လံာ်ယံးရမံယၤ 30:21 - Sgaw Karen Common Bible

²¹ အဝဲသ့ၣ်အပှၤပၢတၢ် ကဟဲထီၣ်လၢ အပှၤကလုာ် ဒၣ်ဝဲအကျါ ဒီးအစီၤပၤဖိလၢ အပှၤဂီၢ်မုၢ်ဒၣ်ဝဲအကျါလီၤ. အဝဲကသုးဘူးအသးဆူ ယအိၣ်ဖဲ ယကွဲမုာ်အီၤလီၤ. အဂ့ၢ်ဒ်အံၤ, ယမ့ၢ်တကွဲမုာ်ဘၣ်ဒီး မ့ၢ်မတၤဟဲကဘူၣ်တဂၤလဲၣ်.

လံာ်ယံးရမံယၤ 30:21 Iomraidhean Croise

လံာ်တၢ်ကဲထီၣ်အခီၣ်ထံး 18:27

စီၤအၤဘြၤဟၣ်စံးကဒီးဝဲ, “ယွၤဧၢ, ဝံသးစူၤပျၢ်ယၤလၢ ယကတိၤတၢ်ဒူဒူတနဲးနဲးဒီးနၤအဃိတက့ၢ်. ယမ့ၢ်ဒၣ်ပှၤကညီတဂၤဒီးတၢ်ခွဲးတၢ်ယာ်တအိၣ်ဒီးယၤနီတမံၤလၢ ယကတဲတၢ်တမံၤမံၤအဂီၢ်န့ၣ်ဘၣ်.

လံာ်တၢ်ကဲထီၣ်အခီၣ်ထံး 18:30

စီၤအၤဘြၤဟၣ်စံး, “ယွၤဧၢ, ဝံသးစူၤသးဒိၣ်တဂ့ၤ. ယကဘၣ်စံးကဒီးယဲန့ၣ်လီၤ. ပှၤမ့ၢ်အိၣ်ထဲအဂၤသၢဆံဧိၤန့ၣ်တၢ် ကမၤအသးဒ်လဲၣ်.” ဒီးယွၤစံးဆၢအီၤ, “ယမ့ၢ်ထံၣ်ထဲပှၤအဂၤသၢဆံန့ၣ်ယတမၤတၢ်န့ၣ်ဘၣ်.”

လံာ်တၢ်ကဲထီၣ်အခီၣ်ထံး 18:32

ဒီးစီၤအၤဘြၤဟၣ်စံးဝဲ, “ယွၤဧၢ, ဝံသးစူၤသးဒိၣ်တဂ့ၤ. ဒီးယကစံးထဲအဝဲတဘျီအံၤလီၤ. တၢ်မ့ၢ်ထံၣ်ထဲပှၤအဂၤတဆံန့ၣ် တၢ်ကမၤသးဒ်လဲၣ်.” ဒီးယွၤစံးဆၢအီၤ, “ပှၤမ့ၢ်အိၣ်ထဲအဂၤတဆံန့ၣ်ယတမၤဟးဂီၤ အီၤဘၣ်.”

လံာ်တၢ်ကဲထီၣ်အခီၣ်ထံး 49:10

စီၤယူဒၤကစိာ်စီၤပၤအဘီမုၢ်နီၣ်ထိး, ဒီးအစၢၤအသွဲၣ်ကပၢတၢ် တဘိယူၢ်ဃီလီၤ. ပှၤကလုာ်တဖၣ်ကဟဲစိာ်န့ၢ်အီၤတၢ်ယူးယီၣ်ပာ်ကဲအတၢ်ဟ့ၣ်ဒီးတီၤ လီၤလၢအမဲာ်ညါအိၣ်ဒီးတၢ်စူၢ်အကလုၢ်န့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 7:13

အဝဲကမ့ၢ်ပှၤတဂၤလၢကသူၣ်ထီၣ်တၢ်လုၢ်ဟံၣ်တဖျၢၣ်လၢယဂီၢ်ဒီး ယကမၤလီၤတံၢ်လၢအဝဲအစၢၤအသွဲၣ်ကပၢတၢ်ဆူညါလီၤစိၤလီၤထီန့ၣ်လီၤ.

လံာ်စီၤဧ့စြၤ 2:2

အဝဲသ့ၣ်အခိၣ်အနၢ်တဖၣ်မ့ၢ်ဝဲစီၤစရူၤဘၤဘ့လး, စီၤယိၤရူ, စီၤနဃ့မယၤ, စီၤစရါယၤ, စီၤရ့လယၤ, စီၤမၢ်ဒကဲၤ, စီၤဘံးလၡၣ်, စီၤမံးစပၢ်, စီၤဘံးကဝဲၤ, စီၤရဃူၣ်ဒီးစီၤဘၤနါလီၤ. အအံၤမ့ၢ်ပှၤအံၣ်စရ့လးဖိအဒူၣ်အထၢအတၢ်ကွဲးနီၣ်ဃုာ်ဒီးအနီၣ်ဂံၢ် လၢဒူၣ်ထၢတဒူၣ်စုာ်စုာ်လၢအဟဲက့ၤကဒါက့ၤလၢတၢ်စိာ်မၢကဲကုၢ် န့ၣ်လီၤ.

လံာ်စီၤနဃ့မယၤ 7:2

ဒီးယပာ်လီၤပှၤခံဂၤလၢကပၢဆှၢဝ့ၢ်ယရူၤၡလ့ၣ်လၢအမ့ၢ်, ယဒီပုၢ်ဝဲၢ်ခွါစီၤဃနၤနံဒီးတိာ်အပဒိၣ်ဖးဒိၣ်စီၤဃနၤနံ ယၤန့ၣ်လီၤ. စီၤဃနၤနံယၤမ့ၢ်ပှၤလၢပှၤနာ်န့ၢ်အီၤသ့ ဒီးမ့ၢ်ပှၤပျံၤယွၤဒိၣ်န့ၢ်ပှၤအဂၤန့ၣ်လီၤ.

စံးထီၣ်ပတြၢၤ 65:4

ပှၤလၢနဃုထၢအီၤ, ပှၤလၢနဟဲစိာ်အီၤဆူနလီၢ်စီဆှံအပူၤ ဒ်သိးကအိၣ်ကဆိးဘၣ်ဝဲအဂီၢ်တဖၣ်န့ၣ် ဘၣ်ဆိၣ်ဂ့ၤဝဲလီၤ. ပကသူၣ်မံသးမံလၢတၢ်ဂ့ၤတဖၣ်လၢနဟံၣ်ပူၤ, နတၢ်လုၢ်ဟံၣ်စီဆှံအတၢ်ဆိၣ်ဂ့ၤဆိၣ်ဝါတဖၣ်န့ၣ်လီၤ.

စံးထီၣ်ပတြၢၤ 89:29

အဝဲအစီၤပၤအစၢၤအသွဲၣ်အတၢ်ပၢဘၣ်န့ၣ် ကအိၣ်ဂၢၢ်ကျၢၤဝဲဒ်မူခိၣ်အသိး, ထီဘိအဝဲအစၢၤအသွဲၣ်တဂၤ ကကဲဘၣ်စီၤပၤန့ၣ်လီၤ.

လံာ်တၢ်ဟးထီၣ်ကွံာ် 3:5

ဒီးကစၢ်ယွၤစံးဝဲဒၣ်, “သုးဘူးနသးဖဲအံၤတဂ့ၤ, ဃ့ၣ်လီၤကွံာ်နခီၣ်ဖံးတက့ၢ်. အဂ့ၢ်ဒ်အံၤ, တၢ်လီၢ်လၢနဆၢထၢၣ်လၢအဖီခိၣ်အံၤမ့ၢ်ဟီၣ်ခိၣ်စီဆှံလီၤ.

လံာ်ယၡါယၤ 63:1

ပှၤတဂၤလၢအဟဲလၢဝ့ၢ်ဘိးစရၤလၢကီၢ်အဒိၣ်အပူၤအံၤ မ့ၢ်မတၤလဲၣ်. မတၤတဂၤအံၤလၢကူသိးတၢ်အဂီၤလီၤကဟုကညီၢ်, လဲၤတၢ်လၢတၢ်စိကမီၤဒီးတၢ်ဂံၢ်ဆူၣ်ဘါဆူၣ်အပူၤန့ၣ်လဲၣ်. အဝဲမ့ၢ်ယွၤ, အိၣ်ဒီးအစိကမီၤလၢကအုၣ်က့ၤခီၣ်က့ၤတၢ်တဂၤ, ဟဲဝဲလၢကဘိးဘၣ်သ့ၣ်ညါအတၢ်မၤနၢၤအဂီၢ်လီၤ.

လံာ်ယံးရမံယၤ 30:9

အခိၣ်တလိာ်, အဝဲသ့ၣ်ကမၤယၤ, ယွၤအဝဲသ့ၣ် အကစၢ်ယွၤ, ဒီးစီၤဒၤဝံးအစၢၤ အသွဲၣ်လၢယကပာ် ထီၣ်အီၤလၢ စီၤပၤအလီၢ်တဂၤ, အတၢ်မၤန့ၣ်လီၤ.

လံာ်ယံးရမံယၤ 33:15

ဖဲတၢ်ဆၢကတီၢ်အဝဲန့ၣ်, ယကဃုထၢပှၤအတီအလိၤတဂၤလၢ အလီၤစၢၤလၢ စီၤဒၤဝံးဒ်စီၤပၤတဂၤအသိးန့ၣ်လီၤ. စီၤပၤအဝဲန့ၣ်ကမၤတၢ်လၢ အဘၣ်ဒီးတီဝဲလိၤဝဲ, လၢကီၢ်ဒီဘ့ၣ်ညါအပူၤန့ၣ်လီၤ.

လံာ်ယံးရမံယၤ 49:19

ဒ်ခ့ယုၢ်တဒုဟဲဟးထီၣ်လၢ သ့ၣ်ပှၢ်လၢ အတီၣ် လၢအအိၣ်လၢထံကျိယၢ်ဒ့ၣ်အသရ့ၤဆူ တၢ်အီၣ်ဆၣ်လီၢ် လါဟ့အပူၤအသိးန့ၣ်, ယကဟဲဒီး ဒုးဃ့ၢ်ကွံာ်ပှၤအဒိၣ်ဖိ တဖၣ်သတူၢ်ကလာ်လၢ အထံကီၢ်ဒၣ်ဝဲန့ၣ်လီၤ. အန့ၣ်ဝံၤဒီး ခိၣ်နၢ်လၢယဃုထၢအီၤန့ၣ်ကပၢပှၤကလုာ်န့ၣ်လီၤ. မ့ၢ်မတၤထိၣ်သတြီၤအသးဒီးယၤကသ့လဲၣ်. မ့ၢ်မတၤ, တၤယၤကဘူၣ်တဂၤလဲၣ်. မ့ၢ်မတၤလၢအပၢတၢ်ဒီး ထီဒါယၤကသ့တဂၤလဲၣ်.

လံာ်ယံးရမံယၤ 50:44

ဒ်ခ့ယုၢ်တဒုဟဲထီၣ်လၢ သ့ၣ်ပှၢ်အတီၣ်လၢထံကျိယၢ်ဒ့ၣ်အသရ့ၤဆူ တၢ်အီၣ်ဆၣ်လီၢ်လါဟ့အသိးန့ၣ်, ယၤ, ယွၤအံၤ, ကဟဲဒီး ဒုးဃ့ၢ်ထီၣ်ကွံာ်ပှၤဘၤဘူၤလိၣ်ဖိတဖၣ် သတူၢ်ကလာ်လၢ အဝဲသ့ၣ်အဝ့ၢ်န့ၣ်လီၤ. အန့ၣ်ဝံၤဒီး, ခိၣ်နၢ်တဂၤလၢ ယဃုထၢအီၤကပၢပှၤတကလုာ်န့ၣ်လီၤ. မတၤထိၣ်သတြီၤအသးဒီး ယၤကသ့တဂၤလဲၣ်. မတၤ, တၤယၤကဘူၣ်တဂၤလဲၣ်. ပှၤပၢတၢ်မတၤတဂၤထီဒါယၤကသ့န့ၣ်လဲၣ်.

လံာ်ယဃ့းစက့လး 37:24

စီၤပၤတဂၤလၢအလီၤဂာ်ဒီးယခ့ယပှၤစီၤဒၤဝံးကမ့ၢ်အဝဲသ့ၣ် အစီၤပၤန့ၣ်လီၤ. အဝဲသ့ၣ်ကအိၣ်ဃူအိၣ်ဖိးလၢ ပှၤပၢတၢ်တဂၤဃီအဖီလာ်ဒီးကစူၢ်ယတၢ်ဘူၣ်တၢ်ဘါအတၢ် သိၣ်တၢ်သီတဖၣ်လၢတၢ်သးတီအပူၤန့ၣ်လီၤ.

လံာ်ဟိၤၡ့ 1:11

ကီၢ်ယူဒၤအပှၤဂီၢ်မုၢ်ဒီးကီၢ်အံၣ်စရ့လးအပှၤဂီၢ်မုၢ်သ့ၣ်တဖၣ် ကပာ်ဖှိၣ်က့ၤကဒီးအသးန့ၣ်လီၤ. အဝဲသ့ၣ်ကဃုထၢပှၤအခိၣ်တ ဂၤလၢအဂီၢ်ဒၣ်ဝဲဒီးအဝဲသ့ၣ်ကဒိၣ်ထီၣ်အါထီၣ်ကဒီးအသီတ ဘျီဒီးကဘီၣ်ထီၣ်ညီထီၣ်လၢအထံအကီၢ်အပူၤန့ၣ်လီၤ. မ့ၢ်လီၤ, ယံးစရ့လးအမုၢ်တနံၤကမ့ၢ်မုၢ်နံၤအဒိၣ်တနံၤန့ၣ်လီၤ.

လံာ်တၢ်ဂံၢ် 16:40

အဝဲအံၤမ့ၢ်တၢ်ဟ့ၣ်ပလီၢ်သးတမံၤဆူပှၤအံၣ်စရ့လးဖိတဖၣ်ဒ် သိးပှၤလၢအတမ့ၢ်ဘၣ်စီၤအၤဟရိၣ်အစၢၤအသွဲၣ်တဖၣ်အသု တဟဲဘူးဒီးတၢ်လုၢ်လီၢ်နီတဂၤလၢကဆိၣ်ကဲၤတၢ်နၢမူဆူယွၤ အဂီၢ်တဂ့ၤန့ၣ်လီၤ. မ့တမ့ၢ်ဘၣ်ဒ်န့ၣ်ဒီး, အဝဲကဘၣ်တၢ်မၤဟးဂီၤကွံာ်အီၤဒ်စီၤကိၤရးဒီးအပှၤတဖၣ်အသိး န့ၣ်လီၤ. တၢ်ခဲလၢာ်အံၤဘၣ်တၢ်မၤဝံၤအီၤဒ်ယွၤမၤလိာ်တ့ၢ်စီၤအ့လၤ ဧစၢ်ခီဖျိစီၤမိၤၡ့အသိးန့ၣ်လီၤ.

လံာ်တၢ်ဂံၢ် 16:5

အန့ၣ်ဝံၤဒီးအဝဲဒၣ်စံးဘၣ်စီၤကိၤရး, ဒီးပှၤပိာ်အခံတဖၣ်, “ခဲမုၢ်ဆ့ၣ်ဂီၤခီန့ၣ်ယွၤကဒုးနဲၣ်ပှၤလၢမတၤမ့ၢ်ပှၤဘၣ်ဃး ဒီးအီၤလဲၣ်န့ၣ်လီၤ. အဝဲကပျဲပှၤတဂၤလၢအဘၣ်ဃးဒီးအီၤ, ဒ်ပစံးတၢ်အသိးပှၤလၢအဃုထၢတ့ၢ်ဝဲ, ကသုးဘူးအသးဆူအအိၣ်ဖဲတၢ်လုၢ်လီၢ်န့ၣ်လီၤ.

လံာ်မးသဲ 2:2

“ဖိသၣ်လၢအအိၣ်ဖျဲၣ်ထီၣ်ဒီးလၢအကကဲထီၣ်ပှၤယူဒၤဖိတဖၣ် အစီၤပၤတဂၤန့ၣ်မ့ၢ်အအိၣ်ဖဲလဲၣ်. ပထံၣ်ဘၣ်တ့ၢ်လံအဆၣ်လၢမုၢ်ထီၣ်တခီဒီးပဟဲသကိးလၢပကဘူၣ်ထီၣ် ဘါထီၣ်အီၤအဂီၢ်လီၤ.”

လံာ်မးသဲ 27:37

လၢထူၣ်စုညါအလိၤဖဲယ့ၣ်ၡူးအခိၣ်ထးန့ၣ်, ပှၤကွဲးလီၤတၢ်ကွဲး, “အဝဲအံၤ မ့ၢ်ယ့ၣ်ၡူး, ပှၤယူဒၤဖိအစီၤပၤ” လၢအမ့ၢ်တၢ်ကမၣ်လၢအဘၣ်တၢ်ပာ်ဝဲလၢ ယ့ၣ်ၡူးအလိၤန့ၣ်လီၤ.

လံာ်မးသဲ 3:17

အန့ၣ်ဒီး တၢ်အကလုၢ်သီၣ်ထီၣ်လၢမူခိၣ်ဒီးစံး, “အအံၤမ့ၢ်ယဖိခွါဒၣ်ယဲလၢယအဲၣ်အီၤဒီးဘၣ်သူၣ်ဘၣ် သးယၤဒိၣ်မးတဂၤလီၤ.”

လံာ်လူၤကၣ် 24:26

မ့ၢ်အလီၢ်တအိၣ်လၢခရံာ်ကတူၢ်တၢ်သ့ၣ်တဖၣ်အံၤ, ဒီးနုာ်လီၤဆူအတၢ်လၤကပီၤအပူၤဘၣ်ဧါ.”

မၤတၢ် 5:31

ကစၢ်ယွၤပာ်ထီၣ်ထီအီၤလၢအစုထွဲတကပၤဒ်ပှၤခိၣ်ပှၤနၢ် ဒီးပှၤအုၣ်က့ၤခီၣ်က့ၤပှၤတဂၤအသိး, ဒ်သိးကဟ့ၣ်ပှၤအံၣ်စရ့လးဖိတဖၣ်တၢ်အခွဲးအယာ်လၢကပီၢ်ယၢ်ဒီး ဃၣ်လိၤက့ၤအသးဒီးအတၢ်ဒဲးဘးကဘၣ်တၢ်ပျၢ်ကွံာ်အီၤ အဂီၢ်န့ၣ်လီၤ.

ရိမ့ၤ 8:34

မ့မ့ၢ်ဒ်န့ၣ်ဒီး, မ့ၢ်မတၤကစံၣ်ညီၣ်ဃၣ်အဝဲသ့ၣ်တဂၤဂၤန့ၣ်လဲၣ်. တမ့ၢ်ယ့ၣ်ၡူးခရံာ်လၢအသံတ့ၢ်, ဘၣ်ဆၣ်တၢ်ဒုးဂဲၤဆၢထၢၣ် သမူထီၣ်က့ၤအီၤဒီးခဲအံၤအိၣ်ဝဲဒၣ်လၢယွၤအစုထွဲတခီ တဂၤန့ၣ်ဘၣ်ဧါ. အဝဲဒၣ်ဃ့သကွံၢ်ကညးတၢ်ဒီးယွၤလၢ ပဂီၢ်န့ၣ်လီၤ.

လံာ်သိၣ်လီၤသီလီၤတၢ် 17:15

မၤလီၤတံၢ်လၢပှၤတဂၤလၢသုကဃုထၢအီၤလၢစီၤပၤန့ၣ်, မ့ၢ်ပှၤတဂၤလၢယွၤဃုထၢအီၤန့ၣ်တက့ၢ်. အဝဲကဘၣ်မ့ၢ်ပှၤလၢသုပှၤဂီၢ်မုၢ်ဒၣ်ဝဲအကျါတဂၤန့ၣ်လီၤ. ဒုးကဲထီၣ်ပှၤတခီဘီမုၢ်ဖိတဂၤလၢသုစီၤပၤတဂ့ၤ.

လံာ်သိၣ်လီၤသီလီၤတၢ် 18:18

ယကဆှၢလီၤန့ၢ်အဝဲသ့ၣ်လၢဝံဒ်သိးနၤတဂၤလၢအဝဲသ့ၣ်အပှၤဂီၢ် မုၢ်ဒၣ်ဝဲအကျါလီၤ. ယကတဲဘၣ်ဝံန့ၣ်တၢ်လၢကဘၣ်စံးဝဲ, ဒီးအဝဲကတဲဘၣ်ပှၤဂီၢ်မုၢ်တၢ်ခဲလၢာ်လၢယမၤလိာ်အီၤန့ၣ်လီၤ.

လံာ်သိၣ်လီၤသီလီၤတၢ် 33:5

ယွၤကဲထီၣ်က့ၤအဝဲအပှၤဂီၢ်မုၢ်အံၣ်စရ့လးအစီၤပၤ, ဖဲအဝဲသ့ၣ်အဒူၣ်တဖၣ်ဒီးအခိၣ်အနၢ်တဖၣ်ပာ်ဖှိၣ်ထီၣ်အသးတပူၤဃီ န့ၣ်လီၤ.

ဧ့ၤဘြံၤ 1:3

အဝဲလီၣ်ဖျါထီၣ်န့ၢ်ပှၤလၢကစၢ်ယွၤအလၤကပီၤဒီးစိာ်မူ ဝဲကစၢ်ယွၤအက့ၢ်အဂီၤအန့ဆၢၣ်လီၤတံၢ်လီၤဆဲးဒီးဟံး ဃာ်ပၢၤဃာ်ဟီၣ်ခိၣ်မူခိၣ်လၢအကလုၢ်အစိအကမီၤလီၤ. တုၤအမၤကဆှီထီၣ်ပှၤလၢပတၢ်ဒဲးဘးလၢအကစၢ် ဒၣ်ဝဲဝံၤဒီး, ဆ့ၣ်နီၤဝဲလၢတၢ်စိဒိၣ်ကမီၤထီကစၢ်ယွၤ အစုထွဲတခီလီၤ.

၁ ယိၤဟၣ် 2:2

ဒီးခီဖျိခရံာ်အကစၢ်ဒၣ်ဝဲန့ၣ်, ပတၢ်ဒဲးဘးတဖၣ်ဘၣ်တၢ်ပျၢ်ကွံာ်အီၤ, ဒီးတမ့ၢ်လၢၤထဲပတၢ်ဒဲးဘးတဖၣ်အဂီၢ်ဧိၤဘၣ်. မ့ၢ်စ့ၢ်ကီးလၢပှၤဟီၣ်ခိၣ်ဖိခဲလၢာ်အတၢ်ဒဲးဘးတဖၣ် အဂီၢ်လီၤ.

လံာ်လီၣ်ဖျါ 19:16

လၢအဆ့ကၤဖးထီအလိၤ, ဒီးလၢအကံၣ်ဒုၣ်လိၤန့ၣ်မံၤ တဖျၢၣ်အိၣ်ကွဲးအသး, “စီၤပၤတဖၣ်အစီၤပၤဒီးကစၢ် တဖၣ်အကစၢ်” န့ၣ်လီၤ.