လံာ်ယံးရမံယၤ 30:23 - Sgaw Karen Common Bible

²³ ယွၤအတၢ်သးကဲၤထီၣ်မ့ၢ်ကလံၤမုၢ်, ကလံၤမုၢ်အဆူၣ်လၢ ကအူတပျုာ်တပျီၤတၢ်လၢပှၤအအၢအသီတဖၣ် အခိၣ်အဖီခိၣ် န့ၣ်လီၤ.

လံာ်ယံးရမံယၤ 30:23 Iomraidhean Croise

စံးထီၣ်ပတြၢၤ 58:9

တချုးလၢအဝဲသ့ၣ် သ့ၣ်ညါဒံးတၢ်န့ၣ်ဘၣ်ဒီး, ကဘၣ်တၢ်ကျီကွံာ်အီၤဒ်နီၣ်ဧိၤမံၤဧိၤအသိး, လၢကစၢ်ယွၤအတၢ်သးကဲၤထီၣ်အပူၤန့ၣ်, အဝဲကအူဒံကွံာ်အဝဲသ့ၣ်ဖဲ အအိၣ်မူဒံးအခါ ဒၣ်လဲာ်လီၤ.

တၢ်ကတိၤဒိ. 1:27

ဖဲအဟဲလီၤဘၣ်သုဒ်ကလံၤမုၢ်ဖးဒိၣ်လၢအဟဲစိာ်ဝဲတၢ်ကီတၢ်ခဲ အကလံၤဆူၣ်ဒီးဖဲသုအိၣ်လၢတၢ်ဘၣ်ဒိဘၣ်ထံးဒီးတၢ်နးတၢ်ဖှီၣ် အပူၤန့ၣ်လီၤ.

လံာ်ယံးရမံယၤ 25:32

ယွၤသ့တၢ်လၢာ်စံးဝဲလၢ တၢ်တတၢးတနါကလီၤ ဘၣ်လၢ ပှၤတကလုာ်ဝံၤတကလုာ်အဖီခိၣ်, ဒီးကလံၤ သဝံးဖးဒိၣ်ကအိၣ်ထီၣ်ဝဲ လၢဟီၣ်ခိၣ်အကတၢၢ်တခီ န့ၣ်လီၤ.

လံာ်ယံးရမံယၤ 4:11

တၢ်ဆၢကတီၢ်ဟဲတုၤလံဝဲ, ဖဲဝ့ၢ်ယရူၤၡလ့ၣ်အပှၤဂီၢ်မုၢ်တဖၣ် ကဘၣ်တၢ်စံးဘၣ်တဲဘၣ်အီၤလၢ, ကလံၤကိၢ်သွၣ်ကိၢ်ဘီတခါ ကဟဲအူနုာ်လၢမဲးမုၢ်ခိၣ်တခီဆူအဝဲသ့ၣ်အအိၣ်န့ၣ်လီၤ. တမ့ၢ်ဘၣ်ကလံၤကပုာ်လုာ်ဖိတခါလၢအအူဒံကွံာ်ဒၣ်ထဲဘုဖ့ဧိၤန့ၣ်ဘၣ်.

လံာ်သးသယုၢ်တၢ် 1:12

ကိးပသူထီၣ်ဝဲဆူကယဲၢ်ပှၤလဲၤတြူာ် လၢကျဲပူၤတဖၣ်အအိၣ်, “ကွၢ်ဃီၤယၤတက့ၢ်. ပှၤတဘၣ်ဒိဆါတ့ၢ်ဒ်ယၤနီတဂၤဘၣ်. တၢ်ဘၣ်ဒိဆါအံၤယွၤဒုးလီၤဘၣ်လၢယလိၤ ဖဲအသးဒိၣ်ဝဲအကတီၢ်န့ၣ်လီၤ.

လံာ်စကၤရယၤ 9:14

ယွၤကအိၣ်ဖျါထီၣ်လၢအပှၤဂီၢ်မုၢ်အဖီခိၣ်, အဝဲကခးအပျၢ်တဖၣ်ဒ်အလီဝၢ်အဒံးအသိးန့ၣ်လီၤ. ယွၤပၢဘၣ်တၢ်ခဲလၢာ်ကစၢ်ကအူထီၣ်ကွဲၤ, ဒီးကလဲၤလၢကလံၤမုၢ်အပူၤလၢ ကလံၤထံးတခီန့ၣ်လီၤ.