လံာ်ယံးရမံယၤ 30:12 - Sgaw Karen Common Bible

¹² ယွၤစံးဘၣ် အပှၤဂီၢ်မုၢ်, “သုပူၤလီၢ်ပူၤကျဲတဖၣ် တၢ်မၤဘျါအီၤတန့ၢ်ဘၣ်, သုတၢ်ဘၣ်ဒိဘၣ်ထံးတဖၣ် တၢ်မၤဘျါအီၤတသ့ဘၣ်.

လံာ်ယံးရမံယၤ 30:12 Iomraidhean Croise

လံာ်ကွဲးနီၣ်တၢ်ခံဘ့ၣ်တဘ့ၣ် 36:16

ဘၣ်ဆၣ်အဝဲသ့ၣ်မၤကလိာ်ကလာ်ကစၢ်ယွၤအပှၤစိာ်တၢ်ကစီၣ်တဖၣ်, တပာ်လ့ၣ်ပာ်ကါအဝဲသ့ၣ်အတၢ်ကတိၤတဖၣ်ဒီးနံၤဘၣ်ကစၢ်ယွၤအဝံတ ဖၣ်, တုၤလၢလၢခံကတၢၢ်ယွၤအတၢ်သးထီၣ်ထီဒါအပှၤဂီၢ်မုၢ်န့ၣ်ဒိၣ် ဝဲတုၤဒၣ်လဲာ်တၢ်ထူၣ်ဖျဲးတအိၣ်ဝဲလၢၤဘၣ်.

လံာ်ယံးရမံယၤ 14:17

ယွၤမၤလိာ်တ့ၢ်ယၤလၢယကတဲဘၣ်ပှၤဂီၢ်မုၢ်ဘၣ်ဃးယတၢ်သူၣ်အုး သးအုးအဂ့ၢ်ဒီးစံး, “မ်မဲာ်ထံတဖၣ်ယွၤလီၤလၢယမဲာ်ချံတဖၣ်အပူၤလၢမုၢ်ဆါဆဲးလၢမုၢ်နၤ, ဒီးမ်ယသုတဆိကတီၢ်တၢ်ဟီၣ်တၢ်ယၢၤနီတစုတဂ့ၤ. အဂ့ၢ်ဒ်အံၤ, ယပှၤဂီၢ်မုၢ်တဖၣ်ဘၣ်ဒိဘၣ်ထံးနးနးကလဲာ်ဒီး တၢ်မၤဘၣ်ဒိဆါအီၤအၢအၢသီသီန့ၣ်လီၤ.

လံာ်ယံးရမံယၤ 14:19

ယွၤဧၢ, မ့ၢ်နညိကွံာ်ကီၢ်ယူဒၤလၢာ်လၢာ်ဆ့ဆ့လံဧါ. မ့ၢ်နသးဟ့ဝ့ၢ်စံယိၣ်အပှၤဂီၢ်မုၢ်လံဧါ. ဘၣ်မနုၤအဃိနမၤဘၣ်ဒိဘၣ်ထံးပှၤအၢအၢသီသီ တုၤဒၣ်လဲာ် တၢ်မၤဘျါက့ၤပှၤတသ့န့ၣ်လဲၣ်. ပကွၢ်လၢ်တၢ်ဃူတၢ်ဖိး, ဘၣ်ဆၣ်တၢ်အဂ့ၤတမၤအသးနီတမံၤဘၣ်. ပမုၢ်လၢ်တၢ်မၤဘျါက့ၤ, ဘၣ်ဆၣ်တၢ်မၤပျံၤမၤဖုးဟဲလၢအလီၢ်န့ၣ်လီၤ.

လံာ်ယံးရမံယၤ 15:18

ဘၣ်မနုၤအဃိယတူၢ်ဘၣ်ဒံးဒၣ်တၢ်နးတၢ်ဖှီၣ်န့ၣ်လဲၣ်. ဘၣ်မနုၤ အဃိတဘျါက့ၤဝဲန့ၣ်လဲၣ်. မ့ၢ်နပာ်လီၤနသးလၢနကမၤ သးဟးဂီၤယၤဒ်ထံကျိဖိတဘိလၢအလီၤသံးကွံာ်ဝဲလၢတၢ်ကိၢ်ခါ အသိးန့ၣ်ဧါ.”

လံာ်ယံးရမံယၤ 30:15

ကဒူးကဒ့ၣ်လၢၤလၢ သုတၢ်ဘၣ်ဒိဘၣ်ထံးတဖၣ်အဃိန့ၣ် တဂ့ၤ, တၢ်မၤဘျါက့ၤသုတအိၣ်နီတမံၤဘၣ်. ယစံၣ်ညီၣ်သုဒ်သိးအံၤ, မ့ၢ်လၢသုတၢ်ဒဲးဘးတဖၣ် အါဝဲ, ဒီးသုတၢ်အၢတၢ်သီဒိၣ်ဝဲအဃိန့ၣ်လီၤ.

လံာ်ယံးရမံယၤ 6:7

ဒ်ထံပူၤတပူၤကတီၤဃာ်အထံဆှံထံဂ့ၤအသိးန့ၣ်, ဝ့ၢ်ယရူၤရှလ့ၣ်ကတီၤဃာ်အတၢ်အၢတၢ်သီ, သီကဘှဲဒဲန့ၣ်လီၤ. ယနၢ်ဟူတၢ်စုဆူၣ်ခီၣ်တကးဒီးတၢ်မၤဟးဂီၤလၢဝ့ၢ်န့ၣ်အပူၤ, ဒီးတၢ်လၢယထံၣ်ခဲလၢာ်န့ၣ်မ့ၢ်ဒၣ်တၢ်ဆူးတၢ်ဆါဒီးတၢ်ပူၤလီၢ်ပူၤကျဲ တဖၣ်န့ၣ်လီၤ.

လံာ်ယံးရမံယၤ 8:22

လၢကီၢ်ကံးလဧးအပူၤန့ၣ်, မ့ၢ်ကသံၣ်ကသီတအိၣ်လၢၤနီတမံၤ ဘၣ်ဧါ. မ့ၢ်ကသံၣ်သရၣ်တဖၣ်တအိၣ်ဖဲန့ၣ်နီတဂၤဘၣ်ဧါ. မ့မ့ၢ်ဒ်န့ၣ်ဒီး, ဘၣ်မနုၤအဃိယပှၤဂီၢ်မုၢ်တဘၣ် တၢ်မၤဘျါက့ၤအီၤန့ၣ်လဲၣ်.

လံာ်သးသယုၢ်တၢ် 2:13

ဝ့ၢ်ယရူၤၡလ့ၣ်, ဝ့ၢ်ယရူၤၡလ့ၣ်လၢဘၣ်တၢ်အဲၣ်အီၤဧၢ, ယစံးတၢ်မနုၤကသ့လဲၣ်. ယမၤမုာ်ထီၣ်နၤကသ့ဒ်လဲၣ်. ပှၤတတူၢ်ဘၣ်တၢ်ဒ်သိးအံၤနီတဂၤဘၣ်. နတၢ်နးတၢ်ဖှီၣ်န့ၣ်အကတၢၢ်တအိၣ်ဘၣ်ဒ်ပီၣ်လဲၣ်ဖးဒိၣ်အသိးဒီး တၢ်မုၢ်လၢ်အိၣ်ထီၣ်တသ့ဘၣ်နီတမံၤဘၣ်.

လံာ်ယဃ့းစက့လး 37:11

ကစၢ်ယွၤစံးဘၣ်ယၤ, “ပှၤကညီလၢအသံသ့ဧၢ, ကီၢ်အံၣ်စရ့လးအပှၤဂီၢ်မုၢ်လီၤဂာ် ဒီးတၢ်ဃံတၢ်ကွဲတဖၣ်အံၤလီၤ. အဝဲသ့ၣ်စံးဝဲလၢအဝဲသ့ၣ်ဃ့ထီကွံာ်လံ, တအိၣ်ဒီးတၢ်မုၢ်လၢ်နီတမံၤဒီးခါဆူညါလၢအဂီၢ်တအိၣ်ဘၣ်.

လံာ်ဟိၤၡ့ 5:13

ဖဲကီၢ်အံၣ်စရ့လးထံၣ်ဝဲလၢအဘၣ်ဆူးဘၣ်ဆါ ဒ်လဲၣ်ဒီးကီၢ်ယူဒၤထံၣ်အတၢ်ပူၤလီၢ်ပူၤကျဲဒၣ်ဝဲတဖၣ်န့ၣ် ဒီးကီၢ်အံၣ်စရ့လးလဲၤဝဲဒၣ်ဆူကီၢ်အၤၡူၢ်အအိၣ်လၢကဃ့ တၢ်မၤစၢၤလၢစီၤပၤဖးဒိၣ်အအိၣ်, ဘၣ်ဆၣ်အဝဲဒၣ်ဒုးအိၣ်ဆူၣ်အိၣ်ချ့ထီၣ်အဝဲသ့ၣ်မ့ၢ်ဂ့ၤ, မၤဘျါအဝဲသ့ၣ်အပူၤလီၢ်ပူၤကျဲတဖၣ်မ့ၢ်ဂ့ၤတန့ၢ်ဘၣ်.

လံာ်မံကၤ 1:9

ၡၤမရံအပူၤလီၢ်ပူၤကျဲတဖၣ်ဘျါတသ့ဘၣ်. ကီၢ်ယူဒၤစ့ၢ်ကီးဘူးတ့ၢ်မးကတူၢ်ဘၣ်တၢ်တမံၤဃီလီၤ. တၢ်ဟးဂူာ်ဟးဂီၤဟဲတ့ၢ်တုၤဒၣ်လဲာ်ဆူဝ့ၢ်ယရူၤၡလ့ၣ်အတြဲၤ ဖးဒိၣ်တဖၣ်ဖဲယပှၤဂီၢ်မုၢ်အိၣ်ဆိးဝဲအလီၢ်လီၤ.”

လံာ်နၤဃူၣ် 3:19

ကသံၣ်ဖီၣ်တအိၣ်ဘၣ်နီတမံၤလၢနတၢ်ဘၣ်ဒိဘၣ်ထံးတဖၣ် အဂီၢ်ဘၣ်. ဒီးနပူၤလီၢ်ပူၤကျဲတဖၣ်ဘျါက့ၤတသ့ဘၣ်. ကယဲၢ်ပှၤလၢအနၢ်ဟူနတၢ်ဟးဂီၤအကစီၣ်တဖၣ် န့ၣ်ဒဲအစုလၢတၢ်သူၣ်ဖှံသးညီအပူၤန့ၣ်လီၤ. အဂ့ၢ်ဒ်အံၤ, ပှၤကပူၤဖျဲးလၢနတၢ်မၤအၢမၤသီအကတၢၢ်တအိၣ်ဘၣ်န့ၣ်တ အိၣ်ဘၣ်တ့ၢ်နီတဂၤဘၣ်.