လံာ်ယံးရမံယၤ 30:16 - Sgaw Karen Common Bible

¹⁶ ဘၣ်ဆၣ်ဒီး ခဲအံၤ, ပှၤလၢအအ့ၣ်အီၣ် သုခဲလၢာ် ကဘၣ်တၢ်အ့ၣ်အီၣ်ကွံာ်အီၤ, ဒီးသုဒုၣ်သုဒါခဲလၢာ်, ကဘၣ်တၢ်စိာ်ကွံာ်အီၤ ဒ်ပှၤဘၣ်တၢ်စိာ်မၢကဲကုၢ်အီၤတဖၣ် အသိးန့ၣ်လီၤ. ပှၤလၢ အမၤနးမၤဖှီၣ်သုခဲလၢာ် ကဘၣ် တၢ်မၤနးမၤဖှီၣ်အီၤ, ဒီးပှၤလၢ အဂုာ်ဆူၣ်ပျီဆူၣ်သုတၢ်ခဲလၢာ် ကဘၣ်တၢ်ဂုာ်ဆူၣ်ပျီဆူၣ်အီၤ န့ၣ်လီၤ.

လံာ်ယံးရမံယၤ 30:16 Iomraidhean Croise

စံးထီၣ်ပတြၢၤ 129:5

မ်ပှၤလၢအသးဟ့စံယိၣ်ခဲလၢာ် ဘၣ်တၢ်မၤနၢၤမၤဃၣ်အီၤဒီး နီၣ်ကဒါက့ၤအီၤန့ၣ်တက့ၢ်.

လံာ်တၢ်ဟးထီၣ်ကွံာ် 23:22

ဘၣ်ဆၣ်ဒီးပှၤမ့ၢ်စူၢ်အကလုၢ်ဒီးမၤတၢ်ကိးမံၤဒဲးလၢယမၤလိာ် သုန့ၣ်, ယကဒုးတၢ်ထီဒါကယဲၢ်သုဒုၣ်သုဒါခဲလၢာ်န့ၣ်လီၤ.

တၢ်ကတိၤဒိ. 22:23

ယွၤကလိာ်ကွီၢ်တၢ်လၢအဝဲသ့ၣ်အဂီၢ်ဒီးပှၤတဂၤလၢ်လၢ်လၢ အမၤပျံၤမၤဖုးအဝဲသ့ၣ်တဖၣ်အသးသမူန့ၣ်, ယွၤကမၤပျံၤမၤဖုးက့ၤအသးသမူလီၤ.

လံာ်ယၡါယၤ 14:2

ပှၤကလုာ်အါကလုာ်ကမၤစၢၤပှၤအံၣ်စရ့လးဖိတဖၣ်ဒ်သိးကက့ၤ ကဒါက့ၤဘၣ်ဆူကီၢ်လၢယွၤဟ့ၣ်လီၤအဝဲသ့ၣ်န့ၣ်လီၤ. ဖဲန့ၣ်, ပှၤကလုာ်တဖၣ်ကမၤပှၤအံၣ်စရ့လးဖိတဖၣ်အတၢ် ခ့တၢ်ပှၤအတၢ်မၤဒ်ကုၢ်တဖၣ်အသိးန့ၣ်လီၤ. တဘျီပှၤလၢအမၤန့ၢ်မၤ နၢၤပှၤအံၣ်စရ့လးဖိတဖၣ်န့ၣ်, ခဲအံၤကဘၣ်တၢ်မၤန့ၢ်မၤ နၢၤအီၤလၢပှၤအံၣ်စရ့လးဖိ, ဒီးအံၣ်စရ့လးအပှၤဂီၢ်မုၢ်က ပၢပှၤတဖၣ်လၢ, တဘျီမၤနၢၤမၤဃၣ်တ့ၢ်အဝဲသ့ၣ်န့ၣ်လီၤ.

လံာ်ယၡါယၤ 33:1

ပဒုၣ်ပဒါတဖၣ်ဘၣ်တၢ်စံၣ်ညီၣ်ဃါမနၤလီၤ. အဝဲသ့ၣ်ဂုာ်ဆူၣ်ပျီဆူၣ်တ့ၢ်တၢ်ဒီးဆါလီၤကွံာ်တၢ်ဖဲပှၤ တဂုာ်ဆူၣ်ပျီဆူၣ်တ့ၢ်အဝဲသ့ၣ်မ့ၢ်ဂ့ၤပှၤတဆါ လီၤကွံာ်အဝဲသ့ၣ်မ့ၢ်ဂ့ၤနီတဂၤဘၣ်အဆၢကတီၢ်န့ၣ်လီၤ. ဘၣ်ဆၣ်ဒီးအဝဲသ့ၣ်အတၢ်ဂုာ်ဆူၣ် ပျီဆူၣ်တၢ်ဒီးတၢ်ဆါလီၤကွံာ်တၢ်အ ဆၢကတီၢ်န့ၣ်ကတၢၢ်ဝဲဒီးအဝဲသ့ၣ်အကစၢ်ဒၣ် ဝဲကကဲထီၣ်ပှၤလၢတၢ်မၤနၢၤအီၤလၢ အဘၣ်တၢ်ဂုာ်ဆူၣ်ပျီဆူၣ်ဒီးလီန့ၢ်အီၤတဖၣ်န့ၣ်လီၤ.

လံာ်ယၡါယၤ 54:15

ပှၤမ့ၢ်ဟဲဒုးနၤတဂၤဂၤဒီး, မ့ၢ်အမၤဝဲလၢတၢ်တဘၣ်ယသးအပူၤန့ၣ်လီၤ. ပှၤလၢအဒုးတၢ်ထီဒါနၤတဂၤဂၤန့ၣ်, ကဃၣ်ကွံာ်ဝဲန့ၣ်လီၤ.

လံာ်ယၡါယၤ 54:17

ဘၣ်ဆၣ်ဒီး, စုကဝဲၤမၤဘၣ်ဒိဘၣ်ထံးနၤတသ့ နီတခါခါဘၣ်. နကအိၣ်ဒီးတၢ်စံးဆၢတမံၤလၢပှၤလၢအပာ်တၢ်ကမၣ်လၢနလိၤ ကိးဂၤဒဲးအဂီၢ်လီၤ. ယကကဟုကယာ်ယခ့ယပှၤတဖၣ် ဒီးဟ့ၣ်အဝဲသ့ၣ်တၢ်မၤနၢၤလီၤ.” ယွၤစံးတ့ၢ်လံဝဲလံ.

လံာ်ယံးရမံယၤ 10:25

ဃၣ်ဃီၤနတၢ်သးကဲၤထီၣ်ဆူပှၤကလုာ် တဖၣ်လၢတဘူၣ်ထီၣ်ဘါထီၣ်နၤအဖီခိၣ် ဒီးဆူပှၤဂီၢ်မုၢ်တဖၣ်လၢအညိကွံာ်နၤအဖီခိၣ်တက့ၢ်. အဝဲသ့ၣ်မၤသံကွံာ်နပှၤဂီၢ်မုၢ်န့ၣ်လီၤ. အဝဲသ့ၣ်မၤဟးဂီၤကွံာ်ပှၤလၢာ်လၢာ်ဆ့ဆ့ ဒီးပာ်လီၤတဲာ်တ့ၢ်ပထံပကီၢ်လၢတၢ်ဟးဂီၤအပူၤလီၤ.

လံာ်ယံးရမံယၤ 12:14

ယွၤစံးဝဲဒၣ်, “ယအိၣ်ဒီးတၢ်ဂ့ၢ်တနီၤလၢယကစံးဘၣ်တဲဘၣ်တၢ်ဘၣ်ဃးဒီးပှၤလၢ အံၣ်စရ့လးအဃၢၤတဖၣ်လၢအမၤဟးဂီၤ တ့ၢ်ထံကီၢ်လၢယဟ့ၣ်လီၤတ့ၢ်ယပှၤဂီၢ်မုၢ် အံၣ်စရ့လးန့ၣ်လီၤ. ယကဟံးထီၣ်ကွံာ်ပှၤအၢပှၤသီတဖၣ်န့ၣ် လၢအထံအကီၢ်တဖၣ်အပူၤလီၤဂာ်ဒ်တၢ်မုၢ်တၢ်ဘိ လၢအဘၣ်တၢ်ထဲးထီၣ်ကွံာ်အီၤအသိးဒီးယကမၤပူၤမၤဖျဲးကီၢ် ယူဒၤလၢအဝဲသ့ၣ်အစုပူၤန့ၣ်လီၤ.

လံာ်ယံးရမံယၤ 2:3

ကီၢ်အံၣ်စရ့လးဧၢ, နဘၣ်ဃးတ့ၢ်ဒၣ်ထဲယၤတဂၤဧိၤလီၤ. နမ့ၢ်တ့ၢ်ယတၢ်န့ၢ်သါစီဆှံလီၤ. ယဒုးလီၤဘၣ်တၢ်နးတၢ်ဖှီၣ်ဒီးတၢ်တတၢးတနါ လၢပှၤလၢအမၤဘၣ်ဒိဘၣ်ထံးနၤ ကိးဂၤဒဲးအဖီခိၣ်န့ၣ်လီၤ. ယၤ, ယွၤအံၤ, ယကတိၤလံတၢ်လံ.”

လံာ်ယံးရမံယၤ 25:12

တၢ်န့ၣ်ဝံၤအလီၢ်ခံ, ယကစံၣ်ညီၣ်ကီၢ်ဘၤဘူၤလိၣ်ဒီးအစီၤပၤလၢ အဝဲသ့ၣ်အတၢ်ဒဲးဘးအဃိန့ၣ်လီၤ. ယကမၤဟးဂီၤထံကီၢ်အဝဲန့ၣ်ဒီး ဒုးအိၣ်လီၤတဲာ်အီၤလၢတၢ်ဟးဂီၤအပူၤ အစိၤစိၤအဃၣ်ဃၣ်န့ၣ်လီၤ.

လံာ်ယံးရမံယၤ 30:15

ကဒူးကဒ့ၣ်လၢၤလၢ သုတၢ်ဘၣ်ဒိဘၣ်ထံးတဖၣ်အဃိန့ၣ် တဂ့ၤ, တၢ်မၤဘျါက့ၤသုတအိၣ်နီတမံၤဘၣ်. ယစံၣ်ညီၣ်သုဒ်သိးအံၤ, မ့ၢ်လၢသုတၢ်ဒဲးဘးတဖၣ် အါဝဲ, ဒီးသုတၢ်အၢတၢ်သီဒိၣ်ဝဲအဃိန့ၣ်လီၤ.

လံာ်ယံးရမံယၤ 50:28

(ပှၤတဖၣ်လၢ အဃ့ၢ်ထူၣ်ဖျဲးထီၣ်လၢ ကီၢ်ဘၤဘူၤလိၣ် န့ၣ်ဟဲဆူဝ့ၢ်ယရူၤၡလ့ၣ်ဒီး အဝဲသ့ၣ်စံးဘၣ်တဲဘၣ်တၢ်ဘၣ်ဃးဒီးယွၤ, ပကစၢ်ယွၤ, မၤကၣ်ဆၢက့ၤပှၤဘၤဘူၤလိၣ်ဖိတဖၣ်လၢ တၢ်လၢအဝဲသ့ၣ်မၤဘၣ်တ့ၢ်အဝဲ အတၢ်လုၢ်ဟံၣ်အဂီၢ်, ဒ်လဲၣ်အဂ့ၢ်န့ၣ်လီၤ.)

လံာ်ယံးရမံယၤ 8:16

ပဒုၣ်ပဒါတဖၣ်အိၣ်လံဝဲလၢဝ့ၢ်ဒၣ်အပူၤလံ. ပနၢ်ဟူဘၣ်အဝဲသ့ၣ်အကသ့ၣ်တဖၣ်သါ သဖှိထီၣ်အသီၣ်လီၤ. ထံကီၢ်ဒီဘ့ၣ်ကနိးကစုာ် ဝဲဖဲအဝဲသ့ၣ်အကသ့ၣ်တဖၣ်ကဟံကဟဲးထီၣ်ဝဲန့ၣ်လီၤ. ပဒုၣ်ပဒါတဖၣ်ဟဲဝဲလၢကမၤဟးဂီၤကွံာ်ပထံပကီၢ်ဒီးက ယဲၢ်တၢ်ခဲလၢာ်လၢအအိၣ်လၢအပူၤ, ပဝ့ၢ်ဒီးပပှၤဂီၢ်မုၢ်ခဲလၢာ် န့ၣ်လီၤ.”

လံာ်သးသယုၢ်တၢ် 1:21

ဒိကနၣ်လၢ်ယတၢ်ကအုကစွါတက့ၢ်. ပှၤလၢကမၤမုာ်ထီၣ်ယၤတအိၣ်ဘၣ် နီတဂၤဘၣ်. ယဒုၣ်ယဒါတဖၣ်သးခုဝဲလၢနဟဲစိာ်တၢ်နးတၢ်ဖှီၣ်လၢယလိၤအဃိ လီၤ. ဟဲစိာ်မုၢ်တနံၤလၢနအၢၣ်လီၤအီလီၤတ့ၢ်ဒီးဒုးတူၢ်ဘၣ်ယဒုၣ် ယဒါတဖၣ်ဒ်ယတူၢ်ဘၣ်တၢ်အသိးတက့ၢ်.

လံာ်သးသယုၢ်တၢ် 1:22

အုၣ်နသးထီဒါအဝဲသ့ၣ်လၢကယဲၢ်အတၢ်တတီတလိၤတဖၣ် အဃိတက့ၢ်. စံၣ်ညီၣ်အဝဲသ့ၣ်ဒ်နစံၣ်ညီၣ်တ့ၢ်ယၤလၢယတၢ်ဒဲးဘးတဖၣ်အဃိန့ၣ် တက့ၢ်. ယကအုကစွါလၢယတၢ်နးတၢ်ဖှီၣ်အပူၤဒီးယသးဆိးက့ဝဲလီၤ.”

လံာ်ယဃ့းစက့လး 29:6

အန့ၣ်တစုကီၢ်အဲၤကူပတူး အပှၤဂီၢ်မုၢ်ကသ့ၣ်ညါဝဲလၢ ယမ့ၢ်ယွၤန့ၣ်လီၤ.” ယွၤစံးဝဲဒၣ်, “ပှၤအံၣ်စရ့လးဖိတဖၣ်သန့ၤ အသးလၢနပှၤအဲၤကူပတူးဖိတဖၣ်, လၢတၢ်မၤစၢၤအဂီၢ်န့ၣ်လီၤ. ဘၣ်ဆၣ် နတဂ့ၤဘၣ်ထဲသိး နီၣ်က့လၢအစၢ်တဘိန့ၣ်ဘၣ်.

လံာ်ယဃ့းစက့လး 35:5

သုမ့ၢ်တ့ၢ်ကီၢ်အံၣ်စရ့လးအဒုၣ်အဒါတပယူာ်ဃီဒီးပျဲအပှၤဂီၢ်မုၢ် ဘၣ်တၢ်မၤသံမၤဝီအီၤလၢတၢ်ဟးဂီၤအမုၢ်တနံၤ, လၢတၢ်တတၢးတနါအဆၢကတီၢ်, တၢ်ဆၢကတီၢ်ဖဲတၢ်စံၣ်ညီၣ်လၢ ခံကတၢၢ်လၢအဝဲအတၢ်ဒဲးဘးတဖၣ်အဂီၢ်န့ၣ်လီၤ.

လံာ်ယိၤအ့လး 3:8

ဒီးယကဆါကွံာ်သုဖိခွါဒီးသုဖိမုၣ်တဖၣ်ဆူပှၤယူဒၤဖိအစုပူၤ, ဒီးအဝဲသ့ၣ်ကဆါကွံာ်ကဒီးအီၤဆူပှၤစဘၤဖိလၢအအိၣ်ဝဲ လၢတၢ်လီၢ်အယံၤန့ၣ်လီၤ. ယၤ, ယွၤ, ကတိၤလံတၢ်လံန့ၣ်လီၤ.

လံာ်မံကၤ 4:11

ပှၤအါကလုာ်ပာ်ဖှိၣ်တ့ၢ်အသးဒ်သိးအကဒုးတၢ်ဒီးသုလီၤ. အဝဲသ့ၣ်စံး, “မ်ဝ့ၢ်ယရူၤၡလ့ၣ်အတၢ်စီဆှံကဘၣ်တၢ်မၤတ ရီတပါကွံာ်အီၤတက့ၢ်. ဒီးပကကွၢ်ဝ့ၢ်အံၤအိၣ်လၢတၢ်ဟးဂီၤအပူၤလီၤ”.

လံာ်မံကၤ 7:10

တုၤနုၤတစုပဒုၣ်ပဒါတဖၣ်, ပှၤတဖုဃီလၢအဒုၣ်ဒွဲၣ် တ့ၢ်ပှၤဒီးစံး, “သုယွၤ, သုကစၢ်ယွၤအိၣ်ဖဲလဲၣ်” န့ၣ်, ကသ့ၣ်ညါနၢ်ပၢၢ်တၢ်အံၤဒီးကဘၣ်တၢ်မၤမဲာ်ဆှးအီၤလီၤ. ပကထံၣ်ဘၣ်အဝဲသ့ၣ်ဃၣ်ကွံာ်ဒီးဘၣ်တၢ်ယီၢ်တံၢ်လီၤအီၤဒ်ကပံာ်လၢ ကျဲမုၢ်တဖၣ်အပူၤအန့ၣ်သိးလီၤ.

လံာ်နၤဃူၣ် 1:8

ဘၣ်ဆၣ်ဒီးဒ်ထံလုၣ်ဘၢတၢ်ဖးဒိၣ်အသိးန့ၣ်, ကမၤဟးဂီၤကွံာ်အဒုၣ်အဒါတဖၣ်တုၤအလၢာ်လီၤ. အဝဲဆှၢပှၤလၢအထီဒါအီၤတဖၣ်န့ၣ်ဆူအတၢ်သံဒၣ်ဝဲန့ၣ်လီၤ.

လံာ်ဃဘးကူာ် 2:16

သုကဘၣ်တၢ်ကျၢၢ်ဘၢကဒါက့ၤသုဒီးတၢ်မဲာ်ဆှးလၢတၢ်လၤကပီၤ အလီၢ်လီၤ. သုနီၢ်ကစၢ်ဒၣ်သုဝဲသုကအီတၢ်ဒီးလဲၤကနုၤကပၤလီၤ. ယွၤကဒုးအီက့ၤသုလၢသုတၢ်စံၣ်ညီၣ်အလီခီဒၣ်သုဝဲ, ဒီးသုတၢ်လၤကပီၤကဃၣ်ကဒါက့ၤအသးဆူတၢ်လီၤမဲာ်ဆှးလီၤ.

လံာ်စဖါနယၤ 2:8

ယွၤသ့တၢ်လၢာ်စံးဝဲ, “ယနၢ်ဟူတ့ၢ်လံပှၤမိၤအးဖိဒီးပှၤဧၣ်မိၣ်ဖိဒုၣ်ဒွဲၣ်ဒီး ကတိၤဆါယပှၤဂီၢ်မုၢ်ဒီးကတိၤဒိၣ်ကတိၤသွါအသးလၢကဂုာ်န့ၢ် ကွံာ်အဝဲသ့ၣ်အကီၢ်န့ၣ်လီၤ.

လံာ်စကၤရယၤ 1:14

ဒီးကလူးန့ၣ်တဲဘၣ်ယၤလၢယကတဲဖျါထီၣ် တၢ်လၢသ့တၢ်လၢာ်ယွၤစံးတ့ၢ်ဒ်အံၤ, “ယအိၣ်ဒီးတၢ်အဲၣ်ဒီးတၢ်သးအိၣ်လၢအဒိၣ်ဝဲယိာ်ဝဲတမံၤလၢ ဝ့ၢ်ယရူၤရှလ့ၣ်, ယဝ့ၢ်စီဆှံအဂီၢ်,

လံာ်စကၤရယၤ 1:15

ဒီးယသးထီၣ်ဘၣ်ပှၤကလုာ်တဖၣ်လၢအမုာ်လၤသးခု ဘၣ်လၢတၢ်အိၣ်ဘှ့ၣ်အိၣ်ဘှီၣ်ဒီးတၢ်ဃူတၢ်ဖိးအပူၤဒိၣ်မး လီၤ. အဂ့ၢ်ဒ်အံၤ, ဖဲယဟံးဃာ်ဒံးယတၢ်သးဒိၣ်ထီၣ်ထီဒါယပှၤဂီၢ်မုၢ် အခါ, ပှၤကလုာ်တဖၣ်ဒုးတူၢ်ဘၣ်ခီၣ်ဘၣ်အၢထီၣ်ယပှၤဂီၢ်မုၢ်အတၢ်လီၤ.

လံာ်စကၤရယၤ 12:2

“ယကမၤဝ့ၢ်ယရူၤၡလ့ၣ်ဒ်စပံးထံတခွးအသိး, ဒီးပှၤကလုာ်တဖၣ်လၢအအိၣ်ဝးတရံးအီၤန့ၣ်ကအီအီၤဒီး ကလဲၤကနုၤကပၤဒ်ပှၤအီမူၤသံးတဖၣ်အသိးန့ၣ်လီၤ. ဒီးဖဲအဝဲသ့ၣ်ကဝီၤဃာ်ဝ့ၢ်ယရူၤၡလ့ၣ်အခါန့ၣ်ကီၢ်ယူဒၤအ ဝ့ၢ်လၢအအိၣ်တ့ၢ်တဖၣ်ကဘၣ်တၢ်ကဝီၤဃာ်အီၤစ့ၢ်ကီးန့ၣ်လီၤ.

လံာ်စကၤရယၤ 14:2

ယွၤကဒုးဟဲဖှိၣ်ပှၤကလုာ်ခဲလၢာ်လၢကဒုး တၢ်ထီဒါဝ့ၢ်ယရူၤၡလ့ၣ်န့ၣ်လီၤ. ဝ့ၢ်န့ၣ်ကဘၣ်တၢ်မၤန့ၢ်အီၤ, ဟံၣ်တဖၣ်ကဘၣ်တၢ်ဂုာ်ဆူၣ်ပျီဆူၣ်အီၤ, ဒီးပိာ်မုၣ်တဖၣ်ကဘၣ်တၢ်မၤဆူၣ်မၤစိးအီၤန့ၣ်လီၤ. ဒီးပှၤဂီၢ်မုၢ်တဝာ်န့ၣ်ကလဲၤလီၤဆူတၢ်စိာ်မၢကဲကုၢ်အလီၢ်, မ့မ့ၢ်ပှၤဂီၢ်မုၢ်လၢအအိၣ်လီၤတဲာ်န့ၣ်ကအိၣ်တ့ၢ်ဝဲဒၣ်ဖဲဝ့ၢ်ပူၤလီၤ.

လံာ်စကၤရယၤ 2:12

ကီၢ်ယူဒၤကမ့ၢ်ကဒီးယွၤအတၢ်လီၢ်လီၤဆီလၢအကီၢ်စီဆှံအပူၤ, ဒီးဝ့ၢ်ယရူၤၡလ့ၣ်ကမ့ၢ်ဝ့ၢ်လၢအဝဲအဲၣ်ဝဲအဒိၣ်ကတၢၢ်လီၤ.

လံာ်စကၤရယၤ 2:8

ပှၤတဂၤဂ့ၤတဂၤဂ့ၤလၢအတီၢ်သုန့ၣ်မ့ၢ်အတီၢ်တၢ်လၢ အလုၢ်ဒိၣ်ပှ့ၤဒိၣ်ကတၢၢ်လၢယဂီၢ်န့ၣ်လီၤ.” လၢတၢ်န့ၣ်အဃိယွၤသ့တၢ်လၢာ်မၢလီၤ ယၤအိၣ်ဒီးတၢ်ကစီၣ်အံၤလၢပှၤကလုာ်တဖၣ်လၢအဂုာ်ဆူၣ် ပျီဆူၣ်အပှၤဂီၢ်မုၢ်အဂီၢ်ဒ်အံၤ,

လံာ်သိၣ်လီၤသီလီၤတၢ် 30:7

အဝဲကဃၣ်ဃီၤကယဲၢ်တၢ်ဆိၣ်အၢတဖၣ်အံၤဆူသုဒုၣ်သုဒါတဖၣ်လၢအသးဟ့တ့ၢ်သု ဒီးမၤနၢၤမၤပ့ၤတ့ၢ်သုအအိၣ်,

လံာ်လီၣ်ဖျါ 13:10

ပှၤတဂၤလၢ်လၢ်လၢတၢ်တိာ်ပာ်လၢတၢ်ကဘၣ်ဖီၣ်န့ၢ်အီၤန့ၣ် ကဘၣ်တၢ်ဖီၣ်န့ၢ်အီၤသပှၢ်ကတၢၢ်, ပှၤတဂၤလၢ်လၢ်လၢတၢ်တိာ်ပာ်လၢအကဘၣ်တၢ်မၤသံ အီၤလၢနးန့ၣ်, ကဘၣ်တၢ်မၤသံအီၤလၢနးသပှၢ်ကတၢၢ် လီၤ. အဝဲအံၤန့ၣ်အလီၢ်အိၣ်လၢကစၢ်ယွၤအပှၤဂီၢ်မုၢ်တဖၣ် ကဝံသးစူၤတူၢ်တၢ်ဒီးကစူၢ်တၢ်နာ်တၢ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 17:53

ဖဲပှၤအံၣ်စရ့လးဖိတဖၣ်ဟဲက့ၤလၢအတၢ်လူၤကျီပှၤဖလ့ၡသးဖိ တဖၣ်န့ၣ်, အဝဲသ့ၣ်ဂုာ်န့ၢ်ပှၤဖလ့ၡသးဖိအသူၣ်ဒဲလီၢ်န့ၣ်လီၤ.