လံာ်ယံးရမံယၤ 30:18 - Sgaw Karen Common Bible

¹⁸ ယွၤစံးဝဲဒၣ်, “ယကပာ်ကဒါက့ၤ ယပှၤဂီၢ်မုၢ်လၢ အကီၢ်ဒၣ်ဝဲ, ဒီးအိၣ်ဒီး တၢ်သးကညီၤလၢ ဒူၣ်ဖိထၢဖိကိးဒူၣ်ဒဲးအဖီခိၣ်န့ၣ်လီၤ. ဝ့ၢ်ယရူၤၡလ့ၣ် ကဘၣ်တၢ်ဘှီထီၣ်က့ၤအီၤ, ဒီးအနူၢ်အစီၤကဘၣ် တၢ်ပာ်ထီၣ်ကဒါက့ၤအီၤန့ၣ်လီၤ.

လံာ်ယံးရမံယၤ 30:18 Iomraidhean Croise

လံာ်ကွဲးနီၣ်တၢ်အခီၣ်ထံးတဘ့ၣ် 29:1

စီၤပၤဒၤဝံးဘိးဘၣ်သ့ၣ်ညါပှၤလၢအဟဲပာ်ဖှိၣ်အသးခဲလၢာ်, “ယဖိခွါစီၤၡလိၤမိၤ, မ့ၢ်ပှၤတဂၤလၢကစၢ်ယွၤဃုထၢတ့ၢ်ဝဲ, ဘၣ်ဆၣ်အဝဲအသးစၢ်ဒံး, ဒီးအတၢ်လဲၤခီဖျိစှၤဒံးဝဲန့ၣ်လီၤ. တၢ်မၤလၢတၢ်ကဘၣ်မၤအီၤန့ၣ်, မ့ၢ်တၢ်မၤလီၤဘီလီၤမုၢ်, မ့ၢ်လၢတၢ်အံၤတမ့ၢ်ဘၣ်နီတဖျၢၣ်လၢပှၤကညီအဂီၢ်ဘၣ်. မ့မ့ၢ်, မ့ၢ်တၢ်လုၢ်ဟံၣ်တဖျၢၣ်လၢယွၤ, ကစၢ်ယွၤအဂီၢ်အဃိန့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 29:19

ယဟ့ၣ်လီၤယဖိခွါစီၤၡလိၤမိၤလၢကစူၢ်တၢ်တမံၤလၢ်လၢ်လၢန မၤလိာ်အီၤလၢအသးဒီဖျၢၣ်ညါလၢတၢ်သးအိၣ်, ဒီးလၢကသူၣ်ထီၣ်ယွၤအတၢ်လုၢ်ဟံၣ်လၢယကတဲာ်ကတီၤတ့ၢ်တၢ်သ့ၣ်တဖၣ် အံၤလၢအဂီၢ်န့ၣ်တက့ၢ်.”

လံာ်စီၤနဃ့မယၤ 7:4

ဒီးဝ့ၢ်ယရူၤၡလ့ၣ်မ့ၢ်ဝ့ၢ်အဒိၣ်, ဘၣ်ဆၣ်ပှၤအိၣ်စှၤဝဲဒီးဟံၣ် ဃီတဘၣ်တၢ်သူၣ်ထီၣ်အီၤအါအါဒံးဘၣ်န့ၣ်လီၤ.

စံးထီၣ်ပတြၢၤ 102:13

နကဂဲၤဆၢထၢၣ်ဒီးသူၣ်ကညီၤသးကညီၤစံယိၣ်လီၤ. အဂ့ၢ်ဒ်အံၤ, တၢ်ဆၢကတီၢ်လၢနသ့ၣ်ပာ်လၢ နကသူၣ်ကညီၤသးကညီၤအီၤန့ၣ်ဘၣ်လံ.

စံးထီၣ်ပတြၢၤ 102:14

မ့ၢ်ဘၣ်တၢ်မၤဟးဂီၤကွံာ်အီၤဒၣ်လဲာ် နခ့နပှၤတဖၣ်အဲၣ်အီၤ, မ့ၢ်အိၣ်လၢတၢ်ဟးဂီၤအပူၤဒၣ်လဲာ် အဝဲသ့ၣ်သးကညီၤဘၣ်အီၤလီၤ.

စံးထီၣ်ပတြၢၤ 122:7

မ်တၢ်ဃူတၢ်ဖိးအိၣ်လၢနခိၣ်ဒူအပူၤ ဒီးတၢ်ဘီၣ်တၢ်ညီအိၣ်လၢ နစီၤပၤအဟံၣ်ပူၤန့ၣ်တက့ၢ်.”

စံးထီၣ်ပတြၢၤ 48:13

တိၢ်နီၣ်တၢ်ဒူၣ်တဖၣ်ဒီးဃုသ့ၣ်ညါတိာ်တဖၣ် ဒ်သိးနကစံးဘၣ်ပှၤလၢခံတစိၤ,

စံးထီၣ်ပတြၢၤ 48:3

ကစၢ်ယွၤပာ်ဖျါတ့ၢ်ဝဲလၢတၢ်ပူၤဖျဲးအလီၢ်အိၣ်ဒီးအီၤလၢ ဝ့ၢ်အတိာ်ဧိၤတာ်ဧိၤအပူၤန့ၣ်လီၤ.

စံးထီၣ်ပတြၢၤ 78:69

ဖဲန့ၣ်အဝဲဘှီထီၣ်အတၢ်လုၢ်ဟံၣ် ဒ်အဟံၣ်လၢမူခိၣ်အသိး, မၤကျၢၤအီၤဒ်ဟီၣ်ခိၣ်လၢ အအိၣ်ဂၢၢ်ကျၢၤ အစိၤစိၤဃၣ်ဃၣ်န့ၣ်လီၤ.

စံးထီၣ်ပတြၢၤ 85:1

ယွၤဧၢ, နသးကညီၤတ့ၢ်လံနထံနကီၢ် ဒီးနဒုးအီၣ်ကုးအီပှဲၤအံၣ်စရ့လးကဒီးန့ၣ်လီၤ.

လံာ်ယၡါယၤ 44:26

ဘၣ်ဆၣ်, ဖဲယခ့ယပှၤကတိၤဆိပာ်တၢ်, ဒီးဖဲယဆှၢလီၤပှၤစိာ်တၢ်ကစီၣ်တဂၤလၢကလီၣ်ဖျါထီၣ်ယတၢ်ကူၣ် ကျဲၤတဖၣ်န့ၣ်, ယဒုးလၢထီၣ်ပှဲၤထီၣ်တၢ်ကူၣ်ကျဲၤဒီးတၢ်ကတိၤဆိပာ်တဖၣ်အံၤ န့ၣ်လီၤ. ယစံးဘၣ်တဲဘၣ်ဝ့ၢ်ယရူၤၡလ့ၣ်လၢပှၤဂီၢ်မုၢ်ကအိၣ်က့ၤကဒီးဖဲ န့ၣ်, ဒီးကီၢ်ယူဒၤအဝ့ၢ်တဖၣ်လၢကဘၣ်တၢ်သူၣ်ထီၣ်ဘှီထီၣ်က့ၤအီၤ လီၤ. ဝ့ၢ်တဖၣ်န့ၣ်ကဟဲဖျါထီၣ်လၢတၢ်ဟးဂူာ်ဟးဂီၤတဖၣ်အပူၤလီၤ.

လံာ်ယၡါယၤ 44:28

ယစံးဘၣ်စီၤပၤကိရ့ၣ်, နမ့ၢ်ပှၤတဂၤလၢကပၢတၢ်လၢယဂီၢ်လီၤ. နကမၤတၢ်လၢယအဲၣ်ဒိးလၢနကမၤအီၤန့ၣ်လီၤ. နကဟ့ၣ်လီၤနကလုၢ်လၢဝ့ၢ်ယရူၤၡလ့ၣ်ကဘၣ်တၢ်သူၣ်ထီၣ်ဘှီထီၣ်က့ၤ အီၤ ဒီးတၢ်လုၢ်ဟံၣ်အခီၣ်ထံးတဖၣ်ကဘၣ်တၢ်ပာ်လီၤအီၤအဂီၢ်န့ၣ် လီၤ.”

လံာ်ယံးရမံယၤ 23:3

ယပှၤဂီၢ်မုၢ်လၢအအိၣ်တီၢ်ဒံးလၢထံကီၢ်တဖၣ်လၢယမၤလီၤပြံလီၤပြါတ့ၢ်အီၤအပူၤန့ၣ်, ယကပာ်ဖှိၣ်က့ၤအီၤဒီးယကဟဲက့ၤ စိာ်က့ၤအဝဲသ့ၣ်ဆူအထံအကီၢ်ဒၣ်ဝဲန့ၣ်လီၤ. အဝဲသ့ၣ်ကအိၣ်ဒီး အဖိအလံၤအါမးဒီးအနီၣ်ဂံၢ်ကအါထီၣ်ဂီၢ်ထီၣ်ဝဲန့ၣ်လီၤ.

လံာ်ယံးရမံယၤ 29:11

ယအိၣ်ဒီး ယတၢ်ကူၣ်ကျဲၤတဖၣ်လၢ သုဂီၢ်ဒီး ပှၤသ့ၣ်ညါဒၣ်ထဲ ယၤတဂၤဧိၤန့ၣ်လီၤ. မ့ၢ်တၢ်ကူၣ်ကျဲၤတဖၣ်လၢ ကဟဲစိာ်န့ၢ် သုတၢ်ဘီၣ်ထီၣ်ညီထီၣ်ဒီး တမ့ၢ်ဘၣ်တၢ်တတၢးတနါန့ၣ်ဘၣ်. မ့ၢ်တၢ်ကူၣ်ကျဲၤတဖၣ်လၢကဟဲစိာ်ခါဆူညါအတၢ်မုၢ်လၢ်လၢ သုဂီၢ်န့ၣ်လီၤ.

လံာ်ယံးရမံယၤ 29:14

မ့ၢ်လံ, ယစံးယဲလၢ, သုကထံၣ်န့ၢ်ယၤ, ဒီးယကပာ်ကဒါက့ၤ သုလၢသုထံသုကီၢ်န့ၣ်လီၤ. ယကထၢဖှိၣ်သုလၢ ကယဲၢ်ကီၢ် ကိးဘ့ၣ်ဒဲး, ဒီးလၢကယဲၢ်တၢ်လီၢ်ကိးပူၤဒဲးလၢယမၤလီၤပြံလီၤပြါတ့ၢ်သု, ဒီးယကဟဲစိာ်ကဒါက့ၤသုဆူထံကီၢ်အပူၤလၢ ယတၢ်လီၢ်ဖဲ ယဆှၢဖျိးတ့ၢ်သုလၢတၢ်စိာ်မၢကဲကုၢ်အပူၤန့ၣ်လီၤ. ယၤ, ယွၤအံၤ, ကတိၤလံတၢ်လံ.”

လံာ်ယံးရမံယၤ 30:3

အဂ့ၢ်ဒ်အံၤ, တၢ်ဆၢကတီၢ်ဟဲဝဲဖဲ ယကပာ်ကဒါက့ၤယပှၤဂီၢ်မုၢ် လၢကီၢ်အံၣ်စရ့လးဒီးကီၢ်ယူဒၤလၢ အလီၢ်န့ၣ်လံ. ယကဟဲက့ၤစိာ် ကဒါက့ၤ အဝဲသ့ၣ်ဆူ ကီၢ်တဘ့ၣ်န့ၣ်လၢ ယဟ့ၣ်သါတ့ၢ်အဝဲသ့ၣ် အမိၢ်ပၢ်ဖံဖုလၢပျၢၤတဖၣ်, ဒီးအဝဲသ့ၣ်ကန့ၢ်ဘၣ်က့ၤကဒီးအီၤန့ၣ်လီၤ. ယၤ, ယွၤအံၤ, ကတိၤလံတၢ်လံ.”

လံာ်ယံးရမံယၤ 31:23

ယွၤသ့တၢ်လၢာ်, အံၣ်စရ့လးအကစၢ်ယွၤ, စံးဝဲဒၣ်, “ဖဲယပာ်ကဒါက့ၤ ပှၤဂီၢ်မုၢ်လၢအထံအကီၢ်န့ၣ်, အဝဲသ့ၣ်ကစံးကဒီးဝဲတဘျီလၢကီၢ်ယူဒၤဒီး အဝ့ၢ်တဖၣ်အပူၤလၢ, ‘မ်ယွၤဆိၣ်ဂ့ၤ ဝ့ၢ်ယရူၤၡလ့ၣ် အကစၢၢ်စီဆှံ, တၢ်အလီၢ်စီဆှံဖဲ အဝဲအိၣ်ဝဲဆိးဝဲန့ၣ်တက့ၢ်.’

လံာ်ယံးရမံယၤ 31:38

ယွၤစံးဝဲဒၣ်, “တၢ်ဆၢကတီၢ်ဟဲလံဝဲဖဲ ဝ့ၢ်ယရူၤၡလ့ၣ် ဒီတဝ့ၢ်ညါ ကဘၣ်တၢ်သူၣ်ထီၣ်ကဒါက့ၤအီၤဒ် ယဝ့ၢ်အသိး, စးထီၣ်လၢ မုၢ်နုာ်တၢးထီဃနၤန့လးပၢၢ်တုၤလၢတၢ်သနၢၣ်အတြဲၤန့ၣ်လီၤ.

လံာ်ယံးရမံယၤ 31:4

ယကမၤထီၣ်က့ၤ ကဒီး သုတဘျီန့ၣ်လီၤ. သုကဟံးထီၣ်ကဒီး ဒၢတဖၣ်ဒီး ဂဲၤကလံာ်လၢတၢ် သးခုအပူၤန့ၣ်လီၤ.

လံာ်ယံးရမံယၤ 31:40

တၢ်တြီၤဒီတြီၤညါ, ဖဲပှၤအသံတဖၣ်ဘၣ်တၢ်ခူၣ်လီၤကွံာ်အီၤ ဒီး တၢ်တဂိာ်တသီၣ်ဘၣ်တၢ်စူးကွံာ်အီၤ, ဒီးစံာ်ပျီခဲလၢာ်လၢ ထံကျိကံဒြိၢ်ပၢၢ်တုၤလၢ ကသ့ၣ်အတြဲၤလၢ မုၢ်ထီၣ်တခီန့ၣ်, ကမ့ၢ်တၢ်လီၢ်စီဆှံလၢ ယဂီၢ်န့ၣ်လီၤ. ဝ့ၢ်အံၤတဘၣ်တၢ်မၤ လီၤပှီၢ်ကဒီးလၢၤအီၤမ့ၢ်ဂ့ၤ, မၤဟးဂီၤကွံာ်လၢၤအီၤမ့ၢ်ဂ့ၤ နီတစုဘၣ်.”

လံာ်ယံးရမံယၤ 32:15

ယွၤသ့တၢ်လၢာ်, အံၣ်စရ့လးအကစၢ်ယွၤ, စံးတ့ၢ်ဝဲလၢ ဟံၣ်တဖၣ်, စံာ်ပျီတဖၣ်, ဒီးစပံးလီၢ်တဖၣ်ကဘၣ်တၢ်ပှၤ န့ၢ်ကဒီးအီၤလၢ ထံကီၢ်တဘ့ၣ်အံၤအပူၤန့ၣ်လီၤ.”

လံာ်ယံးရမံယၤ 32:44

ပှၤဂီၢ်မုၢ်ကပှ့ၤအီၤအိၣ်ဒီး လံာ်ဃံၤဃာ်တဖၣ်လၢ တၢ်ဆဲးလီၤမံၤ, တၢ်စဲပနီၣ်ဃာ်အီၤဒီး တၢ်အုၣ်သးအသးလၢ အဂ့ၢ်န့ၣ်လီၤ. တၢ်အံၤကမၤအသးလၢ ဘံၣ်ယၤမံၣ်အဒူၣ်ထၢအလီၢ်ကဝီၤ တဖၣ်အပူၤ, လၢကီၢ်ယူဒၤအဝ့ၢ်တဖၣ်အပူၤ, ဒီး လၢဝ့ၢ်လၢအိၣ်လၢ တၢ်လူၢ်တၢ်တြီၤ အကျါတဖၣ်အပူၤ, ဒီးဝ့ၢ်တဖၣ်လၢ တၢ်လူၢ်ခီၣ်ထံးဒီး ကီၢ်ယူဒၤကလံၤထံးအပူၤ န့ၣ်လီၤ. ယကပာ်က့ၤယပှၤဂီၢ်မုၢ်လၢ အဝဲသ့ၣ်အကီၢ်ဒၣ်ဝဲအပူၤလီၤ. ယၤ, ယွၤအံၤ, ကတိၤလံတၢ်လံ.”

လံာ်ယံးရမံယၤ 33:11

တၢ်သူၣ်ဖှံသးညီဒီး တၢ်သူၣ်ခုသးခုအတၢ်ကိး သီၣ်ထီၣ်တဖၣ်ဒီး တၢ်တ့တၢ်ဖျီအတၢ်သးဖှံ အတၢ်အီၣ်အမူးတဖၣ် အတၢ်ကလုၢ်သီၣ်ထီၣ်ဝဲ န့ၣ်လီၤ. နကနၢ်ဟူဘၣ်ပှၤဂီၢ်မုၢ်သးဝံၣ်တၢ်ဖဲ အဝဲသ့ၣ်ဟဲစိာ်ထီၣ်တၢ်လုၢ်စံးထီၣ်ပတြၢၤတဖၣ် ဆူယတၢ်လုၢ်ဟံၣ်အခါလီၤ. အဝဲသ့ၣ်ကစံးဝဲ, ‘စံးထီၣ်ပတြၢၤယွၤသ့တၢ်လၢာ်တက့ၢ်. အဂ့ၢ်ဒ်အံၤ, အဝဲဒၣ်ဂ့ၤဝဲလီၤ. ဒီးအတၢ်အဲၣ်မ့ၢ်တၢ်အထူအယိာ်လီၤ’ န့ၣ်လီၤ. ယကဒုးဘီၣ်ထီၣ်ညီထီၣ် ကီၢ်အံၤ ဒ်အအိၣ်ပာ် စၢၤတ့ၢ်လံဝဲ လၢညါအသိးန့ၣ်လီၤ. ယၤ, ယွၤအံၤ, ကတိၤလံတၢ်လံ.”

လံာ်ယံးရမံယၤ 33:7

ယကဒုးဘီၣ်ထီၣ်ညီထီၣ် ကီၢ်ယူဒၤဒီး ကီၢ်အံၣ်စရ့လး ဒီး ယကသူၣ်ထီၣ် ဘှီထီၣ်က့ၤ အဝဲသ့ၣ်ဒ်အအိၣ်ပာ်စၢၤတ့ၢ် လၢညါအသိးန့ၣ်လီၤ.

လံာ်ယံးရမံယၤ 46:27

“ယပှၤဂီၢ်မုၢ်သ့ၣ်ဧၢ, ပျံၤတၢ်တဂ့ၤ. ကီၢ်အံၣ်စရ့လးအပှၤဂီၢ်မုၢ်သ့ၣ်ဧၢ, ပျံၤတၢ်ဖုးတၢ်တဂ့ၤ. ယကမၤထူၣ်ဖျဲးသုလၢ ထံကီၢ်လၢအယံၤတဘ့ၣ်, လၢထံကီၢ်တဘ့ၣ်ဖဲ တၢ်စိာ်မၢကဲကုၢ်သုန့ၣ်လီၤ. သုကဟဲက့ၤကဒါက့ၤ ဆူဟံၣ်ဒီးအိၣ်ဆိးလၢ တၢ်ဃူတၢ်ဖိးအပူၤန့ၣ်လီၤ. သုကအိၣ်ဂၢၢ်ဆိးကျၢၤဒီး ပှၤတမၤပျံၤဘၣ်သုနီတဂၤဘၣ်.

လံာ်ယံးရမံယၤ 49:39

ဘၣ်ဆၣ်ဒီး လၢခံက့ၤန့ၣ်, ယကဒုးဘီၣ်ထီၣ်ညီထီၣ်ကဒီးကီၢ်ဧ့ၤလၣ်အပှၤဂီၢ်မုၢ်န့ၣ်လီၤ. ယၤ, ယွၤအံၤ, ကတိၤလံတၢ်လံ.”

လံာ်ယံးရမံယၤ 49:6

ဘၣ်ဆၣ်ဒီး လၢခံက့ၤန့ၣ်, ယကဒုးဘီၣ်ထီၣ်ညီထီၣ်က့ၤကဒီး ကီၢ်ဧၣ်မိၣ်န့ၣ်လီၤ. ယၤ, ယွၤအံၤ, ကတိၤလံတၢ်လံ.”

လံာ်ယဃ့းစက့လး 36:11

ယကမၤအါထီၣ်ပှၤဂီၢ်မုၢ်ဒီးဂီၤဘုၣ်ဂီၤဖံးအနီၣ်ဂံၢ်န့ၣ်လီၤ. သုနီၣ်ဂံၢ်ကအါထီၣ်န့ၢ်ဒံးအအိၣ်တ့ၢ်ဝဲလၢညါတက့ၢ်ဒီးသုကအိၣ် ဒီးဖိတဖၣ်အါအါဂီၢ်ဂီၢ်န့ၣ်လီၤ. ယကဒုးအိၣ်ဆိးသုဖဲန့ၣ်ဒ်သုအိၣ်ညီနုၢ်တ့ၢ်လၢညါအသိး, ဒီးယကမၤဘီၣ်ထီၣ်ညီထီၣ်သုအါန့ၢ်ဒံးလၢညါတက့ၢ်န့ၣ်လီၤ. အန့ၣ်တစု, သုကသ့ၣ်ညါလၢယမ့ၢ်ယွၤန့ၣ်လီၤ.

လံာ်ဧၤမိၣ် 9:14

ယကဆှၢကဒါက့ၤယပှၤဂီၢ်မုၢ်ဆူအကီၢ်ဒၣ်ဝဲလီၤ. အဝဲသ့ၣ်ကသူၣ်ထီၣ်ကဘှီထီၣ်က့ၤအဝ့ၢ်တဖၣ်လၢအဟးဂီၤဒီးအိၣ်ဝဲ လၢအပူၤ, ကသူၣ်လီၤစပံးလီၢ်သ့ၣ်တဖၣ်ဒီးအီစပံးထံ, ကသူၣ်လီၤတၢ်လၢတၤသၣ်လီၢ်တဖၣ်ဒီးအီၣ်တၢ်လၢအသူၣ်လီၤဝဲန့ၣ်လီၤ.

လံာ်စကၤရယၤ 1:12

တုၤနုၤတဘျီ, ယွၤအကလူးစံးဝဲဒၣ်, “သ့တၢ်လၢာ်ယွၤဧၢ, နသးထီၣ်တ့ၢ်ဝ့ၢ်ယရူၤရှလ့ၣ်ဒီးကီၢ်ယူဒၤအဝ့ၢ်တဖၣ်, ခဲအံၤအိၣ်လံအနံၣ်နွံဆံလံ. တချုးလၢနကဒုးနဲၣ်နတၢ်သးကညီၤအဝဲသ့ၣ်န့ၣ်ကယံာ်ဒံးဆံး ယံာ်လဲၣ်.”

လံာ်စကၤရယၤ 1:16

လၢတၢ်န့ၣ်အဃိ, ယဟဲက့ၤကဒါက့ၤဆူဝ့ၢ်ယရူၤရှလ့ၣ်လၢယကဒုး နဲၣ်တၢ်သးကညီၤဘၣ်ဝ့ၢ်အံၤန့ၣ်လီၤ. ယတၢ်လုၢ်ဟံၣ်ကဘၣ်တၢ်ပာ်ကဒါက့ၤအီၤ, ဖဲအအိၣ်တ့ၢ်ဝဲ အလီၢ်ဒီးဝ့ၢ်ကဘၣ်တၢ်ဘှီထီၣ်ကဒါက့ၤအီၤလီၤ.”

လံာ်စကၤရယၤ 12:6

ဖဲအဆၢကတီၢ်အဝဲန့ၣ်, ယကဒုးကဲထီၣ်ကီၢ်ယူဒၤ အဒူၣ်ထၢတဖၣ်ဒ်မ့ၣ်အူလၢပှၢ်တပှၢ်အပူၤအသိး, မ့တမ့ၢ်ဒ်, ဘုလၢအမံထီၣ်အစံာ်ပျီပူၤတပူၤအသိး, ဒီးအဝဲသ့ၣ်ကမၤဟးဂီၤကွံာ်ပှၤကလုာ်အိၣ်ဝးတရံးအီၤခဲလၢာ်လီၤ. ဝ့ၢ်ယရူၤၡလ့ၣ်အပှၤဂီၢ်မုၢ်ကအိၣ်တ့ၢ်ပူၤဖျဲးဝဲလၢဝ့ၢ်အပူၤန့ၣ်လီၤ.

လံာ်စကၤရယၤ 12:7

ယၤ, ယွၤအံၤယကဟ့ၣ်တၢ်မၤနၢၤအဆိကတၢၢ်ဆူကီၢ်ယူဒၤ အသုးမုၢ်တဖၣ်, ဒ်သိးဒီးတၢ်လၤကပီၤလၢစီၤဒၤဝံးအစၢၤအသွဲၣ် တဖၣ်ဒီးဝ့ၢ်ယရူၤၡလ့ၣ်အပှၤဂီၢ်မုၢ်ကဒိးန့ၢ်ဝဲန့ၣ်သုတဒိၣ် န့ၢ်ဒံးပှၤအဂၤလၢကီၢ်ယူဒၤအပူၤကဖၣ်တဂ့ၤအဂီၢ်န့ၣ်လီၤ.

လံာ်စကၤရယၤ 14:10

လီၢ်ကဝီၤဒီတကဝီၤညါ, စးထီၣ်လၢဝ့ၢ်က့ဘၢ်လၢကလံၤစိး, ပၢၢ်လၢဝ့ၢ်ရံးမိၣ်လၢကလံၤထံးန့ၣ်ကဘၣ်တၢ်မၤပၢၤအီၤလီၤ. ဝ့ၢ်ယရူၤၡလ့ၣ်ကအိၣ်ထီၣ်ထီလၢတၢ်လီၢ်လၢအအိၣ်ဝးတရံးအီၤ တဖၣ်အဖီခိၣ်န့ၣ်လီၤ. ဝ့ၢ်န့ၣ်အိၣ်သူၣ်လီၤဒၣ်အသးဖဲအလီၢ်လီၢ်စးထီၣ်လၢဘံၣ် ယၤမံၣ်အတြဲၤဒီးတုၤဆူဝ့ၢ်သနၢၣ်အတြဲၤ, လၢအမ့ၢ်တြဲၤလၢအအိၣ်ပာ်တ့ၢ်လၢပျၢၤ, ဒီးစးထီၣ်လၢတၢးထီဃနၤန့လးဒီးတုၤဆူစီၤပၤအနီၣ်စံၣ် စပံးထံတဖၣ်အလီၢ်န့ၣ်လီၤ.