လံာ်ယံးရမံယၤ 30:11 - Sgaw Karen Common Bible

¹¹ ယကဟဲဆူသုအိၣ်ဒီး အုၣ်က့ၤခီၣ်က့ၤသုန့ၣ်လီၤ. ယတမၤဟးဂီၤကွံာ်သုဘၣ်. ယတပျဲပူၤသုလၢ တၢ်စံၣ်ညီၣ်ဘၣ်. ဘၣ်ဆၣ်ဖဲယစံၣ်ညီၣ်သုန့ၣ်, ယကမၤအီၤဖဲ အတီအဘၣ်လီၤ. ယၤ, ယွၤအံၤ, ကတိၤလံတၢ်လံ.”

လံာ်ယံးရမံယၤ 30:11 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 24:12

“လဲၤဒီးတဲဘၣ်စီၤဒၤဝံးလၢယဟ့ၣ်အီၤတၢ်သၢမံၤလၢကဃုထၢဝဲအဂီၢ်လီၤ. တၢ်တမံၤဂ့ၤတမံၤဂ့ၤလၢအဃုထၢဝဲန့ၣ်ယကမၤ ယဲဒၣ်လီၤ.” မုၢ်ဆ့ၣ်ထီၣ်တနံၤဖဲစီၤဒၤဝံးမံဂဲၤဆၢထၢၣ်လၢအလီၢ်မံပူၤ အလီၢ်ခံန့ၣ်,

စံးထီၣ်ပတြၢၤ 6:1

ယွၤဧၢ, သိၣ်ဃီၣ်ယၤလၢနတၢ်သးဒိၣ်အပူၤတဂ့ၤ, ဒီးစံၣ်ညီၣ်ဃၣ်ယၤလၢနတၢ်သးကဲၤထီၣ် အပူၤန့ၣ်တဂ့ၤ.

လံာ်တၢ်ဟးထီၣ်ကွံာ် 34:7

ယဟံးဃာ်ယတၢ်အၢၣ်လီၤအီလီၤလၢပှၤအစိၤအကထိတဖၣ်အဂီၢ်, ဒီးပျၢ်တၢ်အၢတၢ်သီဒီးတၢ်ဒဲးဘး, ဘၣ်ဆၣ်ဒီး, ယတလီၤတူာ်လီၤကာ်ဘၣ်လၢယကစံၣ်ညီၣ်ဖိ တဖၣ်ဒီးလံၤတဖၣ်တုၤလၢသၢစိၤတစိၤဒီးလွံၢ်စိၤတစိၤလၢအဝဲသ့ၣ်အမိၢ်အပၢ်တဖၣ် အတၢ်ဒဲးဘးအဃိန့ၣ်ဘၣ်.”

လံာ်ယၡါယၤ 43:25

အန့ၣ်ဒၣ်လဲာ်, ယမ့ၢ်ကစၢ်ယွၤလၢအပျၢ်နတၢ်ဒဲးဘးတဖၣ် ဒီးယမၤတၢ်အံၤမ့ၢ်လၢယမ့ၢ်ပှၤလၢယမ့ၢ်အဃိလီၤ. ယတစၢဃာ်နတၢ်ဒဲးဘးတဖၣ်ထီဒါနၤဘၣ်.

လံာ်ယၡါယၤ 8:10

မၤသုတၢ်ကူၣ်ထီၣ်ဖးလီၤတဖၣ်တက့ၢ်. ဘၣ်ဆၣ်ဒီးကဲထီၣ်လိၣ်ထီၣ်တသ့နီတစုဘၣ်. ဖဲသုသးအိၣ်ကတိၤတၢ်န့ၣ်, ကတိၤတက့ၢ်. ဘၣ်ဆၣ်ဒီးတၢ်န့ၣ်မ့ၢ်တၢ်ကလီကလီခဲလၢာ်လီၤ. အဂ့ၢ်ဒ်အံၤ, ယွၤအိၣ်ဒီးပှၤလီၤ.

လံာ်ယံးရမံယၤ 1:19

ဘၣ်ဆၣ်ဒီးမုၢ်မဆါတနံၤအံၤ, ယဟ့ၣ်လီၤလံနၤတၢ်ဂံၢ်တၢ်ဘါ လၢနကတြီဆၢအဝဲသ့ၣ်အဂီၢ်လီၤ. နကလီၤဂာ်ဒီးဝ့ၢ်တဝ့ၢ်လၢ အဘၣ်တၢ်မၤကျၢၤအီၤလၢတိာ်ဧိၤတာ်ဧိၤ, ထးအထူၣ်တထူၣ်, ဒီးတၢ်အခိၣ်ဒူတိၢ်ဘီတခါန့ၣ်လီၤ. အဝဲသ့ၣ်တမၤနၢၤမၤဃၣ် နၤဘၣ်. အဂ့ၢ်ဒ်အံၤ, ယကအိၣ်ဒီးနၤလၢယကဒီဒၣ်အိၣ်ပှိၤနၤ အဂီၢ်လီၤ. ယၤ, ယွၤအံၤယကတိၤလံတၢ်လံ.”

လံာ်ယံးရမံယၤ 1:8

ပျံၤအဝဲသ့ၣ်တဂ့ၤ. အဂ့ၢ်ဒ်အံၤ, ယကအိၣ်ဒီးနၤလၢယကဒီဒၣ် အိၣ်ပှိၤနၤအဂီၢ်လီၤ. ယၤ, ယွၤအံၤ, ကတိၤတ့ၢ်လံတၢ်လံ.”

လံာ်ယံးရမံယၤ 10:24

ယွၤဧၢ, ဘှီဂ့ၤဘှီဘၣ်နပှၤဂီၢ်မုၢ်တက့ၢ်. ဘၣ်ဆၣ်ဒီးတဘၣ်မၤပှၤဆူၣ်ဆူၣ်ကိၤကိၤမ့ၢ်ဂ့ၤ, စံၣ်ညီၣ်ပှၤမ့ၢ်ဂ့ၤဖဲနသးဒိၣ်ထီၣ်အခါတဂ့ၤ. တၢ်န့ၣ်ကမ့ၢ်ဘၣ်ဖုးတၢ်အကတၢၢ်လၢပဂီၢ်လီၤ.

လံာ်ယံးရမံယၤ 15:20

ယကဒုးကဲထီၣ်နၤဒ်တၢ်အဒူၣ်တိၢ်ဘီနီၢ်နီၢ်လၢအကျၢၤတခါလၢ ပှၤဂီၢ်မုၢ်အံၤအမဲာ်ညါန့ၣ်လီၤ. အဝဲသ့ၣ်ကဒုးတၢ်ထီဒါနၤ, ဘၣ်ဆၣ်ဒီးအဝဲသ့ၣ်တမၤနၢၤဘၣ်နၤဘၣ်. ယကအိၣ်ဒီးနၤလၢ တၢ်ဒီဒၣ်အိၣ်ပှိၤနၤအဂီၢ်ဒီးမၤပူၤမၤဖျဲးနၤန့ၣ်လီၤ.

လံာ်ယံးရမံယၤ 4:27

(ယွၤစံးတ့ၢ်ဝဲလၢဟီၣ်ခိၣ်ဒီဘ့ၣ်ညါကကဲထီၣ်တၢ်လီၢ်အိၣ်သယုၢ်, ဘၣ်ဆၣ်, အဝဲတမၤဟးဂီၤကွံာ်အီၤလၢာ်လၢာ်ဆ့ဆ့ဘၣ်)

လံာ်ယံးရမံယၤ 5:10

ယဆှၢလီၤဒုၣ်ဒါတဖၣ်လၢကကျီလီၤကွံာ် ယပှၤဂီၢ်မုၢ်အစပံးအလီၢ်တဖၣ်, ဘၣ်ဆၣ်ဒီးတမ့ၢ်လၢကဘၣ်မၤဟးဂီၤကွံာ်ဝဲ လၢာ်လၢာ်ဆ့ဆ့ဘၣ်. ယကတဲဘၣ်အဝဲသ့ၣ်လၢကပဲာ်တဲာ်ကွံာ်အဒ့တဖၣ်, မ့ၢ်လၢဒ့တဖၣ်အံၤတမ့ၢ်ယတၢ်ဘၣ်အဃိလီၤ.

လံာ်ယံးရမံယၤ 5:18

ယွၤစံးဝဲဒၣ်, “လၢမုၢ်နံၤဒ်န့ၣ်အသိးအပူၤတဖၣ်ဒၣ်လဲာ်, ယတမၤ ဟးဂီၤကွံာ်ယပှၤဂီၢ်မုၢ်လၢာ်လၢာ်ဆ့ဆ့ဘၣ်.

လံာ်သးသယုၢ်တၢ် 3:22

ယွၤအတၢ်အဲၣ်ဒီးအတၢ်သးကညီၤလၢအတလီၤ တူၢ်လီၤကာ်ဘၣ်န့ၣ်အကတၢၢ်တအိၣ်ဘၣ်,

လံာ်ယဃ့းစက့လး 11:13

ဖဲယကတိၤတၢ်လၢဝံအကျိာ်အဖၢမုၢ်န့ၣ်, စီၤပလၤတယၤလီၤဃံၤသံဝဲလီၤ. ယထိၣ်လီၤဃံၤအီထီလာ်ယသးလၢဟီၣ်ခိၣ်လိၤဒီးကိးသတြီထီၣ်, ယွၤပၢဘၣ်တၢ်ဘၣ်တ့ခဲလၢာ်ကစၢ်ဧၢ, တဘၣ်မၤဒ်န့ၣ်တဂ့ၤ. မ့ၢ်နမၤသံပှၤကိးဂၤဒဲးလၢအအိၣ်လီၤတဲာ်လၢကီၢ်အံၣ်စရ့လး အပူၤအံၤန့ၣ်ဧါ.

လံာ်ယဃ့းစက့လး 6:8

ယကပျဲပှၤတနီၤပူၤဖျဲးကွံာ်လၢတၢ်မၤသံမၤဝီဒီးမၤလီၤပြံလီၤပြါအဝဲသ့ၣ်လၢပှၤကလုာ်တဖၣ်အကျါ,

လံာ်ဟိၤၡ့ 11:9

ယတစံၣ်ညီၣ်နၤလၢယတၢ်သးထီၣ်အပူၤဘၣ်. ယတမၤဟးဂီၤကဒီးလၢၤကီၢ်အံၣ်စရ့လးန့ၣ်ဘၣ်. အဂ့ၢ်ဒ်အံၤ, ယမ့ၢ်ကစၢ်ယွၤဒီးတမ့ၢ်ဘၣ်ပှၤကညီဘၣ်. ယၤ, တၢ်စီဆှံတဂၤ. အိၣ်ဒီးနၤလီၤ. ယတဟဲဆူနအိၣ်လၢတၢ်သးထီၣ်အပူၤန့ၣ်ဘၣ်.

လံာ်တၢ်ဘူၣ်ထီၣ်ဘါထီၣ် 26:44

ဘၣ်ဆၣ်ဒီး, အန့ၣ်ဒၣ်လဲာ်, ဖဲအဝဲသ့ၣ်အိၣ်ဒံးလၢအဒုၣ်အဒါတဖၣ် အကီၢ်ပူၤအခါန့ၣ်, ယတညိကွံာ်ဒီးမၤဟးဂီၤအဝဲသ့ၣ်လၢာ်လၢာ်ဆ့ဆ့ဘၣ်. တၢ်န့ၣ်ကမၤကတၢၢ်ကွံာ်ယတၢ်အၢၣ်လီၤအီလီၤဒီးအဝဲသ့ၣ်ဒီးယတၢ်မ့ၢ်ယွၤ, အဝဲသ့ၣ်အကစၢ်ယွၤန့ၣ်လီၤ.

လံာ်မးသဲ 1:23

“မုၣ်ကနီၤတဂၤကဒၢထီၣ်ဒီးကဆံးစၢ်န့ၢ်အဖိခွါတဂၤဒီး အဝဲကဘၣ်တၢ်ကိးအီၤလၢဧံးမၤနူၤအ့လး” (အခီပညီန့ၣ်ကစၢ်ယွၤအိၣ်ဒီးပှၤ) လီၤ(ၡါ. ၇:၁၄).

လံာ်မးသဲ 28:20

ဒီးသိၣ်လိသီလိအဝဲသ့ၣ်လၢအကတိၢ်န့ၢ်ဒီး မၤထွဲတၢ်လၢယမၤလိာ်တ့ၢ်သုကိးမံၤဒဲးန့ၣ်တက့ၢ်. ဒီးယကအိၣ်ဒီးသုထီဘိ တုၤတၢ်အစိၤကတၢၢ်တစုန့ၣ်လီၤ.”

မၤတၢ် 18:10

အဂ့ၢ်ဒ်အံၤယအိၣ်ဒီးနၤလီၤ. ပှၤမၤဆူးမၤဆါနၤတသ့နီတဂၤဘၣ်. အဂ့ၢ်မ့ၢ်လၢပှၤအါဒံအါဂၤလၢဝ့ၢ်တဖျၢၣ်အံၤအပူၤမ့ၢ်ယပှၤဂီၢ်မုၢ် အဃိလီၤ.”

လံာ်သိၣ်လီၤသီလီၤတၢ် 4:31

အဝဲမ့ၢ်ကစၢ်ယွၤတဂၤလၢအသူၣ်ကညီၤသးကညီၤတၢ်လီၤ. အဝဲတပာ်လီၤတဲာ်ကွံာ်သုမ့ၢ်ဂ့ၤ, မၤဟးဂီၤသုမ့ၢ်ဂ့ၤဘၣ်. ဒီးအဝဲတသးပ့ၤနီၣ်တၢ်အၢၣ်လီၤအီလီၤလၢအနီၢ်ကစၢ်ဒၣ်ဝဲ မၤတ့ၢ်ဒီးသုမိၢ်ပၢ်ဖံဖုလၢပျၢၤတဖၣ်န့ၣ်ဘၣ်.

၂ တံၤမသ့း 4:22

မ်ကစၢ်အိၣ်ဒီးနသးတက့ၢ်. မ်ယွၤအဘျုးအဖှိၣ်အိၣ်ဒီးသုခဲလၢာ်တက့ၢ်.