လံာ်ယံးရမံယၤ 3:3 - Sgaw Karen Common Bible

³ လၢတၢ်န့ၣ်အဃိ, တၢ်တြီဃာ်တၢ်စူၤထံတဖၣ်ဒီးတၢ်စူၤထံလၢ တၢ်မဲထီၣ်အခါတဟဲလၢၤစ့ၢ်ကီးဘၣ်န့ၣ်လီၤ. ပကွၢ်နၤလီၤဂာ်ဒၣ်လဲာ်ဒီးဃဲသဲမုၣ်တဂၤ ဒီးနတၢ်မဲာ်ဆှးတအိၣ်ဘၣ်န့ၣ်လီၤ.

လံာ်ယံးရမံယၤ 3:3 Iomraidhean Croise

လံာ်တၢ်ကဲထီၣ်အခီၣ်ထံး 19:34

လၢခံတနံၤန့ၣ်အဖိမုၣ်အဒိၣ်တဂၤစံးဘၣ်အဒီပုၢ်ဝဲၢ်မုၣ်, “ယမံဃုာ် ဒီးအီၤလၢမုၢ်နၤကၢၣ်န့ၣ်လီၤ. ဒီးခဲကနံၣ်အံၤပကဒုးအီမူၤကဒီးအီၤတနၤအံၤဒီးနဲဒၣ်မံ ဃုာ်ဒီးအီၤတက့ၢ်. အန့ၣ်ဒီးပဝဲတဂၤစုာ်စုာ်ပကအိၣ်ဒီးပဖိတဂၤစုာ်စုာ်ခီဖျိ ပပၢ်န့ၣ်လီၤ.”

လံာ်စီၤနဃ့မယၤ 9:17

အဝဲသ့ၣ်ဂ့ၢ်လိာ်ဝဲလၢကစူၢ်တၢ်, အဝဲသ့ၣ်သးပ့ၤနီၣ်ကွံာ်တၢ်လၢနမၤတ့ၢ်ခဲလၢာ်လီၤ. အဝဲသ့ၣ်သးပ့ၤနီၣ်ကွံာ်လံတၢ်လီၤလးတဖၣ်လၢနမၤတ့ၢ်ဝဲ န့ၣ်လီၤ. လၢအတၢ်ပာ်ထီၣ်ထီသးအပူၤန့ၣ်အဝဲသ့ၣ်ဃုထၢအခိၣ်အနၢ်တဂၤလၢ ကဆှၢကဒါက့ၤအဝဲသ့ၣ်ဆူတၢ်မၢကဲကုၢ်အလီၢ်လၢကီၢ်အဲၤကူပတူး အပူၤန့ၣ်လီၤ. ဘၣ်ဆၣ်နမ့ၢ်နဲကစၢ်ယွၤတဂၤလၢအပျၢ်တၢ်ကမၣ်, နပှဲၤဒီးတၢ်ဘျုးတၢ်ဖှိၣ်ဒီးတၢ်အဲၣ်, ဒီးနတသးထီၣ်ညီကဒၣ်ဘၣ်. နတၢ်သူၣ်ကညီၤသးကညီၤန့ၣ်ဒိၣ်ဝဲဒီးနတလဲၤသဒၣ်အဝဲသ့ၣ်ဘၣ်.

တၢ်ကတိၤဒိ. 21:29

ပှၤတီပှၤလိၤတဖၣ်နာ်လီၤအသးကျၢၤမူဆှုလီၤ. မ့မ့ၢ်, ပှၤတတီတလိၤတဖၣ်ကဘၣ်ပာ်မၤအသးအဂ့ၤကတၢၢ်တသ့ဖဲအသ့ န့ၣ်လီၤ.

လံာ်ယၡါယၤ 5:6

ယကပျဲနီၣ်ဧိၤမံၤဧိၤခဲဘၢအီၤလီၤ. ယတပဲာ်ဟိကဆှီစပံးမုၢ် တဖၣ်ဒီးဖျးကဖီထီၣ်ဟီၣ်ခိၣ်ဘၣ်. အခိၣ်တလိာ်ယကပျဲတၤဆှုၣ်တၤမဲကးဘၢအီၤလီၤ. ယကတြီဒၣ်လဲာ်တၢ်အၢၣ်တဖၣ် ဒ်သိးအသုတပျဲတၢ်စူၤလီၤလၢအဖီခိၣ်တဂ့ၤအဂီၢ်လီၤ.”

လံာ်ယံးရမံယၤ 14:1

ဘၣ်ထွဲဒီးတၢ်ယီၤဃ့န့ၣ်, ယွၤစံးဘၣ်ယၤဒ်အံၤ,

လံာ်ယံးရမံယၤ 14:22

ပှၤကလုာ်တဖၣ်အတၢ်ဂီၤတၢ်ဖီၣ်တဖၣ်လၢအဒုးစူၤလီၤတၢ်သ့န့ၣ်, တအိၣ်ဘၣ်. မူကပိာ်လိၤအကစၢ်ဒၣ်ဝဲဒုးလီၤသဖှံၣ်မူခိၣ်ထံ တသ့စ့ၢ်ကီးဘၣ်. အိ, ယွၤပကစၢ်ယွၤဧၢ, ပပာ်ပတၢ်မုၢ်လၢ်လၢနပူၤလီၤ. အဂ့ၢ်ဒ်အံၤ, နမ့ၢ်ပှၤတဂၤလၢအမၤတၢ်သ့ၣ်တဖၣ်အံၤန့ၣ်လီၤ.

လံာ်ယံးရမံယၤ 14:3

ပှၤထူးပှၤတီၤတဖၣ်မၢလီၤအကုၢ်အပှၤတဖၣ် လၢကလဲၤဃုမၤန့ၢ်ထံအဂီၢ်လီၤ. အဝဲသ့ၣ်လဲၤဆူထံပူၤတဖၣ်, ဘၣ်ဆၣ်တထံၣ်န့ၢ်ထံနီတစဲးဘၣ်. အဝဲသ့ၣ်ဟဲက့ၤကဒါက့ၤဒီးအသပၢၤထံတဖၣ်လၢအအိၣ်ကလီန့ၣ်လီၤ. လၢတၢ်သးဟးဂီၤဒီးသးကဒံကဒါအပူၤ, အဝဲသ့ၣ်မၤဘၢအမဲာ်သၣ်တဖၣ်န့ၣ်လီၤ.

လံာ်ယံးရမံယၤ 14:4

မ့ၢ်လၢတၢ်တစူၤဘၣ် ဒီးဟီၣ်ခိၣ်ဃ့ထီကွံာ်အဃိ, ပှၤထူစံာ်ဖိတဖၣ်အသးလီၤစၢ်လီၤဘဲဝဲ ဒီးမၤဘၢအမဲာ်သၣ်တဖၣ်န့ၣ်လီၤ.

လံာ်ယံးရမံယၤ 36:2

“ဟံးန့ၢ်လံာ်တထူဒီး ကွဲးလီၤကယဲၢ်တၢ်ခဲလၢာ်လၢ ယတဲဘၣ်တ့ၢ်နၤဘၣ်ဃး ကီၢ်အံၣ်စရ့လးဒီး ကီၢ်ယူဒၤဒီး ပှၤကလုာ်ခဲလၢာ်အဂ့ၢ်, လၢအလိၤန့ၣ် တက့ၢ်. ကွဲးလီၤတၢ်ခဲလၢာ်လၢ ယတဲဘၣ်နၤ, စးထီၣ် အဆိကတၢၢ်လၢ ယကတိၤတ့ၢ်တၢ်ဒီး နၤဖဲစီၤယိၤၡံယၤ ကဲစီၤပၤဒီး တုၤလီၤလၢ ဆၢကတီၢ်ခဲအံၤန့ၣ်တက့ၢ်.

လံာ်ယံးရမံယၤ 5:24

ယဆှၢလီၤန့ၢ်သုတၢ်စူၤထံလၢတၢ်သူၣ် လီၤတၢ်ဒီးတၢ်မဲထီၣ်သၣ်ထီၣ်အကတီၢ်အဂီၢ်, ဒီးဟ့ၣ်သုတၢ်ကူး က့ၤတၢ်အကတီၢ်တနံၣ်ဘၣ်တနံၣ်ဒၣ်လဲာ်န့ၣ်, သုတဆိကမိၣ်လၢသုကယူးယီၣ်ယၤန့ၣ်ဘၣ်.

လံာ်ယံးရမံယၤ 5:25

အခိၣ်တလိာ်, သုတၢ်ဒဲးဘးတဖၣ်တြီကွံာ်ပာ်ကွံာ်တၢ်အဂ့ၤ တဖၣ်အံၤလၢသုလီၤ.

လံာ်ယံးရမံယၤ 5:3

သပှၢ်ကတၢၢ်ယွၤကွၢ်ဃုတၢ်သူၣ်တီသးလိၤန့ၣ်လီၤ. အဝဲဒိတီၢ်သုဘၣ်ဆၣ်သုတပာ်လ့ၤပာ်ကဲအီၤဘၣ်. အဝဲမၤသဘှံးသုဘၣ်ဆၣ်သုတမၤလိန့ၢ်တၢ်ဘၣ်. သုခိၣ်ကိၤဒီးသုတဃၣ်ကွံာ်သုသးလၢသုတၢ်ဒဲးဘးတဖၣ်ဘၣ်.

လံာ်ယံးရမံယၤ 6:15

လၢအဝဲသ့ၣ်မၤတ့ၢ်တၢ်လီၤသးဘၣ်အၢဒ်သိးအံၤတဖၣ်အဃိ, မ့ၢ်အဝဲသ့ၣ်အမဲာ်ကဆှးကစီဒီဧါ. တမဲာ်ဆှးဘၣ်. အဝဲသ့ၣ်တမဲာ်ဆှးလ့ၤတက့ၤဘၣ်. အဝဲသ့ၣ်တသ့ၣ်ညါဒၣ်လဲာ်လၢကဘၣ် မဲာ်ကိၢ်နါကိၢ်ဘၣ်. လၢတၢ်န့ၣ်အဃိ, အဝဲသ့ၣ်ကလီၤဃံၤဝဲ ဒ်ပှၤတဖၣ်လီၤဃံၤတ့ၢ်ဝဲအသိးန့ၣ်လီၤ. ဖဲယစံၣ်ညီၣ်အဝဲသ့ၣ် န့ၣ်, တၢ်န့ၣ်ကမ့ၢ်တၢ်အကတၢၢ်လၢအဝဲသ့ၣ်အဂီၢ်လီၤ. ယၤ, ယွၤအံၤကတိၤလံတၢ်လံ.”

လံာ်ယံးရမံယၤ 8:12

ယပှၤဂီၢ်မုၢ်သ့ၣ်ဧၢ, လၢသုမၤတ့ၢ်တၢ်လီၤသးဘၣ်အၢဒ်သိးအံၤ တဖၣ်အဃိ, မ့ၢ်သုတမဲာ်ဆှးတ့ၢ်ဘၣ်ဧါ. သုတမဲာ်ဆှး လ့ၤတက့ၤဘၣ်. သုတသ့ၣ်ညါဘၣ်ဒၣ်လဲာ်လၢသုကဘၣ်မဲာ်ကိၢ်နါကိၢ်ဒ်လဲၣ်န့ၣ်ဘၣ်. လၢတၢ်န့ၣ်အဃိသုကလီၤဃံၤဝဲဒ်ပှၤဂၤတဖၣ် လီၤဃံၤဝဲအသိးန့ၣ်လီၤ. ဖဲယစံၣ်ညီၣ်သုန့ၣ်, အဝဲန့ၣ်ကမ့ၢ်တၢ်အကတၢၢ်လၢသုဂီၢ်လီၤ. ယၤ, ယွၤအံၤ, ကတိၤလံတၢ်လံ.”

လံာ်ယံးရမံယၤ 9:12

ယသံကွၢ်တၢ်, “ယွၤဧၢ, ဘၣ်မနုၤအဃိထံကီၢ်ဘၣ်တၢ်မၤဟးဂီၤ ကွံာ်အီၤဒီးဃ့ထီကွံာ်ဝဲဒ်မဲးမုၢ်ခိၣ်အသိး တုၤဒၣ်လဲာ်ပှၤတလဲၤခီဂာ်အီၤနီတဂၤန့ၣ်လဲၣ်. မတၤအိၣ်ဒီးတၢ်ကူၣ်သ့အလၢအပှဲၤလၢကနၢ်ပၢၢ်တၢ်အံၤန့ၣ်လဲၣ်. ဒ်သိးအဝဲတဲပှၤကသ့အဂီၢ်, ပှၤလၢနတဲဖျါထီၣ်တၢ်လၢအီၤန့ၣ်, မ့ၢ်မတၤလဲၣ်.”

လံာ်ယဃ့းစက့လး 3:7

ဘၣ်ဆၣ်ဒီး, ကီၢ်အံၣ်စရ့လး အပှၤဂီၢ်မုၢ်တမ့ၢ်ကသးအိၣ်ဒိကနၣ်နၤ နီတဂၤဘၣ်, အဝဲသ့ၣ် တမ့ၢ်ကဒိကနၣ်ယၤဒၣ်လဲာ်န့ၣ်ဘၣ်. အဝဲသ့ၣ်ခဲလၢာ်မ့ၢ် ပှၤအခိၣ်အကိၤဒီး ခီၣ်ဆၢတၢ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 26:19

ဒီးယကမၤကၢ်ကွံာ်သုသးထီၣ်ထီန့ၣ်လီၤ. တၢ်တစူၤလၢၤဘၣ်ဒီးသုဟီၣ်ခိၣ်ကဃ့ထီကွံာ်ဝဲဒ်ထးအသိးန့ၣ်လီၤ.

လံာ်ဧၤမိၣ် 4:7

ယတြီဃာ်တၢ်ဟဲစူၤဖဲသုတၢ်မုၢ်တၢ်ဘိတဖၣ်လိၣ်ဘၣ်အီၤ အဒိၣ်ကတၢၢ်အကတီၢ်န့ၣ်လီၤ. ယဒုးဟဲစူၤလီၤတၢ်လၢဝ့ၢ်တ ဖျၢၣ်အဖီခိၣ်ဘၣ်ဆၣ်တြီဃာ်တၢ်စူၤလၢဝ့ၢ်အဂၤတဖျၢၣ်အဖီခိၣ် လီၤ. တၢ်ဟဲစူၤလီၤလၢဟီၣ်ခိၣ်တကဝီၤအဖီခိၣ်ဘၣ်ဆၣ်ဟီၣ်ခိၣ်အဂၤ တကဝီၤလၢတၢ်တဟဲစူၤဘၣ်န့ၣ်ဃ့ထီကွံာ်ဝဲလီၤ.

လံာ်ဧၤမိၣ် 4:8

ပှၤဂီၢ်မုၢ်လၢဝ့ၢ်အါဖျၢၣ်န့ၣ်လီၤဘှံးဝဲလၢတၢ်သူ အသးလၢထံသတးဒီးလဲၤဆူဝ့ၢ်တဖျၢၣ်အိၣ်ဒီးတၢ်မုၢ်လၢ်လၢ ကထံၣ်န့ၢ်ထံလီၤ. ဘၣ်ဆၣ်ထံတအိၣ်လၢကဘျဲးအီဝဲအဂီၢ်ဘၣ်. ဘၣ်ဆၣ်ဒီးသုတဟဲက့ၤကဒါက့ၤဆူယအိၣ်ဘၣ်.

လံာ်စဖါနယၤ 2:1

ပှၤကလုာ်လၢအတၢ်မဲာ်ဆှးတအိၣ်ဘၣ်ဧၢ, အိၣ်ဒီးတၢ်သးဆး,

လံာ်စဖါနယၤ 3:5

ဘၣ်ဆၣ်ယွၤအိၣ်ဒံးဝဲလၢဝ့ၢ်ပူၤ, မၤတၢ်လၢအဘၣ်ဒီးတၢ်လၢအကမၣ်န့ၣ်တမၤဝဲနီတစုဘၣ်. အဝဲဟဲစိာ်တၢ်တီတၢ်လိၤဆူအပှၤဂီၢ်မုၢ်အအိၣ်ကိးမုၢ်ဂီၤဒဲး ဒီးတလီၤတဲာ်တူာ်ဘၣ်. အန့ၣ်ဒၣ်လဲာ်ပှၤတတီတလိၤမၤဒံးတၢ် ကမၣ်ဒီးအမဲာ်တဆှးဘၣ်ဝဲဘၣ်.

လံာ်ဃးကဲ 1:11

ယမၢလီၤတ့ၢ်တၢ်ယီၤဃ့လီၤဘၣ်လၢထံဧိၤကီၢ်ဧိၤအလိၤ, လၢအတၢ်လူၢ်တဖၣ်အလိၤ, စံာ်ဧိၤပျီဧိၤ, စပံးလီၢ်တဖၣ်ဒီးသ့ၣ်စၤယံးအကရၢၢ်တဖၣ်အလိၤ, လၢကယဲၢ်တၢ်မုၢ်တၢ်ဘိလၢဟီၣ်ခိၣ်ဒုးမဲထီၣ်တဖၣ်အလိၤ, လၢပှၤကညီတဖၣ်ဒီးဆၣ်ဖိကီၢ်ဖိတဖၣ်အလိၤ, လၢတၢ်ကိးမံၤဒဲးလၢသုကျဲးစၢးသူၣ်လီၤဖျးလီၤအလိၤန့ၣ်လီၤ.”

လံာ်သိၣ်လီၤသီလီၤတၢ် 28:23

တၢ်တဟဲစူၤလီၤဘၣ်နီတစဲးဘၣ်, ဒီးသုဟီၣ်ခိၣ်တဖၣ်ကကိၤထီၣ် ဝဲဒ်ထးအသိးန့ၣ်လီၤ.

ဧ့ၤဘြံၤ 12:25

ပလီၢ်သုသးဒ်သိးသုသုတဂ့ၢ်လိာ်ဘှီလိာ်ဘၣ်ပှၤလၢအကတိၤ တၢ်တဂၤန့ၣ်တဂ့ၤ. အဂ့ၢ်ဒ်အံၤ, ပှၤလၢအဂ့ၢ်လိာ်ဘှီလိာ်ပှၤလၢအဟ့ၣ်ထီၣ်ကစၢ်ယွၤ အတၢ်ကစီၣ်လၢဟီၣ်ခိၣ်ချၢတဂၤအံၤ, ဃ့ၢ်ပူၤကွံာ်အသးတန့ၢ်ဘၣ်. မ့မ့ၢ်ဒ်န့ၣ်ဒီး, ပှၤလၢအဂ့ၢ်လိာ်ပှၤလၢအကတိၤတၢ်လၢမူခိၣ် တဂၤန့ၣ်, ဃ့ၢ်ပူၤဖျဲးအသးတသ့ဘၣ်ဒိၣ်ဒၣ်တၢ်တက့ၢ်လီၤ.