လံာ်ယံးရမံယၤ 3:6 - Sgaw Karen Common Bible

⁶ ဖဲစီၤယိၤၡံယၤကဲထီၣ်စီၤပၤအဆၢကတီၢ်န့ၣ်, ယွၤစံးဘၣ်တ့ၢ်ယၤ, “ကီၢ်အံၣ်စရ့လး, ပိာ်မုၣ်လၢအသးတတီတဂၤ, မၤတ့ၢ်တၢ်မနုၤ လဲၣ်န့ၣ်မ့ၢ်နထံၣ်တ့ၢ်လံစ့ၢ်ကီးဧါ. အဝဲဃၣ်ယံၤကွံာ်အသးလၢ ယၤဒီးလၢကယဲၢ်တၢ်လူၢ်အထီကိးလူၢ်ဒဲးအလိၤဒီးကယဲၢ်သ့ၣ်လါဟ့ ကိးထူၣ်ဒဲးအဖီလာ်န့ၣ်, အဝဲမၤတ့ၢ်အသးဒ်ဃဲသဲမုၣ်တဂၤအ သိးန့ၣ်လီၤ.

လံာ်ယံးရမံယၤ 3:6 Iomraidhean Croise

လံာ်စီၤပၤအခီၣ်ထံးတဘ့ၣ် 14:23

အဝဲသ့ၣ်ဘှီထီၣ်တၢ်ဘူၣ်ထီၣ်ဘါထီၣ်အလီၢ်တဖၣ်လၢယွၤကဘျံးကဘျၣ် တဖၣ်အဂီၢ်ဒီးပာ်ထီၣ်လၢၢ်ထူၣ်တဖၣ်, ကစၢ်မုၣ်အၡ့ရၤအပနီၣ်လၢကဘူၣ်ထီၣ်ဘါထီၣ်ဝဲလၢကစၢၢ်ကလိအလိၤ မ့ၢ်ဂ့ၤ, သ့ၣ်အကဒုတဖၣ်အဖီလာ်မ့ၢ်ဂ့ၤန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 34:1

စီၤယိၤၡံယၤကဲထီၣ်ကီၢ်ယူဒၤအစီၤပၤဖဲအသးအိၣ်ဃိးနံၣ်, ဒီးအဝဲပၢတ့ၢ်တၢ်ဖဲဝ့ၢ်ယရူၤၡလ့ၣ်အပူၤသၢဆံတနံၣ်န့ၣ်လီၤ.

စံးထီၣ်ပတြၢၤ 106:39

အဝဲသ့ၣ်မၤတကဆှီအသးလၢ အတၢ်မၤတဖၣ်အဃိ, ဒီးတသးတီဒီး ကစၢ်ယွၤန့ၣ်ဘၣ်.

လံာ်ယၡါယၤ 57:3

သုဝဲပှၤတၢ်ဒဲးဘးဖိသ့ၣ်ဧၢ, ဟဲဖဲအံၤလၢတၢ်ကစံၣ်ညီၣ်သု အဂီၢ်တက့ၢ်. သုတဂ့ၤန့ၢ်ဒံးပှၤသ့အူတၢ်သမူတၢ်တဖၣ်, ပှၤမၤကမၣ်မုၣ်ကမၣ်ခွါတဖၣ်, ဒီးပိာ်မုၣ်ဟးဂီၤတဖၣ်န့ၣ်ဘၣ်.

လံာ်ယၡါယၤ 57:7

သုလဲၤထီၣ်ဆူကစၢၢ်ထီၣ်ထီတဖၣ်အလိၤလၢသုကလုၢ်ထီၣ် ပာ်ထီၣ်တၢ်အဂီၢ်ဒီးမံဃုာ်အိၣ်ဃုာ်လိာ်သုသးအဂီၢ်န့ၣ်လီၤ.

လံာ်ယံးရမံယၤ 1:2

ယွၤကတိၤတၢ်ဒီးစီၤယံးရမံယၤဖဲကီၢ်ယူဒၤအစီၤပၤ, စီၤအၤမိၣ် အဖိခွါစီၤယိၤၡံယၤပၢတၢ်တဆံသၢနံၣ်တနံၣ်, အပူၤန့ၣ်လီၤ.

လံာ်ယံးရမံယၤ 11:10

အဝဲသ့ၣ်က့ၤကဒါက့ၤဆူအမိၢ်ပၢ်ဖံဖုလၢပျၢၤ တဖၣ်ပှၤတဖၣ်လၢတဒိကနၣ်တၢ်လၢယစံးဘၣ်တ့ၢ်အီၤ, အတၢ်ဒဲးဘးတဖၣ်အအိၣ်န့ၣ်လီၤ. အဝဲသ့ၣ်ဘူၣ်ထီၣ်ဘါထီၣ်ကစၢ်အဂၤတဖၣ်လီၤ. ပှၤကီၢ်အံၣ်စရ့လးဖိဒီးပှၤကီၢ်ယူဒၤဖိခံဖုလိာ်အံၤမၤဟးဂီၤကွံာ် တၢ်အၢၣ်လီၤအီလီၤလၢယမၤတ့ၢ်ဒီးအဝဲသ့ၣ် အမိၢ်ပၢ်ဖံဖုလၢပျၢၤတဖၣ်န့ၣ်လီၤ.

လံာ်ယံးရမံယၤ 17:2

သုပှၤဂီၢ်မုၢ်ဘူၣ်ထီၣ်ဘါထီၣ်တၢ်ဖဲတၢ်လုၢ်လီၢ်တဖၣ်ဒီးတၢ်ပနီၣ်တဖၣ် လၢအဘၣ်တၢ်ပာ်လီၤအီၤလၢကစၢ်မုၣ်အၡ့ရၤအဂီၢ်, လၢသ့ၣ်ထူၣ် သံကစဲာ်ကိးထူၣ်ဒဲးအကပၤ, လၢတၢ်လူၢ်တဖၣ်အဒီခိၣ်,

လံာ်ယံးရမံယၤ 3:8

ကီၢ်ယူဒၤထံၣ်ဘၣ်စ့ၢ်ကီးလၢယပာ်မၢ်ကွံာ်ကီၢ်အံၣ်စရ့လးဒီး ဆှၢဖျိးကွံာ်အီၤ, မ့ၢ်လၢအဝဲဃၣ်ကွံာ်အသးလၢယၤဒီး ကဲထီၣ်က့ၤပှၤဃဲသဲမုၣ်တဂၤအဃိလီၤ. ဘၣ်ဆၣ်ဒီး, ကီၢ်ယူဒၤ လၢအမ့ၢ်ကီၢ်အံၣ်စရ့လးအဒီပုၢ်ဝဲၢ်မုၣ်လၢအသးတတီဘၣ်န့ၣ်, တပျံၤဘၣ်တၢ်ဘၣ်. အဝဲဒၣ်စ့ၢ်ကီးကဲထီၣ်ပှၤဃဲသဲမုၣ်တဂၤ,

လံာ်ယံးရမံယၤ 31:22

သုကမၤယံာ်မၤနီၢ်သုသးဆံးယံာ်လဲၣ်, ပှၤဂီၢ်မုၢ်လၢ အတၢ်နာ်တအိၣ်ဘၣ်သ့ၣ်ဧၢ, ယတ့လီၤတ့ၢ်တၢ်အသီဒီး လီၤဆီတမံၤ, လီၤဆီဝဲဒ်သိးသိး ပိာ်မုၣ်တဂၤဒီ ဒၣ်အိၣ် ပှိၤပိာ်ခွါတဂၤန့ၣ်လီၤ.

လံာ်ယံးရမံယၤ 5:11

ကီၢ်အံၣ်စရ့လးဒီးကီၢ်ယူဒၤအပှၤဂီၢ်မုၢ်တဖၣ် သမၢကွံာ်ယၤလၢာ်လၢာ်ဆ့ဆ့လီၤ. ယၤ, ယွၤအံၤ, ကတိၤလံတၢ်လံ.”

လံာ်ယံးရမံယၤ 7:24

ဘၣ်ဆၣ်ဒီးအဝဲသ့ၣ်တစူၢ်တၢ်မ့ၢ်ဂ့ၤ, တကနၣ်ဃုာ်တၢ်မ့ၢ်ဂ့ၤန့ၣ် ဘၣ်. အခိၣ်တလိာ်, တၢ်တမံၤလၢ်လၢ်လၢအဝဲသ့ၣ်အသးလၢ အကိၤဒီးအအၢတဖၣ်မၢအီၤလၢကမၤဝဲန့ၣ်, အဝဲသ့ၣ်မၤတ့ၢ်ဝဲသတး ဒီး, လၢအဝဲသ့ၣ်ကဂ့ၤထီၣ်အလီၢ်န့ၣ်, အၢသီဒိၣ်ထီၣ်တခီန့ၣ်လီၤ.

လံာ်ယဃ့းစက့လး 16:31

လၢကျဲဘိကိးဘိဒဲးအလိၤန့ၣ်, နသူၣ်ထီၣ်ဘှီထီၣ်တၢ်လီၢ်တဖၣ် လၢတၢ်ဘူၣ်ထီၣ်ဘါထီၣ်တၢ်ဂီၤတၢ်ဖီၣ်တဖၣ်အဂီၢ်ဒီးမၤပှၤဃဲသဲ မုၣ်အတၢ်မၤန့ၣ်လီၤ. ဘၣ်ဆၣ်ဒီးတမ့ၢ်နဃုကျိၣ်ဃုစ့ဒ်ပှၤဃဲသဲမုၣ် ပတီၢ်မုၢ်တဂၤအသိးန့ၣ်ဘၣ်.

လံာ်ယဃ့းစက့လး 16:35

မ့မ့ၢ်ဒ်န့ၣ်ဒီးခဲကနံၣ်အံၤ, ဝ့ၢ်ယရူၤၡလ့ၣ်, ပှၤဃဲသဲမုၣ်ဧၢ, ကနၣ်တၢ်လၢယွၤစံးဝဲန့ၣ်တက့ၢ်.

လံာ်ယဃ့းစက့လး 20:28

ယဆှၢဃီၤအဝဲသ့ၣ်ဆူကီၢ်တဘ့ၣ်လၢယအၢၣ်လီၤတ့ၢ်တၢ်လၢ ယကဟ့ၣ်လီၤအဝဲသ့ၣ်န့ၣ်လီၤ. ဖဲအဝဲသ့ၣ်ထံၣ်ဘၣ်တၢ်လူၢ်အထီတဖၣ်ဒီးသ့ၣ်လါဟ့တဖၣ်န့ၣ်, အဝဲသ့ၣ်လုၢ်ထီၣ်တၢ်လုၢ်တၢ်ပာ်တဖၣ် ဖဲတၢ်လီၢ်ခဲလၢာ်န့ၣ်လီၤ. အဝဲသ့ၣ်မၤဒိၣ်ထီၣ်ယသးခီဖျိ တၢ်လုၢ်တၢ်ပာ်တဖၣ်လၢအဆိၣ်ကဲၤထီၣ်ဝဲဒီးစပံးထံတဖၣ်လၢအဟဲ စိာ်ဝဲဒ်တၢ်လုၢ်မၤဘူၣ်အသိးအဃိန့ၣ်လီၤ.

လံာ်ယဃ့းစက့လး 23:11

အဒီပုၢ်ဝဲၢ်မုၢ်နီၢ်အိၤဟိလံဘၤထံၣ်ဘၣ်တၢ်အံၤနာ်သက့, အဝဲအတၢ်သးကတၢဒီးအတၢ်မ့ၢ်ပှၤဃဲသဲမုၣ်န့ၣ်, အါဒိၣ်န့ၢ်ဒံးနီၢ်အိၤဟိလၤမ့ၢ်တ့ၢ်ဝဲတက့ၢ်န့ၣ်လီၤ.

လံာ်ယဃ့းစက့လး 23:4

အဒိၣ်တဂၤအမံၤမ့ၢ်ဝဲနီၢ်အိၤဟိလၤ (အဝဲမ့ၢ်ဝ့ၢ်ၡၤမရံအခၢၣ် စး) ဒီးအဆံးတဂၤအမံၤမ့ၢ်ဝဲနီၢ်အိၤဟိလံဘၤ (အဝဲမ့ၢ်ဝ့ၢ်ယရူၤ ၡလ့ၣ်အခၢၣ်စး) န့ၣ်လီၤ. ယဖျီတ့ၢ်ယသးဒီးအဝဲသ့ၣ်ခံဂၤလၢာ်ဒီးအဝဲသ့ၣ်ဆံးစၢ်န့ၢ်ယၤ ဖိတဖၣ်န့ၣ်လီၤ.

လံာ်ဟိၤၡ့ 11:7

အဝဲသ့ၣ်ဃၣ်ကပၤကွံာ်အသးသပှၢ်ပှၢ်လၢယအိၣ်လီၤ. အဝဲသ့ၣ်ကဟီၣ်တၢ်ယၢၤတၢ်လၢနီၣ်ယိးဘိလၢအအိၣ်လၢအလိၤအဃိ, ဘၣ်ဆၣ်ပှၤတစိာ်ထီၣ်ကွံာ်ဘၣ်တၢ်န့ၣ်လၢအဝဲသ့ၣ်အလိၤနီတဂၤဘၣ်.

လံာ်ဟိၤၡ့ 4:13

လၢအတၢ်လီၢ်စီဆှံတဖၣ်လၢကစၢၢ်ဒီခိၣ်တဖၣ်န့ၣ်, အဝဲသ့ၣ်လုၢ်ထီၣ်တၢ်လုၢ်တၢ်ပာ်တဖၣ်, ဒီးလၢတၢ်လူၢ်ဒီခိၣ်တဖၣ် န့ၣ်အဝဲသ့ၣ်ဆိၣ်ကဲၤတၢ်နၢမူလၢသ့ၣ်သ့ထိးဖၣ်, သ့ၣ်လးဘန့ၤဒီးဃီၤမုၢ်ပျဲၤတဖၣ်လၢအထီဒီးသလၣ်လီၤအသးအဖီ လာ်, မ့ၢ်လၢအတၢ်ကဒုန့ၣ်မုာ်သူၣ်မုာ်သးဒိၣ်မးအဃိလီၤ. လၢတၢ်န့ၣ်အဃိ, သုဖိမုၣ်တဖၣ်မၤတၢ်ဒ်ပှၤဃဲသဲမုၣ်တဖၣ်ဒီးသုဒဲၣ်မုၣ်တဖၣ်မၤ တၢ်မၤကမၣ်မုၣ်ကမၣ်ခွါန့ၣ်လီၤ.

လံာ်ပှၤစံၣ်ညီၣ်ကွီၢ် 2:17

ဘၣ်ဆၣ်ဒီးပှၤအံၣ်စရ့လးဖိတဖၣ်တကနၣ်ဃုာ်အခိၣ်အနၢ်တဖၣ်ဘၣ်. ကီၢ်အံၣ်စရ့လးဖိအသးတတီဒီးယွၤဘၣ်ဒီးဘူၣ်ထီၣ်ဘါထီၣ်ကစၢ်အဂၤတဖၣ်န့ၣ်လီၤ. အဝဲသ့ၣ်အပၢ်တဖၣ်ဒိကနၣ်ယွၤအတၢ်မၤလိာ်တဖၣ်ဘၣ်ဆၣ်ဒီး ပှၤအသီတစိၤအံၤတမၤဘၣ်ဝဲဒ်န့ၣ်ဘၣ်လီၤ.