ၣ်အဂ့ၤတဖၣ်န့ၣ်လီၤ.

လံာ်မံကၤ 4:1

လၢမုၢ်နံၤလၢအကဟဲတဖၣ်အပူၤန့ၣ်, ကစၢၢ်ဖဲတၢ်လုၢ်ဟံၣ်အိၣ်သူၣ်လီၤအသးန့ၣ်ကမ့ၢ်ကစၢၢ်အထီကတၢၢ် လၢကစၢၢ်ခဲလၢာ်အကျါဒီးအိၣ်ထီၣ်ထီလၢတၢ်လူၢ်ခဲလၢာ်အဖီခိၣ် လီၤ. ပှၤအါကလုာ်ကဟဲဖှိၣ်ဆူအအိၣ်လီၤ.

လံာ်တၢ်ဂံၢ် 24:14

စီၤဘံးလၣ်စံးဘၣ်စီၤဘၤလး, “ခဲအံၤ, ယကက့ၤကဒါက့ၤဆူယပှၤဂီၢ်မုၢ်ဒၣ်ယဲအအိၣ်, ဘၣ်ဆၣ်ဒီးတချုးလၢယက့ၤဒံးဘၣ်န့ၣ်, ယဟ့ၣ်ပလီၢ်နၤတၢ်လၢခဲ ကိာ်ကီၢ်အံၣ်စရ့လးအပှၤဂီၢ်မုၢ်ကမၤဘၣ်နပှၤဂီၢ်မုၢ်ဒ်လဲၣ်အဂ့ၢ် န့ၣ်လီၤ.

လံာ်သိၣ်လီၤသီလီၤတၢ် 31:29

ယသ့ၣ်ညါလၢဖဲယသံဝံၤအလီၢ်ခံန့ၣ်, ပှၤဂီၢ်မုၢ်ကကဲထီၣ်ပှၤတ တီတလိၤဒီးညိကွံာ်တၢ်လၢယသိၣ်လိတ့ၢ်အဝဲသ့ၣ်န့ၣ်လီၤ. ဒီးလၢတၢ်ဆၢကတီၢ်လၢအကဟဲအပူၤန့ၣ်, အဝဲသ့ၣ်ကဘၣ်သဂၢၢ်ဒီးတၢ်တတၢးတနါ, မ့ၢ်လၢအဝဲသ့ၣ်ကမၤသးထီၣ် ယွၤခီဖျိတၢ်လၢအဝဲတြီတ့ၢ်ဝဲတဖၣ်အဃိန့ၣ်လီၤ.”

လံာ်သိၣ်လီၤသီလီၤတၢ် 4:30

ဖဲသုအိၣ်လၢတၢ်ကီတၢ်ခဲအပူၤ, ဒီးကယဲၢ်တၢ်ကိးမံၤအံၤဟဲ ဘၣ်သုဒီး, အန့ၣ်တစုလၢခံကတၢၢ်သုကဃၣ်ကဒါက့ၤသုသးဆူယွၤ အအိၣ်ဒီးစူၢ်အီၤန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 3:12

လၢမုၢ်နံၤအဝဲန့ၣ်န့ၣ်ယကမၤကဲထီၣ်ကယဲၢ်တၢ်လၢယကတိၤထီဒါ တ့ၢ်စီၤဧ့လံၤအဟံၣ်ဖိဃီဖိ, စးထီၣ်လၢအခီၣ်ထံးတုၤလၢ အကတၢၢ်တစုန့ၣ်လီၤ.