လံာ်ယံးရမံယၤ 30:19 - Sgaw Karen Common Bible

¹⁹ ပှၤဂီၢ်မုၢ်လၢ အအိၣ်ဆိးဝဲဖဲန့ၣ်, ကသးဝံၣ်စံးထီၣ်ပတြၢၤတၢ်, အဝဲသ့ၣ်ကကိးထီၣ်တၢ်လၢ တၢ်သးခုအပူၤန့ၣ်လီၤ. လၢယတၢ်ဆိၣ်ဂ့ၤအဃိန့ၣ်, အဝဲသ့ၣ်ကအါထီၣ်ဝဲလၢ အနီၣ်ဂံၢ်, ယတၢ်ဆိၣ်ဂ့ၤ ကဟဲစိာ်န့ၢ်အဝဲသ့ၣ်လၢ တၢ်လၤကပီၤ န့ၣ်လီၤ.

လံာ်ယံးရမံယၤ 30:19 Iomraidhean Croise

လံာ်စီၤဧ့စြၤ 6:22

လၢနွံသီအတီၢ်ပူၤန့ၣ်, အဝဲသ့ၣ်မၤတၢ်သ့ၣ်နီၣ်မၤလၤကပီၤဘူၣ် တအိၣ်ဘၣ်ဒီးကိၣ်မံၣ်လၢတၢ်သူၣ်ခုသးခုအပူၤန့ၣ်လီၤ. အဝဲသ့ၣ်ပှဲၤဒီးတၢ်သူၣ်ခုသးခုမ့ၢ်လၢယွၤထိးဘၣ်တ့ၢ်ကီၢ်အၤ ၡူၢ်အစီၤပၤဖးဒိၣ်အသးလၢကကွၢ်မဲာ်အဝဲသ့ၣ်, တုၤဒၣ်လဲာ်မၤစၢၤအဝဲသ့ၣ်လၢအတၢ်ဖံးတၢ်မၤလၢတၢ်သူၣ်ထီၣ်ကဒါ က့ၤပှၤအံၣ်စရ့လးဖိအကစၢ်ယွၤအတၢ်လုၢ်ဟံၣ်အပူၤအဃိန့ၣ်လီၤ.

လံာ်စီၤနဃ့မယၤ 8:12

လၢတၢ်န့ၣ်အဃိ, ကယဲၢ်ပှၤဂီၢ်မုၢ်ခဲလၢာ်က့ၤဆူအဟံၣ်ဒၣ်ဝဲ, ဒီးအီၣ်တၢ်အီတၢ်လၢတၢ်သူၣ်ခုသးခုအပူၤဒီးနီၤလိာ်အသးဒီး တၢ်လၢအအိၣ်ဒီးအီၤန့ၣ်လီၤ. အဂ့ၢ်ဒ်အံၤ, အဝဲသ့ၣ်နၢ်ပၢၢ်တၢ်လၢအဘၣ်တၢ်ဖးဖျါန့ၢ်အီၤန့ၣ်လီၤ.

လံာ်စီၤနဃ့မယၤ 8:17

ကယဲၢ်ပှၤဂီၢ်မုၢ်လၢအဟဲက့ၤလၢတၢ်စိာ်မၢကဲကုၢ်အလီၢ်တဖၣ်န့ၣ် ဘှီထီၣ်ဒဲတဖၣ်ဒီးအိၣ်ဝဲလၢအပူၤန့ၣ်လီၤ. တၢ်အံၤမ့ၢ်အဆိကတၢၢ်တဘျီလၢတၢ်မၤအီၤစးထီၣ်ဖဲ စီၤနိၣ်အဖိခွါစီၤယိၤၡူအမုၢ်နံၤတဖၣ်ဝံၤအလီၢ်ခံန့ၣ်လီၤ. ကယဲၢ်ပှၤခဲလၢာ်အသူၣ်ပိၢ်အသးဝးဒီးသူၣ်ဖှံသးညီဝဲဒၣ်န့ၣ်လီၤ.

စံးထီၣ်ပတြၢၤ 53:6

မ်တၢ်မၤပူၤဖျဲးအလီၢ်လၢအံၣ်စရ့လးအဂီၢ်အံၤ ကဟဲလၢစံယိၣ်တက့ၢ်. တုၤကစၢ်ယွၤဒုးဟဲက့ၤအပှၤဂီၢ်မုၢ်လၢ တၢ်စိာ်မၢကဲကုၢ်အလီၢ်န့ၣ်ဒီး ယၤကိာ်ကသူၣ်ဖှံသးညီဒီး အံၣ်စရ့လးကသူၣ်ခုသးခုဝဲဒၣ်န့ၣ်လီၤ.

လံာ်ယၡါယၤ 12:1

မုၢ်တနံၤကဟဲဝဲဖဲပှၤကသးဝံၣ်ထီၣ်, “ယွၤဧၢ, ယစံးထီၣ်ပတြၢၤနၤလီၤ. နသးဒိၣ်တ့ၢ်ယၤ, ဘၣ်ဆၣ်ခဲအံၤနမၤမုာ်ယသးဒီးနတသးဒိၣ်လၢၤယၤလၢၤဘၣ်.

လံာ်ယၡါယၤ 26:15

ယွၤဧၢ, နမၤဒိၣ်ထီၣ်ထီထီၣ်ပပှၤကလုာ်, ဒီးမၤလဲၢ်ထီၣ်ထံကီၢ်ကိးကပၤဒဲး, ဒီးအဝဲအံၤဟဲစိာ်န့ၢ်နၤတၢ်လၤကပီၤလီၤ.

လံာ်ယၡါယၤ 27:6

မုၢ်နံၤတဖၣ်လၢအကဟဲအပူၤန့ၣ်, ကီၢ်အံၣ်စရ့လးအပှၤဂီၢ်မုၢ် လၢအဟဲလီၤစၢၤလၢစီၤယၤကိာ်, ကစဲၤလီၤအဂံၢ်ဒ်သ့ၣ်တထံး အသိးဒီးအဝဲသ့ၣ်ကဘိၣ်ထီၣ်ဆှိးထီၣ်ဒီးဟီၣ်ခိၣ်ကပှဲၤဒီးတၤ သၣ်လၢအဟ့ၣ်ထီၣ်ဝဲလီၤ.

လံာ်ယၡါယၤ 35:10

အဝဲသ့ၣ်ကလဲၤတုၤဆူဝ့ၢ်ယရူၤၡလ့ၣ် လၢတၢ်သူၣ်ဖှံသးညီ, ကသူၣ်ဝံၣ်သးဆၢဒီးကကိးထီၣ်လၢအတၢ်သးခုဒိၣ်ဝဲအဃိလီၤ. အဝဲသ့ၣ်ကသူၣ်ဖှံသးညီအစိၤစိၤအဃၣ်ဃၣ်, အစိၤစိၤအဃၣ်ဃၣ်န့ၣ်ပူၤဖျဲးဝဲလၢတၢ်သူၣ်အုးသးအုးဒီး တၢ်ဘၣ်မိၣ်ဘၣ်မးလီၤ.

လံာ်ယၡါယၤ 51:11

ပှၤတဖၣ်လၢနမၤပူၤဖျဲးတ့ၢ်အီၤန့ၣ် ကလဲၤတုၤဝ့ၢ်ယရူၤရှလ့ၣ် လၢတၢ်သူၣ်ဖှံသးညီအပူၤ ဒီးကသးဝံၣ်တၢ်ဒီးကကိးထီၣ် ဝဲလၢတၢ်သူၣ်ခုသးခုအဂ့ၢ်န့ၣ်လီၤ. အဝဲသ့ၣ်ကသူၣ်ဖှံသးညီလီၤစိၤလီၤဃၣ် ဒီးပူၤဖျဲးကွံာ်ဒီးတၢ်ဘၣ်မိၣ်ဘၣ်မးဒီးတၢ်သူၣ် အုးသးအုးလီၤထူလီၤယိာ်န့ၣ်လီၤ.

လံာ်ယၡါယၤ 51:3

ယကဒုးနဲၣ်ယတၢ်သးကညီၤဆူဝ့ၢ်ယရူၤၡလ့ၣ်ဒီး, ဆူပှၤခဲလၢာ်လၢအအိၣ်လၢအတၢ်ဟးဂီၤတဖၣ်အပူၤလီၤ. အလီၢ်အကျဲမ့ၢ်မဲးမုၢ်ခိၣ်ဒၣ်လဲာ်, ယကဒုးကဲထီၣ်အီၤလၢ တၤသၣ်လီၢ်တလီၢ် လၢအလီၤဂာ်ဒီးတၤသၣ်လီၢ်လၢယသူၣ်လီၤတ့ၢ်အီၤလၢဧ့ၤဒ့ၣ်န့ၣ်လီၤ. တၢ်သူၣ်ခုသးခုဒီးတၢ်သူၣ်ဖှံသးညီ, တၢ်စံးထီၣ်ပတြၢၤဒီးတၢ်စံးဘျုးစံးဖှိၣ်ယၤ အတၢ်သးဝံၣ်တဖၣ်ကအိၣ်ဖဲန့ၣ်လီၤ.

လံာ်ယၡါယၤ 52:9

ကိးသတြီထီၣ်လၢတၢ်သးခု အတၢ်ကိးထီၣ်တဖၣ်တက့ၢ်, သုဝဲဝ့ၢ်ယရူၤၡလ့ၣ်အတၢ်ဟးဂီၤတဖၣ်ဧၢ. ယွၤကမၤပူၤဖျဲးအဝ့ၢ်ဒၣ်ဝဲဒီးမၤမုာ်မၤခုၣ်အပှၤဂီၢ်မုၢ်လီၤ.

လံာ်ယၡါယၤ 55:5

ခဲအံၤ, သုကကိးဖှိၣ်ထံဂုၤကီၢ်ဂၤအပှၤကလုာ်တဖၣ်လီၤ. တဘျီန့ၣ်, အဝဲသ့ၣ်တသ့ၣ်ညါသုဘၣ်. ဘၣ်ဆၣ်ဒီးခဲအံၤ, အဝဲသ့ၣ်ကဟဲဃ့ၢ် ပာ်ဖှိၣ်အသးဒီးသုလီၤ. ယၤ, ယွၤ, သုကစၢ်ယွၤ, အံၣ်စရ့လးအကစၢ်ယွၤစီဆှံ ကမၤကဲထီၣ်လိၣ်ထီၣ်တၢ်သ့ၣ်တဖၣ်အံၤခဲလၢာ်လီၤ. ယကဟ့ၣ်လီၤသုလၢတၢ်ဒိးဘၣ်တၢ်ယူးယီၣ် ဒီးတၢ်လၤကပီၤလီၤ.”

လံာ်ယၡါယၤ 60:19

မုၢ်တမ့ၢ်လၢၤနတၢ်ကပီၤလၢမုၢ်ဆါမ့ၢ်ဂ့ၤ, လါတမ့ၢ်လၢၤနတၢ်ကပီၤလၢမုၢ်နၤခီမ့ၢ်ဂ့ၤလၢၤဘၣ်. ယၤ, ယွၤအံၤ, ကမ့ၢ်နတၢ်ကပီၤအထူအယိာ်, ဒီးယလၤကပီၤအတၢ်ကပီၤန့ၣ် ကကပီၤထီၣ်လၢနဖီခိၣ်လီၤ.

လံာ်ယၡါယၤ 60:22

နဒူၣ်ဖိထၢဖိအဆံးကတၢၢ်ဒီး အဆီၣ်လီၤသးကတၢၢ်ဒၣ်လဲာ် ကကဲထီၣ်တၢ်အဒိၣ်ထဲသိးပှၤကလုာ်လၢ အဒိၣ်စိဒိၣ်ကမီၤတကလုာ်လီၤ. တုၤတၢ်ဆၢဂ့ၤကတီၢ်ဘၣ်ဟဲတုၤဝဲဒီး, ယကဒုးဟဲထီၣ်တၢ်အံၤချ့ချ့လီၤ. ယမ့ၢ်ယွၤလီၤ.”

လံာ်ယၡါယၤ 60:9

အဝဲသ့ၣ်မ့ၢ်ကဘီတဖၣ်လၢအဟဲလၢ ထံကီၢ်အယံၤတဖၣ်, ဟဲက့ၤစိာ်ကဒါက့ၤကစၢ်ယွၤအပှၤဂီၢ်မုၢ်ဆူဟံၣ်န့ၣ်လီၤ. အဝဲသ့ၣ်ဟဲစိာ်ဃုာ်စ့ဒီးထူဒ်သိးကမၤလၤကပီၤယွၤ, အံၣ်စရ့လးအကစၢ်ယွၤစီဆှံအမံၤလီၤ. အဝဲမ့ၢ်ကစၢ်လၢအမၢပှၤကိးကလုာ်ဒဲး မၤလၤကပီၤအပှၤဂီၢ်မုၢ်န့ၣ်လီၤ.

လံာ်ယံးရမံယၤ 17:26

ပှၤဂီၢ်မုၢ်ကဟဲဝဲလၢကီၢ်ယူဒၤအဝ့ၢ်တဖၣ်ဒီးလၢသဝီတဖၣ်လၢ အအိၣ်ဝးတရံးဝ့ၢ်ယရူၤၡလ့ၣ်န့ၣ်လီၤ. အဝဲသ့ၣ်ကဟဲဝဲလၢဘံၣ်ယၤမံၣ်အဒူၣ်အလီၢ်ကဝီၤ, ဒီးလၢတၢ်လူၢ်တဖၣ်အခီၣ်ထံး, လၢကစၢၢ်ကလိတဖၣ်, ဒီးလၢကီၢ်ယူဒၤအကလံၤထံးန့ၣ်လီၤ. အဝဲသ့ၣ် ကဟဲစိာ်တၢ်လုၢ်မ့ၣ်အူတဖၣ်ဒီးတၢ်လုၢ်တၢ်ပာ်တဖၣ်, တၢ်လုၢ်ဘုဟုတဖၣ်ဒီးတၢ်နၢမူ, ဃုာ်ဒီးတၢ်စံး ဘျုးအတၢ်လုၢ်တဖၣ်ဆူယတၢ်လုၢ်ဟံၣ်န့ၣ်လီၤ.

လံာ်ယံးရမံယၤ 3:16

ဒီးတုၤသုအါထီၣ်ဂီၢ်ထီၣ်လၢထံကီၢ်န့ၣ်အပူၤဒီး, ပှၤဂီၢ်မုၢ်တကတိၤလၢၤဘၣ်ဃးယတၢ်အၢၣ်လီၤအီလီၤအတလါအဂ့ၢ် လၢၤဘၣ်. အဝဲသ့ၣ်တဆိကမိၣ်မ့ၢ်ဂ့ၤ, တသ့ၣ်နီၣ်မ့ၢ်ဂ့ၤ, တၢ်အၢၣ်လီၤအီလီၤအတလါန့ၣ်လၢၤဘၣ်. အဝဲသ့ၣ်တလိၣ် ဘၣ်လၢၤဒၣ်လဲာ်အီၤမ့ၢ်ဂ့ၤ, မၤကဒီးဝဲအဂၤတခါမ့ၢ်ဂ့ၤလၢၤဘၣ်.

လံာ်ယံးရမံယၤ 31:27

ယၤ, ယွၤအံၤ, ယစံးလၢ တၢ်ဆၢကတီၢ် ဟဲလံဝဲဖဲ ယကမၤပှဲၤ ကီၢ်အံၣ်စရ့လးဒီး ကီၢ်ယူဒၤ, လၢပှၤဂီၢ် မုၢ်ဒီး ဆၣ်ဖိကီၢ်ဖိတဖၣ်န့ၣ်လီၤ.

လံာ်ယံးရမံယၤ 31:4

ယကမၤထီၣ်က့ၤ ကဒီး သုတဘျီန့ၣ်လီၤ. သုကဟံးထီၣ်ကဒီး ဒၢတဖၣ်ဒီး ဂဲၤကလံာ်လၢတၢ် သးခုအပူၤန့ၣ်လီၤ.

လံာ်ယံးရမံယၤ 33:22

ယကမၤအါထီၣ်ယခ့ယပှၤ စီၤဒၤဝံးအစၢၤအသွဲၣ် တဖၣ်အနီၣ်ဂံၢ်, တုၤဒၣ်လဲာ် ပှၤဂံၢ်အဝဲသ့ၣ်တသ့ လၢၤဘၣ်. ဒ်ပှၤဂံၢ်ဆၣ်တဖၣ်လၢ မူကပိာ်လိၤ မ့ၢ်ဂ့ၤ, မဲးဧိၤဟီၣ်ဧိၤလၢ ပီၣ်လဲၣ်ကၢၢ်နံၤမ့ၢ်ဂ့ၤ, တသ့ဝဲဘၣ် အသိးန့ၣ်လီၤ.”

လံာ်ယဃ့းစက့လး 36:37

ယွၤပၢဘၣ်တၢ်ခဲလၢာ်ကစၢ်စံးဝဲဒၣ်, “ယကပျဲပှၤအံၣ်စရ့လးဖိ တဖၣ်ဃ့ကဒီးတၢ်မၤစၢၤလၢယၤ, ဒီးယကဒုးအါထီၣ်အဝဲသ့ၣ် အနီၣ်ဂံၢ်ဒ်သိတဖုအသိးန့ၣ်လီၤ.

လံာ်ယဃ့းစက့လး 37:10

လၢတၢ်န့ၣ်အဃိ, ယကတိၤတၢ်လၢဝံအကျိာ်ဒ်တၢ်စံးဘၣ်တ့ၢ်ယၤ အသိးန့ၣ်လီၤ. တၢ်သါဟဲနုာ်လီၤဆူနီၢ်ခိတဖၣ်အပူၤ, ဒီးအဝဲသ့ၣ် မူထီၣ်က့ၤဝဲဒီးဆၢထၢၣ်ဝဲဒၣ်န့ၣ်လီၤ. အဝဲသ့ၣ်အိၣ်ဝဲလၢလၢပှဲၤပှဲၤ လၢကဒုးအိၣ်ထီၣ်သုးမုၢ်တဖုန့ၣ်လီၤ.

လံာ်ယဃ့းစက့လး 37:26

ယကမၤတၢ်အၢၣ်လီၤတမံၤဒီးအဝဲသ့ၣ်လၢကဟ့ၣ်တၢ်အုၣ်ခီၣ်သး လၢအဝဲသ့ၣ်အတၢ်ဘံၣ်တၢ်ဘၢအစိၤစိၤအဃၣ်ဃၣ်အဂီၢ်န့ၣ်လီၤ. ယကမၤကျၢၤအဝဲသ့ၣ်ဒီးဒုးအါထီၣ်အဝဲသ့ၣ်အနီၣ်ဂံၢ်ဒီးပာ်ယတၢ် လုၢ်ဟံၣ်လၢအဝဲသ့ၣ်အကီၢ်ပူၤ, ဖဲတၢ်လုၢ်ဟံၣ်န့ၣ်ကအိၣ်ဝဲဖဲန့ၣ် လီၤစိၤလီၤထီန့ၣ်လီၤ.

လံာ်စကၤရယၤ 10:8

ယကကိးယပှၤဂီၢ်မုၢ်, ဒီးပာ်ဖှိၣ်က့ၤအဝဲသ့ၣ်တပူၤဃီလီၤ. ယကမၤပူၤဖျဲးအဝဲသ့ၣ် ဒီးမၤအါထီၣ်ဂီၢ်ထီၣ်အဝဲသ့ၣ်ဒ်အညီနုၢ် အဝဲသ့ၣ်မ့ၢ်တ့ၢ်ဝဲအသိးန့ၣ်လီၤ.

လံာ်စကၤရယၤ 12:8

ဖဲအဆၢကတီၢ်အဝဲန့ၣ်, ယွၤကဒီဒၣ်အိၣ်ပှိၤပှၤလၢအအိၣ်လၢဝ့ၢ်ယရူၤၡလ့ၣ်အပူၤ, ဒီးပှၤလၢအဂံၢ်စၢ်ဘါစၢ်ကတၢၢ်လၢအဝဲသ့ၣ်အကျါတဖၣ်ဒၣ်လဲာ် န့ၣ်ကကဲထီၣ်ပှၤလၢအဂံၢ်ဆူၣ်ဘါဆူၣ်ဒ်စီၤဒၤဝံးမ့ၢ်တ့ၢ်အသိး န့ၣ်လီၤ. ဒီးစီၤဒၤဝံးအစၢၤအသွဲၣ်တဖၣ်ကဆှၢအဝဲသ့ၣ်ဒ်ယွၤ အကလူးအသိး, ဒီးဒ်ကစၢ်ယွၤအနီၢ်ကစၢ်ဒၣ်ဝဲအသိးန့ၣ်လီၤ.

လံာ်စကၤရယၤ 2:4

ကလူးအခီၣ်ထံးတဂၤတဲဘၣ်အဂၤတဂၤ, “ဃ့ၢ်ဒီးလဲၤတဲဘၣ်ပှၤသးစၢ်လၢအအိၣ်ဒီးနီၣ်ထိၣ်ပျံၤန့ၣ် လၢပှၤဂီၢ်မုၢ်ဒီးဆၣ်ဖိကီၢ်ဖိကအိၣ်ဝဲဒၣ်လၢဝ့ၢ်ယရူၤၡလ့ၣ် အပူၤဂီၢ်မုၢ်ဂီၢ်ပၤတုၤဒၣ်လဲာ်ဝ့ၢ်န့ၣ်ကဒိၣ်ကဲာ်ဆိးလၢ ကအိၣ်ဒီးအခိၣ်ဒူတဖၣ်လီၤ.

လံာ်စကၤရယၤ 8:19

“တၢ်ဒုၣ်တၢ်အီၣ်တၢ်အီတဖၣ်လၢအဘၣ်တၢ်မၤအီၤလၢလါလွံၢ်လါ တလါ, လါယဲၢ်လါတလါ, လါနွံလါတလါ, ဒီးလါဆံဆဲၣ်လါတလါန့ၣ်ကကဲထီၣ်တၢ်သူၣ်ဖှံသးညီဒီး တၢ်သူၣ်ခုသးခုအဘူၣ်တဖၣ်လၢကီၢ်ယူဒၤအပှၤဂီၢ်မုၢ်အဂီၢ်လီၤ. ဒီးသုကဘၣ်အဲၣ်တၢ်မ့ၢ်တၢ်တီဒီးတၢ်ဃူတၢ်ဖိးန့ၣ်လီၤ.”

လံာ်ယိၤဟၣ် 17:22

ယဟ့ၣ်အဝဲသ့ၣ်တၢ်လၤကပီၤတမံၤဃီလၢနဟ့ၣ်လီၤယၤ, ဒ်သိးအဝဲသ့ၣ်ကမ့ၢ်တၢ်တမံၤဃီဒ်နၤဒီးယၤပမ့ၢ်တၢ်တမံၤဃီ အသိးန့ၣ်လီၤ.

၁ ပ့းတရူး 1:7

အဝဲသ့ၣ်အတၢ်တိာ်မ့ၢ်ဒ်သိးကပာ်ဖျါတၢ်အုၣ်အသးလၢ သုတၢ်စူၢ်တၢ်နာ်မ့ၢ်တၢ်နီၢ်နီၢ်အဂီၢ်န့ၣ်လီၤ. ထူလၢတၢ်မၤဟးဂီၤအီၤသ့ဒၣ်လဲာ်န့ၣ်, ဘၣ်တၢ်မၤကွၢ် အီၤလၢမ့ၣ်အူလီၤ. လၢတၢ်န့ၣ်အဃိ, သုတၢ်စူၢ်တၢ်နာ်လၢအလုၢ်ဒိၣ်ပှ့ၤဒိၣ်, ဒိၣ်န့ၢ်ဒံးထူန့ၣ်, ကဘၣ်တၢ်မၤကွၢ်စ့ၢ်ကီးအီၤဒ်သိးကအိၣ်ဂၢၢ်ကျၢၤဝဲ အဂီၢ်လီၤ. အန့ၣ်ဒီးသုကဒိးန့ၢ်တၢ်စံးထီၣ်ပတြၢၤ, တၢ်ယူးယီၣ်, ဒီးတၢ်လၤကပီၤလၢမုၢ်နံၤဖဲယ့ၣ်ၡူးခရံာ် ဘၣ်တၢ်လီၣ်ဖျါထီၣ်အီၤန့ၣ်လီၤ.