လံာ်ယံးရမံယၤ 3:25 - Sgaw Karen Common Bible

²⁵ ပကြၢးမံလီၤလၢတၢ်မဲာ်ဆှးအပူၤဒီးပျဲတၢ်လၢအမၤမဲာ်ဆှးပှၤ ကးဘၢပှၤန့ၣ်လီၤ. ပဝဲဒီးပမိၢ်ပၢ်ဖံဖုလၢပျၢၤတဖၣ်မၤတ့ၢ် တၢ်ဒဲးဘးထီဒါယွၤ, ပကစၢ်ယွၤထီဘိတထံၣ်ဃီလီၤ. ပတစူၢ်တ့ၢ်အဝဲအတၢ်မၤလိာ်တဖၣ်နီတစုဘၣ်.”

လံာ်ယံးရမံယၤ 3:25 Iomraidhean Croise

စံးထီၣ်ပတြၢၤ 106:6

ပမၤလံတၢ်ဒဲးဘးဒ်ပပၢ်တဖၣ် မၤတ့ၢ်ဝဲအသိး ပမၤကမၣ်တ့ၢ်တၢ်ဒီး အိၣ်မူအၢအၢသီသီန့ၣ်လီၤ.

စံးထီၣ်ပတြၢၤ 106:7

ပမိၢ်ပၢ်ဖံဖုလၢပျၢၤတဖၣ်, လၢကီၢ်အဲၤကူပတူးအပူၤန့ၣ် တနၢ်ပၢၢ်ကစၢ်ယွၤအတၢ်မၤလီၤလးတဖၣ်န့ၣ်ဘၣ်. အဝဲသ့ၣ်သးပ့ၤနီၣ်ကွံာ် လၢကစၢ်ယွၤ ဒုးနဲၣ်တ့ၢ်အီၤအတၢ်အဲၣ်အါဘျီ, ဒီးပူထီၣ်ထီဒါတၢ်ထီကတၢၢ်ယွၤလၢ ပီၣ်လဲၣ်ဂီၤန့ၣ်လီၤ.

စံးထီၣ်ပတြၢၤ 109:29

မ်ယဒုၣ်ယဒါတဖၣ်ဘၣ်တၢ်ကျၢၢ်ဘၢအီၤလၢ တၢ်မၤမဲာ်ဆှးန့ၣ်တက့ၢ်. မ်အဝဲသ့ၣ်ကသိးထီၣ်အတၢ်မဲာ်ဆှး လီၤဂာ်ဒ်ဆ့ကၤတဘ့ၣ်အသိးန့ၣ်တက့ၢ်.

တၢ်ကတိၤဒိ. 13:18

ပှၤတဂၤလၢအတမၤလိတၢ်ဘၣ်န့ၣ်, ကဖှီၣ်လီၤယာ်လီၤဝဲဒီးကဘၣ် တၢ်မဲာ်ဆှးလီၤ. မ့မ့ၢ်ပှၤတဂၤလၢ်လၢ်လၢအဒိကနၣ်တၢ်သိၣ်က့ၤသီ က့ၤအီၤန့ၣ်, ဘၣ်တၢ်ယူးယီၣ်ပာ်ကဲအီၤလီၤ.

တၢ်ကတိၤဒိ. 5:13

ပတဒိကနၣ်တ့ၢ်ပသရၣ်တဖၣ်ဘၣ်. ဒီးပတကနၣ်ဃုာ်အဝဲသ့ၣ်တဖၣ်နီ တစဲးဘၣ်.

လံာ်ယၡါယၤ 48:8

ယသ့ၣ်ညါတ့ၢ်လၢတၢ်နာ်န့ၢ်သုတသ့ဘၣ်. သုဘၣ်တၢ်သ့ၣ်ညါတ့ၢ်သုထီဘိဒ်ပှၤပူထီၣ် တၢ်အသိးလီၤ. တၢ်န့ၣ်မ့ၢ်လၢသုတနၢ်ဟူတ့ၢ်တၢ်ဂ့ၢ်အံၤနီတဘျီနီတစုဘၣ်အဃိ ဒီး မ့ၢ်လၢတၢ်ကတိၤတတုၤအိၣ်သုနၢ်တဖၣ်နီတဖျၢၣ်နီတဘျီဘၣ်အဃိ န့ၣ်လီၤ.

လံာ်ယၡါယၤ 50:11

သုဝဲခဲလၢာ်လၢအကူၣ်ထီၣ်မၤဟးဂီၤကွံာ်ပှၤတဖၣ်န့ၣ်, သုကဘၣ်တၢ်မၤဟးဂီၤကွံာ်သုလၢသုတၢ်ကူၣ်ဟးဂီၤဒၣ်ဝဲ တဖၣ်န့ၣ်လီၤ. ယွၤအကစၢ်ဒၣ်ဝဲကဒုးကဲထီၣ်တၢ်အံၤလီၤ. သုကတူၢ်ဘၣ်တၢ်ဟဲဝံနးနးကျံးကျံးန့ၣ်လီၤ.

လံာ်ယံးရမံယၤ 11:13

ကီၢ်ယူဒၤအပှၤဂီၢ်မုၢ်အိၣ်ဒီးအကစၢ်တဖၣ်အါမးဒ်အဝဲသ့ၣ် အိၣ်ဒီးအဝ့ၢ်တဖၣ်အသိး, ဒီးပှၤလၢအအိၣ်ဝဲဆိးဝဲလၢဝ့ၢ်ယရူၤၡလ့ၣ် အပူၤတဖၣ်မၤထီၣ်တၢ်လုၢ်လီၢ်တဖၣ်, လၢတၢ်လုၢ်ထီၣ်ပာ်ထီၣ် တၢ်ဆူအကစၢ်ဘဧၤလးအအိၣ်အဂီၢ်, အါဝဲပှဲၤသိးကျဲအဘိတဖၣ် လၢဝ့ၢ်အပူၤန့ၣ်လီၤ.

လံာ်ယံးရမံယၤ 12:13

ယပှၤဂီၢ်မုၢ်သူၣ်လီၤတ့ၢ်ဘုကၠူၣ်ဘၣ်ဆၣ်ကူး က့ၤနီၣ်ဧိၤမံၤဧိၤလီၤ. အဝဲသ့ၣ်မၤတၢ်ဆူၣ်မးဘၣ်ဆၣ်တမၤန့ၢ် တၢ်နီတမံၤဘၣ်. လၢယတၢ်သးကဲၤထီၣ်အဃိ, အဝဲသ့ၣ်အတၤသူတၤသၣ် တကဲထီၣ်လိၣ်ထီၣ်ဝဲဘၣ်.”

လံာ်ယံးရမံယၤ 14:20

ယွၤဧၢ, ပမၤတ့ၢ်တၢ်ဒဲးဘးထီဒါနၤလီၤ. ပအၢၣ်လီၤပတၢ်ဒဲးဘးဒၣ်ပဝဲတဖၣ် ဒီးပမိၢ်ပၢ်ဖံဖုလၢပျၢၤတဖၣ်အတၢ်ဒဲးဘးတဖၣ်န့ၣ်လီၤ.

လံာ်ယံးရမံယၤ 14:7

ယပှၤဂီၢ်မုၢ်ကိးထီၣ်ယၤ, ယွၤဧၢ, ဒ်နအၢၣ်လီၤတ့ၢ်ပှၤအသိး, မၤစၢၤပှၤတက့ၢ်. ပဃၣ်ကွံာ်ပသးလၢနၤအါဘျီလံ. ပမၤတ့ၢ်တၢ်ဒဲးဘးထီဒါနၤလီၤ.

လံာ်ယံးရမံယၤ 2:17

ကီၢ်အံၣ်စရ့လးဧၢ, နဒုးဘၣ်လီၤဒၣ်နဲနသးလၢတၢ်အံၤလီၤ. နလဲၤသဒၣ်တ့ၢ်ယၤ, ယွၤနကစၢ်ယွၤ, ဖဲယဆှၢနၤလၢကျဲဒီဘိအဖၢမုၢ်လီၤ.

လံာ်ယံးရမံယၤ 2:19

နတၢ်အၢတၢ်သီဒၣ်နဲကစံၣ်ညီၣ်နၤ, ဒီးနတၢ်ဃၣ်ကွံာ်နသးလၢယၤ ကစံၣ်ညီၣ်ဃၣ်နၤ, နတၢ်လဲၤသဒၣ်ကွံာ်ယၤဒီးနတၢ်သူၣ်တီသးရၤဒီး ယၤလၢအတအိၣ်လၢၤဘၣ်န့ၣ်, ကဒုးမၤလိန့ၢ်နၤ, တၢ်လၢအခၣ် နးမးဒီးကမၣ်ဝဲန့ၣ်လီၤ. ယၤ, ယွၤပၢဘၣ်တၢ်ခဲလၢာ်ဒီး သ့တၢ်လၢာ်ကစၢ်, ကတိၤလံတၢ်လံ.”

လံာ်ယံးရမံယၤ 2:2

လၢယကတဲဖျါတၢ်ကစီၣ်လၢလာ် အံၤဆူပှၤကိးဂၤဒဲးလၢဝ့ၢ်ယရူၤၡလ့ၣ်အပူၤန့ၣ်လီၤ. “ယသ့ၣ်နီၣ်ထီၣ်က့ၤနသးတီတ့ၢ် ဒီးယၤဆံးအါဖဲနသးစၢ်ဒံးအခါ, ဒီးနအဲၣ်တ့ၢ်ယၤဒ်လဲၣ်ဖဲပဒိးတ့ဒိးဖျီပသး အဆၢကတီၢ်န့ၣ်လီၤ. နပိာ်တ့ၢ်ယခံ, လဲၤခီဖျိမဲးမုၢ်ခိၣ်လဲၤခီဖျိထံကီၢ်တဘ့ၣ်လၢ တၢ်ချံတဖှံဘၣ်အသးဘၣ်န့ၣ်လီၤ.

လံာ်ယံးရမံယၤ 2:26

ယွၤစံးဝဲ, “ဒ်တၢ်ဘျၣ်တဂၤဘၣ်တၢ်မၤမဲာ်ဆှးအီၤဖဲတၢ်ဖီၣ် န့ၢ်အီၤအသိးန့ၣ်, သူဝဲကီၢ်အံၣ်စရ့လးအပှၤဂီၢ်မုၢ်ခဲလၢာ်ကဘၣ် တၢ်မၤမဲာ်ဆှးအီၤ, ဃုာ်ဒီးသုစီၤလိာ်စီၤပၤတဖၣ်, သုပဒိၣ်ပပှၢ် တဖၣ်, ဒီးသုဝံတဖၣ်န့ၣ်လီၤ.

လံာ်ယံးရမံယၤ 20:18

ဘၣ်မနုၤအဃိယအိၣ်ဖျဲၣ်ထီၣ်လဲၣ်. မ့ၢ်အမ့ၢ်ဒၣ်ထဲလၢယကအိၣ်ဒီး တၢ်ကိၢ်တၢ်ဂီၤဒီးတၢ်သူၣ်အုးသးအုးလၢ ကမၤကတၢၢ်ကွံာ်ယတၢ်အိၣ်မူလၢတၢ်မဲာ်ဆှးအပူၤအဂီၢ်ဧိၤန့ၣ်ဧါ.

လံာ်ယံးရမံယၤ 22:21

ယွၤကတိၤတၢ်ဒီးနၤဖဲနဘီၣ်ထီၣ်ညီထီၣ်အခါ, ဘၣ်ဆၣ်နတဒိကနၣ်ဘၣ်. တၢ်န့ၣ်မ့ၢ်တၢ်လၢနမၤတ့ၢ်အီၤလၢနသးသမူဒီကတီၢ်ညါလီၤ. နတစူၢ်ဘၣ်ယွၤနီတစုဘၣ်.

လံာ်ယံးရမံယၤ 3:13

ထဲ, သ့ၣ်ညါအၢၣ်လီၤလၢနမၤကမၣ်ဘၣ်တၢ်ဒီးနပူထီၣ်တၢ်ထီဒါ ယွၤ, နကစၢ်ယွၤန့ၣ်တက့ၢ်. အၢၣ်လီၤနတၢ်ကမၣ်လၢနဟ့ၣ်တ့ၢ် နတၢ်အဲၣ်ဆူတခီဘီမုၢ်အကစၢ်တဖၣ်လၢသ့ၣ်လါဟ့ကိးထူၣ်ဒဲး အဖီလာ်, ဒီးလၢနတစူၢ်ယတၢ်မၤလိာ်တဖၣ်ဘၣ်န့ၣ်တက့ၢ်. ယၤ, ယွၤအံၤ, ကတိၤလံတၢ်လံ.

လံာ်ယံးရမံယၤ 31:19

ပဃၣ်ကွံာ်တ့ၢ်ပသးလၢ နအိၣ်, ဘၣ်ဆၣ် တစိၢ်ဖိဝံၤဒီး ပအဲၣ်ဒိး ဟဲက့ၤကဒါက့ၤလီၤ. ဖဲနစံၣ်ညီၣ်ပှၤဝံၤအလီၢ်ခံန့ၣ်, ပဆုးလီၤပခိၣ်တဖၣ်လၢ တၢ်သးအုးအပူၤလီၤ. ပမဲာ်ဆှးဒီး တၢ်မၤမဲာ်ဆှးပှၤ, မ့ၢ်လၢပမၤတ့ၢ်တၢ်ဒဲးဘးဖဲ ပသးစၢ်ဒံးအခါ အဃိန့ၣ်လီၤ.’

လံာ်ယံးရမံယၤ 6:26

ယွၤစံးဘၣ်အပှၤဂီၢ်မုၢ်, “ကူထီၣ်ကၤထီၣ်ထၢၣ်တၢ်ကံးယာ်ဒီး ထွၣ်တလ့ၣ်သုသးလၢဖၣ်ဆါကျါတက့ၢ်. ဟီၣ်တၢ်ယၢၤတၢ်နးနးကလဲာ်ဒ်သုကမၤအီၤလၢသုဖိခွါထဲတဂၤဧိၤ အဂီၢ်အသိးန့ၣ်တက့ၢ်. အဂ့ၢ်ဒ်အံၤ, ပှၤလၢအကဟဲလၢက မၤဟးဂီၤနၤတဂၤန့ၣ်, ကဟဲဒုးတၢ်သတူၢ်ကလာ်လီၤ.

လံာ်ယံးရမံယၤ 7:19

ဘၣ်ဆၣ်ဒီး, မ့ၢ်ယမ့ၢ်နီၢ်နီၢ်ပှၤတဂၤလၢအဝဲသ့ၣ်မၤဘၣ်ဒိဘၣ်ထံးဝဲန့ၣ်ဧါ. တမ့ၢ်ဘၣ်. အဝဲသ့ၣ်မၤဘၣ်ဒိဘၣ်ထံးလီၤဒၣ်အသး ဒၣ်ဝဲဒီးမၤမဲာ်ဆှးလီၤက့ၤအသးဒၣ်ဝဲတခီန့ၣ်လီၤ.

လံာ်ယံးရမံယၤ 8:14

ယွၤအပှၤဂီၢ်မုၢ်သံကွၢ်တၢ်, “ဘၣ်မနုၤအဃိပဆ့ၣ်နီၤအိၣ်ဃိက လာ်န့ၣ်လဲၣ်. ဟဲမီၤ, ပကလဲၤဃ့ၢ်ဆူဝ့ၢ်တဖၣ်လၢအအိၣ်ဒီးတိာ်ဧိၤ တာ်ဧိၤ, ဒီးသံဖဲန့ၣ်လီၤ. ယွၤ, ပကစၢ်ယွၤ, စံၣ်ညီၣ်ဃၣ်တ့ၢ်ပှၤလၢပကသံအဂီၢ်လံ. အဝဲဟ့ၣ်လီၤပှၤစုၣ်လၢ ပကအီအဂီၢ်, မ့ၢ်လၢပမၤတၢ်ဒဲးဘးထီဒါအီၤအဃိန့ၣ်လီၤ.

လံာ်ယံးရမံယၤ 9:18

ပှၤဂီၢ်မုၢ်စံးဝဲဒၣ်, “တဲဘၣ်အဝဲသ့ၣ်လၢကမၤချ့ချ့ဒီးသးဝံၣ် တၢ်သံအတၢ်သးဝံၣ်တယုၢ်လၢပဂီၢ် တုၤလၢပမဲာ်ချံတဖၣ်ပှဲၤဝဲဒီးမဲာ်ထံမဲာ်နိ ဒီးပမဲာ်ဖံးတဖၣ်ဘၣ်စီၣ်ဘၣ်သ့လၢတၢ်ဟီၣ်တၢ်ယၢၤ အဃိန့ၣ်တက့ၢ်.”

လံာ်သးသယုၢ်တၢ် 5:16

ပကပာ်ကဖၢလၢသးအဂီၢ်တၢ်တအိၣ်လီၤတဲာ်တ့ၢ်ဘၣ်နီတမံၤဘၣ်. ပမၤတ့ၢ်တၢ်ဒဲးဘးဒီးခဲအံၤပဘၣ်တၢ်စံၣ်ညီၣ်ဃါမနၤန့ၣ်လီၤ.

လံာ်သးသယုၢ်တၢ် 5:7

ပမိၢ်ပပၢ်လၢပျၢၤတဖၣ်မၤတ့ၢ်တၢ်ဒဲးဘးဘၣ်ဆၣ်ခဲအံၤအဝဲသ့ၣ် သံလၢာ်လံ. ဒီးပတူၢ်ဘၣ်တၢ်လၢအဝဲသ့ၣ်အတၢ်ဒဲးဘးတဖၣ်အဃိလီၤ.

လံာ်ယဃ့းစက့လး 2:3

“ပှၤကညီလၢအသံသ့ဧၢ, ယမၢလီၤနၤဆူကီၢ်အံၣ်စရ့လးအပှၤဂီၢ် မုၢ်အအိၣ်လီၤ. အဝဲသ့ၣ်ပူထီၣ်တၢ်ဒီးဃၣ်ကွံာ်အသးထီဒါယၤ, ဒီးမ့ၢ်ဒံးဒၣ်ပှၤပူထီၣ်တၢ်ဖိတဖၣ်ဒ်သိးဒၣ်အမိၢ်ပၢ်ဖံဖု လၢပျၢၤတဖၣ်မ့ၢ်တ့ၢ်ဝဲန့ၣ်လီၤ.

လံာ်ယဃ့းစက့လး 36:32

ကီၢ်အံၣ်စရ့လးဧၢ, ယအဲၣ်ဒိးလၢနကသ့ၣ်ညါလၢ, တမ့ၢ် ယမၤတၢ်သ့ၣ်တဖၣ်ခဲလၢာ်အံၤလၢနဃိဘၣ်. ယအဲၣ်ဒိးလၢ နကကလၢၢ်ဘၣ်တၢ်မဲာ်ဆှးဒီးတၢ်လီၤမဲာ်ဆှးလၢနမၤအီၤတဖၣ် န့ၣ်လီၤ. ယၤ, ယွၤပၢဘၣ်တၢ်ခဲလၢာ်ကစၢ်ကတိၤလံတၢ်လံ.”

လံာ်ယဃ့းစက့လး 44:13

အဝဲသ့ၣ်တဘၣ်မၤယတၢ်မၤဒ်ပှၤလုၢ်တၢ်အခိၣ်အသိးမ့ၢ်ဂ့ၤ, တဘၣ်လဲၤဘူးဒီးတၢ်တမံၤလၢ်လၢ်လၢအစီဆှံလၢယဂီၢ်မ့ၢ်ဂ့ၤ, တဘၣ်လဲၤနုာ်ဆူတၢ်လီၢ်စီဆှံကတၢၢ်မ့ၢ်ဂ့ၤန့ၣ်ဘၣ်. တၢ်အံၤမ့ၢ်တၢ်စံၣ်ညီၣ်လၢတၢ်လီၤသးဘၣ်အၢ အတၢ်မၤတဖၣ်လၢအဝဲသ့ၣ်မၤတ့ၢ်အီၤအဂီၢ်န့ၣ်လီၤ.

လံာ်ယဃ့းစက့လး 7:18

အဝဲသ့ၣ်ကကူထီၣ်ကၤထီၣ်ထၢၣ်တၢ်ကံးယာ်ဒီးအဝဲသ့ၣ်ကကနိး ကစုာ်ဝဲဒီဂၤညါန့ၣ်လီၤ. အခိၣ်တဖၣ်ကဘၣ်တၢ်လူၤကွံာ်အီၤ, ဒီးအဝဲသ့ၣ်ခဲလၢာ်ကဘၣ်တၢ်မၤမဲာ်ဆှးအီၤန့ၣ်လီၤ.

လံာ်ဒၤနံးယ့လး 12:2

ဒီးပှၤအါဂၤလၢအသံတ့ၢ်လံတဖၣ်ကမူထီၣ်က့ၤဝဲ, တနီၤဆူတၢ်မူအထူအယိာ်ဒီးတနီၤဆူတၢ်မဲာ်ဆှးဒီးတၢ်လီၤ သးဘၣ်အၢအထူအယိာ်န့ၣ်လီၤ.

လံာ်ဟိၤၡ့ 9:10

ယွၤစံးဝဲဒၣ်, ဖဲယထံၣ်ကီၢ်အံၣ်စရ့လးအဆိကတၢၢ်အခါန့ၣ် လီၤဂာ်ဒ်တၢ်ထံၣ်န့ၢ်စပံးသၣ်တဖၣ်မဲထီၣ်လၢပှၢ် မုၢ်ကနၢအပူၤအသိးန့ၣ်လီၤ. ဖဲယထံၣ်ဘၣ်သုမိၢ်ပၢ်ဖံဖုလၢပျၢၤတဖၣ်အဆိကတၢၢ် အခါန့ၣ်, လီၤဂာ်ဒ်တၢ်ထံၣ်ဘၣ်သ့ၣ်ချၢၣ်ဒၢသၣ်အမံဆိလၢအဆၢကတီၢ်ဘၣ်ဝဲ အခါန့ၣ်လီၤ. ဘၣ်ဆၣ်တုၤအဝဲသ့ၣ်ဟဲဆူကစၢၢ်ဘဧၤလးပဧိၤန့ၣ်စး ထီၣ်ဘါထီၣ်သီဘဧၤလး, ဒီးတယံာ်ဘၣ်န့ၣ်မၤအသးလီၤသးဘၣ်အၢဒ် ယွၤတဖၣ်လၢအဝဲသ့ၣ်အဲၣ်ဝဲအသိးန့ၣ်လီၤ.

လံာ်စဖါနယၤ 1:17

ယွၤစံးဝဲဒၣ်, “ယကဟဲစိာ်တၢ်ဟးဂူာ်ဟးဂီၤဒ်သိးအံၤတဖၣ်ဆူ ပှၤဟီၣ်ခိၣ်ဖိခဲလၢာ်အလိၤဒ်သိးပှၤကိးဂၤဒဲး ကဃုပုာ်ကလၢၢ်တၢ်ဒ်ပှၤမဲာ်ဘျီၣ်တဂၤအသိးန့ၣ်လီၤ. အဝဲသ့ၣ်မၤတ့ၢ်တၢ်ဒဲးဘးထီဒါယၤ, ဒီးခဲကနံၣ်အံၤအသွံၣ်ကဘၣ် တၢ်လူလီၤအီၤဒ်ထံအသိး, ဒီးအစိၣ်တဖၣ်အိၣ်မံလီၤလၢ ဟီၣ်ခိၣ်လိၤအုၣ်သံကျၣ်သံဝဲဒၣ်န့ၣ်လီၤ.”

ရိမ့ၤ 6:21

တၢ်လၢသုမၤတ့ၢ်ဒီးသုမဲာ်ဆှးက့ၤလၢအဃိခဲအံၤ တဖၣ်အဘျုးလၢသုဂီၢ်အိၣ်မနုၤလဲၣ်. တၢ်တဖၣ်န့ၣ် အကတၢၢ်မ့ၢ်တၢ်သံလီၤ.

လံာ်ပှၤစံၣ်ညီၣ်ကွီၢ် 2:2

သုတဘၣ်မၤတၢ်အၢၣ်လီၤအီလီၤဒီးပှၤဂီၢ်မုၢ်အိၣ်လၢကီၢ်အံၤ အပူၤဘၣ်. သုကဘၣ်မၤလီၤပှီၢ်ကွံာ်အတၢ်လုၢ်လီၢ်တဖၣ်လီၤ. ဘၣ်ဆၣ်ဒီးသုတမၤဒ်ယစံးတ့ၢ်သုအသိးဘၣ်. သုမၤတၢ်လၢ အထီဒါယၤတခီလီၤ.